| Library / Tipiṭaka / तिपिटक • Tipiṭaka / नेत्तिप्पकरणपाळि • Nettippakaraṇapāḷi |
३. युत्तिहारसम्पातो
3. Yuttihārasampāto
६५.
65.
तत्थ कतमो युत्तिहारसम्पातो?
Tattha katamo yuttihārasampāto?
‘‘तस्मा रक्खितचित्तस्स, सम्मासङ्कप्पगोचरो।
‘‘Tasmā rakkhitacittassa, sammāsaṅkappagocaro;
सम्मादिट्ठिपुरेक्खारो, ञत्वान उदयब्बयं।
Sammādiṭṭhipurekkhāro, ñatvāna udayabbayaṃ;
थिनमिद्धाभिभू भिक्खु, सब्बा दुग्गतियो जहे’’ति॥
Thinamiddhābhibhū bhikkhu, sabbā duggatiyo jahe’’ti.
‘‘तस्मा रक्खितचित्तस्स, सम्मासङ्कप्पगोचरो’’ति रक्खितचित्तस्स सम्मासङ्कप्पगोचरो भविस्सतीति युज्जति, सम्मासङ्कप्पगोचरो सम्मादिट्ठि भविस्सतीति युज्जति, सम्मादिट्ठिपुरेक्खारो विहरन्तो उदयब्बयं पटिविज्झिस्सतीति युज्जति, उदयब्बयं पटिविज्झन्तो सब्बा दुग्गतियो जहिस्सतीति युज्जति। सब्बा दुग्गतियो जहन्तो सब्बानि दुग्गतिविनिपातभयानि समतिक्कमिस्सतीति युज्जतीति।
‘‘Tasmā rakkhitacittassa, sammāsaṅkappagocaro’’ti rakkhitacittassa sammāsaṅkappagocaro bhavissatīti yujjati, sammāsaṅkappagocaro sammādiṭṭhi bhavissatīti yujjati, sammādiṭṭhipurekkhāro viharanto udayabbayaṃ paṭivijjhissatīti yujjati, udayabbayaṃ paṭivijjhanto sabbā duggatiyo jahissatīti yujjati. Sabbā duggatiyo jahanto sabbāni duggativinipātabhayāni samatikkamissatīti yujjatīti.
नियुत्तो युत्तिहारसम्पातो।
Niyutto yuttihārasampāto.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / नेत्तिप्पकरण-अट्ठकथा • Nettippakaraṇa-aṭṭhakathā / ३. युत्तिहारसम्पातवण्णना • 3. Yuttihārasampātavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / खुद्दकनिकाय (टीका) • Khuddakanikāya (ṭīkā) / नेत्तिप्पकरण-टीका • Nettippakaraṇa-ṭīkā / ३. युत्तिहारसम्पातवण्णना • 3. Yuttihārasampātavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / खुद्दकनिकाय (टीका) • Khuddakanikāya (ṭīkā) / नेत्तिविभाविनी • Nettivibhāvinī / ३. युत्तिहारसम्पातविभावना • 3. Yuttihārasampātavibhāvanā
