| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੧੪) ੪. ਯੋਧਾਜੀવવਗ੍ਗੋ
(14) 4. Yodhājīvavaggo
੧. ਯੋਧਾਜੀવਸੁਤ੍ਤવਣ੍ਣਨਾ
1. Yodhājīvasuttavaṇṇanā
੧੩੪. ਚਤੁਤ੍ਥਸ੍ਸ ਪਠਮੇ ਯੁਦ੍ਧਂ ਉਪਜੀવਤੀਤਿ ਯੋਧਾਜੀવੋ। ਰਾਜਾਰਹੋਤਿ ਰਞ੍ਞੋ ਅਨੁਚ੍ਛવਿਕੋ। ਰਾਜਭੋਗ੍ਗੋਤਿ ਰਞ੍ਞੋ ਉਪਭੋਗਪਰਿਭੋਗੋ। ਅਙ੍ਗਨ੍ਤੇવ ਸਙ੍ਖ੍ਯਂ ਗਚ੍ਛਤੀਤਿ ਹਤ੍ਥੋ વਿਯ ਪਾਦੋ વਿਯ ਚ ਅવਸ੍ਸਂ ਇਚ੍ਛਿਤਬ੍ਬਤ੍ਤਾ ਅਙ੍ਗਨ੍ਤਿ ਸਙ੍ਖ੍ਯਂ ਗਚ੍ਛਤਿ। ਦੂਰੇ ਪਾਤੀ ਹੋਤੀਤਿ ਉਦਕੇ ਉਸਭਮਤ੍ਤਂ , ਥਲੇ ਅਟ੍ਠੁਸਭਮਤ੍ਤਂ, ਤਤੋ વਾ ਉਤ੍ਤਰਿਨ੍ਤਿ ਦੂਰੇ ਕਣ੍ਡਂ ਪਾਤੇਤਿ। ਦੁਟ੍ਠਗਾਮਣਿਅਭਯਸ੍ਸ ਹਿ ਯੋਧਾਜੀવੋ ਨવਉਸਭਮਤ੍ਤਂ ਕਣ੍ਡਂ ਪਾਤੇਸਿ, ਪਚ੍ਛਿਮਭવੇ ਬੋਧਿਸਤ੍ਤੋ ਯੋਜਨਪ੍ਪਮਾਣਂ। ਅਕ੍ਖਣવੇਧੀਤਿ ਅવਿਰਾਧਿਤવੇਧੀ, ਅਕ੍ਖਣਂ વਾ વਿਜ੍ਜੁ વਿਜ੍ਜਨ੍ਤਰਿਕਾਯ વਿਜ੍ਝਿਤੁਂ ਸਮਤ੍ਥੋਤਿ ਅਤ੍ਥੋ। ਮਹਤੋ ਕਾਯਸ੍ਸ ਪਦਾਲੇਤਾਤਿ ਏਕਤੋਬਦ੍ਧਂ ਫਲਕਸਤਮ੍ਪਿ ਮਹਿਂਸਚਮ੍ਮਸਤਮ੍ਪਿ ਅਙ੍ਗੁਟ੍ਠਪਮਾਣਬਹਲਂ ਲੋਹਪਟ੍ਟਮ੍ਪਿ ਚਤੁਰਙ੍ਗੁਲਬਹਲਂ ਅਸਨਪਦਰਮ੍ਪਿ વਿਦਤ੍ਥਿਬਹਲਂ ਉਦੁਮ੍ਬਰਪਦਰਮ੍ਪਿ ਦੀਘਨ੍ਤੇਨ વਾਲਿਕਸਕਟਮ੍ਪਿ વਿਨਿવਿਜ੍ਝਿਤੁਂ ਸਮਤ੍ਥੋਤਿ ਅਤ੍ਥੋ। ਯਂਕਿਞ੍ਚਿ ਰੂਪਨ੍ਤਿਆਦਿ વਿਸੁਦ੍ਧਿਮਗ੍ਗੇ વਿਤ੍ਥਾਰਿਤਮੇવ। ਨੇਤਂ ਮਮਾਤਿਆਦਿ ਤਣ੍ਹਾਮਾਨਦਿਟ੍ਠਿਪਟਿਕ੍ਖੇਪવਸੇਨ વੁਤ੍ਤਂ। ਸਮ੍ਮਪ੍ਪਞ੍ਞਾਯ ਪਸ੍ਸਤੀਤਿ ਸਮ੍ਮਾ ਹੇਤੁਨਾ ਕਾਰਣੇਨ ਸਹવਿਪਸ੍ਸਨਾਯ ਮਗ੍ਗਪਞ੍ਞਾਯ ਪਸ੍ਸਤਿ। ਪਦਾਲੇਤੀਤਿ ਅਰਹਤ੍ਤਮਗ੍ਗੇਨ ਪਦਾਲੇਤਿ।
134. Catutthassa paṭhame yuddhaṃ upajīvatīti yodhājīvo. Rājārahoti rañño anucchaviko. Rājabhoggoti rañño upabhogaparibhogo. Aṅganteva saṅkhyaṃ gacchatīti hattho viya pādo viya ca avassaṃ icchitabbattā aṅganti saṅkhyaṃ gacchati. Dūre pātī hotīti udake usabhamattaṃ , thale aṭṭhusabhamattaṃ, tato vā uttarinti dūre kaṇḍaṃ pāteti. Duṭṭhagāmaṇiabhayassa hi yodhājīvo navausabhamattaṃ kaṇḍaṃ pātesi, pacchimabhave bodhisatto yojanappamāṇaṃ. Akkhaṇavedhīti avirādhitavedhī, akkhaṇaṃ vā vijju vijjantarikāya vijjhituṃ samatthoti attho. Mahato kāyassa padāletāti ekatobaddhaṃ phalakasatampi mahiṃsacammasatampi aṅguṭṭhapamāṇabahalaṃ lohapaṭṭampi caturaṅgulabahalaṃ asanapadarampi vidatthibahalaṃ udumbarapadarampi dīghantena vālikasakaṭampi vinivijjhituṃ samatthoti attho. Yaṃkiñci rūpantiādi visuddhimagge vitthāritameva. Netaṃ mamātiādi taṇhāmānadiṭṭhipaṭikkhepavasena vuttaṃ. Sammappaññāya passatīti sammā hetunā kāraṇena sahavipassanāya maggapaññāya passati. Padāletīti arahattamaggena padāleti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਯੋਧਾਜੀવਸੁਤ੍ਤਂ • 1. Yodhājīvasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਯੋਧਾਜੀવਸੁਤ੍ਤવਣ੍ਣਨਾ • 1. Yodhājīvasuttavaṇṇanā
