| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
3. яуд̇хан̃ж̇аяаваг̇г̇о
3. Yudhañjayavaggo
1. яуд̇хан̃ж̇аяажарияааван̣н̣анаа
1. Yudhañjayacariyāvaṇṇanā
1. д̇ад̇ияаваг̇г̇асса батамз амид̇аяасод̇и абаримид̇абаривааравибхаво. рааж̇абуд̇д̇о яуд̇хан̃ж̇аяод̇и рамманаг̇арз саб̣б̣ад̣̇ад̇д̇асса наама ран̃н̃о буд̇д̇о наамзна яуд̇хан̃ж̇аяо наама.
1. Tatiyavaggassa paṭhame amitayasoti aparimitaparivāravibhavo. Rājaputto yudhañjayoti rammanagare sabbadattassa nāma rañño putto nāmena yudhañjayo nāma.
аяан̃хи б̣аараан̣асий уд̣̇аяаж̇аад̇агз (ж̇аа. 1.11.37 аад̣̇аяо) сурунд̇хананаг̇арам̣ наама ж̇аад̇аа. жуул̣асуд̇асомаж̇аад̇агз (ж̇аа. 2.17.195 аад̣̇аяо) суд̣̇ассанам̣ наама, сон̣ананд̣̇аж̇аад̇агз (ж̇аа. 2.20.92 аад̣̇аяо) б̣рахмавад̣дханам̣ наама, кан̣д̣ахаалаж̇аад̇агз(ж̇аа. 2.22.982 аад̣̇аяо) бубпавад̇ий наама, имасмим̣ бана яуд̇хан̃ж̇аяаж̇аад̇агз (ж̇аа. 1.11.73 аад̣̇аяо) рамманаг̇арам̣ наама ахоси, звамасса гад̣̇аажи наамам̣ баривад̇д̇ад̇и. д̇зна вуд̇д̇ам̣ – ‘‘рааж̇абуд̇д̇од̇и рамманаг̇арз саб̣б̣ад̣̇ад̇д̇асса наама ран̃н̃о буд̇д̇о’’д̇и. д̇асса бана ран̃н̃о буд̇д̇асахассам̣ ахоси. б̣од̇хисад̇д̇о ж̇здтабуд̇д̇о, д̇асса рааж̇аа убараж̇ж̇ам̣ ад̣̇ааси. со хздтаа вуд̇д̇анаязнзва д̣̇ивасз д̣̇ивасз махаад̣̇аанам̣ бавад̇д̇зси. звам̣ г̇ажчанд̇з гаалз б̣од̇хисад̇д̇о згад̣̇ивасам̣ баад̇ова рат̇аварам̣ абхирухид̇ваа маханд̇зна сиривибхавзна уяяаанагийл̣ам̣ г̇ажчанд̇о ругкаг̇г̇ад̇ин̣аг̇г̇асаакаг̇г̇амаггадагасуд̇д̇аж̇аалаад̣̇ийсу муд̇д̇ааж̇аалаагаарзна лаг̇г̇з уссааваб̣инд̣̇уу д̣̇исваа ‘‘самма саарат̇и, гим̣ наамзд̇а’’нд̇и бужчид̇ваа ‘‘зд̇з, д̣̇зва, химасамаяз бад̇анагауссааваб̣инд̣̇уу наамаа’’д̇и суд̇ваа д̣̇ивасабхааг̇ам̣ уяяаанз гийл̣ид̇ваа сааяанхагаалз бажжааг̇ажчанд̇о д̇з ад̣̇исваа ‘‘самма саарат̇и, гахам̣ д̇з уссааваб̣инд̣̇уу, на д̇з ид̣̇аани бассаамий’’д̇и бужчид̇ваа ‘‘д̣̇зва, суурияз уг̇г̇ажчанд̇з саб̣б̣з бхиж̇ж̇ид̇ваа вилаяам̣ г̇ажчанд̇ий’’д̇и суд̇ваа ‘‘яат̇аа имз уббаж̇ж̇ид̇ваа бхиж̇ж̇анд̇и, звам̣ имзсам̣ сад̇д̇аанам̣ ж̇ийвид̇асан̇каарааби д̇ин̣аг̇г̇з уссааваб̣инд̣̇усад̣̇исаава, д̇асмаа маяаа б̣яаад̇хиж̇араамаран̣зхи абийл̣ид̇знзва маад̇аабид̇аро аабужчид̇ваа баб̣б̣аж̇ид̇ум̣ ваддад̇ий’’д̇и уссааваб̣инд̣̇умзва аарамман̣ам̣ гад̇ваа аад̣̇ид̇д̇з вияа д̇аяо бхавз бассанд̇о ад̇д̇ано г̇зхам̣ ааг̇анд̇ваа алан̇гад̇абадияад̇д̇ааяа винижчаяасаалааяа нисиннасса бид̇у санд̇игамзва г̇анд̇ваа бид̇арам̣ ванд̣̇ид̇ваа згаманд̇ам̣ тид̇о баб̣б̣аж̇ж̇ам̣ яаажи. д̇зна вуд̇д̇ам̣ –
Ayañhi bārāṇasī udayajātake (jā. 1.11.37 ādayo) surundhananagaraṃ nāma jātā. Cūḷasutasomajātake (jā. 2.17.195 ādayo) sudassanaṃ nāma, soṇanandajātake (jā. 2.20.92 ādayo) brahmavaḍḍhanaṃ nāma, khaṇḍahālajātake(jā. 2.22.982 ādayo) pupphavatī nāma, imasmiṃ pana yudhañjayajātake (jā. 1.11.73 ādayo) rammanagaraṃ nāma ahosi, evamassa kadāci nāmaṃ parivattati. Tena vuttaṃ – ‘‘rājaputtoti rammanagare sabbadattassa nāma rañño putto’’ti. Tassa pana rañño puttasahassaṃ ahosi. Bodhisatto jeṭṭhaputto, tassa rājā uparajjaṃ adāsi. So heṭṭhā vuttanayeneva divase divase mahādānaṃ pavattesi. Evaṃ gacchante kāle bodhisatto ekadivasaṃ pātova rathavaraṃ abhiruhitvā mahantena sirivibhavena uyyānakīḷaṃ gacchanto rukkhaggatiṇaggasākhaggamakkaṭakasuttajālādīsu muttājālākārena lagge ussāvabindū disvā ‘‘samma sārathi, kiṃ nāmeta’’nti pucchitvā ‘‘ete, deva, himasamaye patanakaussāvabindū nāmā’’ti sutvā divasabhāgaṃ uyyāne kīḷitvā sāyanhakāle paccāgacchanto te adisvā ‘‘samma sārathi, kahaṃ te ussāvabindū, na te idāni passāmī’’ti pucchitvā ‘‘deva, sūriye uggacchante sabbe bhijjitvā vilayaṃ gacchantī’’ti sutvā ‘‘yathā ime uppajjitvā bhijjanti, evaṃ imesaṃ sattānaṃ jīvitasaṅkhārāpi tiṇagge ussāvabindusadisāva, tasmā mayā byādhijarāmaraṇehi apīḷiteneva mātāpitaro āpucchitvā pabbajituṃ vaṭṭatī’’ti ussāvabindumeva ārammaṇaṃ katvā āditte viya tayo bhave passanto attano gehaṃ āgantvā alaṅkatapaṭiyattāya vinicchayasālāya nisinnassa pitu santikameva gantvā pitaraṃ vanditvā ekamantaṃ ṭhito pabbajjaṃ yāci. Tena vuttaṃ –
‘‘уссааваб̣инд̣̇ум̣ суурияаад̇абз, бад̇ид̇ам̣ д̣̇исваана сам̣виж̇им̣.
‘‘Ussāvabinduṃ sūriyātape, patitaṃ disvāna saṃvijiṃ.
2.
2.
‘‘д̇ан̃н̃зваад̇хибад̇им̣ гад̇ваа, сам̣взг̇амануб̣руухаяим̣;
‘‘Taññevādhipatiṃ katvā, saṃvegamanubrūhayiṃ;
маад̇аабид̇уу жа ванд̣̇ид̇ваа, баб̣б̣аж̇ж̇амануяаажаха’’нд̇и.
Mātāpitū ca vanditvā, pabbajjamanuyācaha’’nti.
д̇ад̇т̇а суурияаад̇абзд̇и суурияаад̇абахзд̇у, суурияарасмисампассанимид̇д̇ам̣. ‘‘суурияаад̇абзнаа’’д̇иби баато. бад̇ид̇ам̣ д̣̇исваанаад̇и винадтам̣ бассид̇ваа, буб̣б̣з ругкаг̇г̇аад̣̇ийсу муд̇д̇ааж̇аалаад̣̇иаагаарзна лаг̇г̇ам̣ худ̇ваа д̣̇иссамаанам̣ суурияарасмисампассзна винадтам̣ бан̃н̃аажагкунаа ологзд̇ваа. сам̣виж̇инд̇и яат̇аа зд̇аани, звам̣ сад̇д̇аанам̣ ж̇ийвид̇ааниби лахум̣ лахум̣ бхиж̇ж̇амаанасабхааваанийд̇и анижжад̇ааманасигааравасзна сам̣взг̇амаабаж̇ж̇им̣.
Tattha sūriyātapeti sūriyātapahetu, sūriyarasmisamphassanimittaṃ. ‘‘Sūriyātapenā’’tipi pāṭho. Patitaṃ disvānāti vinaṭṭhaṃ passitvā, pubbe rukkhaggādīsu muttājālādiākārena laggaṃ hutvā dissamānaṃ sūriyarasmisamphassena vinaṭṭhaṃ paññācakkhunā oloketvā. Saṃvijinti yathā etāni, evaṃ sattānaṃ jīvitānipi lahuṃ lahuṃ bhijjamānasabhāvānīti aniccatāmanasikāravasena saṃvegamāpajjiṃ.
д̇ан̃н̃зваад̇хибад̇им̣ гад̇ваа, сам̣взг̇амануб̣руухаяинд̇и д̇ан̃н̃зва уссааваб̣инд̣̇уунам̣ анижжад̇ам̣ ад̇хибад̇им̣ мукам̣ буб̣б̣ан̇г̇амам̣ бурзжааригам̣ гад̇ваа д̇ат̇зва саб̣б̣асан̇каараанам̣ ид̇д̇арадтид̇игад̇ам̣ барид̇д̇агаалад̇ам̣ манасигаронд̇о згаваарам̣ уббаннам̣ сам̣взг̇ам̣ бунаббунам̣ уббаад̣̇анзна анувад̣дхзсим̣. баб̣б̣аж̇ж̇амануяаажаханд̇и ‘‘д̇ин̣аг̇г̇з уссааваб̣инд̣̇уу вияа на жирадтид̇игз сад̇д̇аанам̣ ж̇ийвид̇з маяаа б̣яаад̇хиж̇араамаран̣зхи анабхибхууд̇знзва баб̣б̣аж̇ид̇ваа яад̇т̇а зд̇аани на санд̇и, д̇ам̣ амад̇ам̣ махааниб̣б̣аанам̣ г̇авзсид̇аб̣б̣а’’нд̇и жинд̇зд̇ваа маад̇аабид̇аро убасан̇гамид̇ваа ванд̣̇ид̇ваа ‘‘баб̣б̣аж̇ж̇ам̣ мз ануж̇аанаат̇аа’’д̇и д̇з ахам̣ баб̣б̣аж̇ж̇ам̣ яаажим̣. звам̣ махаасад̇д̇зна баб̣б̣аж̇ж̇ааяа яаажид̇ааяа сагаланаг̇арз маханд̇ам̣ голаахаламахоси – ‘‘убарааж̇аа гира яуд̇хан̃ж̇аяо баб̣б̣аж̇ид̇угаамо’’д̇и .
Taññevādhipatiṃ katvā, saṃvegamanubrūhayinti taññeva ussāvabindūnaṃ aniccataṃ adhipatiṃ mukhaṃ pubbaṅgamaṃ purecārikaṃ katvā tatheva sabbasaṅkhārānaṃ ittaraṭṭhitikataṃ parittakālataṃ manasikaronto ekavāraṃ uppannaṃ saṃvegaṃ punappunaṃ uppādanena anuvaḍḍhesiṃ. Pabbajjamanuyācahanti ‘‘tiṇagge ussāvabindū viya na ciraṭṭhitike sattānaṃ jīvite mayā byādhijarāmaraṇehi anabhibhūteneva pabbajitvā yattha etāni na santi, taṃ amataṃ mahānibbānaṃ gavesitabba’’nti cintetvā mātāpitaro upasaṅkamitvā vanditvā ‘‘pabbajjaṃ me anujānāthā’’ti te ahaṃ pabbajjaṃ yāciṃ. Evaṃ mahāsattena pabbajjāya yācitāya sakalanagare mahantaṃ kolāhalamahosi – ‘‘uparājā kira yudhañjayo pabbajitukāmo’’ti .
д̇зна жа самаязна гаасирадтаваасино рааж̇аанам̣ д̣̇адтум̣ ааг̇анд̇ваа раммагз бадивасанд̇и. д̇з саб̣б̣зби саннибад̇им̣су. ид̇и сабарисо рааж̇аа нзг̇амаа жзва ж̇аанабад̣̇аа жа б̣од̇хисад̇д̇асса маад̇аа д̣̇звий жа саб̣б̣з жа ород̇хаа махаасад̇д̇ам̣ ‘‘маа ко д̇вам̣, д̇аад̇а гумаара, баб̣б̣аж̇ий’’д̇и ниваарзсум̣. д̇ад̇т̇а рааж̇аа ‘‘сажз д̇з гаамзхи уунам̣, ахам̣ д̇з барибуураяаами, аж̇ж̇зва раж̇ж̇ам̣ бадибаж̇ж̇аахий’’д̇и ааха. д̇асса махаасад̇д̇о –
Tena ca samayena kāsiraṭṭhavāsino rājānaṃ daṭṭhuṃ āgantvā rammake paṭivasanti. Te sabbepi sannipatiṃsu. Iti sapariso rājā negamā ceva jānapadā ca bodhisattassa mātā devī ca sabbe ca orodhā mahāsattaṃ ‘‘mā kho tvaṃ, tāta kumāra, pabbajī’’ti nivāresuṃ. Tattha rājā ‘‘sace te kāmehi ūnaṃ, ahaṃ te paripūrayāmi, ajjeva rajjaṃ paṭipajjāhī’’ti āha. Tassa mahāsatto –
‘‘маа мам̣ д̣̇зва ниваарзхи, баб̣б̣аж̇анд̇ам̣ рат̇зсабха;
‘‘Mā maṃ deva nivārehi, pabbajantaṃ rathesabha;
маахам̣ гаамзхи саммад̇д̇о, ж̇арааяа васаманваг̇уу’’д̇и. (ж̇аа. 1.11.77) –
Māhaṃ kāmehi sammatto, jarāya vasamanvagū’’ti. (jā. 1.11.77) –
ад̇д̇ано баб̣б̣аж̇ж̇аачанд̣̇амзва вад̇ваа д̇ам̣ суд̇ваа сад̣̇д̇хим̣ ород̇хзхи маад̇уяаа гарун̣ам̣ барид̣̇званд̇ияаа –
Attano pabbajjāchandameva vatvā taṃ sutvā saddhiṃ orodhehi mātuyā karuṇaṃ paridevantiyā –
‘‘уссаавова д̇ин̣аг̇г̇амхи, суурияуг̇г̇аманам̣ бад̇и;
‘‘Ussāvova tiṇaggamhi, sūriyuggamanaṃ pati;
звамааяу мануссаанам̣, маа мам̣ амма ниваараяаа’’д̇и. (ж̇аа. 1.11.79) –
Evamāyu manussānaṃ, mā maṃ amma nivārayā’’ti. (jā. 1.11.79) –
ад̇д̇ано баб̣б̣аж̇ж̇аагааран̣ам̣ гат̇зд̇ваа наанаббагаарам̣ д̇зхи яаажияамааноби абхисам̣вад̣дхамаанасам̣взг̇ад̇д̇аа аносаггид̇амаанасо бияад̇арз махад̇и н̃аад̇ибариваддз ул̣аарз рааж̇иссарияз жа нирабзгкажид̇д̇о баб̣б̣аж̇и. д̇зна вуд̇д̇ам̣ –
Attano pabbajjākāraṇaṃ kathetvā nānappakāraṃ tehi yāciyamānopi abhisaṃvaḍḍhamānasaṃvegattā anosakkitamānaso piyatare mahati ñātiparivaṭṭe uḷāre rājissariye ca nirapekkhacitto pabbaji. Tena vuttaṃ –
3.
3.
‘‘яаажанд̇и мам̣ бан̃ж̇алигаа, санзг̇амаа сарадтагаа;
‘‘Yācanti maṃ pañjalikā, sanegamā saraṭṭhakā;
аж̇ж̇зва буд̇д̇а бадибаж̇ж̇а, ид̣̇д̇хам̣ пийд̇ам̣ махаамахим̣.
Ajjeva putta paṭipajja, iddhaṃ phītaṃ mahāmahiṃ.
4.
4.
‘‘сарааж̇агз сахород̇хз, санзг̇амз сарадтагз;
‘‘Sarājake sahorodhe, sanegame saraṭṭhake;
гарун̣ам̣ барид̣̇званд̇з, анабзгко барижжаж̇и’’нд̇и.
Karuṇaṃ paridevante, anapekkho pariccaji’’nti.
д̇ад̇т̇а бан̃ж̇алигаад̇и баг̇г̇ахид̇аан̃ж̇алигаа. санзг̇амаа сарадтагаад̇и нзг̇амзхи жзва радтаваасийхи жа сад̣̇д̇хим̣ саб̣б̣з рааж̇абурисаа ‘‘маа ко, д̇вам̣ д̣̇зва, баб̣б̣аж̇ий’’д̇и мам̣ яаажанд̇и. маад̇аабид̇аро бана аж̇ж̇зва буд̇д̇а бадибаж̇ж̇а, г̇ааманиг̇амарааж̇ад̇хааниабхивуд̣̇д̇хияаа взбуллаббад̇д̇ияаа жа, ид̣̇д̇хам̣ вибхавасаарасамбад̇д̇ияаа сассаад̣̇инибпад̇д̇ияаа жа, пийд̇ам̣ имам̣ махаамахим̣ анусааса, чад̇д̇ам̣ уссаабзд̇ваа раж̇ж̇ам̣ гаарзхийд̇и яаажанд̇и. звам̣ бана саха ран̃н̃аад̇и сарааж̇агз, д̇ат̇аа сахород̇хз санзг̇амз сарадтагз махааж̇анз яат̇аа сун̣анд̇аанамби баг̇зва бассанд̇аанам̣ маханд̇ам̣ гаарун̃н̃ам̣ ход̇и, звам̣ гарун̣ам̣ барид̣̇званд̇з д̇ад̇т̇а д̇ад̇т̇а анабзгко алаг̇г̇ажид̇д̇о ‘‘ахам̣ д̇ад̣̇аа баб̣б̣аж̇и’’нд̇и д̣̇ассзд̇и.
Tattha pañjalikāti paggahitaañjalikā. Sanegamā saraṭṭhakāti negamehi ceva raṭṭhavāsīhi ca saddhiṃ sabbe rājapurisā ‘‘mā kho, tvaṃ deva, pabbajī’’ti maṃ yācanti. Mātāpitaro pana ajjeva putta paṭipajja, gāmanigamarājadhāniabhivuddhiyā vepullappattiyā ca, iddhaṃ vibhavasārasampattiyā sassādinipphattiyā ca, phītaṃ imaṃ mahāmahiṃ anusāsa, chattaṃ ussāpetvā rajjaṃ kārehīti yācanti. Evaṃ pana saha raññāti sarājake, tathā sahorodhe sanegame saraṭṭhake mahājane yathā suṇantānampi pageva passantānaṃ mahantaṃ kāruññaṃ hoti, evaṃ karuṇaṃ paridevante tattha tattha anapekkho alaggacitto ‘‘ahaṃ tadā pabbaji’’nti dasseti.
5-6. ид̣̇аани яад̣̇ад̇т̇ам̣ жаггавад̇д̇исирисад̣̇исам̣ раж̇ж̇асирим̣ бияад̇арз н̃аад̇иб̣анд̇хавз бахааяа синид̣̇д̇хам̣ бариг̇г̇ахабариж̇анам̣ логаабхимад̇ам̣ маханд̇ам̣ яасан̃жа нирабзгко барижжаж̇инд̇и д̣̇ассзд̇ум̣ д̣̇вз г̇аат̇аа абхааси.
5-6. Idāni yadatthaṃ cakkavattisirisadisaṃ rajjasiriṃ piyatare ñātibandhave pahāya siniddhaṃ pariggahaparijanaṃ lokābhimataṃ mahantaṃ yasañca nirapekkho pariccajinti dassetuṃ dve gāthā abhāsi.
д̇ад̇т̇а гзваланд̇и анавасзсам̣ ид̇т̇ааг̇аарам̣ самуд̣̇д̣̇абарияанд̇ан̃жа бат̇авим̣ баб̣б̣аж̇ж̇аад̇хиббааязна жаж̇амаано звам̣ мз саммаасамб̣од̇хи саггаа ад̇хиг̇анд̇унд̇и б̣од̇хияааязва гааран̣аа на гин̃жи жинд̇зсим̣, на д̇ад̇т̇а ийсагам̣ лаг̇г̇ам̣ ж̇анзсинд̇и ад̇т̇о. д̇асмаад̇и яасмаа маад̇аабид̇аро д̇ан̃жа махааяасам̣ раж̇ж̇ан̃жа мз на д̣̇зссам̣ , бияамзва, д̇ад̇о бана сад̇аг̇ун̣зна сахассаг̇ун̣зна сад̇асахассаг̇ун̣зна саб̣б̣ан̃н̃уд̇ан̃н̃аан̣амзва маяхам̣ бияад̇арам̣, д̇асмаа маад̇аад̣̇ийхи сад̣̇д̇хим̣ раж̇ж̇ам̣ ахам̣ д̇ад̣̇аа барижжаж̇инд̇и.
Tattha kevalanti anavasesaṃ itthāgāraṃ samuddapariyantañca pathaviṃ pabbajjādhippāyena cajamāno evaṃ me sammāsambodhi sakkā adhigantunti bodhiyāyeva kāraṇā na kiñci cintesiṃ, na tattha īsakaṃ laggaṃ janesinti attho. Tasmāti yasmā mātāpitaro tañca mahāyasaṃ rajjañca me na dessaṃ, piyameva, tato pana sataguṇena sahassaguṇena satasahassaguṇena sabbaññutaññāṇameva mayhaṃ piyataraṃ, tasmā mātādīhi saddhiṃ rajjaṃ ahaṃ tadā pariccajinti.
д̇ад̣̇зд̇ам̣ саб̣б̣ам̣ барижжаж̇ид̇ваа баб̣б̣аж̇ж̇ааяа махаасад̇д̇з нигкаманд̇з д̇асса ганидтабхаад̇аа яуд̇хидтилагумааро наама бид̇арам̣ ванд̣̇ид̇ваа баб̣б̣аж̇ж̇ам̣ ануж̇аанаабзд̇ваа б̣од̇хисад̇д̇ам̣ ануб̣анд̇хи. д̇з убхоби наг̇араа нигкамма махааж̇анам̣ нивад̇д̇зд̇ваа химаванд̇ам̣ бависид̇ваа манорамз таанз ассамабад̣̇ам̣ гад̇ваа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃ааяо ниб̣б̣ад̇д̇зд̇ваа ванамуулапалаад̣̇ийхи яааваж̇ийвам̣ яаабзд̇ваа б̣рахмалогабарааяанаа ахзсум̣. д̇знааха бхаг̇аваа –
Tadetaṃ sabbaṃ pariccajitvā pabbajjāya mahāsatte nikkhamante tassa kaniṭṭhabhātā yudhiṭṭhilakumāro nāma pitaraṃ vanditvā pabbajjaṃ anujānāpetvā bodhisattaṃ anubandhi. Te ubhopi nagarā nikkhamma mahājanaṃ nivattetvā himavantaṃ pavisitvā manorame ṭhāne assamapadaṃ katvā isipabbajjaṃ pabbajitvā jhānābhiññāyo nibbattetvā vanamūlaphalādīhi yāvajīvaṃ yāpetvā brahmalokaparāyanā ahesuṃ. Tenāha bhagavā –
‘‘убхо гумаараа баб̣б̣аж̇ид̇аа, яуд̇хан̃ж̇аяо яуд̇хидтило;
‘‘Ubho kumārā pabbajitā, yudhañjayo yudhiṭṭhilo;
бахааяа маад̇аабид̇аро, сан̇г̇ам̣ чзд̇ваана мажжуно’’д̇и. (ж̇аа. 1.11.83);
Pahāya mātāpitaro, saṅgaṃ chetvāna maccuno’’ti. (jā. 1.11.83);
д̇ад̇т̇а сан̇г̇ам̣ чзд̇ваана мажжунод̇и мажжумаарасса сахагааригааран̣абхууд̇ад̇д̇аа санд̇агам̣ рааг̇ад̣̇осамохасан̇г̇ам̣ вигкамбханавасзна чинд̣̇ид̇ваа убхоби баб̣б̣аж̇ид̇аад̇и.
Tattha saṅgaṃ chetvāna maccunoti maccumārassa sahakārikāraṇabhūtattā santakaṃ rāgadosamohasaṅgaṃ vikkhambhanavasena chinditvā ubhopi pabbajitāti.
д̇ад̣̇аа маад̇аабид̇аро махаарааж̇агулаани ахзсум̣, яуд̇хидтилагумааро аананд̣̇ад̇т̇зро, яуд̇хан̃ж̇аяо логанаат̇о.
Tadā mātāpitaro mahārājakulāni ahesuṃ, yudhiṭṭhilakumāro ānandatthero, yudhañjayo lokanātho.
д̇асса баб̣б̣аж̇ж̇ад̇о буб̣б̣з бавад̇д̇ид̇амахаад̣̇аанаани жзва раж̇ж̇аад̣̇ибарижжааг̇о жа д̣̇аанабаарамий, гааяаважийсам̣варо сийлабаарамий, баб̣б̣аж̇ж̇аа жа жхаанаад̇хиг̇амо жа нзгкаммабаарамий, анижжад̇о манасигаарам̣ аад̣̇им̣ гад̇ваа абхин̃н̃аад̇хиг̇амабарияосаанаа бан̃н̃аа д̣̇аанаад̣̇ийнам̣ убагаараанубагаарад̇хаммабариг̇г̇ан̣ханабан̃н̃аа жа бан̃н̃аабаарамий, саб̣б̣ад̇т̇а д̇ад̣̇ад̇т̇асаад̇ханам̣ вийрияам̣ вийрияабаарамий , н̃аан̣аканд̇и ад̇хиваасанаканд̇и жа канд̇ибаарамий, бадин̃н̃ааяа ависам̣ваад̣̇анам̣ сажжабаарамий, саб̣б̣ад̇т̇а ажаласамаад̣̇аанаад̇хидтаанам̣ ад̇хидтаанабаарамий, саб̣б̣асад̇д̇зсу хид̇ажид̇д̇ад̇ааяа мзд̇д̇ааб̣рахмавихааравасзна жа мзд̇д̇аабаарамий, сад̇д̇асан̇каарагад̇авиббагаараубзгканавасзна убзгкааб̣рахмавихааравасзна жа убзгкаабаарамийд̇и д̣̇аса баарамияо лаб̣бханд̇и. висзсад̇о бана нзгкаммабаарамийд̇и взд̣̇ид̇аб̣б̣аа. д̇ат̇аа агид̇д̇ижарияааяам̣ вияа ид̇хааби махаабурисасса ажчарияаг̇ун̣аа яат̇аарахам̣ нид̣̇д̇хаарзд̇аб̣б̣аа. д̇зна вужжад̇и ‘‘звам̣ ажчарияаа хзд̇з, аб̣бхуд̇аа жа махзсино…бз… д̇хаммасса ануд̇хаммад̇о’’д̇и.
Tassa pabbajjato pubbe pavattitamahādānāni ceva rajjādipariccāgo ca dānapāramī, kāyavacīsaṃvaro sīlapāramī, pabbajjā ca jhānādhigamo ca nekkhammapāramī, aniccato manasikāraṃ ādiṃ katvā abhiññādhigamapariyosānā paññā dānādīnaṃ upakārānupakāradhammapariggaṇhanapaññā ca paññāpāramī, sabbattha tadatthasādhanaṃ vīriyaṃ vīriyapāramī , ñāṇakhanti adhivāsanakhanti ca khantipāramī, paṭiññāya avisaṃvādanaṃ saccapāramī, sabbattha acalasamādānādhiṭṭhānaṃ adhiṭṭhānapāramī, sabbasattesu hitacittatāya mettābrahmavihāravasena ca mettāpāramī, sattasaṅkhārakatavippakāraupekkhanavasena upekkhābrahmavihāravasena ca upekkhāpāramīti dasa pāramiyo labbhanti. Visesato pana nekkhammapāramīti veditabbā. Tathā akitticariyāyaṃ viya idhāpi mahāpurisassa acchariyaguṇā yathārahaṃ niddhāretabbā. Tena vuccati ‘‘evaṃ acchariyā hete, abbhutā ca mahesino…pe… dhammassa anudhammato’’ti.
яуд̇хан̃ж̇аяажарияааван̣н̣анаа нидтид̇аа.
Yudhañjayacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 1. яуд̇хан̃ж̇аяажарияаа • 1. Yudhañjayacariyā
