| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༧. ཡོནིསོམནསིཀཱརསམྤདཱསུཏྟཾ
7. Yonisomanasikārasampadāsuttaṃ
༩༠. ‘‘ཡཐཡིདཾ, བྷིཀྑཝེ, ཡོནིསོམནསིཀཱརསམྤདཱ། ཡོནིསོམནསིཀཱརསམྤནྣསྶེཏཾ, བྷིཀྑཝེ, བྷིཀྑུནོ པཱཊིཀངྑཾ – ཨརིཡཾ ཨཊྛངྒིཀཾ མགྒཾ བྷཱཝེསྶཏི, ཨརིཡཾ ཨཊྛངྒིཀཾ མགྒཾ བཧུལཱིཀརིསྶཏི། ཀཐཉྩ, བྷིཀྑཝེ, བྷིཀྑུ ཡོནིསོམནསིཀཱརསམྤནྣོ ཨརིཡཾ ཨཊྛངྒིཀཾ མགྒཾ བྷཱཝེཏི, ཨརིཡཾ ཨཊྛངྒིཀཾ མགྒཾ བཧུལཱིཀརོཏི? ཨིདྷ , བྷིཀྑཝེ, བྷིཀྑུ སམྨཱདིཊྛིཾ བྷཱཝེཏི རཱགཝིནཡཔརིཡོསཱནཾ དོསཝིནཡཔརིཡོསཱནཾ མོཧཝིནཡཔརིཡོསཱནཾ…པེ॰… སམྨཱསམཱདྷིཾ བྷཱཝེཏི རཱགཝིནཡཔརིཡོསཱནཾ དོསཝིནཡཔརིཡོསཱནཾ མོཧཝིནཡཔརིཡོསཱནཾ། ཨེཝཾ ཁོ , བྷིཀྑཝེ, བྷིཀྑུ ཡོནིསོམནསིཀཱརསམྤནྣོ ཨརིཡཾ ཨཊྛངྒིཀཾ མགྒཾ བྷཱཝེཏི, ཨརིཡཾ ཨཊྛངྒིཀཾ མགྒཾ བཧུལཱིཀརོཏཱི’’ཏི། སཏྟམཾ།
90. ‘‘Yathayidaṃ, bhikkhave, yonisomanasikārasampadā. Yonisomanasikārasampannassetaṃ, bhikkhave, bhikkhuno pāṭikaṅkhaṃ – ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. Kathañca, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? Idha , bhikkhave, bhikkhu sammādiṭṭhiṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ…pe… sammāsamādhiṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ. Evaṃ kho , bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī’’ti. Sattamaṃ.
དུཏིཡཨེཀདྷམྨཔེཡྻཱལཝགྒོ ཨཊྛམོ།
Dutiyaekadhammapeyyālavaggo aṭṭhamo.
ཏསྶུདྡཱནཾ –
Tassuddānaṃ –
ཀལྱཱཎམིཏྟཾ སཱིལཉྩ, ཚནྡོ ཙ ཨཏྟསམྤདཱ།
Kalyāṇamittaṃ sīlañca, chando ca attasampadā;
དིཊྛི ཙ ཨཔྤམཱདོ ཙ, ཡོནིསོ བྷཝཏི སཏྟམཾ༎
Diṭṭhi ca appamādo ca, yoniso bhavati sattamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧. ཨེཀདྷམྨཔེཡྻཱལཝགྒཱདིཝཎྞནཱ • 7. Ekadhammapeyyālavaggādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༧. ཨེཀདྷམྨཔེཡྻཱལཝགྒཱདིཝཎྞནཱ • 7. Ekadhammapeyyālavaggādivaṇṇanā
