| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౩-౫. యోధాజీవసుత్తాదివణ్ణనా
3-5. Yodhājīvasuttādivaṇṇanā
౩౫౫-౩౫౭. తతియే యోధాజీవోతి యుద్ధేన జీవికం కప్పనకో ధమ్మసఙ్గాహకత్థేరేహి ఏవం గహితనామో. ఉస్సహతి వాయమతీతి ఉస్సాహం వాయామం కరోతి. పరియాపాదేన్తీతి మరణం పటిపజ్జాపేన్తి. దుక్కటన్తి దుట్ఠు కతం. దుప్పణిహితన్తి దుట్ఠు ఠపితం. పరజితో నామ నిరయోతి అయమ్పి న విసుం ఏకో నిరయో, అవీచిస్సేవ పన ఏకస్మిం కోట్ఠాసే పఞ్చావుధసన్నద్ధా ఫలకహత్థా హత్థిఅస్సరథే ఆరుయ్హ సఙ్గామే యుజ్ఝన్తా వియ పచ్చన్తి, తం సన్ధాయేతం వుత్తం. చతుత్థపఞ్చమేసుపి ఏసేవ నయో.
355-357. Tatiye yodhājīvoti yuddhena jīvikaṃ kappanako dhammasaṅgāhakattherehi evaṃ gahitanāmo. Ussahati vāyamatīti ussāhaṃ vāyāmaṃ karoti. Pariyāpādentīti maraṇaṃ paṭipajjāpenti. Dukkaṭanti duṭṭhu kataṃ. Duppaṇihitanti duṭṭhu ṭhapitaṃ. Parajito nāma nirayoti ayampi na visuṃ eko nirayo, avīcisseva pana ekasmiṃ koṭṭhāse pañcāvudhasannaddhā phalakahatthā hatthiassarathe āruyha saṅgāme yujjhantā viya paccanti, taṃ sandhāyetaṃ vuttaṃ. Catutthapañcamesupi eseva nayo.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya
౩. యోధాజీవసుత్తం • 3. Yodhājīvasuttaṃ
౪. హత్థారోహసుత్తం • 4. Hatthārohasuttaṃ
౫. అస్సారోహసుత్తం • 5. Assārohasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩-౫. యోధాజీవసుత్తాదివణ్ణనా • 3-5. Yodhājīvasuttādivaṇṇanā
