| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
язбхуяяасигаавинаяо
Yebhuyyasikāvinayo
234. ‘‘д̇з жз, бхигкавз, бхигкуу на саггонд̇и д̇ам̣ ад̇хигаран̣ам̣ уб̣б̣аахигааяа вуубасамзд̇ум̣, д̇зхи, бхигкавз, бхигкуухи д̇ам̣ ад̇хигаран̣ам̣ сан̇гхасса нияяаад̣̇зд̇аб̣б̣ам̣ – ‘на маяам̣ 1, бханд̇з, саггома имам̣ ад̇хигаран̣ам̣ уб̣б̣аахигааяа вуубасамзд̇ум̣, сан̇гхова имам̣ ад̇хигаран̣ам̣ вуубасамзд̇уу’д̇и. ануж̇аанаами, бхигкавз, зваруубам̣ ад̇хигаран̣ам̣ язбхуяяасигааяа вуубасамзд̇ум̣. бан̃жахан̇г̇зхи саманнааг̇ад̇о бхигку салаагаг̇г̇аахаабаго самманнид̇аб̣б̣о – яо на чанд̣̇ааг̇ад̇им̣ г̇ажчзяяа, на д̣̇осааг̇ад̇им̣ г̇ажчзяяа, на мохааг̇ад̇им̣ г̇ажчзяяа, на бхаяааг̇ад̇им̣ г̇ажчзяяа, г̇ахид̇ааг̇ахид̇ан̃жа ж̇аанзяяа…бз… зван̃жа бана, бхигкавз, самманнид̇аб̣б̣о. батамам̣ бхигку яаажид̇аб̣б̣о, яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
234. ‘‘Te ce, bhikkhave, bhikkhū na sakkonti taṃ adhikaraṇaṃ ubbāhikāya vūpasametuṃ, tehi, bhikkhave, bhikkhūhi taṃ adhikaraṇaṃ saṅghassa niyyādetabbaṃ – ‘na mayaṃ 2, bhante, sakkoma imaṃ adhikaraṇaṃ ubbāhikāya vūpasametuṃ, saṅghova imaṃ adhikaraṇaṃ vūpasametū’ti. Anujānāmi, bhikkhave, evarūpaṃ adhikaraṇaṃ yebhuyyasikāya vūpasametuṃ. Pañcahaṅgehi samannāgato bhikkhu salākaggāhāpako sammannitabbo – yo na chandāgatiṃ gaccheyya, na dosāgatiṃ gaccheyya, na mohāgatiṃ gaccheyya, na bhayāgatiṃ gaccheyya, gahitāgahitañca jāneyya…pe… evañca pana, bhikkhave, sammannitabbo. Paṭhamaṃ bhikkhu yācitabbo, yācitvā byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ салаагаг̇г̇аахаабагам̣ самманнзяяа. зсаа н̃ад̇д̇и.
‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmaṃ bhikkhuṃ salākaggāhāpakaṃ sammanneyya. Esā ñatti.
‘‘сун̣аад̇у мз, бханд̇з, сан̇гхо. сан̇гхо ид̇т̇аннаамам̣ бхигкум̣ салаагаг̇г̇аахаабагам̣ самманнад̇и. яассааяасмад̇о камад̇и ид̇т̇аннаамасса бхигкуно салаагаг̇г̇аахаабагасса саммуд̇и, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho itthannāmaṃ bhikkhuṃ salākaggāhāpakaṃ sammannati. Yassāyasmato khamati itthannāmassa bhikkhuno salākaggāhāpakassa sammuti, so tuṇhassa; yassa nakkhamati, so bhāseyya.
‘‘саммад̇о сан̇гхзна ид̇т̇аннаамо бхигку салаагаг̇г̇аахаабаго. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammato saṅghena itthannāmo bhikkhu salākaggāhāpako. Khamati saṅghassa, tasmā tuṇhī, evametaṃ dhārayāmī’’ti.
‘‘д̇зна салаагаг̇г̇аахаабагзна бхигкунаа салаагаа г̇аахзд̇аб̣б̣аа. яат̇аа б̣ахуд̇араа бхигкуу д̇хаммаваад̣̇ино вад̣̇анд̇и д̇ат̇аа д̇ам̣ ад̇хигаран̣ам̣ вуубасамзд̇аб̣б̣ам̣. ид̣̇ам̣ вужжад̇и, бхигкавз, ад̇хигаран̣ам̣ вуубасанд̇ам̣. гзна вуубасанд̇ам̣? саммукаавинаязна жа, язбхуяяасигааяа жа. гин̃жа д̇ад̇т̇а саммукаавинаяасмим̣? сан̇гхасаммукад̇аа, д̇хаммасаммукад̇аа, винаяасаммукад̇аа, буг̇г̇аласаммукад̇аа. гаа жа д̇ад̇т̇а сан̇гхасаммукад̇аа? яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа на бадиггосанд̇и – аяам̣ д̇ад̇т̇а сан̇гхасаммукад̇аа. гаа жа д̇ад̇т̇а д̇хаммасаммукад̇аа, винаяасаммукад̇аа? язна д̇хаммзна язна винаязна язна сад̇т̇усаасанзна д̇ам̣ ад̇хигаран̣ам̣ вуубасаммад̇и – аяам̣ д̇ад̇т̇а д̇хаммасаммукад̇аа, винаяасаммукад̇аа . гаа жа д̇ад̇т̇а буг̇г̇аласаммукад̇аа? яо жа вивад̣̇ад̇и, язна жа вивад̣̇ад̇и, убхо ад̇т̇абажжад̇т̇игаа саммукийбхууд̇аа хонд̇и – аяам̣ д̇ад̇т̇а буг̇г̇аласаммукад̇аа. гаа жа д̇ад̇т̇а язбхуяяасигааяа? яаа язбхуяяасигаагаммасса гирияаа гаран̣ам̣ убаг̇аманам̣ аж̇жхубаг̇аманам̣ ад̇хиваасанаа аббадиггосанаа – аяам̣ д̇ад̇т̇а язбхуяяасигааяа. звам̣ вуубасанд̇ам̣ жз, бхигкавз, ад̇хигаран̣ам̣ гаараго уггодзд̇и, уггоданагам̣ баажид̇д̇ияам̣; чанд̣̇ад̣̇ааяаго кийяад̇и, кийяанагам̣ баажид̇д̇ияа’’нд̇и.
‘‘Tena salākaggāhāpakena bhikkhunā salākā gāhetabbā. Yathā bahutarā bhikkhū dhammavādino vadanti tathā taṃ adhikaraṇaṃ vūpasametabbaṃ. Idaṃ vuccati, bhikkhave, adhikaraṇaṃ vūpasantaṃ. Kena vūpasantaṃ? Sammukhāvinayena ca, yebhuyyasikāya ca. Kiñca tattha sammukhāvinayasmiṃ? Saṅghasammukhatā, dhammasammukhatā, vinayasammukhatā, puggalasammukhatā. Kā ca tattha saṅghasammukhatā? Yāvatikā bhikkhū kammappattā te āgatā honti, chandārahānaṃ chando āhaṭo hoti, sammukhībhūtā na paṭikkosanti – ayaṃ tattha saṅghasammukhatā. Kā ca tattha dhammasammukhatā, vinayasammukhatā? Yena dhammena yena vinayena yena satthusāsanena taṃ adhikaraṇaṃ vūpasammati – ayaṃ tattha dhammasammukhatā, vinayasammukhatā . Kā ca tattha puggalasammukhatā? Yo ca vivadati, yena ca vivadati, ubho atthapaccatthikā sammukhībhūtā honti – ayaṃ tattha puggalasammukhatā. Kā ca tattha yebhuyyasikāya? Yā yebhuyyasikākammassa kiriyā karaṇaṃ upagamanaṃ ajjhupagamanaṃ adhivāsanā appaṭikkosanā – ayaṃ tattha yebhuyyasikāya. Evaṃ vūpasantaṃ ce, bhikkhave, adhikaraṇaṃ kārako ukkoṭeti, ukkoṭanakaṃ pācittiyaṃ; chandadāyako khīyati, khīyanakaṃ pācittiya’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ад̇хигаран̣авуубасаманасамат̇агат̇аа • Adhikaraṇavūpasamanasamathakathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. ад̇хигаран̣авуубасаманасамат̇агат̇аа • 9. Adhikaraṇavūpasamanasamathakathā
