| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(14) 4. яод̇хааж̇ийваваг̇г̇о
(14) 4. Yodhājīvavaggo
1. яод̇хааж̇ийвасуд̇д̇ам̣
1. Yodhājīvasuttaṃ
134. ‘‘д̇ийхи , бхигкавз, ан̇г̇зхи саманнааг̇ад̇о яод̇хааж̇ийво рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кяам̣ г̇ажчад̇и. гад̇амзхи д̇ийхи ? ид̇ха, бхигкавз, яод̇хааж̇ийво д̣̇уурз баад̇ий жа ход̇и агкан̣авзд̇хий жа махад̇о жа гааяасса бад̣̇аалзд̇аа. имзхи, ко, бхигкавз, д̇ийхи ан̇г̇зхи саманнааг̇ад̇о яод̇хааж̇ийво рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кяам̣ г̇ажчад̇и. звамзвам̣ ко, бхигкавз, д̇ийхи ан̇г̇зхи саманнааг̇ад̇о бхигку аахунзяяо ход̇и…бз… ануд̇д̇арам̣ бун̃н̃агкзд̇д̇ам̣ логасса. гад̇амзхи д̇ийхи? ид̇ха, бхигкавз, бхигку д̣̇уурз баад̇ий жа ход̇и агкан̣авзд̇хий жа махад̇о жа гааяасса бад̣̇аалзд̇аа.
134. ‘‘Tīhi , bhikkhave, aṅgehi samannāgato yodhājīvo rājāraho hoti rājabhoggo, rañño aṅganteva saṅkhyaṃ gacchati. Katamehi tīhi ? Idha, bhikkhave, yodhājīvo dūre pātī ca hoti akkhaṇavedhī ca mahato ca kāyassa padāletā. Imehi, kho, bhikkhave, tīhi aṅgehi samannāgato yodhājīvo rājāraho hoti rājabhoggo, rañño aṅganteva saṅkhyaṃ gacchati. Evamevaṃ kho, bhikkhave, tīhi aṅgehi samannāgato bhikkhu āhuneyyo hoti…pe… anuttaraṃ puññakkhettaṃ lokassa. Katamehi tīhi? Idha, bhikkhave, bhikkhu dūre pātī ca hoti akkhaṇavedhī ca mahato ca kāyassa padāletā.
‘‘гат̇ан̃жа, бхигкавз, бхигку д̣̇уурз баад̇ий ход̇и? ид̇ха, бхигкавз, бхигку яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ руубам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яаа гаажи взд̣̇анаа ад̇ийд̇аанааг̇ад̇абажжуббаннаа аж̇жхад̇д̇аа ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яаа д̣̇уурз санд̇игз ваа, саб̣б̣ам̣ взд̣̇анам̣ 1 – ‘нзд̇ам̣ мама, нзсохамасмсмми , на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яаа гаажи сан̃н̃аа ад̇ийд̇аанааг̇ад̇абажжуббаннаа аж̇жхад̇д̇аа ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яаа д̣̇уурз санд̇игз ваа, саб̣б̣ам̣ сан̃н̃ам̣ 2 – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яз гзжи сан̇каараа ад̇ийд̇аанааг̇ад̇абажжуббаннаа аж̇жхад̇д̇аа ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яз д̣̇уурз санд̇игз ваа, саб̣б̣з сан̇каарз – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. звам̣ ко, бхигкавз, бхигку д̣̇уурз баад̇ий ход̇и.
‘‘Kathañca, bhikkhave, bhikkhu dūre pātī hoti? Idha, bhikkhave, bhikkhu yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ rūpaṃ – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya passati. Yā kāci vedanā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā, sabbaṃ vedanaṃ 3 – ‘netaṃ mama, nesohamasmsmmi , na meso attā’ti evametaṃ yathābhūtaṃ sammappaññāya passati. Yā kāci saññā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā, sabbaṃ saññaṃ 4 – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya passati. Ye keci saṅkhārā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā ye dūre santike vā, sabbe saṅkhāre – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya passati. Yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya passati. Evaṃ kho, bhikkhave, bhikkhu dūre pātī hoti.
‘‘гат̇ан̃жа, бхигкавз, бхигку агкан̣авзд̇хий ход̇и? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и; ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и; ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и; ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. звам̣ ко, бхигкавз, бхигку агкан̣авзд̇хий ход̇и.
‘‘Kathañca, bhikkhave, bhikkhu akkhaṇavedhī hoti? Idha, bhikkhave, bhikkhu ‘idaṃ dukkha’nti yathābhūtaṃ pajānāti; ‘ayaṃ dukkhasamudayo’ti yathābhūtaṃ pajānāti; ‘ayaṃ dukkhanirodho’ti yathābhūtaṃ pajānāti; ‘ayaṃ dukkhanirodhagāminī paṭipadā’ti yathābhūtaṃ pajānāti. Evaṃ kho, bhikkhave, bhikkhu akkhaṇavedhī hoti.
‘‘гат̇ан̃жа, бхигкавз, бхигку махад̇о гааяасса бад̣̇аалзд̇аа ход̇и? ид̇ха, бхигкавз, бхигку маханд̇ам̣ авиж̇ж̇аагканд̇хам̣ бад̣̇аалзд̇и. звам̣ ко, бхигкавз, бхигку махад̇о гааяасса бад̣̇аалзд̇аа ход̇и. имзхи ко, бхигкавз, д̇ийхи д̇хаммзхи саманнааг̇ад̇о бхигку аахунзяяо ход̇и…бз… ануд̇д̇арам̣ бун̃н̃агкзд̇д̇ам̣ логассаа’’д̇и. батамам̣.
‘‘Kathañca, bhikkhave, bhikkhu mahato kāyassa padāletā hoti? Idha, bhikkhave, bhikkhu mahantaṃ avijjākkhandhaṃ padāleti. Evaṃ kho, bhikkhave, bhikkhu mahato kāyassa padāletā hoti. Imehi kho, bhikkhave, tīhi dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassā’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. яод̇хааж̇ийвасуд̇д̇аван̣н̣анаа • 1. Yodhājīvasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. яод̇хааж̇ийвасуд̇д̇аван̣н̣анаа • 1. Yodhājīvasuttavaṇṇanā
