| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਯੇਭੁਯ੍ਯਸਿਕਾਕਥਾ
Yebhuyyasikākathā
੨੦੨. ਯੇਭੁਯ੍ਯਸਿਕਾਯ વੂਪਸਮੇਤੁਨ੍ਤਿ ਏਤ੍ਥ ਯਸ੍ਸਾ ਕਿਰਿਯਾਯ ਧਮ੍ਮવਾਦਿਨੋ ਬਹੁਤਰਾ, ਏਸਾ ਯੇਭੁਯ੍ਯਸਿਕਾ ਨਾਮ।
202.Yebhuyyasikāya vūpasametunti ettha yassā kiriyāya dhammavādino bahutarā, esā yebhuyyasikā nāma.
੨੦੪. ਅਧਮ੍ਮਿਕਸਲਾਕਗ੍ਗਾਹੇਸੁ ਓਰਮਤ੍ਤਕਨ੍ਤਿ ਪਰਿਤ੍ਤਂ ਅਪ੍ਪਮਤ੍ਤਕਂ ਭਣ੍ਡਨਮਤ੍ਤਮੇવ। ਨ ਚ ਗਤਿਗਤਨ੍ਤਿ ਦ੍વੇ ਤਯੋ ਆવਾਸੇ ਨ ਗਤਂ, ਤਤ੍ਥ ਤਤ੍ਥੇવ વਾ ਦ੍વਤ੍ਤਿਕ੍ਖਤ੍ਤੁਂ ਅવਿਨਿਚ੍ਛਿਤਂ। ਨ ਚ ਸਰਿਤਸਾਰਿਤਨ੍ਤਿ ਦ੍વਤ੍ਤਿਕ੍ਖਤ੍ਤੁਂ ਤੇਹਿ ਭਿਕ੍ਖੂਹਿ ਸਯਂ ਸਰਿਤਂ વਾ ਅਞ੍ਞੇਹਿ ਸਾਰਿਤਂ વਾ ਨ ਹੋਤਿ। ਜਾਨਾਤੀਤਿ ਸਲਾਕਂ ਗਾਹੇਨ੍ਤੋ ਜਾਨਾਤਿ ‘‘ਅਧਮ੍ਮવਾਦੀ ਬਹੁਤਰਾ’’ਤਿ। ਅਪ੍ਪੇવ ਨਾਮਾਤਿ ਇਮਿਨਾ ਨੀਹਾਰੇਨ ਸਲਾਕਾਯ ਗਾਹਿਯਮਾਨਾਯ ‘‘ਅਪਿ ਨਾਮ ਅਧਮ੍ਮવਾਦਿਨੋ ਬਹੁਤਰਾ ਅਸ੍ਸੂ’’ਤਿ ਅਯਮਸ੍ਸ ਅਜ੍ਝਾਸਯੋ ਹੋਤਿ। ਅਪਰੇਸੁਪਿ ਦ੍વੀਸੁ ਏਸੇવ ਨਯੋ।
204. Adhammikasalākaggāhesu oramattakanti parittaṃ appamattakaṃ bhaṇḍanamattameva. Na ca gatigatanti dve tayo āvāse na gataṃ, tattha tattheva vā dvattikkhattuṃ avinicchitaṃ. Na ca saritasāritanti dvattikkhattuṃ tehi bhikkhūhi sayaṃ saritaṃ vā aññehi sāritaṃ vā na hoti. Jānātīti salākaṃ gāhento jānāti ‘‘adhammavādī bahutarā’’ti. Appeva nāmāti iminā nīhārena salākāya gāhiyamānāya ‘‘api nāma adhammavādino bahutarā assū’’ti ayamassa ajjhāsayo hoti. Aparesupi dvīsu eseva nayo.
ਅਧਮ੍ਮੇਨ ਗਣ੍ਹਨ੍ਤੀਤਿ ਅਧਮ੍ਮવਾਦਿਨੋ ‘‘ਏવਂ ਮਯਂ ਬਹੂ ਭવਿਸ੍ਸਾਮਾ’’ਤਿ ਦ੍વੇ ਦ੍વੇ ਸਲਾਕਾਯੋ ਗਣ੍ਹਨ੍ਤਿ। વਗ੍ਗਾ ਗਣ੍ਹਨ੍ਤੀਤਿ ਦ੍વੇ ਧਮ੍ਮવਾਦਿਨੋ ਏਕਂ ਧਮ੍ਮવਾਦਿਸਲਾਕਂ ਗਣ੍ਹਨ੍ਤਿ ‘‘ਏવਂ ਧਮ੍ਮવਾਦਿਨੋ ਨ ਬਹੂ ਭવਿਸ੍ਸਨ੍ਤੀ’’ਤਿ ਮਞ੍ਞਮਾਨਾ। ਨ ਚ ਯਥਾਦਿਟ੍ਠਿਯਾ ਗਣ੍ਹਨ੍ਤੀਤਿ ਧਮ੍ਮવਾਦਿਨੋ ਹੁਤ੍વਾ ‘‘ਬਲવਪਕ੍ਖਂ ਭਜਿਸ੍ਸਾਮਾ’’ਤਿ ਅਧਮ੍ਮવਾਦਿਸਲਾਕਂ ਗਣ੍ਹਨ੍ਤਿ। ਧਮ੍ਮਿਕਸਲਾਕਗ੍ਗਾਹੇਸੁ ਅਯਮੇવਤ੍ਥੋ ਪਰਿવਤ੍ਤੇਤ੍વਾ વੇਦਿਤਬ੍ਬੋ। ਏવਂ ਸਲਾਕਂ ਗਾਹੇਤ੍વਾ ਸਚੇ ਬਹੁਤਰਾ ਧਮ੍ਮવਾਦਿਨੋ ਹੋਨ੍ਤਿ; ਯਥਾ ਤੇ વਦਨ੍ਤਿ, ਏવਂ ਤਂ ਅਧਿਕਰਣਂ વੂਪਸਮੇਤਬ੍ਬਂ, ਏવਂ ਯੇਭੁਯ੍ਯਸਿਕਾਯ વੂਪਸਨ੍ਤਂ ਹੋਤਿ। ਅਯਮੇਤ੍ਥ ਸਙ੍ਖੇਪੋ। વਿਤ੍ਥਾਰੋ ਪਨ ਪਰਤੋਪਿ ਆਗਮਿਸ੍ਸਤਿ।
Adhammenagaṇhantīti adhammavādino ‘‘evaṃ mayaṃ bahū bhavissāmā’’ti dve dve salākāyo gaṇhanti. Vaggā gaṇhantīti dve dhammavādino ekaṃ dhammavādisalākaṃ gaṇhanti ‘‘evaṃ dhammavādino na bahū bhavissantī’’ti maññamānā. Na ca yathādiṭṭhiyā gaṇhantīti dhammavādino hutvā ‘‘balavapakkhaṃ bhajissāmā’’ti adhammavādisalākaṃ gaṇhanti. Dhammikasalākaggāhesu ayamevattho parivattetvā veditabbo. Evaṃ salākaṃ gāhetvā sace bahutarā dhammavādino honti; yathā te vadanti, evaṃ taṃ adhikaraṇaṃ vūpasametabbaṃ, evaṃ yebhuyyasikāya vūpasantaṃ hoti. Ayamettha saṅkhepo. Vitthāro pana paratopi āgamissati.
ਯੇਭੁਯ੍ਯਸਿਕਾਕਥਾ ਨਿਟ੍ਠਿਤਾ।
Yebhuyyasikākathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੫. ਯੇਭੁਯ੍ਯਸਿਕਾ • 5. Yebhuyyasikā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਤਿવਿਨਯਕਥਾਦਿવਣ੍ਣਨਾ • Sativinayakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫. ਯੇਭੁਯ੍ਯਸਿਕਾਕਥਾ • 5. Yebhuyyasikākathā
