| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༧. ཡཱུཐིཀཱཔུཔྥིཡཏྠེརཨཔདཱནཝཎྞནཱ
7. Yūthikāpupphiyattheraapadānavaṇṇanā
ཙནྡབྷཱགཱནདཱིཏཱིརེཏིཨཱདིཀཾ ཨཱཡསྨཏོ ཡཱུཐིཀཱཔུཔྥིཡཏྠེརསྶ ཨཔདཱནཾ། ཨཡམྤི ཨཱཡསྨཱ པུརིམམུནིནྡེསུ ཀཏཱདྷིཀཱརོ ཨནེཀེསུ ཙ ཛཱཏིསཏེསུ ཝིཝཊྚཱུཔནིསྶཡཱནི པུཉྙཱནི ཨུཔཙིནནྟོ ཕུསྶསྶེཝ བྷགཝཏོ ཀཱལེ སུདྡཀུལེ ནིབྦཏྟོ ཝུདྡྷིཔྤཏྟོ ཙནྡབྷཱགཱཡ ནདིཡཱ ཏཱིརེ ཀེནཙིདེཝ ཀརཎཱིཡེན ཨནུསོཏཾ ཙརམཱནོ ཕུསྶཾ བྷགཝནྟཾ ནྷཱཡིཏུཀཱམཾ ཨགྒིཀྑནྡྷཾ ཝིཡ ཛལམཱནཾ དིསྭཱ སོམནསྶཛཱཏོ ཏཏྠ ཛཱཏཾ ཡཱུཐིཀཱཔུཔྥཾ ཨོཙིནིཏྭཱ བྷགཝནྟཾ པཱུཛེསི། བྷགཝཱ ཏསྶ ཨནུམོདནམཀཱསི།
Candabhāgānadītīretiādikaṃ āyasmato yūthikāpupphiyattherassa apadānaṃ. Ayampi āyasmā purimamunindesu katādhikāro anekesu ca jātisatesu vivaṭṭūpanissayāni puññāni upacinanto phussasseva bhagavato kāle suddakule nibbatto vuddhippatto candabhāgāya nadiyā tīre kenacideva karaṇīyena anusotaṃ caramāno phussaṃ bhagavantaṃ nhāyitukāmaṃ aggikkhandhaṃ viya jalamānaṃ disvā somanassajāto tattha jātaṃ yūthikāpupphaṃ ocinitvā bhagavantaṃ pūjesi. Bhagavā tassa anumodanamakāsi.
༣༣. སོ ཏཏྠ ཏེན པུཉྙཀོཊྛཱསེན དེཝམནུསྶེསུ སཾསརནྟོ ཨུབྷཡསམྤཏྟིཡོ ཨནུབྷཝིཏྭཱ ཨིམསྨིཾ བུདྡྷུཔྤཱདེ ཀུལགེཧེ ནིབྦཏྟོ ཝུདྡྷིཔྤཏྟོ བྷགཝཏོ དྷམྨདེསནཾ སུཏྭཱ པསནྣམཱནསོ པབྦཛིཏྭཱ ཝཏྟཔཊིཔཏྟིཡཱ སཱསནཾ སོབྷེནྟོ ནཙིརསྶེཝ ཨརཧཱ ཧུཏྭཱ ཨཏྟནོ པུབྦཀམྨཾ སརིཏྭཱ སོམནསྶཛཱཏོ པུབྦཙརིཏཱཔདཱནཾ པཀཱསེནྟོ ཙནྡབྷཱགཱནདཱིཏཱིརེཏིཨཱདིམཱཧ། ཏཾ སབྦཾ ཨུཏྟཱནཏྠམེཝཱཏི།
33. So tattha tena puññakoṭṭhāsena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhippatto bhagavato dhammadesanaṃ sutvā pasannamānaso pabbajitvā vattapaṭipattiyā sāsanaṃ sobhento nacirasseva arahā hutvā attano pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Taṃ sabbaṃ uttānatthamevāti.
ཡཱུཐིཀཱཔུཔྥིཡཏྠེརཨཔདཱནཝཎྞནཱ སམཏྟཱ།
Yūthikāpupphiyattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༧. ཡཱུཐིཀཔུཔྥིཡཏྠེརཨཔདཱནཾ • 7. Yūthikapupphiyattheraapadānaṃ
