| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๓-๕. โยธาชีวสุตฺตาทิวณฺณนา
3-5. Yodhājīvasuttādivaṇṇanā
๓๕๕-๓๕๗. ยุชฺฌนํ โยโธ, โส อาชีโว เอตสฺสาติ โยธาชีโวฯ เตนาห – ‘‘ยุเทฺธน ชีวิกํ กปฺปนโก’’ติ, อุสฺสาหํ วายามํ กโรตีติ ยุชฺฌนวเสน อุสฺสาหํ วายามํ กโรติฯ ปริยาปาเทนฺตีติ มรณปริยนฺติกํ อาปทํ ปาเปนฺติฯ เตนาห ‘‘มรณํ ปฎิปชฺชาเปนฺตี’’ติฯ ทุฎฺฐุ ฐปิตนฺติ ทุฎฺฐากาเรน อตฺตโน ปเรสญฺจ อตฺถาวหภาวํ น คตํ ปฎิปนฺนํฯ ปเรหิ สงฺคาเม ชิตา หตา เอตฺถ ชายนฺตีติ ปรชิโต นาม นิรโยฯ อสิธนุคทายสงฺกุจกฺกานิ ปญฺจาวุธานิฯ ตํ สนฺธายาติ ตํ โยธาชีวํ ปุคฺคลํ สนฺธายฯ เอตํ ‘‘โย โส’’ติอาทิ วุตฺตํฯ จตุตฺถปญฺจเมสูติ หตฺถาโรหอสฺสาโรหสุเตฺตสุฯ เอเสว นโยติ เอโส ตติเย วุโตฺต เอว อตฺถโต วิเสสาภาวโตฯ
355-357. Yujjhanaṃ yodho, so ājīvo etassāti yodhājīvo. Tenāha – ‘‘yuddhena jīvikaṃ kappanako’’ti, ussāhaṃ vāyāmaṃ karotīti yujjhanavasena ussāhaṃ vāyāmaṃ karoti. Pariyāpādentīti maraṇapariyantikaṃ āpadaṃ pāpenti. Tenāha ‘‘maraṇaṃ paṭipajjāpentī’’ti. Duṭṭhu ṭhapitanti duṭṭhākārena attano paresañca atthāvahabhāvaṃ na gataṃ paṭipannaṃ. Parehi saṅgāme jitā hatā ettha jāyantīti parajito nāma nirayo. Asidhanugadāyasaṅkucakkāni pañcāvudhāni. Taṃ sandhāyāti taṃ yodhājīvaṃ puggalaṃ sandhāya. Etaṃ ‘‘yo so’’tiādi vuttaṃ. Catutthapañcamesūti hatthārohaassārohasuttesu. Eseva nayoti eso tatiye vutto eva atthato visesābhāvato.
โยธาชีวสุตฺตาทิวณฺณนา นิฎฺฐิตาฯ
Yodhājīvasuttādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๓. โยธาชีวสุตฺตํ • 3. Yodhājīvasuttaṃ
๔. หตฺถาโรหสุตฺตํ • 4. Hatthārohasuttaṃ
๕. อสฺสาโรหสุตฺตํ • 5. Assārohasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓-๕. โยธาชีวสุตฺตาทิวณฺณนา • 3-5. Yodhājīvasuttādivaṇṇanā
