| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
11. яавагалаабисуд̇д̇аван̣н̣анаа
11. Yavakalāpisuttavaṇṇanā
248. яавабун̃ж̇о субарибаггаяавасамуд̣̇ааяо. гааж̇ахад̇т̇аад̇и д̣̇ан̣д̣ахад̇т̇аа. бот̇зяяунд̇и яат̇аа яавасан̇каад̇ам̣ д̇хан̃н̃ам̣ ван̣дад̇о мужжад̇и, звам̣ бот̇зяяум̣. яавз саавзд̇ваад̇и яавасийсад̇о яавз бот̇анзна можзд̇ваа вивзжзд̇ваа.
248.Yavapuñjo suparipakkayavasamudāyo. Kājahatthāti daṇḍahatthā. Potheyyunti yathā yavasaṅkhātaṃ dhaññaṃ vaṇṭato muccati, evaṃ potheyyuṃ. Yave sāvetvāti yavasīsato yave pothanena mocetvā vivecetvā.
жад̇умахаабат̇о вияа ча ааяад̇анаани аарамман̣ад̣̇ан̣д̣агзхи хананадтаанад̇д̇аа. яавагалаабий вияа сад̇д̇о д̇зхи хан̃н̃амаанад̇д̇аа. ча б̣яаабхан̇г̇ияо вияа сабхаавад̇о чад̇хааби бажжзгам̣ идтаанидтамаж̇жхад̇д̇авасзна адтаараса аарамман̣аани яавагалаабадтаанияасса сад̇д̇асса хананад̇о. бхавабад̇т̇анааяа абараабаруббад̇д̇им̣ санд̇хааяа ‘‘бхавабад̇т̇анаа гилзсаа’’д̇и б̣ахуважананид̣̇д̣̇зсо. бхавабад̇т̇анаа жа д̇асса бажжаяабхууд̇аа гилзсаа жаад̇и бхавабад̇т̇анаагилзсаад̇и звам̣ ваа зд̇т̇а ад̇т̇о д̣̇адтаб̣б̣о. яасмаа сад̇д̇аанам̣ ваддад̣̇угкам̣ наама саб̣б̣амби д̇ам̣ бхавабад̇т̇анаамуулагам̣, д̇асмаа вуд̇д̇ам̣ ‘‘звам̣ сад̇д̇аа’’д̇иаад̣̇и. бхавабад̇т̇анагилзсаад̇и жа бхавабад̇т̇анаамуулагам̣ гилзсам̣.
Catumahāpatho viya cha āyatanāni ārammaṇadaṇḍakehi hananaṭṭhānattā. Yavakalāpī viya satto tehi haññamānattā. Cha byābhaṅgiyo viya sabhāvato chadhāpi paccekaṃ iṭṭhāniṭṭhamajjhattavasena aṭṭhārasa ārammaṇāni yavakalāpaṭṭhāniyassa sattassa hananato. Bhavapatthanāya aparāparuppattiṃ sandhāya ‘‘bhavapatthanā kilesā’’ti bahuvacananiddeso. Bhavapatthanā ca tassa paccayabhūtā kilesā cāti bhavapatthanākilesāti evaṃ vā ettha attho daṭṭhabbo. Yasmā sattānaṃ vaṭṭadukkhaṃ nāma sabbampi taṃ bhavapatthanāmūlakaṃ, tasmā vuttaṃ ‘‘evaṃ sattā’’tiādi. Bhavapatthanakilesāti ca bhavapatthanāmūlakaṃ kilesaṃ.
бхумманд̇и самийбад̇т̇з бхуммам̣. д̇знааха ‘‘суд̇хаммааяа д̣̇ваарз’’д̇и. на гад̇анд̇и д̣̇угкуббаад̣̇анам̣ на гад̇ам̣. наваг̇уут̇асуугарам̣ вияаад̇и наваг̇уут̇абхагкасуугарам̣ вияа. жид̇д̇знзваад̇и яо б̣аж̇жхад̇и, д̇асса жид̇д̇знзва . д̇асмаад̇и яасмаа взбажид̇д̇иб̣анд̇ханасса б̣анд̇ханамужжанам̣ вияа, д̇асмаа ‘‘взбажид̇д̇иб̣анд̇хана’’нд̇и вуд̇д̇ам̣. н̃аан̣амогкам̣ б̣анд̇хананд̇и н̃аан̣зна мужжанам̣ б̣анд̇ханам̣.
Bhummanti samīpatthe bhummaṃ. Tenāha ‘‘sudhammāya dvāre’’ti. Na katanti dukkhuppādanaṃ na kataṃ. Navagūthasūkaraṃ viyāti navagūthabhakkhasūkaraṃ viya. Cittenevāti yo bajjhati, tassa citteneva . Tasmāti yasmā vepacittibandhanassa bandhanamuccanaṃ viya, tasmā ‘‘vepacittibandhana’’nti vuttaṃ. Ñāṇamokkhaṃ bandhananti ñāṇena muccanaṃ bandhanaṃ.
ман̃н̃амаанод̇и баригаббид̇ад̇ан̣хаавасзна ‘‘зд̇ам̣ мамаа’’д̇и, д̣̇идтивасзна ‘‘зсо мз ад̇д̇аа’’д̇и, маанавасзна ‘‘зсохамасмий’’д̇и ман̃н̃анд̇о. канд̇хавинимуд̇д̇асса ман̃н̃амаанавад̇т̇уно абхааваа ‘‘канд̇хз ман̃н̃анд̇о’’д̇и вуд̇д̇ам̣. зд̇анд̇и ‘‘маарассаа’’д̇и зд̇ам̣ саамиважанам̣. гилзсамаарзна б̣ад̣̇д̇ход̇и гилзсамаарзна д̇знзва гилзсаб̣анд̇ханзна б̣ад̣̇д̇хо. муд̇д̇од̇и зд̇т̇ааби зсзва наяо.
Maññamānoti parikappitataṇhāvasena ‘‘etaṃ mamā’’ti, diṭṭhivasena ‘‘eso me attā’’ti, mānavasena ‘‘esohamasmī’’ti maññanto. Khandhavinimuttassa maññamānavatthuno abhāvā ‘‘khandhe maññanto’’ti vuttaṃ. Etanti ‘‘mārassā’’ti etaṃ sāmivacanaṃ. Kilesamārena baddhoti kilesamārena teneva kilesabandhanena baddho. Muttoti etthāpi eseva nayo.
д̇ан̣хааман̃н̃анааяа сад̇и д̣̇идтимаанаман̃н̃анаанам̣ басан̇г̇о зва над̇т̇ийд̇и яат̇аа ‘‘асмий’’д̇и бад̣̇зна д̣̇идтимаанаман̃н̃анаа вуд̇д̇аа хонд̇и, звам̣ д̇ан̣хааман̃н̃ид̇аабийд̇и вуд̇д̇ам̣ ‘‘асмийд̇и бад̣̇зна д̇ан̣хааман̃н̃ид̇ам̣ вуд̇д̇а’’нд̇и. аяамахамасмийд̇и бад̣̇зна д̣̇идтиман̃н̃ид̇анд̇и зд̇арахи лаб̣бхамаанад̣̇идтивад̇т̇увасзнзва. бхависсанд̇и анааг̇ад̇ад̣̇идтивад̇т̇убаригаббанавасзнзва д̣̇идтиман̃н̃ид̇ам̣. язбхуяязна хи анааг̇ад̇аалин̇г̇анаа сассад̇ад̣̇идти. ужчзд̣̇авасзна д̣̇идтиман̃н̃ид̇амзваад̇и аанзд̇ваа самб̣анд̇хо. руубийд̇иаад̣̇ийни бад̣̇аани. сассад̇ассзваад̇и сассад̇аг̇аахассзва бабхзд̣̇ад̣̇ийбанаани. яасмаа ман̃н̃ид̇ам̣ ааб̣аад̇хавасзна рог̇о, анд̇од̣̇осавасзна г̇ан̣д̣о, ан̇г̇аниганд̇авасзна саллам̣, д̇асмаа имзхи д̇ан̣хаад̣̇ийхи гилзсзхи баагадажаланавасзна ин̃ж̇анд̇и жзва, абаагадасан̃жаланавасзна панд̣̇анд̇и жа. бабан̃жид̇ам̣ сам̣саарз жирааяанам̣ д̣̇адтаб̣б̣ам̣, канд̇хасанд̇аанасса ваа вид̇т̇ааран̣ам̣. бамад̇д̇аагаараббад̇д̇аа мужчанаагаараббад̇д̇аа. д̇зсанд̇и д̇ан̣хаад̣̇идтигилзсаанам̣. аагаарад̣̇ассанад̇т̇анд̇и бавад̇д̇иаагаарад̣̇ассанад̇т̇ам̣.
Taṇhāmaññanāya sati diṭṭhimānamaññanānaṃ pasaṅgo eva natthīti yathā ‘‘asmī’’ti padena diṭṭhimānamaññanā vuttā honti, evaṃ taṇhāmaññitāpīti vuttaṃ ‘‘asmīti padena taṇhāmaññitaṃ vutta’’nti. Ayamahamasmīti padena diṭṭhimaññitanti etarahi labbhamānadiṭṭhivatthuvaseneva. Bhavissanti anāgatadiṭṭhivatthuparikappanavaseneva diṭṭhimaññitaṃ. Yebhuyyena hi anāgatāliṅganā sassatadiṭṭhi. Ucchedavasena diṭṭhimaññitamevāti ānetvā sambandho. Rūpītiādīni padāni. Sassatassevāti sassatagāhasseva pabhedadīpanāni. Yasmā maññitaṃ ābādhavasena rogo, antodosavasena gaṇḍo, aṅganikantavasena sallaṃ, tasmā imehi taṇhādīhi kilesehi pākaṭacalanavasena iñjanti ceva, apākaṭasañcalanavasena phandanti ca. Papañcitaṃ saṃsāre cirāyanaṃ daṭṭhabbaṃ, khandhasantānassa vā vitthāraṇaṃ. Pamattākārappattā mucchanākārappattā. Tesanti taṇhādiṭṭhikilesānaṃ. Ākāradassanatthanti pavattiākāradassanatthaṃ.
маано наама ‘‘сзяяохамасмий’’д̇иаад̣̇инаа маж̇ж̇анаагаараббавад̇д̇и. д̇ан̣хааяа самбаяуд̇д̇амаанавасзнаад̇и гасмаа вуд̇д̇ам̣? нану саб̣б̣о маано д̇ан̣хаасамбаяуд̇д̇о? сад̇и хи б̣яабхижаарз висзсанам̣ ижчид̇аб̣б̣анд̇и. сажжамзд̇ам̣, д̇ан̣хаа бана ад̇т̇и маанасса бажжаяабхууд̇аа, ад̇т̇и маанасса аббажжаяабхууд̇аа, яад̇о маано анияад̇о вужжад̇и. д̇ат̇аа хи бадтаанз ‘‘сам̣яож̇анам̣ д̇хаммам̣ бадижжа сам̣яож̇ано д̇хаммо уббаж̇ж̇ад̇и хзд̇убажжаяаа’’д̇и зд̇т̇а сам̣яож̇анаани сам̣яож̇анзхи яат̇аалаабхам̣ яож̇зд̇ваа д̣̇ассид̇аяож̇анааяа ‘‘гаамарааг̇асам̣яож̇анам̣ бадижжа маанасам̣яож̇анам̣ авиж̇ж̇аасам̣яож̇ана’’нд̇и вад̇ваа ‘‘гаамарааг̇асам̣яож̇анам̣ бадижжа авиж̇ж̇аасам̣яож̇ана’’нд̇и, ‘‘маанасам̣яож̇анам̣ бадижжа бхаварааг̇асам̣яож̇анам̣ авиж̇ж̇аасам̣яож̇ана’’нд̇и жа вад̇ваа ‘‘бхаварааг̇асам̣яож̇анам̣ бадижжа авиж̇ж̇аасам̣яож̇ана’’нд̇и вуд̇д̇ам̣. зд̇т̇а жа гаамарааг̇абхаварааг̇асам̣яож̇анзхи маанасса анияад̇абхааво багаасид̇о. д̇ад̇т̇а яаа д̇ан̣хаа б̣алавад̇ий, д̇ам̣ санд̇хааяа ид̣̇ам̣ вуд̇д̇ам̣ ‘‘д̇ан̣хааяа самбаяуд̇д̇амаанавасзнаа’’д̇и. б̣алавад̇ан̣хаасамбаяуд̇д̇о хи маано саяамби б̣алаваа худ̇ваа асмийд̇и сависзсам̣ маж̇ж̇анавасзна бавад̇д̇ад̇ийд̇и.
Māno nāma ‘‘seyyohamasmī’’tiādinā majjanākārappavatti. Taṇhāya sampayuttamānavasenāti kasmā vuttaṃ? Nanu sabbo māno taṇhāsampayutto? Sati hi byabhicāre visesanaṃ icchitabbanti. Saccametaṃ, taṇhā pana atthi mānassa paccayabhūtā, atthi mānassa appaccayabhūtā, yato māno aniyato vuccati. Tathā hi paṭṭhāne ‘‘saṃyojanaṃ dhammaṃ paṭicca saṃyojano dhammo uppajjati hetupaccayā’’ti ettha saṃyojanāni saṃyojanehi yathālābhaṃ yojetvā dassitayojanāya ‘‘kāmarāgasaṃyojanaṃ paṭicca mānasaṃyojanaṃ avijjāsaṃyojana’’nti vatvā ‘‘kāmarāgasaṃyojanaṃ paṭicca avijjāsaṃyojana’’nti, ‘‘mānasaṃyojanaṃ paṭicca bhavarāgasaṃyojanaṃ avijjāsaṃyojana’’nti ca vatvā ‘‘bhavarāgasaṃyojanaṃ paṭicca avijjāsaṃyojana’’nti vuttaṃ. Ettha ca kāmarāgabhavarāgasaṃyojanehi mānassa aniyatabhāvo pakāsito. Tattha yā taṇhā balavatī, taṃ sandhāya idaṃ vuttaṃ ‘‘taṇhāya sampayuttamānavasenā’’ti. Balavataṇhāsampayutto hi māno sayampi balavā hutvā asmīti savisesaṃ majjanavasena pavattatīti.
д̣̇идтивасзнаад̇и маанамуулагад̣̇идтивасзна. ‘‘сзяяохамасмий’’д̇иаад̣̇инаа хи б̣ахуламаанубзд̇асса буг̇г̇аласса руубаад̣̇ийсу згам̣ уд̣̇д̣̇исса аяамахамасмийд̇и д̣̇идтияаа уббаннааяа маанасса аббахийнад̇д̇аа мааноби д̇ад̇т̇а д̇ад̇т̇зва уббаж̇ж̇ад̇и. ид̇и маанамуулагам̣ д̣̇идтим̣ санд̇хааяааха ‘‘аяамахамасмийд̇и д̣̇идтивасзна вуд̇д̇а’’нд̇и. жод̣̇аго бана имамад̇т̇ам̣ аж̇аананд̇о анубалаб̣бхамаанамзва самбаяог̇ад̇т̇ам̣ г̇ахзд̇ваа ‘‘нану жаа’’д̇иаад̣̇инаа жод̣̇зд̇и. ид̇аро ‘‘аама над̇т̇ий’’д̇и д̇амад̇т̇ам̣ самбадижчид̇ваа ‘‘маанасса банаа’’д̇иаад̣̇инаа барихаарамааха. д̇ассад̇т̇о вуд̇д̇о зва.
Diṭṭhivasenāti mānamūlakadiṭṭhivasena. ‘‘Seyyohamasmī’’tiādinā hi bahulamānupetassa puggalassa rūpādīsu ekaṃ uddissa ayamahamasmīti diṭṭhiyā uppannāya mānassa appahīnattā mānopi tattha tattheva uppajjati. Iti mānamūlakaṃ diṭṭhiṃ sandhāyāha ‘‘ayamahamasmīti diṭṭhivasena vutta’’nti. Codako pana imamatthaṃ ajānanto anupalabbhamānameva sampayogatthaṃ gahetvā ‘‘nanu cā’’tiādinā codeti. Itaro ‘‘āma natthī’’ti tamatthaṃ sampaṭicchitvā ‘‘mānassa panā’’tiādinā parihāramāha. Tassattho vutto eva.
яавагалаабисуд̇д̇аван̣н̣анаа нидтид̇аа.
Yavakalāpisuttavaṇṇanā niṭṭhitā.
аасийвисаваг̇г̇аван̣н̣анаа нидтид̇аа.
Āsīvisavaggavaṇṇanā niṭṭhitā.
жад̇уд̇т̇о бан̣н̣аасаго.
Catuttho paṇṇāsako.
сал̣ааяад̇анасам̣яуд̇д̇аван̣н̣анаа нидтид̇аа.
Saḷāyatanasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 11. яавагалаабисуд̇д̇ам̣ • 11. Yavakalāpisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11. яавагалаабисуд̇д̇аван̣н̣анаа • 11. Yavakalāpisuttavaṇṇanā
