| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
9. யதா²கம்மூபக³தஞாணகதா²வண்ணனா
9. Yathākammūpagatañāṇakathāvaṇṇanā
377. இதா³னி யதா²கம்மூபக³தஞாணகதா² நாம ஹோதி. தத்த² யேஸங் ‘‘இதி தி³ப்³பே³ன சக்கு²னா விஸுத்³தே⁴ன…பே॰… யதா²கம்மூபகே³ ஸத்தே பஜானாதீ’’தி (தீ³॰ நி॰ 1.246; படி॰ ம॰ 1.106) ஸுத்தங் அயோனிஸோ க³ஹெத்வா யதா²கம்மூபக³தஞாணமேவ தி³ப்³ப³சக்கு²ந்தி லத்³தி⁴, தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. புன யதா²கம்மூபக³தஞ்ச மனஸி கரோதீதி புட்டோ² ஏகசித்தஸ்ஸ ஆரம்மணத்³வயாபா⁴வா படிக்கி²பதி. து³தியங் புட்டோ² நானாசித்தவஸேன படிஜானாதி. புன லேஸோகாஸங் அத³த்வா த்³வின்னங் ப²ஸ்ஸானந்தி புட்டோ² படிக்கி²பதி. இதி யதா² இமினா யதா²கம்மூபக³தபதே³ன, ஏவமேவ இமே வத பொ⁴ந்தோ , ஸத்தாதிஆதி³பதே³ஹிபி ஸத்³தி⁴ங் யோஜனாஸு அத்தோ² வேதி³தப்³போ³.
377. Idāni yathākammūpagatañāṇakathā nāma hoti. Tattha yesaṃ ‘‘iti dibbena cakkhunā visuddhena…pe… yathākammūpage satte pajānātī’’ti (dī. ni. 1.246; paṭi. ma. 1.106) suttaṃ ayoniso gahetvā yathākammūpagatañāṇameva dibbacakkhunti laddhi, te sandhāya pucchā sakavādissa, paṭiññā itarassa. Puna yathākammūpagatañca manasi karotīti puṭṭho ekacittassa ārammaṇadvayābhāvā paṭikkhipati. Dutiyaṃ puṭṭho nānācittavasena paṭijānāti. Puna lesokāsaṃ adatvā dvinnaṃ phassānanti puṭṭho paṭikkhipati. Iti yathā iminā yathākammūpagatapadena, evameva ime vata bhonto, sattātiādipadehipi saddhiṃ yojanāsu attho veditabbo.
378. ஆயஸ்மா ஸாரிபுத்தோ யதா²கம்மூபக³தங் ஞாணங் ஜானாதீதி இத³ங் ஸகவாதீ³ யஸ்மா தே²ரோ அப்பிச்ச²தாய அபி⁴ஞ்ஞாஞாணானி ந வளஞ்ஜேதீதி ஏகச்சே ந ஜானந்தி, தானி பனஸ்ஸ நேவ அத்தீ²தி மஞ்ஞந்தி, தஸ்மா தங் ‘‘தி³ப்³ப³சக்கு²னோ அலாபீ⁴ தே²ரோ’’தி மஞ்ஞமானங் புச்ச²தி. தேனேவ காரணேன ‘‘அத்தா²யஸ்மதோ ஸாரிபுத்தஸ்ஸ தி³ப்³ப³சக்கூ²’’தி பரதோ புட்டோ² படிக்கி²பதி. து³தியங் புட்டோ² யங்கிஞ்சி ஸாவகேன பத்தப்³ப³ங், ஸப்³ப³ங் தங் தே²ரேன அனுப்பத்தந்தி படிஜானாதி. இதா³னிஸ்ஸ விக்கே²பங் கரொந்தோ ஸகவாதீ³ நனு ஆயஸ்மா ஸாரிபுத்தோதிஆதி³மாஹ. இமஞ்ஹி கா³த²ங் தே²ரோ வளஞ்ஜனபணிதி⁴யா ஏவ அபா⁴வேன ஆஹ, ந அபி⁴ஞ்ஞாஞாணஸ்ஸ அபா⁴வேன. பரவாதீ³ பன அபா⁴வேனேவாதி அத்த²ங் ஸல்லக்கே²தி. தஸ்மா தஸ்ஸ லத்³தி⁴யா தே²ரஸ்ஸ யதா²கம்மூபக³தஞாணமேவ அத்தி², நோ தி³ப்³ப³சக்கு². தேன வுத்தங் ‘‘தேன ஹி ந வத்தப்³ப³ங் யதா²கம்மூபக³தஞாணங் தி³ப்³ப³சக்கூ²’’தி.
378. Āyasmāsāriputto yathākammūpagataṃ ñāṇaṃ jānātīti idaṃ sakavādī yasmā thero appicchatāya abhiññāñāṇāni na vaḷañjetīti ekacce na jānanti, tāni panassa neva atthīti maññanti, tasmā taṃ ‘‘dibbacakkhuno alābhī thero’’ti maññamānaṃ pucchati. Teneva kāraṇena ‘‘atthāyasmato sāriputtassa dibbacakkhū’’ti parato puṭṭho paṭikkhipati. Dutiyaṃ puṭṭho yaṃkiñci sāvakena pattabbaṃ, sabbaṃ taṃ therena anuppattanti paṭijānāti. Idānissa vikkhepaṃ karonto sakavādī nanu āyasmā sāriputtotiādimāha. Imañhi gāthaṃ thero vaḷañjanapaṇidhiyā eva abhāvena āha, na abhiññāñāṇassa abhāvena. Paravādī pana abhāvenevāti atthaṃ sallakkheti. Tasmā tassa laddhiyā therassa yathākammūpagatañāṇameva atthi, no dibbacakkhu. Tena vuttaṃ ‘‘tena hi na vattabbaṃ yathākammūpagatañāṇaṃ dibbacakkhū’’ti.
யதா²கம்மூபக³தஞாணகதா²வண்ணனா.
Yathākammūpagatañāṇakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (29) 9. யதா²கம்மூபக³தஞாணகதா² • (29) 9. Yathākammūpagatañāṇakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. யதா²கம்மூபக³தஞாணகதா²வண்ணனா • 9. Yathākammūpagatañāṇakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 9. யதா²கம்மூபக³தஞாணகதா²வண்ணனா • 9. Yathākammūpagatañāṇakathāvaṇṇanā
