| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
3. яуд̇д̇ихаарасамбаад̇аван̣н̣анаа
3. Yuttihārasampātavaṇṇanā
65. звам̣ наанаанаязхи вижаяахаарасамбаад̇ам̣ вид̇т̇аарзд̇ваа ид̣̇аани яуд̇д̇ихаарасамбаад̇аад̣̇ийни д̣̇ассзд̇ум̣ ‘‘д̇ад̇т̇а гад̇амо яуд̇д̇ихаарасамбаад̇о’’д̇иаад̣̇и аарад̣̇д̇хам̣. д̇ад̇т̇а ‘‘д̇асмаа рагкид̇ажид̇д̇ассаа’’д̇и г̇аат̇ааяа бад̣̇ад̇т̇о вид̇т̇аарид̇оязва. рагкид̇ажид̇д̇асса саммаасан̇габбаг̇ожаро бхависсад̇ийд̇и яуж̇ж̇ад̇ийд̇и манажчадтаани д̣̇ваараани сад̇игаваадзна бид̣̇ахид̇ваа вихаранд̇асса гаамавид̇аггаад̣̇ийнам̣ мижчаасан̇габбаанам̣ авасаро зва над̇т̇ийд̇и нзгкаммавид̇аггаад̣̇иго саммаасан̇габбо зва д̇асса г̇ожаро бавад̇д̇идтаанам̣ бхависсад̇ийд̇и аяамад̇т̇о яуж̇ж̇ад̇и. яуд̇д̇ияаа гхадзд̇и сам̣санд̣̇ад̇и самзд̇ийд̇и ад̇т̇о. саммаасан̇габбаг̇ожаро саммаад̣̇идти бхависсад̇ийд̇и вуд̇д̇анаязна саммаасан̇габбаг̇ожаро буг̇г̇ало авибарийд̇амзва вид̇аггад̇о саммаад̣̇идти бхависсад̇и. саммаад̣̇идтисан̇каад̇ам̣ вибассанаан̃аан̣ам̣ бурагкад̇ваа вихаранд̇о маг̇г̇ан̃аан̣зна бан̃жаннам̣ канд̇хаанам̣ уд̣̇аяаб̣б̣аяам̣ асаммохад̇о бадивиж̇жхиссад̇и. д̇ат̇аа бадивиж̇жханд̇о жа д̣̇угкасабхаавад̇д̇аа д̣̇уг̇г̇ад̇исан̇каад̇аа саб̣б̣аа бхаваг̇ад̇ияо ж̇ахиссад̇и, д̇ад̇о зва саб̣б̣ам̣ винибаад̇абхаяам̣ сам̣саарабхаяан̃жа самад̇иггамиссад̇ийд̇и саб̣б̣оби жааяамад̇т̇о яуд̇д̇о зваад̇и.
65. Evaṃ nānānayehi vicayahārasampātaṃ vitthāretvā idāni yuttihārasampātādīni dassetuṃ ‘‘tattha katamo yuttihārasampāto’’tiādi āraddhaṃ. Tattha ‘‘tasmā rakkhitacittassā’’ti gāthāya padattho vitthāritoyeva. Rakkhitacittassa sammāsaṅkappagocaro bhavissatīti yujjatīti manacchaṭṭhāni dvārāni satikavāṭena pidahitvā viharantassa kāmavitakkādīnaṃ micchāsaṅkappānaṃ avasaro eva natthīti nekkhammavitakkādiko sammāsaṅkappo eva tassa gocaro pavattiṭṭhānaṃ bhavissatīti ayamattho yujjati. Yuttiyā ghaṭeti saṃsandati sametīti attho. Sammāsaṅkappagocaro sammādiṭṭhi bhavissatīti vuttanayena sammāsaṅkappagocaro puggalo aviparītameva vitakkato sammādiṭṭhi bhavissati. Sammādiṭṭhisaṅkhātaṃ vipassanāñāṇaṃ purakkhatvā viharanto maggañāṇena pañcannaṃ khandhānaṃ udayabbayaṃ asammohato paṭivijjhissati. Tathā paṭivijjhanto ca dukkhasabhāvattā duggatisaṅkhātā sabbā bhavagatiyo jahissati, tato eva sabbaṃ vinipātabhayaṃ saṃsārabhayañca samatikkamissatīti sabbopi cāyamattho yutto evāti.
яуд̇д̇ихаарасамбаад̇аван̣н̣анаа нидтид̇аа.
Yuttihārasampātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 3. яуд̇д̇ихаарасамбаад̇о • 3. Yuttihārasampāto
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 3. яуд̇д̇ихаарасамбаад̇аван̣н̣анаа • 3. Yuttihārasampātavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 3. яуд̇д̇ихаарасамбаад̇авибхааванаа • 3. Yuttihārasampātavibhāvanā
