| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
3-5. යොධාජීවසුත්‌තාදිවණ්‌ණනා
3-5. Yodhājīvasuttādivaṇṇanā
355-357. යුජ්‌ඣනං යොධො, සො ආජීවො එතස්‌සාති යොධාජීවො. තෙනාහ – ‘‘යුද්‌ධෙන ජීවිකං කප්‌පනකො’’ති, උස්‌සාහං වායාමං කරොතීති යුජ්‌ඣනවසෙන උස්‌සාහං වායාමං කරොති. පරියාපාදෙන්‌තීති මරණපරියන්‌තිකං ආපදං පාපෙන්‌ති. තෙනාහ ‘‘මරණං පටිපජ්‌ජාපෙන්‌තී’’ති. දුට්‌ඨු ඨපිතන්‌ති දුට්‌ඨාකාරෙන අත්‌තනො පරෙසඤ්‌ච අත්‌ථාවහභාවං න ගතං පටිපන්‌නං. පරෙහි සඞ්‌ගාමෙ ජිතා හතා එත්‌ථ ජායන්‌තීති පරජිතො නාම නිරයො. අසිධනුගදායසඞ්‌කුචක්‌කානි පඤ්‌චාවුධානි. තං සන්‌ධායාති තං යොධාජීවං පුග්‌ගලං සන්‌ධාය. එතං ‘‘යො සො’’තිආදි වුත්‌තං. චතුත්‌ථපඤ්‌චමෙසූති හත්‌ථාරොහඅස්‌සාරොහසුත්‌තෙසු. එසෙව නයොති එසො තතියෙ වුත්‌තො එව අත්‌ථතො විසෙසාභාවතො.
355-357. Yujjhanaṃ yodho, so ājīvo etassāti yodhājīvo. Tenāha – ‘‘yuddhena jīvikaṃ kappanako’’ti, ussāhaṃ vāyāmaṃ karotīti yujjhanavasena ussāhaṃ vāyāmaṃ karoti. Pariyāpādentīti maraṇapariyantikaṃ āpadaṃ pāpenti. Tenāha ‘‘maraṇaṃ paṭipajjāpentī’’ti. Duṭṭhu ṭhapitanti duṭṭhākārena attano paresañca atthāvahabhāvaṃ na gataṃ paṭipannaṃ. Parehi saṅgāme jitā hatā ettha jāyantīti parajito nāma nirayo. Asidhanugadāyasaṅkucakkāni pañcāvudhāni. Taṃ sandhāyāti taṃ yodhājīvaṃ puggalaṃ sandhāya. Etaṃ ‘‘yo so’’tiādi vuttaṃ. Catutthapañcamesūti hatthārohaassārohasuttesu. Eseva nayoti eso tatiye vutto eva atthato visesābhāvato.
යොධාජීවසුත්‌තාදිවණ්‌ණනා නිට්‌ඨිතා.
Yodhājīvasuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
3. යොධාජීවසුත්‌තං • 3. Yodhājīvasuttaṃ
4. හත්‌ථාරොහසුත්‌තං • 4. Hatthārohasuttaṃ
5. අස්‌සාරොහසුත්‌තං • 5. Assārohasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3-5. යොධාජීවසුත්‌තාදිවණ්‌ණනා • 3-5. Yodhājīvasuttādivaṇṇanā
