Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi

    2. яуг̇анад̣̇д̇хаваг̇г̇о

    2. Yuganaddhavaggo

    1. яуг̇анад̣̇д̇хагат̇аа

    1. Yuganaddhakathā

    1. звам̣ мз суд̇ам̣ – згам̣ самаяам̣ ааяасмаа аананд̣̇о госамб̣ияам̣ вихарад̇и гхосид̇аараамз. д̇ад̇ра ко ааяасмаа аананд̣̇о бхигкуу ааманд̇зси – ‘‘аавусо бхигкаво’’д̇и. ‘‘аавусо’’д̇и ко д̇з бхигкуу ааяасмад̇о аананд̣̇асса бажжассосум̣. ааяасмаа аананд̣̇о зд̇ад̣̇авожа –

    1. Evaṃ me sutaṃ – ekaṃ samayaṃ āyasmā ānando kosambiyaṃ viharati ghositārāme. Tatra kho āyasmā ānando bhikkhū āmantesi – ‘‘āvuso bhikkhavo’’ti. ‘‘Āvuso’’ti kho te bhikkhū āyasmato ānandassa paccassosuṃ. Āyasmā ānando etadavoca –

    ‘‘яо хи гожи, аавусо, бхигку ваа бхигкуний ваа мама санд̇игз арахад̇д̇абад̇д̇ам̣ 1 б̣яаагарод̇и, саб̣б̣асо жад̇уухи маг̇г̇зхи зд̇зсам̣ ваа ан̃н̃ад̇арзна. гад̇амзхи жад̇уухи?

    ‘‘Yo hi koci, āvuso, bhikkhu vā bhikkhunī vā mama santike arahattapattaṃ 2 byākaroti, sabbaso catūhi maggehi etesaṃ vā aññatarena. Katamehi catūhi?

    ‘‘ид̇хаавусо, бхигку самат̇абуб̣б̣ан̇г̇амам̣ вибассанам̣ бхаавзд̇и. д̇асса самат̇абуб̣б̣ан̇г̇амам̣ вибассанам̣ бхааваяад̇о маг̇г̇о сан̃ж̇ааяад̇и. со д̇ам̣ маг̇г̇ам̣ аасзвад̇и бхаавзд̇и б̣ахулийгарод̇и 3. д̇асса д̇ам̣ маг̇г̇ам̣ аасзвад̇о бхааваяад̇о б̣ахулийгарод̇о сан̃н̃ож̇анаани бахийяанд̇и, анусаяаа б̣яанд̇ийхонд̇и.

    ‘‘Idhāvuso, bhikkhu samathapubbaṅgamaṃ vipassanaṃ bhāveti. Tassa samathapubbaṅgamaṃ vipassanaṃ bhāvayato maggo sañjāyati. So taṃ maggaṃ āsevati bhāveti bahulīkaroti 4. Tassa taṃ maggaṃ āsevato bhāvayato bahulīkaroto saññojanāni pahīyanti, anusayā byantīhonti.

    ‘‘буна жабарам̣, аавусо, бхигку вибассанаабуб̣б̣ан̇г̇амам̣ самат̇ам̣ бхаавзд̇и. д̇асса вибассанаабуб̣б̣ан̇г̇амам̣ самат̇ам̣ бхааваяад̇о маг̇г̇о сан̃ж̇ааяад̇и. со д̇ам̣ маг̇г̇ам̣ аасзвад̇и бхаавзд̇и б̣ахулийгарод̇и. д̇асса д̇ам̣ маг̇г̇ам̣ аасзвад̇о бхааваяад̇о б̣ахулийгарод̇о сан̃н̃ож̇анаани бахийяанд̇и, анусаяаа б̣яанд̇ийхонд̇и.

    ‘‘Puna caparaṃ, āvuso, bhikkhu vipassanāpubbaṅgamaṃ samathaṃ bhāveti. Tassa vipassanāpubbaṅgamaṃ samathaṃ bhāvayato maggo sañjāyati. So taṃ maggaṃ āsevati bhāveti bahulīkaroti. Tassa taṃ maggaṃ āsevato bhāvayato bahulīkaroto saññojanāni pahīyanti, anusayā byantīhonti.

    ‘‘буна жабарам̣, аавусо, бхигку самат̇авибассанам̣ яуг̇анад̣̇д̇хам̣ 5 бхаавзд̇и. д̇асса самат̇авибассанам̣ яуг̇анад̣̇д̇хам̣ бхааваяад̇о маг̇г̇о сан̃ж̇ааяад̇и. со д̇ам̣ маг̇г̇ам̣ аасзвад̇и бхаавзд̇и б̣ахулийгарод̇и. д̇асса д̇ам̣ маг̇г̇ам̣ аасзвад̇о бхааваяад̇о б̣ахулийгарод̇о сан̃н̃ож̇анаани бахийяанд̇и, анусаяаа б̣яанд̇ийхонд̇и.

    ‘‘Puna caparaṃ, āvuso, bhikkhu samathavipassanaṃ yuganaddhaṃ 6 bhāveti. Tassa samathavipassanaṃ yuganaddhaṃ bhāvayato maggo sañjāyati. So taṃ maggaṃ āsevati bhāveti bahulīkaroti. Tassa taṃ maggaṃ āsevato bhāvayato bahulīkaroto saññojanāni pahīyanti, anusayā byantīhonti.

    ‘‘буна жабарам̣, аавусо, бхигкуно д̇хаммуд̣̇д̇хажжавиг̇г̇ахид̇ам̣ маанасам̣ ход̇и. со, аавусо, самаяо яам̣ д̇ам̣ жид̇д̇ам̣ аж̇жхад̇д̇амзва 7 санд̇идтад̇и саннисийд̣̇ад̇и згод̣̇и ход̇и самаад̇хияад̇и. д̇асса маг̇г̇о сан̃ж̇ааяад̇и. со д̇ам̣ маг̇г̇ам̣ аасзвад̇и бхаавзд̇и б̣ахулийгарод̇и. д̇асса д̇ам̣ маг̇г̇ам̣ аасзвад̇о бхааваяад̇о б̣ахулийгарод̇о сан̃н̃ож̇анаани бахийяанд̇и, анусаяаа б̣яанд̇ийхонд̇и.

    ‘‘Puna caparaṃ, āvuso, bhikkhuno dhammuddhaccaviggahitaṃ mānasaṃ hoti. So, āvuso, samayo yaṃ taṃ cittaṃ ajjhattameva 8 santiṭṭhati sannisīdati ekodi hoti samādhiyati. Tassa maggo sañjāyati. So taṃ maggaṃ āsevati bhāveti bahulīkaroti. Tassa taṃ maggaṃ āsevato bhāvayato bahulīkaroto saññojanāni pahīyanti, anusayā byantīhonti.

    ‘‘яо хи гожи, аавусо, бхигку ваа бхигкуний ваа мама санд̇игз арахад̇д̇абад̇д̇ам̣ б̣яаагарод̇и, саб̣б̣асо имзхи жад̇уухи маг̇г̇зхи, зд̇зсам̣ ваа ан̃н̃ад̇арзнаа’’д̇и.

    ‘‘Yo hi koci, āvuso, bhikkhu vā bhikkhunī vā mama santike arahattapattaṃ byākaroti, sabbaso imehi catūhi maggehi, etesaṃ vā aññatarenā’’ti.




    Next: 1. суд̇д̇анд̇анид̣̇д̣̇зсо • 1. Suttantaniddeso




    Footnotes:
    1. арахад̇д̇ам̣ (сяаа.), арахад̇д̇абад̇д̇им̣ а. ни. 4.170
    2. arahattaṃ (syā.), arahattapattiṃ a. ni. 4.170
    3. б̣ахулим̣ гарод̇и (га.) а. ни. 4.170 бассид̇аб̣б̣аа
    4. bahuliṃ karoti (ka.) a. ni. 4.170 passitabbā
    5. яуг̇ананд̇хам̣ (га. сий. адта.)
    6. yuganandhaṃ (ka. sī. aṭṭha.)
    7. аж̇жхад̇д̇ан̃н̃зва (сяаа. га.)
    8. ajjhattaññeva (syā. ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / яуг̇анад̣̇д̇хагат̇ааван̣н̣анаа • Yuganaddhakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact