| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. යූථිකපුප්‌ඵියත්‌ථෙරඅපදානං
7. Yūthikapupphiyattheraapadānaṃ
33.
33.
‘‘චන්‌දභාගානදීතීරෙ , අනුසොතං වජාමහං;
‘‘Candabhāgānadītīre , anusotaṃ vajāmahaṃ;
සයම්‌භුං අද්‌දසං තත්‌ථ, සාලරාජංව ඵුල්‌ලිතං.
Sayambhuṃ addasaṃ tattha, sālarājaṃva phullitaṃ.
34.
34.
‘‘පුප්‌ඵං යූථිකමාදාය, උපගච්‌ඡිං මහාමුනිං;
‘‘Pupphaṃ yūthikamādāya, upagacchiṃ mahāmuniṃ;
පසන්‌නචිත්‌තො සුමනො, බුද්‌ධස්‌ස අභිරොපයිං.
Pasannacitto sumano, buddhassa abhiropayiṃ.
35.
35.
‘‘චතුන්‌නවුතිතො කප්‌පෙ, යං පුප්‌ඵමභිරොපයිං;
‘‘Catunnavutito kappe, yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
36.
36.
‘‘සත්‌තසට්‌ඨිම්‌හිතො කප්‌පෙ, එකො සාමුද්‌ධරො අහු;
‘‘Sattasaṭṭhimhito kappe, eko sāmuddharo ahu;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
37.
37.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා යූථිකපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā yūthikapupphiyo thero imā gāthāyo abhāsitthāti.
යූථිකපුප්‌ඵියත්‌ථෙරස්‌සාපදානං සත්‌තමං.
Yūthikapupphiyattherassāpadānaṃ sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 7. යූථිකාපුප්‌ඵියත්‌ථෙරඅපදානවණ්‌ණනා • 7. Yūthikāpupphiyattheraapadānavaṇṇanā
