| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩-੫. ਯੋਧਾਜੀવਸੁਤ੍ਤਾਦਿવਣ੍ਣਨਾ
3-5. Yodhājīvasuttādivaṇṇanā
੩੫੫-੩੫੭. ਯੁਜ੍ਝਨਂ ਯੋਧੋ, ਸੋ ਆਜੀવੋ ਏਤਸ੍ਸਾਤਿ ਯੋਧਾਜੀવੋ। ਤੇਨਾਹ – ‘‘ਯੁਦ੍ਧੇਨ ਜੀવਿਕਂ ਕਪ੍ਪਨਕੋ’’ਤਿ, ਉਸ੍ਸਾਹਂ વਾਯਾਮਂ ਕਰੋਤੀਤਿ ਯੁਜ੍ਝਨવਸੇਨ ਉਸ੍ਸਾਹਂ વਾਯਾਮਂ ਕਰੋਤਿ। ਪਰਿਯਾਪਾਦੇਨ੍ਤੀਤਿ ਮਰਣਪਰਿਯਨ੍ਤਿਕਂ ਆਪਦਂ ਪਾਪੇਨ੍ਤਿ। ਤੇਨਾਹ ‘‘ਮਰਣਂ ਪਟਿਪਜ੍ਜਾਪੇਨ੍ਤੀ’’ਤਿ। ਦੁਟ੍ਠੁ ਠਪਿਤਨ੍ਤਿ ਦੁਟ੍ਠਾਕਾਰੇਨ ਅਤ੍ਤਨੋ ਪਰੇਸਞ੍ਚ ਅਤ੍ਥਾવਹਭਾવਂ ਨ ਗਤਂ ਪਟਿਪਨ੍ਨਂ। ਪਰੇਹਿ ਸਙ੍ਗਾਮੇ ਜਿਤਾ ਹਤਾ ਏਤ੍ਥ ਜਾਯਨ੍ਤੀਤਿ ਪਰਜਿਤੋ ਨਾਮ ਨਿਰਯੋ। ਅਸਿਧਨੁਗਦਾਯਸਙ੍ਕੁਚਕ੍ਕਾਨਿ ਪਞ੍ਚਾવੁਧਾਨਿ। ਤਂ ਸਨ੍ਧਾਯਾਤਿ ਤਂ ਯੋਧਾਜੀવਂ ਪੁਗ੍ਗਲਂ ਸਨ੍ਧਾਯ। ਏਤਂ ‘‘ਯੋ ਸੋ’’ਤਿਆਦਿ વੁਤ੍ਤਂ। ਚਤੁਤ੍ਥਪਞ੍ਚਮੇਸੂਤਿ ਹਤ੍ਥਾਰੋਹਅਸ੍ਸਾਰੋਹਸੁਤ੍ਤੇਸੁ। ਏਸੇવ ਨਯੋਤਿ ਏਸੋ ਤਤਿਯੇ વੁਤ੍ਤੋ ਏવ ਅਤ੍ਥਤੋ વਿਸੇਸਾਭਾવਤੋ।
355-357. Yujjhanaṃ yodho, so ājīvo etassāti yodhājīvo. Tenāha – ‘‘yuddhena jīvikaṃ kappanako’’ti, ussāhaṃ vāyāmaṃ karotīti yujjhanavasena ussāhaṃ vāyāmaṃ karoti. Pariyāpādentīti maraṇapariyantikaṃ āpadaṃ pāpenti. Tenāha ‘‘maraṇaṃ paṭipajjāpentī’’ti. Duṭṭhu ṭhapitanti duṭṭhākārena attano paresañca atthāvahabhāvaṃ na gataṃ paṭipannaṃ. Parehi saṅgāme jitā hatā ettha jāyantīti parajito nāma nirayo. Asidhanugadāyasaṅkucakkāni pañcāvudhāni. Taṃ sandhāyāti taṃ yodhājīvaṃ puggalaṃ sandhāya. Etaṃ ‘‘yo so’’tiādi vuttaṃ. Catutthapañcamesūti hatthārohaassārohasuttesu. Eseva nayoti eso tatiye vutto eva atthato visesābhāvato.
ਯੋਧਾਜੀવਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Yodhājīvasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੩. ਯੋਧਾਜੀવਸੁਤ੍ਤਂ • 3. Yodhājīvasuttaṃ
੪. ਹਤ੍ਥਾਰੋਹਸੁਤ੍ਤਂ • 4. Hatthārohasuttaṃ
੫. ਅਸ੍ਸਾਰੋਹਸੁਤ੍ਤਂ • 5. Assārohasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩-੫. ਯੋਧਾਜੀવਸੁਤ੍ਤਾਦਿવਣ੍ਣਨਾ • 3-5. Yodhājīvasuttādivaṇṇanā
