| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
10. யுக³னத்³த⁴ஸுத்தவண்ணனா
10. Yuganaddhasuttavaṇṇanā
170. த³ஸமே ஸமத²புப்³ப³ங்க³மங் விபஸ்ஸனங் பா⁴வேதீதி இத³ங் ஸமத²யானிகஸ்ஸ வஸேன வுத்தங். ஸோ ஹி பட²மங் உபசாரஸமாதி⁴ங் வா அப்பனாஸமாதி⁴ங் வா உப்பாதே³தி, அயங் ஸமதோ². ஸோ தஞ்ச தங்ஸம்பயுத்தே ச த⁴ம்மே அனிச்சாதீ³ஹி விபஸ்ஸதி, அயங் விபஸ்ஸனா, இதி பட²மங் ஸமதோ², பச்சா² விபஸ்ஸனா. தேன வுச்சதி ‘‘ஸமத²புப்³ப³ங்க³மங் விபஸ்ஸனங் பா⁴வேதீ’’தி. விபஸ்ஸனாபுப்³ப³ங்க³மங் ஸமத²ங் பா⁴வேதீதி இத³ங் பன விபஸ்ஸனாயானிகஸ்ஸ வஸேன வுத்தங். ஸோ தங் வுத்தப்பகாரங் ஸமத²ங் அஸம்பாதெ³த்வா பஞ்சுபாதா³னக்க²ந்தே⁴ அனிச்சாதீ³ஹி விபஸ்ஸதி. பட²மோ லோகுத்தரமக்³கோ³ நிப்³ப³த்ததீதி ஸோதாபத்திமக்³க³ங் ஸந்தா⁴ய வத³தி, லோகியமக்³க³வஸேனேவ வா இமிஸ்ஸா பாளியா அத்தோ² வேதி³தப்³போ³. கத²ங்? மக்³கோ³ ஸஞ்ஜாயதி, புப்³ப³பா⁴கி³யோ லோகியமக்³கோ³ உப்பஜ்ஜதி. ஆஸேவதி நிப்³பி³தா³னுபஸ்ஸனாவஸேன. பா⁴வேதி முச்சிதுகம்யதாவஸேன. ப³ஹுலீகரோதி படிஸங்கா²னுபஸ்ஸனாவஸேன. ஆஸேவதி வா ப⁴யதுபட்டா²னாதி³ஞாணவஸேன. பா⁴வேதி முச்சிதுகம்யதாதி³ஞாணவஸேன. ப³ஹுலீகரோதி வுட்டா²னகா³மினிவிபஸ்ஸனாவஸேன. ஸங்யோஜனானி பஹீயந்தி. அனுஸயா ப்³யந்தீ ஹொந்தீதி மக்³க³ப்படிபாடியா பஹீயந்தி ப்³யந்தீ ஹொந்தி.
170. Dasame samathapubbaṅgamaṃ vipassanaṃ bhāvetīti idaṃ samathayānikassa vasena vuttaṃ. So hi paṭhamaṃ upacārasamādhiṃ vā appanāsamādhiṃ vā uppādeti, ayaṃ samatho. So tañca taṃsampayutte ca dhamme aniccādīhi vipassati, ayaṃ vipassanā, iti paṭhamaṃ samatho, pacchā vipassanā. Tena vuccati ‘‘samathapubbaṅgamaṃ vipassanaṃ bhāvetī’’ti. Vipassanāpubbaṅgamaṃ samathaṃ bhāvetīti idaṃ pana vipassanāyānikassa vasena vuttaṃ. So taṃ vuttappakāraṃ samathaṃ asampādetvā pañcupādānakkhandhe aniccādīhi vipassati. Paṭhamo lokuttaramaggo nibbattatīti sotāpattimaggaṃ sandhāya vadati, lokiyamaggavaseneva vā imissā pāḷiyā attho veditabbo. Kathaṃ? Maggo sañjāyati, pubbabhāgiyo lokiyamaggo uppajjati. Āsevati nibbidānupassanāvasena. Bhāveti muccitukamyatāvasena. Bahulīkaroti paṭisaṅkhānupassanāvasena. Āsevati vā bhayatupaṭṭhānādiñāṇavasena. Bhāveti muccitukamyatādiñāṇavasena. Bahulīkaroti vuṭṭhānagāminivipassanāvasena. Saṃyojanāni pahīyanti. Anusayā byantī hontīti maggappaṭipāṭiyā pahīyanti byantī honti.
த⁴ம்முத்³த⁴ச்சவிக்³க³ஹிதமானஸந்தி ஓபா⁴ஸாதீ³ஸு அரியத⁴ம்மோதி பவத்தங் உத்³த⁴ச்சங் விக்கே²போ த⁴ம்முத்³த⁴ச்சங் , தேன த⁴ம்முத்³த⁴ச்சேன விபஸ்ஸனாவீதி²தோ உக்³க³மனேன விரூபங் க³ஹிதங் பவத்தியமானங் த⁴ம்முத்³த⁴ச்சவிக்³க³ஹிதமானஸங். வுத்தஞ்ஹேதங் –
Dhammuddhaccaviggahitamānasanti obhāsādīsu ariyadhammoti pavattaṃ uddhaccaṃ vikkhepo dhammuddhaccaṃ , tena dhammuddhaccena vipassanāvīthito uggamanena virūpaṃ gahitaṃ pavattiyamānaṃ dhammuddhaccaviggahitamānasaṃ. Vuttañhetaṃ –
‘‘த⁴ம்முத்³த⁴ச்சவிக்³க³ஹிதமானஸங் ஹோதி, அனிச்சதோ மனஸி கரோதி, ஓபா⁴ஸோ உப்பஜ்ஜதி, ஓபா⁴ஸோ த⁴ம்மோதி ஓபா⁴ஸங் ஆவஜ்ஜதி, ததோ விக்கே²போ உத்³த⁴ச்சங், தேன உத்³த⁴ச்சேன விக்³க³ஹிதமானஸோ அனிச்சதோ உபட்டா²னங் யதா²பூ⁴தங் நப்பஜானாதி. து³க்க²தோ…பே॰… அனத்ததோ உபட்டா²னங் யதா²பூ⁴தங் நப்பஜானாதி. ததா² அனிச்சதோ மனஸிகரோதோ ஞாணங் உப்பஜ்ஜதி…பே॰… பீதி பஸ்ஸத்³தி⁴ ஸுக²ங் அதி⁴மொக்கோ² பக்³க³ஹோ உபட்டா²னங் உபெக்கா² நிகந்தி உப்பஜ்ஜதி, நிகந்தி த⁴ம்மோதி நிகந்திங் ஆவஜ்ஜதி, ததோ விக்கே²போ உத்³த⁴ச்சங், தேன உத்³த⁴ச்சேன விக்³க³ஹிதமானஸோ அனிச்சதோ உபட்டா²னங் யதா²பூ⁴தங் நப்பஜானாதி. து³க்க²தோ…பே॰… அனத்ததோ உபட்டா²னங் யதா²பூ⁴தங் நப்பஜானாதீ’’தி (படி॰ ம॰ 2.6). ஸேஸமெத்த² உத்தானமேவ.
‘‘Dhammuddhaccaviggahitamānasaṃ hoti, aniccato manasi karoti, obhāso uppajjati, obhāso dhammoti obhāsaṃ āvajjati, tato vikkhepo uddhaccaṃ, tena uddhaccena viggahitamānaso aniccato upaṭṭhānaṃ yathābhūtaṃ nappajānāti. Dukkhato…pe… anattato upaṭṭhānaṃ yathābhūtaṃ nappajānāti. Tathā aniccato manasikaroto ñāṇaṃ uppajjati…pe… pīti passaddhi sukhaṃ adhimokkho paggaho upaṭṭhānaṃ upekkhā nikanti uppajjati, nikanti dhammoti nikantiṃ āvajjati, tato vikkhepo uddhaccaṃ, tena uddhaccena viggahitamānaso aniccato upaṭṭhānaṃ yathābhūtaṃ nappajānāti. Dukkhato…pe… anattato upaṭṭhānaṃ yathābhūtaṃ nappajānātī’’ti (paṭi. ma. 2.6). Sesamettha uttānameva.
யுக³னத்³த⁴ஸுத்தவண்ணனா நிட்டி²தா.
Yuganaddhasuttavaṇṇanā niṭṭhitā.
படிபதா³வக்³க³வண்ணனா நிட்டி²தா.
Paṭipadāvaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. யுக³னத்³த⁴ஸுத்தங் • 10. Yuganaddhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. யுக³னத்³த⁴ஸுத்தவண்ணனா • 10. Yuganaddhasuttavaṇṇanā
