| Library / Tipiṭaka / তিপিটক • Tipiṭaka / নেত্তিপ্পকরণপাল়ি • Nettippakaraṇapāḷi |
৩. যুত্তিহারসম্পাতো
3. Yuttihārasampāto
৬৫.
65.
তত্থ কতমো যুত্তিহারসম্পাতো?
Tattha katamo yuttihārasampāto?
‘‘তস্মা রক্খিতচিত্তস্স, সম্মাসঙ্কপ্পগোচরো।
‘‘Tasmā rakkhitacittassa, sammāsaṅkappagocaro;
সম্মাদিট্ঠিপুরেক্খারো, ঞত্ৰান উদযব্বযং।
Sammādiṭṭhipurekkhāro, ñatvāna udayabbayaṃ;
থিনমিদ্ধাভিভূ ভিক্খু, সব্বা দুগ্গতিযো জহে’’তি॥
Thinamiddhābhibhū bhikkhu, sabbā duggatiyo jahe’’ti.
‘‘তস্মা রক্খিতচিত্তস্স, সম্মাসঙ্কপ্পগোচরো’’তি রক্খিতচিত্তস্স সম্মাসঙ্কপ্পগোচরো ভৰিস্সতীতি যুজ্জতি, সম্মাসঙ্কপ্পগোচরো সম্মাদিট্ঠি ভৰিস্সতীতি যুজ্জতি, সম্মাদিট্ঠিপুরেক্খারো ৰিহরন্তো উদযব্বযং পটিৰিজ্ঝিস্সতীতি যুজ্জতি, উদযব্বযং পটিৰিজ্ঝন্তো সব্বা দুগ্গতিযো জহিস্সতীতি যুজ্জতি। সব্বা দুগ্গতিযো জহন্তো সব্বানি দুগ্গতিৰিনিপাতভযানি সমতিক্কমিস্সতীতি যুজ্জতীতি।
‘‘Tasmā rakkhitacittassa, sammāsaṅkappagocaro’’ti rakkhitacittassa sammāsaṅkappagocaro bhavissatīti yujjati, sammāsaṅkappagocaro sammādiṭṭhi bhavissatīti yujjati, sammādiṭṭhipurekkhāro viharanto udayabbayaṃ paṭivijjhissatīti yujjati, udayabbayaṃ paṭivijjhanto sabbā duggatiyo jahissatīti yujjati. Sabbā duggatiyo jahanto sabbāni duggativinipātabhayāni samatikkamissatīti yujjatīti.
নিযুত্তো যুত্তিহারসম্পাতো।
Niyutto yuttihārasampāto.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / নেত্তিপ্পকরণ-অট্ঠকথা • Nettippakaraṇa-aṭṭhakathā / ৩. যুত্তিহারসম্পাতৰণ্ণনা • 3. Yuttihārasampātavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / খুদ্দকনিকায (টীকা) • Khuddakanikāya (ṭīkā) / নেত্তিপ্পকরণ-টীকা • Nettippakaraṇa-ṭīkā / ৩. যুত্তিহারসম্পাতৰণ্ণনা • 3. Yuttihārasampātavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / খুদ্দকনিকায (টীকা) • Khuddakanikāya (ṭīkā) / নেত্তিৰিভাৰিনী • Nettivibhāvinī / ৩. যুত্তিহারসম্পাতৰিভাৰনা • 3. Yuttihārasampātavibhāvanā
