| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. яуг̇анад̣̇д̇хасуд̇д̇аван̣н̣анаа
10. Yuganaddhasuttavaṇṇanā
170. д̣̇асамз самат̇абуб̣б̣ан̇г̇аманд̇и самат̇ам̣ буб̣б̣ан̇г̇амам̣ бурзжааригам̣ гад̇ваа. маг̇г̇о сан̃ж̇ааяад̇ийд̇и батамо логуд̇д̇арамаг̇г̇о ниб̣б̣ад̇д̇ад̇и. со д̇ам̣ маг̇г̇анд̇и згажид̇д̇агкан̣игамаг̇г̇асса аасзванаад̣̇ийни наама над̇т̇и, д̣̇уд̇ияамаг̇г̇аад̣̇аяо бана уббаад̣̇знд̇о д̇амзва аасзвад̇и бхаавзд̇и б̣ахулийгарод̇ийд̇и вужжад̇и. вибассанаабуб̣б̣ан̇г̇аманд̇и вибассанам̣ буб̣б̣ан̇г̇амам̣ бурзжааригам̣ гад̇ваа самат̇ам̣ бхаавзд̇и, багад̇ияаа вибассанаалаабхий вибассанааяа тад̇ваа самаад̇хим̣ уббаад̣̇зд̇ийд̇и ад̇т̇о.
170. Dasame samathapubbaṅgamanti samathaṃ pubbaṅgamaṃ purecārikaṃ katvā. Maggo sañjāyatīti paṭhamo lokuttaramaggo nibbattati. Sotaṃ magganti ekacittakkhaṇikamaggassa āsevanādīni nāma natthi, dutiyamaggādayo pana uppādento tameva āsevati bhāveti bahulīkarotīti vuccati. Vipassanāpubbaṅgamanti vipassanaṃ pubbaṅgamaṃ purecārikaṃ katvā samathaṃ bhāveti, pakatiyā vipassanālābhī vipassanāya ṭhatvā samādhiṃ uppādetīti attho.
яуг̇анад̣̇д̇хам̣ бхаавзд̇ийд̇и яуг̇анад̣̇д̇хам̣ гад̇ваа бхаавзд̇и. д̇ад̇т̇а д̇знзва жид̇д̇зна самаабад̇д̇им̣ самаабаж̇ж̇ид̇ваа д̇знзва сан̇каарз саммасид̇ум̣ на саггаа. аяам̣ бана яаавад̇аа самаабад̇д̇ияо самаабаж̇ж̇ад̇и, д̇аавад̇аа сан̇каарз саммасад̇и. яаавад̇аа сан̇каарз саммасад̇и, д̇аавад̇аа самаабад̇д̇ияо самаабаж̇ж̇ад̇и. гат̇ам̣? батамаж̇жхаанам̣ самаабаж̇ж̇ад̇и, д̇ад̇о вудтааяа сан̇каарз саммасад̇и, сан̇каарз саммасид̇ваа д̣̇уд̇ияаж̇жхаанам̣ самаабаж̇ж̇ад̇и. д̇ад̇о вудтааяа буна сан̇каарз саммасад̇и. сан̇каарз саммасид̇ваа д̇ад̇ияаж̇жхаанам̣…бз… нзвасан̃н̃аанаасан̃н̃ааяад̇анасамаабад̇д̇им̣ самаабаж̇ж̇ад̇и, д̇ад̇о вудтааяа сан̇каарз саммасад̇и. звамаяам̣ самат̇авибассанам̣ яуг̇анад̣̇д̇хам̣ бхаавзд̇и наама.
Yuganaddhaṃ bhāvetīti yuganaddhaṃ katvā bhāveti. Tattha teneva cittena samāpattiṃ samāpajjitvā teneva saṅkhāre sammasituṃ na sakkā. Ayaṃ pana yāvatā samāpattiyo samāpajjati, tāvatā saṅkhāre sammasati. Yāvatā saṅkhāre sammasati, tāvatā samāpattiyo samāpajjati. Kathaṃ? Paṭhamajjhānaṃ samāpajjati, tato vuṭṭhāya saṅkhāre sammasati, saṅkhāre sammasitvā dutiyajjhānaṃ samāpajjati. Tato vuṭṭhāya puna saṅkhāre sammasati. Saṅkhāre sammasitvā tatiyajjhānaṃ…pe… nevasaññānāsaññāyatanasamāpattiṃ samāpajjati, tato vuṭṭhāya saṅkhāre sammasati. Evamayaṃ samathavipassanaṃ yuganaddhaṃ bhāveti nāma.
д̇хаммуд̣̇д̇хажжавиг̇г̇ахид̇анд̇и самат̇авибассанаад̇хаммзсу д̣̇асавибассанубаггилзсасан̇каад̇зна уд̣̇д̇хажжзна виг̇г̇ахид̇ам̣, суг̇г̇ахид̇анд̇и ад̇т̇о. со, аавусо, самаяод̇и иминаа сад̇д̇аннам̣ саббааяаанам̣ бадилаабхагаало гат̇ид̇о. яам̣ д̇ам̣ жид̇д̇анд̇и яасмим̣ самаяз д̇ам̣ вибассанаавийт̇им̣ оггамид̇ваа бавад̇д̇ам̣ жид̇д̇ам̣. аж̇жхад̇д̇амзва санд̇идтад̇ийд̇и вибассанаавийт̇им̣ бажжод̇т̇арид̇ваа д̇асмим̣язва г̇ожараж̇жхад̇д̇асан̇каад̇з аарамман̣з санд̇идтад̇и. саннисийд̣̇ад̇ийд̇и аарамман̣авасзна саммаа нисийд̣̇ад̇и. згод̣̇и ход̇ийд̇и згаг̇г̇ам̣ ход̇и. самаад̇хияад̇ийд̇и саммаа аад̇хияад̇и судтабид̇ам̣ ход̇и. сзсамзд̇т̇а уд̇д̇аанад̇т̇амзва.
Dhammuddhaccaviggahitanti samathavipassanādhammesu dasavipassanupakkilesasaṅkhātena uddhaccena viggahitaṃ, suggahitanti attho. So, āvuso, samayoti iminā sattannaṃ sappāyānaṃ paṭilābhakālo kathito. Yaṃ taṃ cittanti yasmiṃ samaye taṃ vipassanāvīthiṃ okkamitvā pavattaṃ cittaṃ. Ajjhattamevasantiṭṭhatīti vipassanāvīthiṃ paccottharitvā tasmiṃyeva gocarajjhattasaṅkhāte ārammaṇe santiṭṭhati. Sannisīdatīti ārammaṇavasena sammā nisīdati. Ekodi hotīti ekaggaṃ hoti. Samādhiyatīti sammā ādhiyati suṭṭhapitaṃ hoti. Sesamettha uttānatthameva.
бадибад̣̇ааваг̇г̇о д̣̇уд̇ияо.
Paṭipadāvaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. яуг̇анад̣̇д̇хасуд̇д̇ам̣ • 10. Yuganaddhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. яуг̇анад̣̇д̇хасуд̇д̇аван̣н̣анаа • 10. Yuganaddhasuttavaṇṇanā
