| Library / Tipiṭaka / තිපිටක • Tipiṭaka / පඤ්‌චපකරණ-අනුටීකා • Pañcapakaraṇa-anuṭīkā |
9. යථාකම්‌මූපගතඤාණකථාවණ්‌ණනා
9. Yathākammūpagatañāṇakathāvaṇṇanā
377. දිබ්‌බචක්‌ඛුපාදකත්‌තා ‘‘යථාකම්‌මූපගතඤාණස්‌ස උපනිස්‌සයෙ දිබ්‌බචක්‌ඛුම්‌හී’’ති වුත්‌තං, න යථාකම්‌මූපගතජානනකිච්‌චකෙ දිබ්‌බචක්‌ඛුම්‌හි තස්‌ස තංකිච්‌චකතාභාවතො. යතො යං අනඤ්‌ඤං, තම්‌පි තතො අනඤ්‌ඤමෙවාති ආහ ‘‘ඉමිනා…පෙ.… භවිතබ්‌බ’’න්‌ති. තත්‌ථ අත්‌ථන්‌තරභාවං නිවාරෙතීති දිබ්‌බචක්‌ඛුඤාණස්‌ස පක්‌ඛිකත්‌තා යථාකම්‌මූපගතඤාණස්‌ස තතො අත්‌ථන්‌තරභාවං නිවාරෙති. තස්‌ස හි තං පරිභණ්‌ඩඤාණං. දිබ්‌බචක්‌ඛුස්‌ස යථාකම්‌මූපගතඤාණතො අත්‌ථන්‌තරභාවං න නිවාරෙති අතප්‌පක්‌ඛිකත්‌තාති අධිප්‌පායො. දිබ්‌බචක්‌ඛුස්‌ස යථාකම්‌මූපගතඤාණකිච්‌චතා පරවාදිනා ඉච්‌ඡිතා, න යථාකම්‌මූපගතඤාණස්‌ස දිබ්‌බචක්‌ඛුකිච්‌චතාති තමත්‌ථං ‘‘යථාකම්‌මූපගතඤාණමෙව දිබ්‌බචක්‌ඛු’’න්‌ති එත්‌ථ යොජෙත්‌වා දස්‌සෙන්‌තො ‘‘එව-සද්‌දො චා’’තිආදිමාහ.
377. Dibbacakkhupādakattā ‘‘yathākammūpagatañāṇassa upanissaye dibbacakkhumhī’’ti vuttaṃ, na yathākammūpagatajānanakiccake dibbacakkhumhi tassa taṃkiccakatābhāvato. Yato yaṃ anaññaṃ, tampi tato anaññamevāti āha ‘‘iminā…pe… bhavitabba’’nti. Tattha atthantarabhāvaṃ nivāretīti dibbacakkhuñāṇassa pakkhikattā yathākammūpagatañāṇassa tato atthantarabhāvaṃ nivāreti. Tassa hi taṃ paribhaṇḍañāṇaṃ. Dibbacakkhussa yathākammūpagatañāṇato atthantarabhāvaṃ na nivāreti atappakkhikattāti adhippāyo. Dibbacakkhussa yathākammūpagatañāṇakiccatā paravādinā icchitā, na yathākammūpagatañāṇassa dibbacakkhukiccatāti tamatthaṃ ‘‘yathākammūpagatañāṇameva dibbacakkhu’’nti ettha yojetvā dassento ‘‘eva-saddo cā’’tiādimāha.
යථාකම්‌මූපගතඤාණකථාවණ්‌ණනා නිට්‌ඨිතා.
Yathākammūpagatañāṇakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (29) 9. යථාකම්‌මූපගතඤාණකථා • (29) 9. Yathākammūpagatañāṇakathā
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 9. යථාකම්‌මූපගතඤාණකථාවණ්‌ණනා • 9. Yathākammūpagatañāṇakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 9. යථාකම්‌මූපගතඤාණකථාවණ්‌ණනා • 9. Yathākammūpagatañāṇakathāvaṇṇanā
