| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༡. ཡོགཀྑེམིཝགྒོ
11. Yogakkhemivaggo
༡. ཡོགཀྑེམིསུཏྟཾ
1. Yogakkhemisuttaṃ
༡༠༤. སཱཝཏྠིནིདཱནཾ ། ‘‘ཡོགཀྑེམིཔརིཡཱཡཾ ཝོ, བྷིཀྑཝེ, དྷམྨཔརིཡཱཡཾ དེསེསྶཱམི། ཏཾ སུཎཱཐ། ཀཏམོ ཙ, བྷིཀྑཝེ, ཡོགཀྑེམིཔརིཡཱཡོ དྷམྨཔརིཡཱཡོ? སནྟི, བྷིཀྑཝེ, ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ། ཏེ ཏཐཱགཏསྶ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝངྐཏཱ ཨཱཡཏིཾ ཨནུཔྤཱདདྷམྨཱ། ཏེསཉྩ པཧཱནཱཡ ཨཀྑཱསི ཡོགཾ, ཏསྨཱ ཏཐཱགཏོ ‘ཡོགཀྑེམཱི’ཏི ཝུཙྩཏི…པེ॰… སནྟི, བྷིཀྑཝེ, མནོཝིཉྙེཡྻཱ དྷམྨཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ། ཏེ ཏཐཱགཏསྶ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝངྐཏཱ ཨཱཡཏིཾ ཨནུཔྤཱདདྷམྨཱ། ཏེསཉྩ པཧཱནཱཡ ཨཀྑཱསི ཡོགཾ, ཏསྨཱ ཏཐཱགཏོ ‘ཡོགཀྑེམཱི’ཏི ཝུཙྩཏི། ཨཡཾ ཁོ, བྷིཀྑཝེ, ཡོགཀྑེམིཔརིཡཱཡོ དྷམྨཔརིཡཱཡོ’’ཏི། པཋམཾ།
104. Sāvatthinidānaṃ . ‘‘Yogakkhemipariyāyaṃ vo, bhikkhave, dhammapariyāyaṃ desessāmi. Taṃ suṇātha. Katamo ca, bhikkhave, yogakkhemipariyāyo dhammapariyāyo? Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Te tathāgatassa pahīnā ucchinnamūlā tālāvatthukatā anabhāvaṅkatā āyatiṃ anuppādadhammā. Tesañca pahānāya akkhāsi yogaṃ, tasmā tathāgato ‘yogakkhemī’ti vuccati…pe… santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Te tathāgatassa pahīnā ucchinnamūlā tālāvatthukatā anabhāvaṅkatā āyatiṃ anuppādadhammā. Tesañca pahānāya akkhāsi yogaṃ, tasmā tathāgato ‘yogakkhemī’ti vuccati. Ayaṃ kho, bhikkhave, yogakkhemipariyāyo dhammapariyāyo’’ti. Paṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. ཡོགཀྑེམིསུཏྟཝཎྞནཱ • 1. Yogakkhemisuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. ཡོགཀྑེམིསུཏྟཝཎྞནཱ • 1. Yogakkhemisuttavaṇṇanā
