| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၁. ယောဂက္ခေမိဝဂ္ဂော
11. Yogakkhemivaggo
၁. ယောဂက္ခေမိသုတ္တဝဏ္ဏနာ
1. Yogakkhemisuttavaṇṇanā
၁၀၄. စတူဟိ ယောဂေဟီတိ ကာမယောဂာဒီဟိ စတူဟိ ယောဂေဟိ။ ခေမိနောတိ ခေမဝတော ကုသလိနော။ ကာရဏဘူတန္တိ ကတ္တဗ္ဗဥပာယသ္သ ကာရဏဘူတံ။ ပရိယာယတိ ပဝတ္တိံ နိဝတ္တိဉ္စ ဉာပေတီတိ ပရိယာယော, ဓမ္မော စ သော ပရိယတ္တိဓမ္မတ္တာ ပရိယာယော စာတိ ဓမ္မပရိယာယော, တံ ဓမ္မပရိယာယံ။ ယသ္မာ ပန သော တသ္သာဓိဂမသ္သ ကာရဏံ ဟောတိ, တသ္မာ ဝုတ္တံ ‘‘ဓမ္မကာရဏ’’န္တိ။ ယုတ္တိန္တိ သမထဝိပသ္သနာဓမ္မာနီတိ ဝာ စတုသစ္စဓမ္မာနီတိ ဝာ။ ‘‘တသ္မာ’’တိ ပဒံ ဥဒ္ဓရိတ္ဝာ – ‘‘ကသ္မာ’’တိ ကာရဏံ ပုစ္ဆန္တော ‘‘ကိံ အက္ခာတတ္တာ, ဥဒာဟု ပဟီနတ္တာ’’တိ ဝိဘဇိတ္ဝာ ပုစ္ဆိ။ ယသ္မာ ပန ဆန္ဒရာဂပ္ပဟာနံ ယောဂက္ခေမိဘာဝသ္သ ကာရဏံ, န ကထနံ, တသ္မာ ‘‘ပဟီနတ္တာ’’တိအာဒိ ဝုတ္တံ။
104.Catūhiyogehīti kāmayogādīhi catūhi yogehi. Kheminoti khemavato kusalino. Kāraṇabhūtanti kattabbaupāyassa kāraṇabhūtaṃ. Pariyāyati pavattiṃ nivattiñca ñāpetīti pariyāyo, dhammo ca so pariyattidhammattā pariyāyo cāti dhammapariyāyo, taṃ dhammapariyāyaṃ. Yasmā pana so tassādhigamassa kāraṇaṃ hoti, tasmā vuttaṃ ‘‘dhammakāraṇa’’nti. Yuttinti samathavipassanādhammānīti vā catusaccadhammānīti vā. ‘‘Tasmā’’ti padaṃ uddharitvā – ‘‘kasmā’’ti kāraṇaṃ pucchanto ‘‘kiṃ akkhātattā, udāhu pahīnattā’’ti vibhajitvā pucchi. Yasmā pana chandarāgappahānaṃ yogakkhemibhāvassa kāraṇaṃ, na kathanaṃ, tasmā ‘‘pahīnattā’’tiādi vuttaṃ.
ယောဂက္ခေမိသုတ္တဝဏ္ဏနာ နိဋ္ဌိတာ။
Yogakkhemisuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁. ယောဂက္ခေမိသုတ္တံ • 1. Yogakkhemisuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁. ယောဂက္ခေမိသုတ္တဝဏ္ဏနာ • 1. Yogakkhemisuttavaṇṇanā
