| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
३-५. योधाजीवसुत्तादिवण्णना
3-5. Yodhājīvasuttādivaṇṇanā
३५५-३५७. युज्झनं योधो, सो आजीवो एतस्साति योधाजीवो। तेनाह – ‘‘युद्धेन जीविकं कप्पनको’’ति, उस्साहं वायामं करोतीति युज्झनवसेन उस्साहं वायामं करोति। परियापादेन्तीति मरणपरियन्तिकं आपदं पापेन्ति। तेनाह ‘‘मरणं पटिपज्जापेन्ती’’ति। दुट्ठु ठपितन्ति दुट्ठाकारेन अत्तनो परेसञ्च अत्थावहभावं न गतं पटिपन्नं। परेहि सङ्गामे जिता हता एत्थ जायन्तीति परजितो नाम निरयो। असिधनुगदायसङ्कुचक्कानि पञ्चावुधानि। तं सन्धायाति तं योधाजीवं पुग्गलं सन्धाय। एतं ‘‘यो सो’’तिआदि वुत्तं। चतुत्थपञ्चमेसूति हत्थारोहअस्सारोहसुत्तेसु। एसेव नयोति एसो ततिये वुत्तो एव अत्थतो विसेसाभावतो।
355-357. Yujjhanaṃ yodho, so ājīvo etassāti yodhājīvo. Tenāha – ‘‘yuddhena jīvikaṃ kappanako’’ti, ussāhaṃ vāyāmaṃ karotīti yujjhanavasena ussāhaṃ vāyāmaṃ karoti. Pariyāpādentīti maraṇapariyantikaṃ āpadaṃ pāpenti. Tenāha ‘‘maraṇaṃ paṭipajjāpentī’’ti. Duṭṭhu ṭhapitanti duṭṭhākārena attano paresañca atthāvahabhāvaṃ na gataṃ paṭipannaṃ. Parehi saṅgāme jitā hatā ettha jāyantīti parajito nāma nirayo. Asidhanugadāyasaṅkucakkāni pañcāvudhāni. Taṃ sandhāyāti taṃ yodhājīvaṃ puggalaṃ sandhāya. Etaṃ ‘‘yo so’’tiādi vuttaṃ. Catutthapañcamesūti hatthārohaassārohasuttesu. Eseva nayoti eso tatiye vutto eva atthato visesābhāvato.
योधाजीवसुत्तादिवण्णना निट्ठिता।
Yodhājīvasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
३. योधाजीवसुत्तं • 3. Yodhājīvasuttaṃ
४. हत्थारोहसुत्तं • 4. Hatthārohasuttaṃ
५. अस्सारोहसुत्तं • 5. Assārohasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ३-५. योधाजीवसुत्तादिवण्णना • 3-5. Yodhājīvasuttādivaṇṇanā
