| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
7. яавабаалагавимаанаван̣н̣анаа
7. Yavapālakavimānavaṇṇanā
ужжамид̣̇ам̣ ман̣ит̇уун̣ам̣ вимаананд̇и яавабаалагавимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇и взл̣уванз. д̇зна самаязна рааж̇аг̇ахз ан̃н̃ад̇аро д̣̇уг̇г̇ад̇ад̣̇аараго яавакзд̇д̇ам̣ рагкад̇и. со згад̣̇ивасам̣ баад̇араасад̇т̇ааяа гуммаасам̣ лабхид̇ваа ‘‘кзд̇д̇ам̣ г̇анд̇ваа бхун̃ж̇иссаамий’’д̇и д̇ам̣ гуммаасам̣ г̇ахзд̇ваа яавакзд̇д̇ам̣ г̇анд̇ваа ругкамуулз нисийд̣̇и. д̇асмим̣ кан̣з ан̃н̃ад̇аро кийн̣аасавад̇т̇зро маг̇г̇аббадибанно убагадтз гаалз д̇ам̣ таанам̣ бад̇ваа яавабаалагзна нисиннам̣ ругкамуулам̣ убасан̇гами. яавабаалаго взлам̣ ологзд̇ваа ‘‘гажжи, бханд̇з, аахааро лад̣̇д̇хо’’д̇и ааха. т̇зро д̇ун̣хий ахоси. со алад̣̇д̇хабхаавам̣ н̃ад̇ваа ‘‘бханд̇з, убагадтаа взлаа, бин̣д̣ааяа жарид̇ваа бхун̃ж̇ид̇ум̣ на саггаа, маяхам̣ анугамбааяа имам̣ гуммаасам̣ барибхун̃ж̇ат̇аа’’д̇и вад̇ваа т̇зрасса д̇ам̣ гуммаасам̣ ад̣̇ааси. т̇зро д̇ам̣ анугамбанд̇о д̇асса бассанд̇ассзва д̇ам̣ барибхун̃ж̇ид̇ваа анумод̣̇анам̣ вад̇ваа баггаами. соби д̣̇аараго ‘‘суд̣̇иннам̣ вад̇а маяаа ийд̣̇исасса гуммаасад̣̇аанам̣ д̣̇ад̣̇анд̇знаа’’д̇и жид̇д̇ам̣ басаад̣̇зд̇ваа абарабхааг̇з гаалам̣ гад̇ваа д̇аавад̇им̣сабхаванз вуд̇д̇анаязнзва вимаанз ниб̣б̣ад̇д̇и. д̇ам̣ ааяасмаа махаамог̇г̇аллаанад̇т̇зро имаахи г̇аат̇аахи бадибужчи –
Uccamidaṃmaṇithūṇaṃ vimānanti yavapālakavimānaṃ. Tassa kā uppatti? Bhagavā rājagahe viharati veḷuvane. Tena samayena rājagahe aññataro duggatadārako yavakhettaṃ rakkhati. So ekadivasaṃ pātarāsatthāya kummāsaṃ labhitvā ‘‘khettaṃ gantvā bhuñjissāmī’’ti taṃ kummāsaṃ gahetvā yavakhettaṃ gantvā rukkhamūle nisīdi. Tasmiṃ khaṇe aññataro khīṇāsavatthero maggappaṭipanno upakaṭṭhe kāle taṃ ṭhānaṃ patvā yavapālakena nisinnaṃ rukkhamūlaṃ upasaṅkami. Yavapālako velaṃ oloketvā ‘‘kacci, bhante, āhāro laddho’’ti āha. Thero tuṇhī ahosi. So aladdhabhāvaṃ ñatvā ‘‘bhante, upakaṭṭhā velā, piṇḍāya caritvā bhuñjituṃ na sakkā, mayhaṃ anukampāya imaṃ kummāsaṃ paribhuñjathā’’ti vatvā therassa taṃ kummāsaṃ adāsi. Thero taṃ anukampanto tassa passantasseva taṃ paribhuñjitvā anumodanaṃ vatvā pakkāmi. Sopi dārako ‘‘sudinnaṃ vata mayā īdisassa kummāsadānaṃ dadantenā’’ti cittaṃ pasādetvā aparabhāge kālaṃ katvā tāvatiṃsabhavane vuttanayeneva vimāne nibbatti. Taṃ āyasmā mahāmoggallānatthero imāhi gāthāhi paṭipucchi –
1087.
1087.
‘‘ужжамид̣̇ам̣ ман̣ит̇уун̣ам̣ вимаанам̣…бз…
‘‘Uccamidaṃ maṇithūṇaṃ vimānaṃ…pe…
ван̣н̣о жа д̇з саб̣б̣ад̣̇исаа бабхаасад̇ий’’д̇и.
Vaṇṇo ca te sabbadisā pabhāsatī’’ti.
соби д̇асса имаахи г̇аат̇аахи б̣яаагааси –
Sopi tassa imāhi gāthāhi byākāsi –
1089. ‘‘со д̣̇звабуд̇д̇о ад̇д̇амано…бз… яасса гаммассид̣̇ам̣ палам̣’’.
1089. ‘‘So devaputto attamano…pe… yassa kammassidaṃ phalaṃ’’.
1090.
1090.
‘‘ахам̣ мануссзсу мануссабхууд̇о, ахосим̣ яавабаалаго;
‘‘Ahaṃ manussesu manussabhūto, ahosiṃ yavapālako;
ад̣̇д̣̇асам̣ вираж̇ам̣ бхигкум̣, виббасаннаманаавилам̣.
Addasaṃ virajaṃ bhikkhuṃ, vippasannamanāvilaṃ.
1091.
1091.
‘‘д̇асса ад̣̇аасахам̣ бхааг̇ам̣, басанно сзхи баан̣ибхи;
‘‘Tassa adāsahaṃ bhāgaṃ, pasanno sehi pāṇibhi;
гуммаасабин̣д̣ам̣ д̣̇ад̇ваана, мод̣̇аами нанд̣̇анз ванз.
Kummāsapiṇḍaṃ datvāna, modāmi nandane vane.
1092.
1092.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и.
Vaṇṇo ca me sabbadisā pabhāsatī’’ti.
д̇ад̇т̇а г̇аат̇аасуби абуб̣б̣ам̣ над̇т̇и.
Tattha gāthāsupi apubbaṃ natthi.
яавабаалагавимаанаван̣н̣анаа нидтид̇аа.
Yavapālakavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 7. яавабаалагавимаанавад̇т̇у • 7. Yavapālakavimānavatthu
