| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. яог̇асуд̇д̇аван̣н̣анаа
10. Yogasuttavaṇṇanā
10. д̣̇асамз яож̇знд̇ийд̇и гаммам̣ вибаагзна бхаваад̣̇им̣, бхаванд̇араад̣̇ийхи д̣̇угкзна сад̇д̇ам̣ яож̇знд̇и гхадзнд̇ийд̇и яог̇аа. гааманадтзна гаамо жа со яат̇аавуд̇д̇знад̇т̇зна яог̇о жаад̇и гаамаяог̇о. бхаваяог̇о наама бхаварааг̇од̇и д̣̇ассзд̇ум̣ ‘‘руубааруубабхавзсуу’’д̇иаад̣̇и вуд̇д̇ам̣. д̇ад̇т̇а батамо убабад̇д̇ибхавзсу рааг̇о, д̣̇уд̇ияо гаммабхавзсу, д̇ад̇ияо бхавад̣̇идтисахаг̇ад̇о яат̇аа раж̇ж̇анадтзна рааг̇о, звам̣ яуж̇ж̇анадтзна яог̇од̇и вуд̇д̇о. жад̇уусу сажжзсу ан̃н̃аан̣анд̇и ид̣̇ам̣ суд̇д̇анд̇анаяам̣ ниссааяа вуд̇д̇ам̣. суд̇д̇анд̇асам̣ван̣н̣анаа хзсаад̇и, д̇ад̣̇анд̇ог̇ад̇хад̇д̇аа ваа буб̣б̣анд̇аад̣̇ийнам̣.
10. Dasame yojentīti kammaṃ vipākena bhavādiṃ, bhavantarādīhi dukkhena sattaṃ yojenti ghaṭentīti yogā. Kāmanaṭṭhena kāmo ca so yathāvuttenatthena yogo cāti kāmayogo. Bhavayogo nāma bhavarāgoti dassetuṃ ‘‘rūpārūpabhavesū’’tiādi vuttaṃ. Tattha paṭhamo upapattibhavesu rāgo, dutiyo kammabhavesu, tatiyo bhavadiṭṭhisahagato yathā rajjanaṭṭhena rāgo, evaṃ yujjanaṭṭhena yogoti vutto. Catūsu saccesu aññāṇanti idaṃ suttantanayaṃ nissāya vuttaṃ. Suttantasaṃvaṇṇanā hesāti, tadantogadhattā vā pubbantādīnaṃ.
самуд̣̇аяанд̇и д̣̇вз самуд̣̇аяаа кан̣игасамуд̣̇аяо бажжаяасамуд̣̇аяо жа. уббаад̣̇агкан̣о кан̣игасамуд̣̇аяо, бажжаяова бажжаяасамуд̣̇аяо. самуд̣̇аяад̇з самуд̣̇аяанам̣ самуд̣̇аяо, самуд̣̇зд̇и зд̇асмаад̇и самуд̣̇аяод̇и звам̣ убхиннам̣ самуд̣̇аяаанам̣ сад̣̇д̣̇ад̇т̇ад̇оби бхзд̣̇о взд̣̇ид̇аб̣б̣о. бажжаяасамуд̣̇аяам̣ баж̇аананд̇оби бхигку кан̣игасамуд̣̇аяам̣ баж̇аанаад̇и, кан̣игасамуд̣̇аяам̣ баж̇аананд̇оби бажжаяасамуд̣̇аяам̣ баж̇аанаад̇и. бажжаяад̇о хи сан̇каараанам̣ уд̣̇аяам̣ бассад̇о кан̣ад̇о жа нзсам̣ уд̣̇аяад̣̇ассанам̣ сукам̣ ход̇и, кан̣ад̇о жа нзсам̣ уд̣̇аяам̣ бассад̇о баг̇зва бажжаяаанам̣ суг̇г̇ахид̇ад̇д̇аа бажжаяад̇о д̣̇ассанам̣ сукзна иж̇жхад̇и. ид̇ха бана кан̣игасамуд̣̇аяам̣ д̣̇ассзнд̇о ааха ‘‘самуд̣̇аяанд̇и уббад̇д̇и’’нд̇и.
Samudayanti dve samudayā khaṇikasamudayo paccayasamudayo ca. Uppādakkhaṇo khaṇikasamudayo, paccayova paccayasamudayo. Samudayate samudayanaṃ samudayo, samudeti etasmāti samudayoti evaṃ ubhinnaṃ samudayānaṃ saddatthatopi bhedo veditabbo. Paccayasamudayaṃ pajānantopi bhikkhu khaṇikasamudayaṃ pajānāti, khaṇikasamudayaṃ pajānantopi paccayasamudayaṃ pajānāti. Paccayato hi saṅkhārānaṃ udayaṃ passato khaṇato ca nesaṃ udayadassanaṃ sukhaṃ hoti, khaṇato ca nesaṃ udayaṃ passato pageva paccayānaṃ suggahitattā paccayato dassanaṃ sukhena ijjhati. Idha pana khaṇikasamudayaṃ dassento āha ‘‘samudayanti uppatti’’nti.
ад̇т̇ан̇г̇амоби д̣̇увид̇хо ажжанд̇ад̇т̇ан̇г̇амо, бхзд̣̇ад̇т̇ан̇г̇амод̇и. ажжанд̇ад̇т̇ан̇г̇амо аббавад̇д̇инирод̇хо, ниб̣б̣аананд̇и гзжи. бхзд̣̇ад̇т̇ан̇г̇амо кан̣иганирод̇хо. д̇ад̣̇убхаяам̣ буб̣б̣абхааг̇з уг̇г̇ахабарибужчаад̣̇ивасзна бассад̇о ан̃н̃ад̇арад̣̇ассанзна ид̇арад̣̇ассанамби сид̣̇д̇хамзва ход̇и. буб̣б̣абхааг̇зязва аарамман̣авасзна каяад̇о ваяад̇о саммасанаад̣̇игаалз бхзд̣̇ад̇т̇ан̇г̇амам̣ бассанд̇о б̣яад̇ирзгавасзна ануссаваад̣̇ид̇о ажжанд̇ад̇т̇ан̇г̇амам̣ бассад̇и, маг̇г̇агкан̣з бана аарамман̣ад̇о ажжанд̇ад̇т̇ан̇г̇амам̣ бассанд̇о асаммохад̇о ид̇арамби бассад̇и. ид̇ха бана бхзд̣̇ад̇т̇ан̇г̇амам̣ д̣̇ассзнд̇о ааха ‘‘ад̇т̇ан̇г̇аманд̇и бхзд̣̇а’’нд̇и. гаамаанам̣ уббад̇д̇ибхзд̣̇аг̇г̇ахан̣знзва жзд̇т̇а яат̇аа гаамаанам̣ бадижжасамуббаннад̇аа вибхаавид̇аа, звам̣ гаамавад̇т̇унобийд̇и убхаязсамби анижжад̇аа д̣̇угкад̇аа анад̇д̇ад̇аа жа вибхаавид̇аад̇и д̣̇адтаб̣б̣ам̣. мад̇хурабхааванд̇и иминаа гаамасанниссид̇ам̣ сукам̣ соманассам̣ д̣̇ассзд̇и. ‘‘яам̣ ко, бхигкавз, имз бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣, аяам̣ гаамаанам̣ ассаад̣̇о’’д̇и (ма. ни. 1.166) хи вуд̇д̇ам̣. амад̇хурабхааванд̇и иминаа бана гаамахзд̇угам̣ д̣̇угкам̣ д̣̇оманассам̣ д̣̇ассзд̇и.
Atthaṅgamopi duvidho accantatthaṅgamo, bhedatthaṅgamoti. Accantatthaṅgamo appavattinirodho, nibbānanti keci. Bhedatthaṅgamo khaṇikanirodho. Tadubhayaṃ pubbabhāge uggahaparipucchādivasena passato aññataradassanena itaradassanampi siddhameva hoti. Pubbabhāgeyeva ārammaṇavasena khayato vayato sammasanādikāle bhedatthaṅgamaṃ passanto byatirekavasena anussavādito accantatthaṅgamaṃ passati, maggakkhaṇe pana ārammaṇato accantatthaṅgamaṃ passanto asammohato itarampi passati. Idha pana bhedatthaṅgamaṃ dassento āha ‘‘atthaṅgamanti bheda’’nti. Kāmānaṃ uppattibhedaggahaṇeneva cettha yathā kāmānaṃ paṭiccasamuppannatā vibhāvitā, evaṃ kāmavatthunopīti ubhayesampi aniccatā dukkhatā anattatā ca vibhāvitāti daṭṭhabbaṃ. Madhurabhāvanti iminā kāmasannissitaṃ sukhaṃ somanassaṃ dasseti. ‘‘Yaṃ kho, bhikkhave, ime pañca kāmaguṇe paṭicca uppajjati sukhaṃ somanassaṃ, ayaṃ kāmānaṃ assādo’’ti (ma. ni. 1.166) hi vuttaṃ. Amadhurabhāvanti iminā pana kāmahetukaṃ dukkhaṃ domanassaṃ dasseti.
пассааяад̇анаананд̇и чад̣̇вааригасса пассасса гааран̣абхууд̇аанам̣ жагкаад̣̇иааяад̇анаанам̣. д̇знааха ‘‘жагкаад̣̇ийнам̣ жагкусампассаад̣̇игааран̣аана’’нд̇и. бунаб̣бхавагаран̣ам̣ бунобхаво уд̇д̇арабад̣̇алобзна, мано-сад̣̇д̣̇асса вияа жа буримабад̣̇асса огааранд̇ад̇аа д̣̇адтаб̣б̣аа. бунобхаво сийламзд̇зсанд̇и бонобхавигаа. ат̇а ваа сийлад̇т̇зна игасад̣̇д̣̇зна г̇амид̇ад̇т̇ад̇д̇аа гирияааваажагасад̣̇д̣̇асса ад̣̇ассанам̣ д̣̇адтаб̣б̣ам̣ яат̇аа абуубабхагканасийло аабуубиго. ат̇а ваа бунаб̣бхавам̣ д̣̇знд̇и, бунаб̣бхавааяа сам̣вад̇д̇анд̇и, бунаббунаб̣бхавз ниб̣б̣ад̇д̇знд̇ийд̇и бонобхавигаа. ‘‘д̇ад̣̇д̇хид̇аа’’д̇и хи б̣ахуважананид̣̇д̣̇зсаа вижид̇д̇ад̇д̇аа ваа д̇ад̣̇д̇хид̇аанам̣ абхид̇хааналагкан̣ад̇д̇аа ваа ‘‘бунаб̣бхавам̣ д̣̇знд̇ий’’д̇иаад̣̇ийсуби ад̇т̇зсу бонобхавигасад̣̇д̣̇асид̣̇д̇хи д̣̇адтаб̣б̣аа.
Phassāyatanānanti chadvārikassa phassassa kāraṇabhūtānaṃ cakkhādiāyatanānaṃ. Tenāha ‘‘cakkhādīnaṃ cakkhusamphassādikāraṇāna’’nti. Punabbhavakaraṇaṃ punobhavo uttarapadalopena, mano-saddassa viya ca purimapadassa okārantatā daṭṭhabbā. Punobhavo sīlametesanti ponobhavikā. Atha vā sīlatthena ikasaddena gamitatthattā kiriyāvācakasaddassa adassanaṃ daṭṭhabbaṃ yathā apūpabhakkhanasīlo āpūpiko. Atha vā punabbhavaṃ denti, punabbhavāya saṃvattanti, punappunabbhave nibbattentīti ponobhavikā. ‘‘Taddhitā’’ti hi bahuvacananiddesā vicittattā vā taddhitānaṃ abhidhānalakkhaṇattā vā ‘‘punabbhavaṃ dentī’’tiādīsupi atthesu ponobhavikasaddasiddhi daṭṭhabbā.
висам̣яож̇знд̇и бадибаннам̣ буг̇г̇алам̣ гаамаяог̇аад̣̇ид̇о вияож̇знд̇ийд̇и висам̣яог̇аа, асубхаж̇жхаанаад̣̇ийни висам̣яож̇анагааран̣аани. д̇знааха ‘‘висам̣яог̇аад̇и висам̣яож̇анагааран̣ааний’’д̇иаад̣̇и.
Visaṃyojenti paṭipannaṃ puggalaṃ kāmayogādito viyojentīti visaṃyogā, asubhajjhānādīni visaṃyojanakāraṇāni. Tenāha ‘‘visaṃyogāti visaṃyojanakāraṇānī’’tiādi.
яог̇асуд̇д̇аван̣н̣анаа нидтид̇аа.
Yogasuttavaṇṇanā niṭṭhitā.
бхан̣д̣аг̇аамаваг̇г̇аван̣н̣анаа нидтид̇аа.
Bhaṇḍagāmavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. яог̇асуд̇д̇ам̣ • 10. Yogasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. яог̇асуд̇д̇аван̣н̣анаа • 10. Yogasuttavaṇṇanā
