| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
11. යොගක්‌ඛෙමිවග්‌ගො
11. Yogakkhemivaggo
1. යොගක්‌ඛෙමිසුත්‌තවණ්‌ණනා
1. Yogakkhemisuttavaṇṇanā
104. චතූහි යොගෙහීති කාමයොගාදීහි චතූහි යොගෙහි. ඛෙමිනොති ඛෙමවතො කුසලිනො. කාරණභූතන්‌ති කත්‌තබ්‌බඋපායස්‌ස කාරණභූතං. පරියායති පවත්‌තිං නිවත්‌තිඤ්‌ච ඤාපෙතීති පරියායො, ධම්‌මො ච සො පරියත්‌තිධම්‌මත්‌තා පරියායො චාති ධම්‌මපරියායො, තං ධම්‌මපරියායං. යස්‌මා පන සො තස්‌සාධිගමස්‌ස කාරණං හොති, තස්‌මා වුත්‌තං ‘‘ධම්‌මකාරණ’’න්‌ති. යුත්‌තින්‌ති සමථවිපස්‌සනාධම්‌මානීති වා චතුසච්‌චධම්‌මානීති වා. ‘‘තස්‌මා’’ති පදං උද්‌ධරිත්‌වා – ‘‘කස්‌මා’’ති කාරණං පුච්‌ඡන්‌තො ‘‘කිං අක්‌ඛාතත්‌තා, උදාහු පහීනත්‌තා’’ති විභජිත්‌වා පුච්‌ඡි. යස්‌මා පන ඡන්‌දරාගප්‌පහානං යොගක්‌ඛෙමිභාවස්‌ස කාරණං, න කථනං, තස්‌මා ‘‘පහීනත්‌තා’’තිආදි වුත්‌තං.
104.Catūhiyogehīti kāmayogādīhi catūhi yogehi. Kheminoti khemavato kusalino. Kāraṇabhūtanti kattabbaupāyassa kāraṇabhūtaṃ. Pariyāyati pavattiṃ nivattiñca ñāpetīti pariyāyo, dhammo ca so pariyattidhammattā pariyāyo cāti dhammapariyāyo, taṃ dhammapariyāyaṃ. Yasmā pana so tassādhigamassa kāraṇaṃ hoti, tasmā vuttaṃ ‘‘dhammakāraṇa’’nti. Yuttinti samathavipassanādhammānīti vā catusaccadhammānīti vā. ‘‘Tasmā’’ti padaṃ uddharitvā – ‘‘kasmā’’ti kāraṇaṃ pucchanto ‘‘kiṃ akkhātattā, udāhu pahīnattā’’ti vibhajitvā pucchi. Yasmā pana chandarāgappahānaṃ yogakkhemibhāvassa kāraṇaṃ, na kathanaṃ, tasmā ‘‘pahīnattā’’tiādi vuttaṃ.
යොගක්‌ඛෙමිසුත්‌තවණ්‌ණනා නිට්‌ඨිතා.
Yogakkhemisuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. යොගක්‌ඛෙමිසුත්‌තං • 1. Yogakkhemisuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1. යොගක්‌ඛෙමිසුත්‌තවණ්‌ණනා • 1. Yogakkhemisuttavaṇṇanā
