| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༧. ཡོནིསོམནསིཀཱརཔཉྷོ
7. Yonisomanasikārapañho
༧. རཱཛཱ ཨཱཧ ‘‘བྷནྟེ ནཱགསེན, ཡོ ན པཊིསནྡཧཏི, ནནུ སོ ཡོནིསོ མནསིཀཱརེན ན པཊིསནྡཧཏཱི’’ཏི? ‘‘ཡོནིསོ ཙ མཧཱརཱཛ, མནསིཀཱརེན པཉྙཱཡ ཙ ཨཉྙེཧི ཙ ཀུསལེཧི དྷམྨེཧཱི’’ཏི། ‘‘ནནུ, བྷནྟེ, ཡོནིསོ མནསིཀཱརོ ཡེཝ པཉྙཱ’’ཏི? ‘‘ན ཧི, མཧཱརཱཛ, ཨཉྙོ མནསིཀཱརོ, ཨཉྙཱ པཉྙཱ, ཨིམེསཾ ཁོ, མཧཱརཱཛ, ཨཛེལ༹ཀགོཎམཧིཾསཨོཊྛགདྲབྷཱནམྤི མནསིཀཱརོ ཨཏྠི, པཉྙཱ པན ཏེསཾ ནཏྠཱི’’ཏི།
7. Rājā āha ‘‘bhante nāgasena, yo na paṭisandahati, nanu so yoniso manasikārena na paṭisandahatī’’ti? ‘‘Yoniso ca mahārāja, manasikārena paññāya ca aññehi ca kusalehi dhammehī’’ti. ‘‘Nanu, bhante, yoniso manasikāro yeva paññā’’ti? ‘‘Na hi, mahārāja, añño manasikāro, aññā paññā, imesaṃ kho, mahārāja, ajeḷakagoṇamahiṃsaoṭṭhagadrabhānampi manasikāro atthi, paññā pana tesaṃ natthī’’ti.
‘‘ཀལློསི, བྷནྟེ ནཱགསེནཱ’’ཏི།
‘‘Kallosi, bhante nāgasenā’’ti.
ཡོནིསོམནསིཀཱརཔཉྷོ སཏྟམོ།
Yonisomanasikārapañho sattamo.
