| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā |
੩. ਯੁਤ੍ਤਿਹਾਰਸਮ੍ਪਾਤવਣ੍ਣਨਾ
3. Yuttihārasampātavaṇṇanā
੬੫. ਏવਂ ਨਾਨਾਨਯੇਹਿ વਿਚਯਹਾਰਸਮ੍ਪਾਤਂ વਿਤ੍ਥਾਰੇਤ੍વਾ ਇਦਾਨਿ ਯੁਤ੍ਤਿਹਾਰਸਮ੍ਪਾਤਾਦੀਨਿ ਦਸ੍ਸੇਤੁਂ ‘‘ਤਤ੍ਥ ਕਤਮੋ ਯੁਤ੍ਤਿਹਾਰਸਮ੍ਪਾਤੋ’’ਤਿਆਦਿ ਆਰਦ੍ਧਂ। ਤਤ੍ਥ ‘‘ਤਸ੍ਮਾ ਰਕ੍ਖਿਤਚਿਤ੍ਤਸ੍ਸਾ’’ਤਿ ਗਾਥਾਯ ਪਦਤ੍ਥੋ વਿਤ੍ਥਾਰਿਤੋਯੇવ। ਰਕ੍ਖਿਤਚਿਤ੍ਤਸ੍ਸ ਸਮ੍ਮਾਸਙ੍ਕਪ੍ਪਗੋਚਰੋ ਭવਿਸ੍ਸਤੀਤਿ ਯੁਜ੍ਜਤੀਤਿ ਮਨਚ੍ਛਟ੍ਠਾਨਿ ਦ੍વਾਰਾਨਿ ਸਤਿਕવਾਟੇਨ ਪਿਦਹਿਤ੍વਾ વਿਹਰਨ੍ਤਸ੍ਸ ਕਾਮવਿਤਕ੍ਕਾਦੀਨਂ ਮਿਚ੍ਛਾਸਙ੍ਕਪ੍ਪਾਨਂ ਅવਸਰੋ ਏવ ਨਤ੍ਥੀਤਿ ਨੇਕ੍ਖਮ੍ਮવਿਤਕ੍ਕਾਦਿਕੋ ਸਮ੍ਮਾਸਙ੍ਕਪ੍ਪੋ ਏવ ਤਸ੍ਸ ਗੋਚਰੋ ਪવਤ੍ਤਿਟ੍ਠਾਨਂ ਭવਿਸ੍ਸਤੀਤਿ ਅਯਮਤ੍ਥੋ ਯੁਜ੍ਜਤਿ। ਯੁਤ੍ਤਿਯਾ ਘਟੇਤਿ ਸਂਸਨ੍ਦਤਿ ਸਮੇਤੀਤਿ ਅਤ੍ਥੋ। ਸਮ੍ਮਾਸਙ੍ਕਪ੍ਪਗੋਚਰੋ ਸਮ੍ਮਾਦਿਟ੍ਠਿ ਭવਿਸ੍ਸਤੀਤਿ વੁਤ੍ਤਨਯੇਨ ਸਮ੍ਮਾਸਙ੍ਕਪ੍ਪਗੋਚਰੋ ਪੁਗ੍ਗਲੋ ਅવਿਪਰੀਤਮੇવ વਿਤਕ੍ਕਤੋ ਸਮ੍ਮਾਦਿਟ੍ਠਿ ਭવਿਸ੍ਸਤਿ। ਸਮ੍ਮਾਦਿਟ੍ਠਿਸਙ੍ਖਾਤਂ વਿਪਸ੍ਸਨਾਞਾਣਂ ਪੁਰਕ੍ਖਤ੍વਾ વਿਹਰਨ੍ਤੋ ਮਗ੍ਗਞਾਣੇਨ ਪਞ੍ਚਨ੍ਨਂ ਖਨ੍ਧਾਨਂ ਉਦਯਬ੍ਬਯਂ ਅਸਮ੍ਮੋਹਤੋ ਪਟਿવਿਜ੍ਝਿਸ੍ਸਤਿ। ਤਥਾ ਪਟਿવਿਜ੍ਝਨ੍ਤੋ ਚ ਦੁਕ੍ਖਸਭਾવਤ੍ਤਾ ਦੁਗ੍ਗਤਿਸਙ੍ਖਾਤਾ ਸਬ੍ਬਾ ਭવਗਤਿਯੋ ਜਹਿਸ੍ਸਤਿ, ਤਤੋ ਏવ ਸਬ੍ਬਂ વਿਨਿਪਾਤਭਯਂ ਸਂਸਾਰਭਯਞ੍ਚ ਸਮਤਿਕ੍ਕਮਿਸ੍ਸਤੀਤਿ ਸਬ੍ਬੋਪਿ ਚਾਯਮਤ੍ਥੋ ਯੁਤ੍ਤੋ ਏવਾਤਿ।
65. Evaṃ nānānayehi vicayahārasampātaṃ vitthāretvā idāni yuttihārasampātādīni dassetuṃ ‘‘tattha katamo yuttihārasampāto’’tiādi āraddhaṃ. Tattha ‘‘tasmā rakkhitacittassā’’ti gāthāya padattho vitthāritoyeva. Rakkhitacittassa sammāsaṅkappagocaro bhavissatīti yujjatīti manacchaṭṭhāni dvārāni satikavāṭena pidahitvā viharantassa kāmavitakkādīnaṃ micchāsaṅkappānaṃ avasaro eva natthīti nekkhammavitakkādiko sammāsaṅkappo eva tassa gocaro pavattiṭṭhānaṃ bhavissatīti ayamattho yujjati. Yuttiyā ghaṭeti saṃsandati sametīti attho. Sammāsaṅkappagocaro sammādiṭṭhi bhavissatīti vuttanayena sammāsaṅkappagocaro puggalo aviparītameva vitakkato sammādiṭṭhi bhavissati. Sammādiṭṭhisaṅkhātaṃ vipassanāñāṇaṃ purakkhatvā viharanto maggañāṇena pañcannaṃ khandhānaṃ udayabbayaṃ asammohato paṭivijjhissati. Tathā paṭivijjhanto ca dukkhasabhāvattā duggatisaṅkhātā sabbā bhavagatiyo jahissati, tato eva sabbaṃ vinipātabhayaṃ saṃsārabhayañca samatikkamissatīti sabbopi cāyamattho yutto evāti.
ਯੁਤ੍ਤਿਹਾਰਸਮ੍ਪਾਤવਣ੍ਣਨਾ ਨਿਟ੍ਠਿਤਾ।
Yuttihārasampātavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi / ੩. ਯੁਤ੍ਤਿਹਾਰਸਮ੍ਪਾਤੋ • 3. Yuttihārasampāto
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿਪ੍ਪਕਰਣ-ਟੀਕਾ • Nettippakaraṇa-ṭīkā / ੩. ਯੁਤ੍ਤਿਹਾਰਸਮ੍ਪਾਤવਣ੍ਣਨਾ • 3. Yuttihārasampātavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿવਿਭਾવਿਨੀ • Nettivibhāvinī / ੩. ਯੁਤ੍ਤਿਹਾਰਸਮ੍ਪਾਤવਿਭਾવਨਾ • 3. Yuttihārasampātavibhāvanā
