| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. ยูถิกปุปฺผิยเตฺถรอปทานํ
7. Yūthikapupphiyattheraapadānaṃ
๓๓.
33.
‘‘จนฺทภาคานทีตีเร , อนุโสตํ วชามหํ;
‘‘Candabhāgānadītīre , anusotaṃ vajāmahaṃ;
สยมฺภุํ อทฺทสํ ตตฺถ, สาลราชํว ผุลฺลิตํฯ
Sayambhuṃ addasaṃ tattha, sālarājaṃva phullitaṃ.
๓๔.
34.
‘‘ปุปฺผํ ยูถิกมาทาย, อุปคจฺฉิํ มหามุนิํ;
‘‘Pupphaṃ yūthikamādāya, upagacchiṃ mahāmuniṃ;
ปสนฺนจิโตฺต สุมโน, พุทฺธสฺส อภิโรปยิํฯ
Pasannacitto sumano, buddhassa abhiropayiṃ.
๓๕.
35.
‘‘จตุนฺนวุติโต กเปฺป, ยํ ปุปฺผมภิโรปยิํ;
‘‘Catunnavutito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๓๖.
36.
‘‘สตฺตสฎฺฐิมฺหิโต กเปฺป, เอโก สามุทฺธโร อหุ;
‘‘Sattasaṭṭhimhito kappe, eko sāmuddharo ahu;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๓๗.
37.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ยูถิกปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā yūthikapupphiyo thero imā gāthāyo abhāsitthāti.
ยูถิกปุปฺผิยเตฺถรสฺสาปทานํ สตฺตมํฯ
Yūthikapupphiyattherassāpadānaṃ sattamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๗. ยูถิกาปุปฺผิยเตฺถรอปทานวณฺณนา • 7. Yūthikāpupphiyattheraapadānavaṇṇanā
