| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೭. ಯೂಥಿಕಾಪುಪ್ಫಿಯತ್ಥೇರಅಪದಾನವಣ್ಣನಾ
7. Yūthikāpupphiyattheraapadānavaṇṇanā
ಚನ್ದಭಾಗಾನದೀತೀರೇತಿಆದಿಕಂ ಆಯಸ್ಮತೋ ಯೂಥಿಕಾಪುಪ್ಫಿಯತ್ಥೇರಸ್ಸ ಅಪದಾನಂ। ಅಯಮ್ಪಿ ಆಯಸ್ಮಾ ಪುರಿಮಮುನಿನ್ದೇಸು ಕತಾಧಿಕಾರೋ ಅನೇಕೇಸು ಚ ಜಾತಿಸತೇಸು ವಿವಟ್ಟೂಪನಿಸ್ಸಯಾನಿ ಪುಞ್ಞಾನಿ ಉಪಚಿನನ್ತೋ ಫುಸ್ಸಸ್ಸೇವ ಭಗವತೋ ಕಾಲೇ ಸುದ್ದಕುಲೇ ನಿಬ್ಬತ್ತೋ ವುದ್ಧಿಪ್ಪತ್ತೋ ಚನ್ದಭಾಗಾಯ ನದಿಯಾ ತೀರೇ ಕೇನಚಿದೇವ ಕರಣೀಯೇನ ಅನುಸೋತಂ ಚರಮಾನೋ ಫುಸ್ಸಂ ಭಗವನ್ತಂ ನ್ಹಾಯಿತುಕಾಮಂ ಅಗ್ಗಿಕ್ಖನ್ಧಂ ವಿಯ ಜಲಮಾನಂ ದಿಸ್ವಾ ಸೋಮನಸ್ಸಜಾತೋ ತತ್ಥ ಜಾತಂ ಯೂಥಿಕಾಪುಪ್ಫಂ ಓಚಿನಿತ್ವಾ ಭಗವನ್ತಂ ಪೂಜೇಸಿ। ಭಗವಾ ತಸ್ಸ ಅನುಮೋದನಮಕಾಸಿ।
Candabhāgānadītīretiādikaṃ āyasmato yūthikāpupphiyattherassa apadānaṃ. Ayampi āyasmā purimamunindesu katādhikāro anekesu ca jātisatesu vivaṭṭūpanissayāni puññāni upacinanto phussasseva bhagavato kāle suddakule nibbatto vuddhippatto candabhāgāya nadiyā tīre kenacideva karaṇīyena anusotaṃ caramāno phussaṃ bhagavantaṃ nhāyitukāmaṃ aggikkhandhaṃ viya jalamānaṃ disvā somanassajāto tattha jātaṃ yūthikāpupphaṃ ocinitvā bhagavantaṃ pūjesi. Bhagavā tassa anumodanamakāsi.
೩೩. ಸೋ ತತ್ಥ ತೇನ ಪುಞ್ಞಕೋಟ್ಠಾಸೇನ ದೇವಮನುಸ್ಸೇಸು ಸಂಸರನ್ತೋ ಉಭಯಸಮ್ಪತ್ತಿಯೋ ಅನುಭವಿತ್ವಾ ಇಮಸ್ಮಿಂ ಬುದ್ಧುಪ್ಪಾದೇ ಕುಲಗೇಹೇ ನಿಬ್ಬತ್ತೋ ವುದ್ಧಿಪ್ಪತ್ತೋ ಭಗವತೋ ಧಮ್ಮದೇಸನಂ ಸುತ್ವಾ ಪಸನ್ನಮಾನಸೋ ಪಬ್ಬಜಿತ್ವಾ ವತ್ತಪಟಿಪತ್ತಿಯಾ ಸಾಸನಂ ಸೋಭೇನ್ತೋ ನಚಿರಸ್ಸೇವ ಅರಹಾ ಹುತ್ವಾ ಅತ್ತನೋ ಪುಬ್ಬಕಮ್ಮಂ ಸರಿತ್ವಾ ಸೋಮನಸ್ಸಜಾತೋ ಪುಬ್ಬಚರಿತಾಪದಾನಂ ಪಕಾಸೇನ್ತೋ ಚನ್ದಭಾಗಾನದೀತೀರೇತಿಆದಿಮಾಹ। ತಂ ಸಬ್ಬಂ ಉತ್ತಾನತ್ಥಮೇವಾತಿ।
33. So tattha tena puññakoṭṭhāsena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhippatto bhagavato dhammadesanaṃ sutvā pasannamānaso pabbajitvā vattapaṭipattiyā sāsanaṃ sobhento nacirasseva arahā hutvā attano pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Taṃ sabbaṃ uttānatthamevāti.
ಯೂಥಿಕಾಪುಪ್ಫಿಯತ್ಥೇರಅಪದಾನವಣ್ಣನಾ ಸಮತ್ತಾ।
Yūthikāpupphiyattheraapadānavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೭. ಯೂಥಿಕಪುಪ್ಫಿಯತ್ಥೇರಅಪದಾನಂ • 7. Yūthikapupphiyattheraapadānaṃ
