| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
(2) яуг̇анад̣̇д̇хаваг̇г̇о
(2) Yuganaddhavaggo
1. яуг̇анад̣̇д̇хагат̇аа
1. Yuganaddhakathā
яуг̇анад̣̇д̇хагат̇ааван̣н̣анаа
Yuganaddhakathāvaṇṇanā
1. ид̣̇аани ман̣д̣абзяяаг̇ун̣асса арияамаг̇г̇асса яуг̇анад̣̇д̇хаг̇ун̣ам̣ д̣̇ассзнд̇зна гат̇ид̇ааяа суд̇д̇анд̇абуб̣б̣ан̇г̇амааяа яуг̇анад̣̇д̇хагат̇ааяа абуб̣б̣ад̇т̇аануван̣н̣анаа. яасмаа бана д̇хаммасзнаабад̇и д̇хаммарааж̇з д̇харамаанзязва д̇хаммарааж̇асса бариниб̣б̣аанасам̣важчарз бариниб̣б̣уд̇о, д̇асмаа д̇хаммарааж̇з д̇харамаанзязва д̇хаммабхан̣д̣ааг̇ааригзна д̣̇зсид̇ам̣ ид̣̇ам̣ суд̇д̇анд̇ам̣ д̇ассзва саммукаа суд̇ваа звам̣ мз суд̇анд̇иаад̣̇имаахаад̇и взд̣̇ид̇аб̣б̣ам̣. д̇ад̇т̇а ааяасмаад̇и бияаважанам̣ г̇аруважанам̣ саг̇ааравасаббад̇иссаважанам̣, ааяумаад̇и ад̇т̇о. аананд̣̇од̇и д̇асса т̇зрасса наамам̣. со хи ж̇ааяамааноязва гулз аананд̣̇ам̣ бхусам̣ д̇удтим̣ агааси. д̇асмаасса ‘‘аананд̣̇о’’д̇и наамам̣ гад̇анд̇и взд̣̇ид̇аб̣б̣ам̣. госамб̣ияанд̇и звам̣наамагз наг̇арз. д̇асса хи наг̇арасса аараамабогкаран̣ийаад̣̇ийсу д̇зсу д̇зсу таанзсу госамб̣аругкаа уссаннаа ахзсум̣, д̇асмаа д̇ам̣ госамб̣ийд̇и сан̇кам̣ аг̇амааси. ‘‘гусамб̣асса исино ассамад̇о авид̣̇уурз маабид̇ад̇д̇аа’’д̇и згз.
1. Idāni maṇḍapeyyaguṇassa ariyamaggassa yuganaddhaguṇaṃ dassentena kathitāya suttantapubbaṅgamāya yuganaddhakathāya apubbatthānuvaṇṇanā. Yasmā pana dhammasenāpati dhammarāje dharamāneyeva dhammarājassa parinibbānasaṃvacchare parinibbuto, tasmā dhammarāje dharamāneyeva dhammabhaṇḍāgārikena desitaṃ idaṃ suttantaṃ tasseva sammukhā sutvā evaṃ me sutantiādimāhāti veditabbaṃ. Tattha āyasmāti piyavacanaṃ garuvacanaṃ sagāravasappatissavacanaṃ, āyumāti attho. Ānandoti tassa therassa nāmaṃ. So hi jāyamānoyeva kule ānandaṃ bhusaṃ tuṭṭhiṃ akāsi. Tasmāssa ‘‘ānando’’ti nāmaṃ katanti veditabbaṃ. Kosambiyanti evaṃnāmake nagare. Tassa hi nagarassa ārāmapokkharaṇīādīsu tesu tesu ṭhānesu kosambarukkhā ussannā ahesuṃ, tasmā taṃ kosambīti saṅkhaṃ agamāsi. ‘‘Kusambassa isino assamato avidūre māpitattā’’ti eke.
гхосид̇аараамзд̇и гхосид̇асздтинаа гаарид̇з аараамз. госамб̣ияан̃хи д̇аяо сздтино ахзсум̣ гхосид̇асздти гуггудасздти баавааригасздтийд̇и. д̇з д̇аяоби ‘‘логз б̣уд̣̇д̇хо уббанно’’д̇и суд̇ваа бан̃жахи бан̃жахи сагадасад̇зхи д̣̇аануубагаран̣аани г̇аахаабзд̇ваа саавад̇т̇им̣ г̇анд̇ваа ж̇зд̇аванасамийбз канд̇хааваарам̣ б̣анд̇хид̇ваа сад̇т̇у санд̇игам̣ г̇анд̇ваа ванд̣̇ид̇ваа бадисант̇аарам̣ гад̇ваа нисиннаа сад̇т̇у д̇хаммад̣̇зсанам̣ суд̇ваа сод̇аабад̇д̇ипалз бад̇идтахид̇ваа сад̇т̇аарам̣ ниманд̇зд̇ваа б̣уд̣̇д̇хаббамукасса бхигкусан̇гхасса ад̣дхамаасамад̇д̇ам̣ махаад̣̇аанам̣ д̣̇ад̇ваа бхаг̇авад̇о баад̣̇амуулз нибаж̇ж̇ид̇ваа сагаж̇анабад̣̇аг̇аманад̇т̇ам̣ бхаг̇аванд̇ам̣ яаажид̇ваа ‘‘сун̃н̃ааг̇аарз ко г̇ахабад̇аяо д̇ат̇ааг̇ад̇аа абхираманд̇ий’’д̇и бхаг̇авад̇аа вуд̇д̇з ‘‘д̣̇иннаа но бхаг̇авад̇аа бадин̃н̃аа’’д̇и н̃ад̇ваа ад̇ивияа д̇удтаа д̣̇асаб̣алам̣ ванд̣̇ид̇ваа нигканд̇аа анд̇араамаг̇г̇з яож̇анз яож̇анз бхаг̇авад̇о ниваасад̇т̇ам̣ вихаарам̣ гаарзнд̇аа анубуб̣б̣зна госамб̣им̣ бад̇ваа ад̇д̇ано ад̇д̇ано аараамз маханд̇ам̣ д̇ханабарижжааг̇ам̣ гад̇ваа бхаг̇авад̇о вихаарз гаараабаяим̣су. д̇ад̇т̇а гхосид̇асздтинаа гаарид̇о гхосид̇аараамо наама ахоси, гуггудасздтинаа гаарид̇о гуггудаараамо наама, баавааригасздтинаа амб̣аванз гаарид̇о баавааригамб̣аванам̣ наама. д̇ам̣ санд̇хааяа вуд̇д̇ам̣ ‘‘гхосид̇асздтинаа гаарид̇з аараамз’’д̇и.
Ghositārāmeti ghositaseṭṭhinā kārite ārāme. Kosambiyañhi tayo seṭṭhino ahesuṃ ghositaseṭṭhi kukkuṭaseṭṭhi pāvārikaseṭṭhīti. Te tayopi ‘‘loke buddho uppanno’’ti sutvā pañcahi pañcahi sakaṭasatehi dānūpakaraṇāni gāhāpetvā sāvatthiṃ gantvā jetavanasamīpe khandhāvāraṃ bandhitvā satthu santikaṃ gantvā vanditvā paṭisanthāraṃ katvā nisinnā satthu dhammadesanaṃ sutvā sotāpattiphale patiṭṭhahitvā satthāraṃ nimantetvā buddhappamukhassa bhikkhusaṅghassa aḍḍhamāsamattaṃ mahādānaṃ datvā bhagavato pādamūle nipajjitvā sakajanapadagamanatthaṃ bhagavantaṃ yācitvā ‘‘suññāgāre kho gahapatayo tathāgatā abhiramantī’’ti bhagavatā vutte ‘‘dinnā no bhagavatā paṭiññā’’ti ñatvā ativiya tuṭṭhā dasabalaṃ vanditvā nikkhantā antarāmagge yojane yojane bhagavato nivāsatthaṃ vihāraṃ kārentā anupubbena kosambiṃ patvā attano attano ārāme mahantaṃ dhanapariccāgaṃ katvā bhagavato vihāre kārāpayiṃsu. Tattha ghositaseṭṭhinā kārito ghositārāmo nāma ahosi, kukkuṭaseṭṭhinā kārito kukkuṭārāmo nāma, pāvārikaseṭṭhinā ambavane kārito pāvārikambavanaṃ nāma. Taṃ sandhāya vuttaṃ ‘‘ghositaseṭṭhinā kārite ārāme’’ti.
аавусо бхигкавод̇и зд̇т̇а б̣уд̣̇д̇хаа бхаг̇аванд̇о саавагз аалабанд̇аа ‘‘бхигкаво’’д̇и аалабанд̇и. саавагаа бана ‘‘б̣уд̣̇д̇хзхи сад̣̇исаа маа хомаа’’д̇и ‘‘аавусо’’д̇и батамам̣ вад̇ваа бажчаа ‘‘бхигкаво’’д̇и вад̣̇анд̇и. б̣уд̣̇д̇хзхи жа аалабид̇з бхигкусан̇гхо ‘‘бхад̣̇анд̇з’’д̇и бадиважанам̣ д̣̇зд̇и, саавагзхи аалабид̇з ‘‘аавусо’’д̇и.
Āvuso bhikkhavoti ettha buddhā bhagavanto sāvake ālapantā ‘‘bhikkhavo’’ti ālapanti. Sāvakā pana ‘‘buddhehi sadisā mā homā’’ti ‘‘āvuso’’ti paṭhamaṃ vatvā pacchā ‘‘bhikkhavo’’ti vadanti. Buddhehi ca ālapite bhikkhusaṅgho ‘‘bhadante’’ti paṭivacanaṃ deti, sāvakehi ālapite ‘‘āvuso’’ti.
яо хи гожийд̇и анияамаважанам̣. зд̇зна д̇аад̣̇исаанам̣ саб̣б̣абхигкуунам̣ барияаад̣̇аанам̣. мама санд̇игзд̇и мама самийбз. арахад̇д̇аббад̇д̇анд̇и ад̇д̇анаа арахад̇д̇асса бад̇д̇ам̣. набум̣сагз бхаавз сид̣̇д̇хаважанам̣. арахад̇д̇ам̣ бад̇д̇анд̇и ваа бад̣̇ажчзд̣̇о, ад̇д̇анаа бад̇д̇ам̣ арахад̇д̇анд̇и ад̇т̇о. арахад̇д̇аббад̇д̇ам̣ ад̇д̇аананд̇и ваа баатасзсо. жад̇уухи маг̇г̇зхийд̇и убари вужжамаанзхи жад̇уухи бадибад̣̇аамаг̇г̇зхи, на арияамаг̇г̇зхи. ‘‘жад̇уухи маг̇г̇зхий’’д̇и висун̃жа вуд̇д̇ад̇д̇аа гассажи арахад̇о батамасса арияамаг̇г̇асса д̇хаммуд̣̇д̇хажжабуб̣б̣ан̇г̇амо маг̇г̇о, згасса арияамаг̇г̇асса самат̇абуб̣б̣ан̇г̇амо, згасса вибассанаабуб̣б̣ан̇г̇амо, згасса яуг̇анад̣̇д̇хабуб̣б̣ан̇г̇амод̇и звам̣ жад̇д̇аароби бадибад̣̇аа маг̇г̇аа хонд̇ийд̇и взд̣̇ид̇аб̣б̣ам̣. зд̇зсам̣ ваа ан̃н̃ад̇арзнаад̇и зд̇зсам̣ жад̇уннам̣ бадибад̣̇аанам̣ маг̇г̇аанам̣ згзна ваа, бадибад̣̇аамаг̇г̇зна арахад̇д̇аббад̇д̇ам̣ б̣яаагарод̇ийд̇и ад̇т̇о. сугкавибассагасса хи арахад̇о д̇хаммуд̣̇д̇хажжабуб̣б̣ан̇г̇амам̣ сод̇аабад̇д̇имаг̇г̇ам̣ бад̇ваа сзсамаг̇г̇ад̇д̇аяамби суд̣̇д̇хавибассанаахиязва бад̇д̇асса арахад̇д̇аббад̇д̇и д̇хаммуд̣̇д̇хажжабуб̣б̣ан̇г̇амамаг̇г̇аа ход̇и. д̇хаммуд̣̇д̇хажжавиг̇г̇ахам̣ бад̇ваа ваа аббад̇ваа ваа самат̇абуб̣б̣ан̇г̇амаад̣̇ийнам̣ д̇ин̣н̣ам̣ бадибад̣̇аанам̣ маг̇г̇аанам̣ згзгасса васзна бад̇д̇ажад̇умаг̇г̇асса арахад̇о арахад̇д̇аббад̇д̇и ид̇аразгзгамаг̇г̇абуб̣б̣ан̇г̇амаа ход̇и. д̇асмаа ааха – ‘‘зд̇зсам̣ ваа ан̃н̃ад̇арзнаа’’д̇и.
Yo hi kocīti aniyamavacanaṃ. Etena tādisānaṃ sabbabhikkhūnaṃ pariyādānaṃ. Mama santiketi mama samīpe. Arahattappattanti attanā arahattassa pattaṃ. Napuṃsake bhāve siddhavacanaṃ. Arahattaṃ pattanti vā padacchedo, attanā pattaṃ arahattanti attho. Arahattappattaṃ attānanti vā pāṭhaseso. Catūhi maggehīti upari vuccamānehi catūhi paṭipadāmaggehi, na ariyamaggehi. ‘‘Catūhi maggehī’’ti visuñca vuttattā kassaci arahato paṭhamassa ariyamaggassa dhammuddhaccapubbaṅgamo maggo, ekassa ariyamaggassa samathapubbaṅgamo, ekassa vipassanāpubbaṅgamo, ekassa yuganaddhapubbaṅgamoti evaṃ cattāropi paṭipadā maggā hontīti veditabbaṃ. Etesaṃ vā aññatarenāti etesaṃ catunnaṃ paṭipadānaṃ maggānaṃ ekena vā, paṭipadāmaggena arahattappattaṃ byākarotīti attho. Sukkhavipassakassa hi arahato dhammuddhaccapubbaṅgamaṃ sotāpattimaggaṃ patvā sesamaggattayampi suddhavipassanāhiyeva pattassa arahattappatti dhammuddhaccapubbaṅgamamaggā hoti. Dhammuddhaccaviggahaṃ patvā vā appatvā vā samathapubbaṅgamādīnaṃ tiṇṇaṃ paṭipadānaṃ maggānaṃ ekekassa vasena pattacatumaggassa arahato arahattappatti itaraekekamaggapubbaṅgamā hoti. Tasmā āha – ‘‘etesaṃ vā aññatarenā’’ti.
самат̇абуб̣б̣ан̇г̇амам̣ вибассанам̣ бхаавзд̇ийд̇и самат̇ам̣ буб̣б̣ан̇г̇амам̣ бурзжааригам̣ гад̇ваа вибассанам̣ бхаавзд̇и, батамам̣ самаад̇хим̣ уббаад̣̇зд̇ваа бажчаа вибассанам̣ бхаавзд̇ийд̇и ад̇т̇о. маг̇г̇о сан̃ж̇ааяад̇ийд̇и батамо логуд̇д̇арамаг̇г̇о ниб̣б̣ад̇д̇ад̇и. со д̇ам̣ маг̇г̇анд̇иаад̣̇ийсу згажид̇д̇агкан̣игасса маг̇г̇асса аасзванаад̣̇ийни наама над̇т̇и, д̣̇уд̇ияамаг̇г̇аад̣̇аяо бана уббаад̣̇знд̇о д̇амзва маг̇г̇ам̣ ‘‘аасзвад̇и бхаавзд̇и б̣ахулийгарод̇ий’’д̇и вужжад̇и. сан̃н̃ож̇анаани бахийяанд̇и, анусаяаа б̣яанд̇ийхонд̇ийд̇и яаава арахад̇д̇амаг̇г̇аа гамзна саб̣б̣з сан̃н̃ож̇анаа бахийяанд̇и, анусаяаа б̣яанд̇ийхонд̇и. анусаяаа б̣яанд̇ийхонд̇ийд̇и жа буна ануббад̇д̇ияаа виг̇ад̇анд̇аа хонд̇ийд̇и ад̇т̇о.
Samathapubbaṅgamaṃ vipassanaṃ bhāvetīti samathaṃ pubbaṅgamaṃ purecārikaṃ katvā vipassanaṃ bhāveti, paṭhamaṃ samādhiṃ uppādetvā pacchā vipassanaṃ bhāvetīti attho. Maggo sañjāyatīti paṭhamo lokuttaramaggo nibbattati. So taṃ maggantiādīsu ekacittakkhaṇikassa maggassa āsevanādīni nāma natthi, dutiyamaggādayo pana uppādento tameva maggaṃ ‘‘āsevati bhāveti bahulīkarotī’’ti vuccati. Saññojanāni pahīyanti, anusayā byantīhontīti yāva arahattamaggā kamena sabbe saññojanā pahīyanti, anusayā byantīhonti. Anusayā byantīhontīti ca puna anuppattiyā vigatantā hontīti attho.
буна жабаранд̇и буна жа абарам̣ гааран̣ам̣. вибассанаабуб̣б̣ан̇г̇амам̣ самат̇ам̣ бхаавзд̇ийд̇и вибассанам̣ буб̣б̣ан̇г̇амам̣ бурзжааригам̣ гад̇ваа самат̇ам̣ бхаавзд̇и, батамам̣ вибассанам̣ уббаад̣̇зд̇ваа бажчаа самаад̇хим̣ бхаавзд̇ийд̇и ад̇т̇о. яуг̇анад̣̇д̇хам̣ бхаавзд̇ийд̇и яуг̇анад̣̇д̇хам̣ гад̇ваа бхаавзд̇и. зд̇т̇а д̇знзва жид̇д̇зна самаабад̇д̇им̣ самаабаж̇ж̇ид̇ваа д̇знзва сан̇каарз саммасид̇ум̣ на саггаа. аяам̣ бана яаавад̇аа самаабад̇д̇ияо самаабаж̇ж̇ад̇и, д̇аавад̇аа сан̇каарз саммасад̇и. яаавад̇аа сан̇каарз саммасад̇и, д̇аавад̇аа самаабад̇д̇ияо самаабаж̇ж̇ад̇и. гат̇ам̣? батамаж̇жхаанам̣ самаабаж̇ж̇ад̇и, д̇ад̇о вудтааяа сан̇каарз саммасад̇и. сан̇каарз саммасид̇ваа д̣̇уд̇ияаж̇жхаанам̣ самаабаж̇ж̇ад̇и, д̇ад̇о вудтааяа сан̇каарз саммасад̇и. сан̇каарз саммасид̇ваа д̇ад̇ияаж̇жхаанам̣…бз… нзвасан̃н̃аанаасан̃н̃ааяад̇анасамаабад̇д̇им̣ самаабаж̇ж̇ад̇и, д̇ад̇о вудтааяа сан̇каарз саммасад̇и. звам̣ самат̇авибассанам̣ яуг̇анад̣̇д̇хам̣ бхаавзд̇и наама.
Puna caparanti puna ca aparaṃ kāraṇaṃ. Vipassanāpubbaṅgamaṃ samathaṃ bhāvetīti vipassanaṃ pubbaṅgamaṃ purecārikaṃ katvā samathaṃ bhāveti, paṭhamaṃ vipassanaṃ uppādetvā pacchā samādhiṃ bhāvetīti attho. Yuganaddhaṃ bhāvetīti yuganaddhaṃ katvā bhāveti. Ettha teneva cittena samāpattiṃ samāpajjitvā teneva saṅkhāre sammasituṃ na sakkā. Ayaṃ pana yāvatā samāpattiyo samāpajjati, tāvatā saṅkhāre sammasati. Yāvatā saṅkhāre sammasati, tāvatā samāpattiyo samāpajjati. Kathaṃ? Paṭhamajjhānaṃ samāpajjati, tato vuṭṭhāya saṅkhāre sammasati. Saṅkhāre sammasitvā dutiyajjhānaṃ samāpajjati, tato vuṭṭhāya saṅkhāre sammasati. Saṅkhāre sammasitvā tatiyajjhānaṃ…pe… nevasaññānāsaññāyatanasamāpattiṃ samāpajjati, tato vuṭṭhāya saṅkhāre sammasati. Evaṃ samathavipassanaṃ yuganaddhaṃ bhāveti nāma.
д̇хаммуд̣̇д̇хажжавиг̇г̇ахид̇ам̣ маанасам̣ ход̇ийд̇и зд̇т̇а манд̣̇абан̃н̃аанам̣ вибассагаанам̣ убаггилзсавад̇т̇уд̇д̇аа вибассанубаггилзсасан̃н̃ид̇зсу обхаасаад̣̇ийсу д̣̇асасу д̇хаммзсу бханд̇ад̇аавасзна уд̣̇д̇хажжасахаг̇ад̇ажид̇д̇уббад̇д̇ияаа вигкзбасан̇каад̇ам̣ уд̣̇д̇хажжам̣ д̇хаммуд̣̇д̇хажжам̣, д̇зна д̇хаммуд̣̇д̇хажжзна виг̇г̇ахид̇ам̣ вируубаг̇г̇ахид̇ам̣ вирод̇хамаабаад̣̇ид̇ам̣ маанасам̣ жид̇д̇ам̣ д̇хаммуд̣̇д̇хажжавиг̇г̇ахид̇ам̣ маанасам̣ ход̇и, д̇зна ваа д̇хаммуд̣̇д̇хажжзна гааран̣абхууд̇зна д̇аммуулагад̇ан̣хаамаанад̣̇идтуббад̇д̇ияаа виг̇г̇ахид̇ам̣ маанасам̣ ход̇и. д̇хаммуд̣̇д̇хажжавиг̇г̇ахид̇амаанасанд̇и ваа баато. ход̇и со аавусо самаяод̇и иминаа маг̇г̇аамаг̇г̇ававад̇т̇аанзна д̇ам̣ д̇хаммуд̣̇д̇хажжам̣ бадиб̣аахид̇ваа буна вибассанаавийт̇им̣ бадибаннагаалам̣ д̣̇ассзд̇и. яам̣ д̇ам̣ жид̇д̇анд̇и яасмим̣ самаяз д̇ам̣ вибассанаавийт̇им̣ оггамид̇ваа бавад̇д̇ам̣ жид̇д̇ам̣. аж̇жхад̇д̇амзва санд̇идтад̇ийд̇и вибассанаавийт̇им̣ бажжод̇арид̇ваа д̇асмим̣ самаяз г̇ожараж̇жхад̇д̇асан̇каад̇з аарамман̣з санд̇идтад̇и бад̇идтаад̇и. саннисийд̣̇ад̇ийд̇и д̇ад̇т̇зва бавад̇д̇ивасзна саммаа нисийд̣̇ад̇и. згод̣̇и ход̇ийд̇и згаг̇г̇ам̣ ход̇и. самаад̇хияад̇ийд̇и саммаа аад̇хияад̇и судту тид̇ам̣ ход̇ийд̇и.
Dhammuddhaccaviggahitaṃ mānasaṃ hotīti ettha mandapaññānaṃ vipassakānaṃ upakkilesavatthuttā vipassanupakkilesasaññitesu obhāsādīsu dasasu dhammesu bhantatāvasena uddhaccasahagatacittuppattiyā vikkhepasaṅkhātaṃ uddhaccaṃ dhammuddhaccaṃ, tena dhammuddhaccena viggahitaṃ virūpaggahitaṃ virodhamāpāditaṃ mānasaṃ cittaṃ dhammuddhaccaviggahitaṃ mānasaṃ hoti, tena vā dhammuddhaccena kāraṇabhūtena tammūlakataṇhāmānadiṭṭhuppattiyā viggahitaṃ mānasaṃ hoti. Dhammuddhaccaviggahitamānasanti vā pāṭho. Hoti so āvuso samayoti iminā maggāmaggavavatthānena taṃ dhammuddhaccaṃ paṭibāhitvā puna vipassanāvīthiṃ paṭipannakālaṃ dasseti. Yaṃ taṃ cittanti yasmiṃ samaye taṃ vipassanāvīthiṃ okkamitvā pavattaṃ cittaṃ. Ajjhattameva santiṭṭhatīti vipassanāvīthiṃ paccotaritvā tasmiṃ samaye gocarajjhattasaṅkhāte ārammaṇe santiṭṭhati patiṭṭhāti. Sannisīdatīti tattheva pavattivasena sammā nisīdati. Ekodi hotīti ekaggaṃ hoti. Samādhiyatīti sammā ādhiyati suṭṭhu ṭhitaṃ hotīti.
аяам̣ суд̇д̇анд̇аван̣н̣анаа.
Ayaṃ suttantavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. яуг̇анад̣̇д̇хагат̇аа • 1. Yuganaddhakathā
