| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3-5. яод̇хааж̇ийвасуд̇д̇аад̣̇иван̣н̣анаа
3-5. Yodhājīvasuttādivaṇṇanā
355-357. яуж̇жханам̣ яод̇хо, со ааж̇ийво зд̇ассаад̇и яод̇хааж̇ийво. д̇знааха – ‘‘яуд̣̇д̇хзна ж̇ийвигам̣ габбанаго’’д̇и, уссаахам̣ вааяаамам̣ гарод̇ийд̇и яуж̇жханавасзна уссаахам̣ вааяаамам̣ гарод̇и. барияаабаад̣̇знд̇ийд̇и маран̣абарияанд̇игам̣ аабад̣̇ам̣ баабзнд̇и. д̇знааха ‘‘маран̣ам̣ бадибаж̇ж̇аабзнд̇ий’’д̇и. д̣̇удту табид̇анд̇и д̣̇удтаагаарзна ад̇д̇ано барзсан̃жа ад̇т̇аавахабхаавам̣ на г̇ад̇ам̣ бадибаннам̣. барзхи сан̇г̇аамз ж̇ид̇аа хад̇аа зд̇т̇а ж̇ааяанд̇ийд̇и бараж̇ид̇о наама нираяо. асид̇хануг̇ад̣̇ааяасан̇гужаггаани бан̃жаавуд̇хаани. д̇ам̣ санд̇хааяаад̇и д̇ам̣ яод̇хааж̇ийвам̣ буг̇г̇алам̣ санд̇хааяа. зд̇ам̣ ‘‘яо со’’д̇иаад̣̇и вуд̇д̇ам̣. жад̇уд̇т̇абан̃жамзсууд̇и хад̇т̇аарохаассаарохасуд̇д̇зсу. зсзва наяод̇и зсо д̇ад̇ияз вуд̇д̇о зва ад̇т̇ад̇о висзсаабхаавад̇о.
355-357. Yujjhanaṃ yodho, so ājīvo etassāti yodhājīvo. Tenāha – ‘‘yuddhena jīvikaṃ kappanako’’ti, ussāhaṃ vāyāmaṃ karotīti yujjhanavasena ussāhaṃ vāyāmaṃ karoti. Pariyāpādentīti maraṇapariyantikaṃ āpadaṃ pāpenti. Tenāha ‘‘maraṇaṃ paṭipajjāpentī’’ti. Duṭṭhu ṭhapitanti duṭṭhākārena attano paresañca atthāvahabhāvaṃ na gataṃ paṭipannaṃ. Parehi saṅgāme jitā hatā ettha jāyantīti parajito nāma nirayo. Asidhanugadāyasaṅkucakkāni pañcāvudhāni. Taṃ sandhāyāti taṃ yodhājīvaṃ puggalaṃ sandhāya. Etaṃ ‘‘yo so’’tiādi vuttaṃ. Catutthapañcamesūti hatthārohaassārohasuttesu. Eseva nayoti eso tatiye vutto eva atthato visesābhāvato.
яод̇хааж̇ийвасуд̇д̇аад̣̇иван̣н̣анаа нидтид̇аа.
Yodhājīvasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
3. яод̇хааж̇ийвасуд̇д̇ам̣ • 3. Yodhājīvasuttaṃ
4. хад̇т̇аарохасуд̇д̇ам̣ • 4. Hatthārohasuttaṃ
5. ассаарохасуд̇д̇ам̣ • 5. Assārohasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-5. яод̇хааж̇ийвасуд̇д̇аад̣̇иван̣н̣анаа • 3-5. Yodhājīvasuttādivaṇṇanā
