| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. яат̇аагаммуубаг̇ад̇ан̃аан̣агат̇ааван̣н̣анаа
9. Yathākammūpagatañāṇakathāvaṇṇanā
377. ид̣̇аани яат̇аагаммуубаг̇ад̇ан̃аан̣агат̇аа наама ход̇и. д̇ад̇т̇а язсам̣ ‘‘ид̇и д̣̇иб̣б̣зна жагкунаа висуд̣̇д̇хзна…бз… яат̇аагаммуубаг̇з сад̇д̇з баж̇аанаад̇ий’’д̇и (д̣̇ий. ни. 1.246; бади. ма. 1.106) суд̇д̇ам̣ аяонисо г̇ахзд̇ваа яат̇аагаммуубаг̇ад̇ан̃аан̣амзва д̣̇иб̣б̣ажагкунд̇и лад̣̇д̇хи, д̇з санд̇хааяа бужчаа сагаваад̣̇исса, бадин̃н̃аа ид̇арасса. буна яат̇аагаммуубаг̇ад̇ан̃жа манаси гарод̇ийд̇и будто згажид̇д̇асса аарамман̣ад̣̇ваяаабхааваа бадигкибад̇и. д̣̇уд̇ияам̣ будто наанаажид̇д̇авасзна бадиж̇аанаад̇и. буна лзсогаасам̣ ад̣̇ад̇ваа д̣̇виннам̣ пассаананд̇и будто бадигкибад̇и. ид̇и яат̇аа иминаа яат̇аагаммуубаг̇ад̇абад̣̇зна, звамзва имз вад̇а бхонд̇о , сад̇д̇аад̇иаад̣̇ибад̣̇зхиби сад̣̇д̇хим̣ яож̇анаасу ад̇т̇о взд̣̇ид̇аб̣б̣о.
377. Idāni yathākammūpagatañāṇakathā nāma hoti. Tattha yesaṃ ‘‘iti dibbena cakkhunā visuddhena…pe… yathākammūpage satte pajānātī’’ti (dī. ni. 1.246; paṭi. ma. 1.106) suttaṃ ayoniso gahetvā yathākammūpagatañāṇameva dibbacakkhunti laddhi, te sandhāya pucchā sakavādissa, paṭiññā itarassa. Puna yathākammūpagatañca manasi karotīti puṭṭho ekacittassa ārammaṇadvayābhāvā paṭikkhipati. Dutiyaṃ puṭṭho nānācittavasena paṭijānāti. Puna lesokāsaṃ adatvā dvinnaṃ phassānanti puṭṭho paṭikkhipati. Iti yathā iminā yathākammūpagatapadena, evameva ime vata bhonto, sattātiādipadehipi saddhiṃ yojanāsu attho veditabbo.
378. ааяасмаа саарибуд̇д̇о яат̇аагаммуубаг̇ад̇ам̣ н̃аан̣ам̣ ж̇аанаад̇ийд̇и ид̣̇ам̣ сагаваад̣̇ий яасмаа т̇зро аббижчад̇ааяа абхин̃н̃аан̃аан̣аани на вал̣ан̃ж̇зд̇ийд̇и згажжз на ж̇аананд̇и, д̇аани банасса нзва ад̇т̇ийд̇и ман̃н̃анд̇и, д̇асмаа д̇ам̣ ‘‘д̣̇иб̣б̣ажагкуно алаабхий т̇зро’’д̇и ман̃н̃амаанам̣ бужчад̇и. д̇знзва гааран̣зна ‘‘ад̇т̇ааяасмад̇о саарибуд̇д̇асса д̣̇иб̣б̣ажагкуу’’д̇и барад̇о будто бадигкибад̇и. д̣̇уд̇ияам̣ будто яам̣гин̃жи саавагзна бад̇д̇аб̣б̣ам̣, саб̣б̣ам̣ д̇ам̣ т̇зрзна ануббад̇д̇анд̇и бадиж̇аанаад̇и. ид̣̇аанисса вигкзбам̣ гаронд̇о сагаваад̣̇ий нану ааяасмаа саарибуд̇д̇од̇иаад̣̇имааха. иман̃хи г̇аат̇ам̣ т̇зро вал̣ан̃ж̇анабан̣ид̇хияаа зва абхаавзна ааха, на абхин̃н̃аан̃аан̣асса абхаавзна. бараваад̣̇ий бана абхаавзнзваад̇и ад̇т̇ам̣ саллагкзд̇и. д̇асмаа д̇асса лад̣̇д̇хияаа т̇зрасса яат̇аагаммуубаг̇ад̇ан̃аан̣амзва ад̇т̇и, но д̣̇иб̣б̣ажагку. д̇зна вуд̇д̇ам̣ ‘‘д̇зна хи на вад̇д̇аб̣б̣ам̣ яат̇аагаммуубаг̇ад̇ан̃аан̣ам̣ д̣̇иб̣б̣ажагкуу’’д̇и.
378. Āyasmāsāriputto yathākammūpagataṃ ñāṇaṃ jānātīti idaṃ sakavādī yasmā thero appicchatāya abhiññāñāṇāni na vaḷañjetīti ekacce na jānanti, tāni panassa neva atthīti maññanti, tasmā taṃ ‘‘dibbacakkhuno alābhī thero’’ti maññamānaṃ pucchati. Teneva kāraṇena ‘‘atthāyasmato sāriputtassa dibbacakkhū’’ti parato puṭṭho paṭikkhipati. Dutiyaṃ puṭṭho yaṃkiñci sāvakena pattabbaṃ, sabbaṃ taṃ therena anuppattanti paṭijānāti. Idānissa vikkhepaṃ karonto sakavādī nanu āyasmā sāriputtotiādimāha. Imañhi gāthaṃ thero vaḷañjanapaṇidhiyā eva abhāvena āha, na abhiññāñāṇassa abhāvena. Paravādī pana abhāvenevāti atthaṃ sallakkheti. Tasmā tassa laddhiyā therassa yathākammūpagatañāṇameva atthi, no dibbacakkhu. Tena vuttaṃ ‘‘tena hi na vattabbaṃ yathākammūpagatañāṇaṃ dibbacakkhū’’ti.
яат̇аагаммуубаг̇ад̇ан̃аан̣агат̇ааван̣н̣анаа.
Yathākammūpagatañāṇakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (29) 9. яат̇аагаммуубаг̇ад̇ан̃аан̣агат̇аа • (29) 9. Yathākammūpagatañāṇakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. яат̇аагаммуубаг̇ад̇ан̃аан̣агат̇ааван̣н̣анаа • 9. Yathākammūpagatañāṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. яат̇аагаммуубаг̇ад̇ан̃аан̣агат̇ааван̣н̣анаа • 9. Yathākammūpagatañāṇakathāvaṇṇanā
