| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
11. яавагалаабисуд̇д̇аван̣н̣анаа
11. Yavakalāpisuttavaṇṇanā
248. згаад̣̇асамз яавагалаабийд̇и лааяид̇ваа табид̇аяавабун̃ж̇о. б̣яаабхан̇г̇ихад̇т̇аад̇и гааж̇ахад̇т̇аа. чахи б̣яаабхан̇г̇ийхи ханзяяунд̇и чахи бут̇улагааж̇ад̣̇ан̣д̣агзхи бот̇зяяум̣. сад̇д̇амод̇и д̇зсу часу ж̇анзсу яавз бот̇зд̇ваа басиб̣б̣агз буурзд̇ваа аад̣̇ааяа г̇ад̇зсу ан̃н̃о сад̇д̇амо ааг̇ажчзяяа. сухад̇ад̇араа ассаад̇и яам̣ д̇ад̇т̇а авасидтам̣ ад̇т̇и бхусабалаабамад̇д̇амби, д̇асса г̇ахан̣ад̇т̇ам̣ судтуд̇арам̣ хад̇аа.
248. Ekādasame yavakalāpīti lāyitvā ṭhapitayavapuñjo. Byābhaṅgihatthāti kājahatthā. Chahi byābhaṅgīhi haneyyunti chahi puthulakājadaṇḍakehi potheyyuṃ. Sattamoti tesu chasu janesu yave pothetvā pasibbake pūretvā ādāya gatesu añño sattamo āgaccheyya. Suhatatarā assāti yaṃ tattha avasiṭṭhaṃ atthi bhusapalāpamattampi, tassa gahaṇatthaṃ suṭṭhutaraṃ hatā.
звамзва код̇и зд̇т̇а жад̇умахаабат̇о вияа ча ааяад̇анаани д̣̇адтаб̣б̣аани, жад̇умахаабат̇з нигкид̇д̇аяавагалаабий вияа сад̇д̇о, ча б̣яаабхан̇г̇ияо вияа идтаанидтамаж̇жхад̇д̇авасзна адтаараса аарамман̣аани, сад̇д̇амаа б̣яаабхан̇г̇ий вияа бхавабад̇т̇анаа гилзсаа. яат̇аа жад̇умахаабат̇з табид̇аа яавагалаабий чахи б̣яаабхан̇г̇ийхи хан̃н̃ад̇и, звамимз сад̇д̇аа адтаарасахи аарамман̣ад̣̇ан̣д̣агзхи часу ааяад̇анзсу хан̃н̃анд̇и. яат̇аа сад̇д̇амзна сухад̇ад̇араа хонд̇и, звам̣ сад̇д̇аа бхавабад̇т̇анагилзсзхи сухад̇ад̇араа хонд̇и бхавзмуулагам̣ д̣̇угкам̣ анубхавамаанаа.
Evameva khoti ettha catumahāpatho viya cha āyatanāni daṭṭhabbāni, catumahāpathe nikkhittayavakalāpī viya satto, cha byābhaṅgiyo viya iṭṭhāniṭṭhamajjhattavasena aṭṭhārasa ārammaṇāni, sattamā byābhaṅgī viya bhavapatthanā kilesā. Yathā catumahāpathe ṭhapitā yavakalāpī chahi byābhaṅgīhi haññati, evamime sattā aṭṭhārasahi ārammaṇadaṇḍakehi chasu āyatanesu haññanti. Yathā sattamena suhatatarā honti, evaṃ sattā bhavapatthanakilesehi suhatatarā honti bhavemūlakaṃ dukkhaṃ anubhavamānā.
ид̣̇аани нзсам̣ д̇ам̣ бхавабад̇т̇анагилзсам̣ д̣̇ассзд̇ум̣ бхууд̇абуб̣б̣ам̣, бхигкавзд̇иаад̣̇имааха. д̇ад̇раад̇и суд̇хаммааяам̣ бхуммам̣, суд̇хаммааяа д̣̇звасабхааяа д̣̇ваарзд̇и ад̇т̇о. д̇хаммигаа ко д̣̇зваад̇и д̇хаммигаа зд̇з д̣̇зваа наама, язхи маад̣̇исам̣ асураад̇хибад̇им̣ г̇ахзд̇ваа маяхам̣ бхзд̣̇анамад̇д̇амби на гад̇анд̇и санд̇хааяа вад̣̇ад̇и. ад̇хаммигаа д̣̇зваад̇и ад̇хаммигаа зд̇з д̣̇зваа наама, яз маад̣̇исам̣ асураад̇хибад̇им̣ наваг̇уут̇асуугарам̣ вияа ган̣табан̃жамзхи б̣анд̇ханзхи б̣анд̇хид̇ваа нисийд̣̇аабзнд̇и. звам̣ сукумам̣ ко, бхигкавз, взбажид̇д̇иб̣анд̇хананд̇и д̇ам̣ гира бад̣̇уманаал̣асуд̇д̇ам̣ вияа маггадаж̇ааласуд̇д̇ам̣ вияа жа сукумам̣ ход̇и, чзд̇д̇ум̣ бана нзва ваасияаа на парасунаа саггаа. яасмаа бана жид̇д̇знзва б̣аж̇жхад̇и, жид̇д̇зна мужжад̇и, д̇асмаа ‘‘взбажид̇д̇иб̣анд̇хана’’нд̇и вуд̇д̇ам̣.
Idāni nesaṃ taṃ bhavapatthanakilesaṃ dassetuṃ bhūtapubbaṃ, bhikkhavetiādimāha. Tatrāti sudhammāyaṃ bhummaṃ, sudhammāya devasabhāya dvāreti attho. Dhammikā kho devāti dhammikā ete devā nāma, yehi mādisaṃ asurādhipatiṃ gahetvā mayhaṃ bhedanamattampi na katanti sandhāya vadati. Adhammikā devāti adhammikā ete devā nāma, ye mādisaṃ asurādhipatiṃ navagūthasūkaraṃ viya kaṇṭhapañcamehi bandhanehi bandhitvā nisīdāpenti. Evaṃ sukhumaṃ kho, bhikkhave, vepacittibandhananti taṃ kira padumanāḷasuttaṃ viya makkaṭajālasuttaṃ viya ca sukhumaṃ hoti, chettuṃ pana neva vāsiyā na pharasunā sakkā. Yasmā pana citteneva bajjhati, cittena muccati, tasmā ‘‘vepacittibandhana’’nti vuttaṃ.
д̇ад̇о сукумад̇арам̣ маараб̣анд̇хананд̇и гилзсаб̣анд̇ханам̣ банзсам̣ д̇ад̇оби сукумад̇арам̣, нзва жагкусса аабаат̇ам̣ г̇ажчад̇и, на ирияаабат̇ам̣ ниваарзд̇и. д̇зна хи б̣ад̣̇д̇хаа сад̇д̇аа бат̇авид̇алзби аагаасзби яож̇анасад̇амби яож̇анасахассамби г̇ажчанд̇иби ааг̇ажчанд̇иби. чиж̇ж̇амаанам̣ банзд̇ам̣ н̃аан̣знзва чиж̇ж̇ад̇и, на ан̃н̃знаад̇и ‘‘н̃аан̣амогкам̣ б̣анд̇хана’’нд̇иби вужжад̇и.
Tato sukhumataraṃ mārabandhananti kilesabandhanaṃ panesaṃ tatopi sukhumataraṃ, neva cakkhussa āpāthaṃ gacchati, na iriyāpathaṃ nivāreti. Tena hi baddhā sattā pathavitalepi ākāsepi yojanasatampi yojanasahassampi gacchantipi āgacchantipi. Chijjamānaṃ panetaṃ ñāṇeneva chijjati, na aññenāti ‘‘ñāṇamokkhaṃ bandhana’’ntipi vuccati.
ман̃н̃амаанод̇и д̇ан̣хаад̣̇идтимаанаанам̣ васзна канд̇хз ман̃н̃анд̇о. б̣ад̣̇д̇хо маарассаад̇и маараб̣анд̇ханзна б̣ад̣̇д̇хо. гаран̣ад̇т̇з ваа зд̇ам̣ саамиважанам̣, гилзсамаарзна б̣ад̣̇д̇ход̇и ад̇т̇о. муд̇д̇о баабимад̇од̇и маарасса б̣анд̇ханзна муд̇д̇о. гаран̣ад̇т̇зязва ваа ид̣̇ам̣ саамиважанам̣, баабимад̇аа гилзсаб̣анд̇ханзна муд̇д̇од̇и ад̇т̇о.
Maññamānoti taṇhādiṭṭhimānānaṃ vasena khandhe maññanto. Baddho mārassāti mārabandhanena baddho. Karaṇatthe vā etaṃ sāmivacanaṃ, kilesamārena baddhoti attho. Mutto pāpimatoti mārassa bandhanena mutto. Karaṇattheyeva vā idaṃ sāmivacanaṃ, pāpimatā kilesabandhanena muttoti attho.
асмийд̇и бад̣̇зна д̇ан̣хааман̃н̃ид̇ам̣ вуд̇д̇ам̣. аяамахасмийд̇и д̣̇идтиман̃н̃ид̇ам̣. бхависсанд̇и сассад̇авасзна д̣̇идтиман̃н̃ид̇амзва. на бхависсанд̇и ужчзд̣̇авасзна. руубийд̇иаад̣̇ийни сассад̇ассзва бабхзд̣̇ад̣̇ийбанаани. д̇асмаад̇и яасмаа ман̃н̃ид̇ам̣ ааб̣аад̇хам̣ анд̇од̣̇осаниганд̇анавасзна рог̇о жзва г̇ан̣д̣о жа саллан̃жа, д̇асмаа. ин̃ж̇ид̇анд̇иаад̣̇ийни яасмаа имзхи гилзсзхи сад̇д̇аа ин̃ж̇анд̇и жзва панд̣̇анд̇и жа бабан̃жид̇аа жа хонд̇и бамад̇д̇аагаарабад̇д̇аа, д̇асмаа д̇зсам̣ аагаарад̣̇ассанад̇т̇ам̣ вуд̇д̇аани.
Asmīti padena taṇhāmaññitaṃ vuttaṃ. Ayamahasmīti diṭṭhimaññitaṃ. Bhavissanti sassatavasena diṭṭhimaññitameva. Na bhavissanti ucchedavasena. Rūpītiādīni sassatasseva pabhedadīpanāni. Tasmāti yasmā maññitaṃ ābādhaṃ antodosanikantanavasena rogo ceva gaṇḍo ca sallañca, tasmā. Iñjitantiādīni yasmā imehi kilesehi sattā iñjanti ceva phandanti ca papañcitā ca honti pamattākārapattā, tasmā tesaṃ ākāradassanatthaṃ vuttāni.
маанаг̇ад̇аваарз бана маанасса г̇ад̇ам̣ маанаг̇ад̇ам̣, маанабавад̇д̇ийд̇и ад̇т̇о. мааноязва маанаг̇ад̇ам̣ г̇уут̇аг̇ад̇ам̣ муд̇д̇аг̇ад̇ам̣ вияа. д̇ад̇т̇а асмийд̇и ид̣̇ам̣ д̇ан̣хааяа самбаяуд̇д̇амаанавасзна вуд̇д̇ам̣. аяамахамасмийд̇и д̣̇идтивасзна. нану жа д̣̇идтисамбаяуд̇д̇о наама маано над̇т̇ийд̇и? аама над̇т̇и, маанасса бана аббахийнад̇д̇аа д̣̇идти наама ход̇и. маанамуулагам̣ д̣̇идтим̣ санд̇хааязд̇ам̣ вуд̇д̇ам̣. сзсам̣ саб̣б̣ад̇т̇а уд̇д̇аанамзваад̇и.
Mānagatavāre pana mānassa gataṃ mānagataṃ, mānapavattīti attho. Mānoyeva mānagataṃ gūthagataṃ muttagataṃ viya. Tattha asmīti idaṃ taṇhāya sampayuttamānavasena vuttaṃ. Ayamahamasmīti diṭṭhivasena. Nanu ca diṭṭhisampayutto nāma māno natthīti? Āma natthi, mānassa pana appahīnattā diṭṭhi nāma hoti. Mānamūlakaṃ diṭṭhiṃ sandhāyetaṃ vuttaṃ. Sesaṃ sabbattha uttānamevāti.
аасийвисаваг̇г̇о.
Āsīvisavaggo.
жад̇уд̇т̇о бан̣н̣аасаго.
Catuttho paṇṇāsako.
сал̣ааяад̇анасам̣яуд̇д̇аван̣н̣анаа нидтид̇аа.
Saḷāyatanasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 11. яавагалаабисуд̇д̇ам̣ • 11. Yavakalāpisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11. яавагалаабисуд̇д̇аван̣н̣анаа • 11. Yavakalāpisuttavaṇṇanā
