| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৭. যূথিকাপুপ্ফিযত্থেরঅপদানৰণ্ণনা
7. Yūthikāpupphiyattheraapadānavaṇṇanā
চন্দভাগানদীতীরেতিআদিকং আযস্মতো যূথিকাপুপ্ফিযত্থেরস্স অপদানং। অযম্পি আযস্মা পুরিমমুনিন্দেসু কতাধিকারো অনেকেসু চ জাতিসতেসু ৰিৰট্টূপনিস্সযানি পুঞ্ঞানি উপচিনন্তো ফুস্সস্সেৰ ভগৰতো কালে সুদ্দকুলে নিব্বত্তো ৰুদ্ধিপ্পত্তো চন্দভাগায নদিযা তীরে কেনচিদেৰ করণীযেন অনুসোতং চরমানো ফুস্সং ভগৰন্তং ন্হাযিতুকামং অগ্গিক্খন্ধং ৰিয জলমানং দিস্ৰা সোমনস্সজাতো তত্থ জাতং যূথিকাপুপ্ফং ওচিনিত্ৰা ভগৰন্তং পূজেসি। ভগৰা তস্স অনুমোদনমকাসি।
Candabhāgānadītīretiādikaṃ āyasmato yūthikāpupphiyattherassa apadānaṃ. Ayampi āyasmā purimamunindesu katādhikāro anekesu ca jātisatesu vivaṭṭūpanissayāni puññāni upacinanto phussasseva bhagavato kāle suddakule nibbatto vuddhippatto candabhāgāya nadiyā tīre kenacideva karaṇīyena anusotaṃ caramāno phussaṃ bhagavantaṃ nhāyitukāmaṃ aggikkhandhaṃ viya jalamānaṃ disvā somanassajāto tattha jātaṃ yūthikāpupphaṃ ocinitvā bhagavantaṃ pūjesi. Bhagavā tassa anumodanamakāsi.
৩৩. সো তত্থ তেন পুঞ্ঞকোট্ঠাসেন দেৰমনুস্সেসু সংসরন্তো উভযসম্পত্তিযো অনুভৰিত্ৰা ইমস্মিং বুদ্ধুপ্পাদে কুলগেহে নিব্বত্তো ৰুদ্ধিপ্পত্তো ভগৰতো ধম্মদেসনং সুত্ৰা পসন্নমানসো পব্বজিত্ৰা ৰত্তপটিপত্তিযা সাসনং সোভেন্তো নচিরস্সেৰ অরহা হুত্ৰা অত্তনো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো চন্দভাগানদীতীরেতিআদিমাহ। তং সব্বং উত্তানত্থমেৰাতি।
33. So tattha tena puññakoṭṭhāsena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhippatto bhagavato dhammadesanaṃ sutvā pasannamānaso pabbajitvā vattapaṭipattiyā sāsanaṃ sobhento nacirasseva arahā hutvā attano pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Taṃ sabbaṃ uttānatthamevāti.
যূথিকাপুপ্ফিযত্থেরঅপদানৰণ্ণনা সমত্তা।
Yūthikāpupphiyattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৭. যূথিকপুপ্ফিযত্থেরঅপদানং • 7. Yūthikapupphiyattheraapadānaṃ
