| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၃-၅. ယောဓာဇီဝသုတ္တာဒိဝဏ္ဏနာ
3-5. Yodhājīvasuttādivaṇṇanā
၃၅၅-၃၅၇. တတိယေ ယောဓာဇီဝောတိ ယုဒ္ဓေန ဇီဝိကံ ကပ္ပနကော ဓမ္မသင္ဂာဟကတ္ထေရေဟိ ဧဝံ ဂဟိတနာမော။ ဥသ္သဟတိ ဝာယမတီတိ ဥသ္သာဟံ ဝာယာမံ ကရောတိ။ ပရိယာပာဒေန္တီတိ မရဏံ ပဋိပဇ္ဇာပေန္တိ။ ဒုက္ကဋန္တိ ဒုဋ္ဌု ကတံ။ ဒုပ္ပဏိဟိတန္တိ ဒုဋ္ဌု ဌပိတံ။ ပရဇိတော နာမ နိရယောတိ အယမ္ပိ န ဝိသုံ ဧကော နိရယော, အဝီစိသ္သေဝ ပန ဧကသ္မိံ ကောဋ္ဌာသေ ပဉ္စာဝုဓသန္နဒ္ဓာ ဖလကဟတ္ထာ ဟတ္ထိအသ္သရထေ အာရုယ္ဟ သင္ဂာမေ ယုဇ္ဈန္တာ ဝိယ ပစ္စန္တိ, တံ သန္ဓာယေတံ ဝုတ္တံ။ စတုတ္ထပဉ္စမေသုပိ ဧသေဝ နယော။
355-357. Tatiye yodhājīvoti yuddhena jīvikaṃ kappanako dhammasaṅgāhakattherehi evaṃ gahitanāmo. Ussahati vāyamatīti ussāhaṃ vāyāmaṃ karoti. Pariyāpādentīti maraṇaṃ paṭipajjāpenti. Dukkaṭanti duṭṭhu kataṃ. Duppaṇihitanti duṭṭhu ṭhapitaṃ. Parajito nāma nirayoti ayampi na visuṃ eko nirayo, avīcisseva pana ekasmiṃ koṭṭhāse pañcāvudhasannaddhā phalakahatthā hatthiassarathe āruyha saṅgāme yujjhantā viya paccanti, taṃ sandhāyetaṃ vuttaṃ. Catutthapañcamesupi eseva nayo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၃. ယောဓာဇီဝသုတ္တံ • 3. Yodhājīvasuttaṃ
၄. ဟတ္ထာရောဟသုတ္တံ • 4. Hatthārohasuttaṃ
၅. အသ္သာရောဟသုတ္တံ • 5. Assārohasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃-၅. ယောဓာဇီဝသုတ္တာဒိဝဏ္ဏနာ • 3-5. Yodhājīvasuttādivaṇṇanā
