| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
язваабанагаван̣н̣анаа
Yevāpanakavaṇṇanā
яат̇аа д̇ат̇аа ваад̇и саммаа мижчаа ваа. анад̇химужжанд̇од̇и ‘‘ид̣̇ам̣ гариссаами, зд̇ам̣ гариссаамий’’д̇и звам̣ бавад̇д̇абуб̣б̣абхааг̇асаннидтаанахзд̇угзна баяог̇агааласаннидтаанзна анижчинанд̇о. яад̇т̇а хи анижчаяо, д̇ад̇т̇а аббадибад̇д̇и зваад̇и. сам̣саббанам̣ сам̣саяо. со хи ‘‘аасаббанаа барисаббанаа’’д̇и вуд̇д̇о. асад̇иби б̣яаабаарз д̇ад̇рамаж̇жхад̇д̇ад̇ааяа сад̇и д̇ам̣самбаяуд̇д̇ад̇хаммаа сагасагагижжавасзна ануунаанад̇хигад̇ааяа алийнаануд̣̇д̇хад̇ад̇ааяа жа сам̣вад̇д̇анд̇ийд̇и саа д̇зсам̣ д̇ат̇аабавад̇д̇ияаа бажжаяабхууд̇аа уунаад̇хигабхаавам̣ ниваарзд̇и вияаад̇и уунаад̇хиганивааран̣арасаа вуд̇д̇аа. д̇ат̇аа бавад̇д̇ибажжаяад̇д̇ааязва д̇зсу д̇хаммзсу маж̇жхад̇д̇ад̇аад̇и жа вуд̇д̇аа.
Yathātathā vāti sammā micchā vā. Anadhimuccantoti ‘‘idaṃ karissāmi, etaṃ karissāmī’’ti evaṃ pavattapubbabhāgasanniṭṭhānahetukena payogakālasanniṭṭhānena anicchinanto. Yattha hi anicchayo, tattha appaṭipatti evāti. Saṃsappanaṃ saṃsayo. So hi ‘‘āsappanā parisappanā’’ti vutto. Asatipi byāpāre tatramajjhattatāya sati taṃsampayuttadhammā sakasakakiccavasena anūnānadhikatāya alīnaanuddhatatāya ca saṃvattantīti sā tesaṃ tathāpavattiyā paccayabhūtā ūnādhikabhāvaṃ nivāreti viyāti ūnādhikanivāraṇarasā vuttā. Tathā pavattipaccayattāyeva tesu dhammesu majjhattatāti ca vuttā.
жхаанабад̣̇ассаад̇и жхаанасад̣̇д̣̇асса. д̇зсууд̇и бан̃жасу. бан̃жа хи ан̇г̇аани жхаанабад̣̇асса ад̇т̇од̇и ид̣̇ам̣ сам̣ван̣н̣ияамаанад̇д̇ааязва имам̣ жид̇д̇уббаад̣̇ам̣ санд̇хааяа вуд̇д̇ам̣. на хи саб̣б̣асмим̣ жид̇д̇уббаад̣̇з бан̃жзва жхаанан̇г̇аани. бад̣̇асамуухо ваагяам̣, бад̣̇агодтаасо ваа пассабан̃жамагаад̣̇и д̇хаммарааси. вуд̇д̇ам̣ буурид̇анд̇и чабан̣н̣аасаад̣̇ид̇ааяа бууран̣авасзна. пассабажжаяаа взд̣̇анаа ‘‘пудто взд̣̇зд̇и, пудто сан̃ж̇аанаад̇ий’’д̇иаад̣̇иважанад̇о (сам̣. ни. 4.93) пассо взд̣̇анаад̣̇ийнам̣ бажжаяо. яад̣̇иби чанд̣̇аад̣̇аяо яат̇аавуд̇д̇араасигижжаабхаавад̇о д̇зсу на вад̇д̇аб̣б̣аа, висум̣ раасианд̇арабхаавзна бана саруубад̇о вад̇д̇аб̣б̣аад̇и жод̣̇анам̣ манаси гад̇ваа ‘‘вуд̇д̇аанамбий’’д̇иаад̣̇имааха.
Jhānapadassāti jhānasaddassa. Tesūti pañcasu. Pañca hi aṅgāni jhānapadassa atthoti idaṃ saṃvaṇṇiyamānattāyeva imaṃ cittuppādaṃ sandhāya vuttaṃ. Na hi sabbasmiṃ cittuppāde pañceva jhānaṅgāni. Padasamūho vākyaṃ, padakoṭṭhāso vā phassapañcamakādi dhammarāsi. Vuttaṃ pūritanti chapaṇṇāsāditāya pūraṇavasena. Phassapaccayā vedanā ‘‘phuṭṭho vedeti, phuṭṭho sañjānātī’’tiādivacanato (saṃ. ni. 4.93) phasso vedanādīnaṃ paccayo. Yadipi chandādayo yathāvuttarāsikiccābhāvato tesu na vattabbā, visuṃ rāsiantarabhāvena pana sarūpato vattabbāti codanaṃ manasi katvā ‘‘vuttānampī’’tiādimāha.
д̇хаммуд̣̇д̣̇зсаваарагат̇ааван̣н̣анаа нидтид̇аа.
Dhammuddesavārakathāvaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / язваабанагаван̣н̣анаа • Yevāpanakavaṇṇanā
