| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. යවකලාපියත්‌ථෙරඅපදානං
2. Yavakalāpiyattheraapadānaṃ
6.
6.
‘‘නගරෙ අරුණවතියා, ආසිං යවසිකො තදා;
‘‘Nagare aruṇavatiyā, āsiṃ yavasiko tadā;
පන්‌ථෙ දිස්‌වාන සම්‌බුද්‌ධං, යවකලාපං සන්‌ථරිං 1.
Panthe disvāna sambuddhaṃ, yavakalāpaṃ santhariṃ 2.
7.
7.
‘‘අනුකම්‌පකො කාරුණිකො, සිඛී ලොකග්‌ගනායකො;
‘‘Anukampako kāruṇiko, sikhī lokagganāyako;
මම සඞ්‌කප්‌පමඤ්‌ඤාය, නිසීදි යවසන්‌ථරෙ.
Mama saṅkappamaññāya, nisīdi yavasanthare.
8.
8.
‘‘දිස්‌වා නිසින්‌නං විමලං, මහාඣායිං විනායකං;
‘‘Disvā nisinnaṃ vimalaṃ, mahājhāyiṃ vināyakaṃ;
පාමොජ්‌ජං ජනයිත්‌වාන, තත්‌ථ කාලඞ්‌කතො අහං.
Pāmojjaṃ janayitvāna, tattha kālaṅkato ahaṃ.
9.
9.
‘‘එකත්‌තිංසෙ ඉතො කප්‌පෙ, යං කම්‌මමකරිං තදා;
‘‘Ekattiṃse ito kappe, yaṃ kammamakariṃ tadā;
දුග්‌ගතිං නාභිජානාමි, යවත්‌ථරෙ ඉදං ඵලං.
Duggatiṃ nābhijānāmi, yavatthare idaṃ phalaṃ.
10.
10.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා යවකලාපියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā yavakalāpiyo thero imā gāthāyo abhāsitthāti.
යවකලාපියත්‌ථෙරස්‌සාපදානං දුතියං.
Yavakalāpiyattherassāpadānaṃ dutiyaṃ.
Footnotes:
