| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
7. යොනිසොමනසිකාරසම්‌පදාසුත්‌තං
7. Yonisomanasikārasampadāsuttaṃ
62. ‘‘යදිදං – යොනිසොමනසිකාරසම්‌පදා. යොනිසොමනසිකාරසම්‌පන්‌නස්‌සෙතං, භික්‌ඛවෙ, භික්‌ඛුනො පාටිකඞ්‌ඛං – අරියං අට්‌ඨඞ්‌ගිකං මග්‌ගං භාවෙස්‌සති, අරියං අට්‌ඨඞ්‌ගිකං මග්‌ගං බහුලීකරිස්‌සති. කථඤ්‌ච, භික්‌ඛවෙ, භික්‌ඛු යොනිසොමනසිකාරසම්‌පන්‌නො අරියං අට්‌ඨඞ්‌ගිකං මග්‌ගං භාවෙති, අරියං අට්‌ඨඞ්‌ගිකං මග්‌ගං බහුලීකරොති? ඉධ, භික්‌ඛවෙ, භික්‌ඛු සම්‌මාදිට්‌ඨිං භාවෙති රාගවිනයපරියොසානං දොසවිනයපරියොසානං මොහවිනයපරියොසානං…පෙ.… සම්‌මාසමාධිං භාවෙති රාගවිනයපරියොසානං දොසවිනයපරියොසානං මොහවිනයපරියොසානං. එවං ඛො, භික්‌ඛවෙ, භික්‌ඛු යොනිසොමනසිකාරසම්‌පන්‌නො අරියං අට්‌ඨඞ්‌ගිකං මග්‌ගං භාවෙති, අරියං අට්‌ඨඞ්‌ගිකං මග්‌ගං බහුලීකරොතී’’ති. සත්‌තමං.
62. ‘‘Yadidaṃ – yonisomanasikārasampadā. Yonisomanasikārasampannassetaṃ, bhikkhave, bhikkhuno pāṭikaṅkhaṃ – ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. Kathañca, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? Idha, bhikkhave, bhikkhu sammādiṭṭhiṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ…pe… sammāsamādhiṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ. Evaṃ kho, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī’’ti. Sattamaṃ.
සූරියපෙය්‍යාලවග්‌ගො ඡට්‌ඨො.
Sūriyapeyyālavaggo chaṭṭho.
තස්‌සුද්‌දානං –
Tassuddānaṃ –
කල්‍යාණමිත්‌තං සීලඤ්‌ච, ඡන්‌දො ච අත්‌තසම්‌පදා;
Kalyāṇamittaṃ sīlañca, chando ca attasampadā;
දිට්‌ඨි ච අප්‌පමාදො ච, යොනිසො භවති සත්‌තමං.
Diṭṭhi ca appamādo ca, yoniso bhavati sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. සූරියපෙය්‍යාලවග්‌ගවණ්‌ණනා • 6. Sūriyapeyyālavaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. සූරියපෙය්‍යාලවග්‌ගවණ්‌ණනා • 6. Sūriyapeyyālavaggavaṇṇanā
