| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
7. யூதி²காபுப்பி²யத்தே²ரஅபதா³னவண்ணனா
7. Yūthikāpupphiyattheraapadānavaṇṇanā
சந்த³பா⁴கா³னதீ³தீரேதிஆதி³கங் ஆயஸ்மதோ யூதி²காபுப்பி²யத்தே²ரஸ்ஸ அபதா³னங். அயம்பி ஆயஸ்மா புரிமமுனிந்தே³ஸு கதாதி⁴காரோ அனேகேஸு ச ஜாதிஸதேஸு விவட்டூபனிஸ்ஸயானி புஞ்ஞானி உபசினந்தோ பு²ஸ்ஸஸ்ஸேவ ப⁴க³வதோ காலே ஸுத்³த³குலே நிப்³ப³த்தோ வுத்³தி⁴ப்பத்தோ சந்த³பா⁴கா³ய நதி³யா தீரே கேனசிதே³வ கரணீயேன அனுஸோதங் சரமானோ பு²ஸ்ஸங் ப⁴க³வந்தங் ந்ஹாயிதுகாமங் அக்³கி³க்க²ந்த⁴ங் விய ஜலமானங் தி³ஸ்வா ஸோமனஸ்ஸஜாதோ தத்த² ஜாதங் யூதி²காபுப்ப²ங் ஓசினித்வா ப⁴க³வந்தங் பூஜேஸி. ப⁴க³வா தஸ்ஸ அனுமோத³னமகாஸி.
Candabhāgānadītīretiādikaṃ āyasmato yūthikāpupphiyattherassa apadānaṃ. Ayampi āyasmā purimamunindesu katādhikāro anekesu ca jātisatesu vivaṭṭūpanissayāni puññāni upacinanto phussasseva bhagavato kāle suddakule nibbatto vuddhippatto candabhāgāya nadiyā tīre kenacideva karaṇīyena anusotaṃ caramāno phussaṃ bhagavantaṃ nhāyitukāmaṃ aggikkhandhaṃ viya jalamānaṃ disvā somanassajāto tattha jātaṃ yūthikāpupphaṃ ocinitvā bhagavantaṃ pūjesi. Bhagavā tassa anumodanamakāsi.
33. ஸோ தத்த² தேன புஞ்ஞகொட்டா²ஸேன தே³வமனுஸ்ஸேஸு ஸங்ஸரந்தோ உப⁴யஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ வுத்³தி⁴ப்பத்தோ ப⁴க³வதோ த⁴ம்மதே³ஸனங் ஸுத்வா பஸன்னமானஸோ பப்³ப³ஜித்வா வத்தபடிபத்தியா ஸாஸனங் ஸோபெ⁴ந்தோ நசிரஸ்ஸேவ அரஹா ஹுத்வா அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ சந்த³பா⁴கா³னதீ³தீரேதிஆதி³மாஹ. தங் ஸப்³ப³ங் உத்தானத்த²மேவாதி.
33. So tattha tena puññakoṭṭhāsena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhippatto bhagavato dhammadesanaṃ sutvā pasannamānaso pabbajitvā vattapaṭipattiyā sāsanaṃ sobhento nacirasseva arahā hutvā attano pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Taṃ sabbaṃ uttānatthamevāti.
யூதி²காபுப்பி²யத்தே²ரஅபதா³னவண்ணனா ஸமத்தா.
Yūthikāpupphiyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 7. யூதி²கபுப்பி²யத்தே²ரஅபதா³னங் • 7. Yūthikapupphiyattheraapadānaṃ
