| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. யோனிஸோமனஸிகாரஸம்பதா³ஸுத்தங்
7. Yonisomanasikārasampadāsuttaṃ
55. ‘‘ஸூரியஸ்ஸ , பி⁴க்க²வே, உத³யதோ ஏதங் புப்³ப³ங்க³மங் ஏதங் புப்³ப³னிமித்தங், யதி³த³ங் – அருணுக்³க³ங்; ஏவமேவ கோ², பி⁴க்க²வே, பி⁴க்கு²னோ அரியஸ்ஸ அட்ட²ங்கி³கஸ்ஸ மக்³க³ஸ்ஸ உப்பாதா³ய ஏதங் புப்³ப³ங்க³மங் ஏதங் புப்³ப³னிம்மித்தங், யதி³த³ங் – யோனிஸோமனஸிகாரஸம்பதா³. யோனிஸோமனஸிகாரஸம்பன்னஸ்ஸேதங், பி⁴க்க²வே, பி⁴க்கு²னோ பாடிகங்க²ங் – அரியங் அட்ட²ங்கி³கங் மக்³க³ங் பா⁴வெஸ்ஸதி, அரியங் அட்ட²ங்கி³கங் மக்³க³ங் ப³ஹுலீகரிஸ்ஸதி. கத²ஞ்ச, பி⁴க்க²வே, பி⁴க்கு² யோனிஸோமனஸிகாரஸம்பன்னோ அரியங் அட்ட²ங்கி³கங் மக்³க³ங் பா⁴வேதி, அரியங் அட்ட²ங்கி³கங் மக்³க³ங் ப³ஹுலீகரோதி? இத⁴, பி⁴க்க²வே, பி⁴க்கு² ஸம்மாதி³ட்டி²ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஸம்மாஸமாதி⁴ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங். ஏவங் கோ², பி⁴க்க²வே, பி⁴க்கு² யோனிஸோமனஸிகாரஸம்பன்னோ அரியங் அட்ட²ங்கி³கங் மக்³க³ங் பா⁴வேதி, அரியங் அட்ட²ங்கி³கங் மக்³க³ங் ப³ஹுலீகரோதீ’’தி. ஸத்தமங்.
55. ‘‘Sūriyassa , bhikkhave, udayato etaṃ pubbaṅgamaṃ etaṃ pubbanimittaṃ, yadidaṃ – aruṇuggaṃ; evameva kho, bhikkhave, bhikkhuno ariyassa aṭṭhaṅgikassa maggassa uppādāya etaṃ pubbaṅgamaṃ etaṃ pubbanimmittaṃ, yadidaṃ – yonisomanasikārasampadā. Yonisomanasikārasampannassetaṃ, bhikkhave, bhikkhuno pāṭikaṅkhaṃ – ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. Kathañca, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. ஸூரியபெய்யாலவக்³க³வண்ணனா • 6. Sūriyapeyyālavaggavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. ஸூரியபெய்யாலவக்³க³வண்ணனா • 6. Sūriyapeyyālavaggavaṇṇanā
