| Library / Tipiṭaka / തിപിടക • Tipiṭaka / അപദാന-അട്ഠകഥാ • Apadāna-aṭṭhakathā |
൭. യൂഥികാപുപ്ഫിയത്ഥേരഅപദാനവണ്ണനാ
7. Yūthikāpupphiyattheraapadānavaṇṇanā
ചന്ദഭാഗാനദീതീരേതിആദികം ആയസ്മതോ യൂഥികാപുപ്ഫിയത്ഥേരസ്സ അപദാനം. അയമ്പി ആയസ്മാ പുരിമമുനിന്ദേസു കതാധികാരോ അനേകേസു ച ജാതിസതേസു വിവട്ടൂപനിസ്സയാനി പുഞ്ഞാനി ഉപചിനന്തോ ഫുസ്സസ്സേവ ഭഗവതോ കാലേ സുദ്ദകുലേ നിബ്ബത്തോ വുദ്ധിപ്പത്തോ ചന്ദഭാഗായ നദിയാ തീരേ കേനചിദേവ കരണീയേന അനുസോതം ചരമാനോ ഫുസ്സം ഭഗവന്തം ന്ഹായിതുകാമം അഗ്ഗിക്ഖന്ധം വിയ ജലമാനം ദിസ്വാ സോമനസ്സജാതോ തത്ഥ ജാതം യൂഥികാപുപ്ഫം ഓചിനിത്വാ ഭഗവന്തം പൂജേസി. ഭഗവാ തസ്സ അനുമോദനമകാസി.
Candabhāgānadītīretiādikaṃ āyasmato yūthikāpupphiyattherassa apadānaṃ. Ayampi āyasmā purimamunindesu katādhikāro anekesu ca jātisatesu vivaṭṭūpanissayāni puññāni upacinanto phussasseva bhagavato kāle suddakule nibbatto vuddhippatto candabhāgāya nadiyā tīre kenacideva karaṇīyena anusotaṃ caramāno phussaṃ bhagavantaṃ nhāyitukāmaṃ aggikkhandhaṃ viya jalamānaṃ disvā somanassajāto tattha jātaṃ yūthikāpupphaṃ ocinitvā bhagavantaṃ pūjesi. Bhagavā tassa anumodanamakāsi.
൩൩. സോ തത്ഥ തേന പുഞ്ഞകോട്ഠാസേന ദേവമനുസ്സേസു സംസരന്തോ ഉഭയസമ്പത്തിയോ അനുഭവിത്വാ ഇമസ്മിം ബുദ്ധുപ്പാദേ കുലഗേഹേ നിബ്ബത്തോ വുദ്ധിപ്പത്തോ ഭഗവതോ ധമ്മദേസനം സുത്വാ പസന്നമാനസോ പബ്ബജിത്വാ വത്തപടിപത്തിയാ സാസനം സോഭേന്തോ നചിരസ്സേവ അരഹാ ഹുത്വാ അത്തനോ പുബ്ബകമ്മം സരിത്വാ സോമനസ്സജാതോ പുബ്ബചരിതാപദാനം പകാസേന്തോ ചന്ദഭാഗാനദീതീരേതിആദിമാഹ. തം സബ്ബം ഉത്താനത്ഥമേവാതി.
33. So tattha tena puññakoṭṭhāsena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhippatto bhagavato dhammadesanaṃ sutvā pasannamānaso pabbajitvā vattapaṭipattiyā sāsanaṃ sobhento nacirasseva arahā hutvā attano pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Taṃ sabbaṃ uttānatthamevāti.
യൂഥികാപുപ്ഫിയത്ഥേരഅപദാനവണ്ണനാ സമത്താ.
Yūthikāpupphiyattheraapadānavaṇṇanā samattā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / അപദാനപാളി • Apadānapāḷi / ൭. യൂഥികപുപ്ഫിയത്ഥേരഅപദാനം • 7. Yūthikapupphiyattheraapadānaṃ
