| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
3. яуд̇д̇ихааравибхан̇г̇аван̣н̣анаа
3. Yuttihāravibhaṅgavaṇṇanā
18. д̇ад̇т̇а гад̇амо яуд̇д̇ихаарод̇иаад̣̇и яуд̇д̇ихааравибхан̇г̇о. д̇ад̇т̇а гим̣ яож̇аяад̇ийд̇и яуд̇д̇ихаарасса висаяам̣ бужчад̇и. го банзд̇асса висаяо? ад̇ат̇аагаарзна г̇аяхамаанаа суд̇д̇ад̇т̇аа висаяо, д̇з хи д̇зна саад̇исаяам̣ яаат̇аавад̇о яуд̇д̇инид̣̇д̇хааран̣зна яож̇зд̇аб̣б̣аа. ид̇арзсуби аяам̣ хааро ижчид̇о зва. д̇ам̣ бана бхууд̇агат̇анамад̇д̇ам̣ ход̇и. яасмаа банааяам̣ яуд̇д̇иг̇авзсанаа наама на махаабад̣̇зсзна винаа, д̇асмаа яуд̇д̇ихаарам̣ вибхаж̇анд̇о д̇асса лагкан̣ам̣ д̇аава убад̣̇исид̇ум̣ ‘‘жад̇д̇ааро махаабад̣̇зсаа’’д̇иаад̣̇имааха.
18.Tatthakatamo yuttihārotiādi yuttihāravibhaṅgo. Tattha kiṃ yojayatīti yuttihārassa visayaṃ pucchati. Ko panetassa visayo? Atathākārena gayhamānā suttatthā visayo, te hi tena sātisayaṃ yāthāvato yuttiniddhāraṇena yojetabbā. Itaresupi ayaṃ hāro icchito eva. Taṃ pana bhūtakathanamattaṃ hoti. Yasmā panāyaṃ yuttigavesanā nāma na mahāpadesena vinā, tasmā yuttihāraṃ vibhajanto tassa lakkhaṇaṃ tāva upadisituṃ ‘‘cattāro mahāpadesā’’tiādimāha.
д̇ад̇т̇а махаабад̣̇зсаад̇и махааабад̣̇зсаа, б̣уд̣̇д̇хаад̣̇аяо маханд̇з абад̣̇исид̇ваа вуд̇д̇аани махаагааран̣аанийд̇и ад̇т̇о. ат̇а ваа махаабад̣̇зсаад̇и махааогаасаа, маханд̇аани д̇хаммасса бад̇идтаанаанийд̇и вуд̇д̇ам̣ ход̇и. д̇ад̇рааяам̣ важанад̇т̇о – абад̣̇иссад̇ийд̇и абад̣̇зсо, б̣уд̣̇д̇хо абад̣̇зсо зд̇ассаад̇и б̣уд̣̇д̇хаабад̣̇зсо. зса наяо сзсзсуби. ‘‘саммукаа мзд̇ам̣ бхаг̇авад̇о суд̇а’’нд̇иаад̣̇инаа гзнажи аабхад̇асса г̇ант̇асса д̇хаммод̇и ваа ад̇хаммод̇и ваа винижчаяанз гааран̣ам̣. гим̣ бана д̇анд̇и? д̇асса д̇ат̇аа аабхад̇асса суд̇д̇од̇аран̣аад̣̇и зва. яад̣̇и звам̣ гат̇ам̣ жад̇д̇аарод̇и? абад̣̇исид̇аббабхзд̣̇ад̇о. д̇хаммасса хи д̣̇вз самбад̣̇ааяо бхаг̇аваа саавагаа жа. д̇зсу саавагаа сан̇гхаг̇ан̣абуг̇г̇алавасзна д̇ивид̇хаа. ‘‘звамамумхаа маяааяам̣ д̇хаммо бадиг̇г̇ахид̇о’’д̇и абад̣̇исид̇аб̣б̣аанам̣ бхзд̣̇зна жад̇д̇ааро. д̇знааха – ‘‘б̣уд̣̇д̇хаабад̣̇зсо…бз… згад̇т̇зраабад̣̇зсо’’д̇и. д̇аани бад̣̇аб̣яан̃ж̇анаанийд̇и гзнажи аабхад̇асуд̇д̇асса бад̣̇аани б̣яан̃ж̇анаани жа, ад̇т̇абад̣̇аани жзва б̣яан̃ж̇анабад̣̇аани жаад̇и ад̇т̇о. сам̣ван̣н̣агзна ваа сам̣ван̣н̣анаавасзна аахарияамаанаани бад̣̇аб̣яан̃ж̇анаани. суд̇д̇з од̇аараяид̇аб̣б̣аанийд̇и суд̇д̇з ануббавзсид̇аб̣б̣аани. санд̣̇ассаяид̇аб̣б̣аанийд̇и сам̣санд̣̇зд̇аб̣б̣аани. убанигкибид̇аб̣б̣аанийд̇и багкибид̇аб̣б̣аани.
Tattha mahāpadesāti mahāapadesā, buddhādayo mahante apadisitvā vuttāni mahākāraṇānīti attho. Atha vā mahāpadesāti mahāokāsā, mahantāni dhammassa patiṭṭhānānīti vuttaṃ hoti. Tatrāyaṃ vacanattho – apadissatīti apadeso, buddho apadeso etassāti buddhāpadeso. Esa nayo sesesupi. ‘‘Sammukhā metaṃ bhagavato suta’’ntiādinā kenaci ābhatassa ganthassa dhammoti vā adhammoti vā vinicchayane kāraṇaṃ. Kiṃ pana tanti? Tassa tathā ābhatassa suttotaraṇādi eva. Yadi evaṃ kathaṃ cattāroti? Apadisitappabhedato. Dhammassa hi dve sampadāyo bhagavā sāvakā ca. Tesu sāvakā saṅghagaṇapuggalavasena tividhā. ‘‘Evamamumhā mayāyaṃ dhammo paṭiggahito’’ti apadisitabbānaṃ bhedena cattāro. Tenāha – ‘‘buddhāpadeso…pe… ekattherāpadeso’’ti. Tāni padabyañjanānīti kenaci ābhatasuttassa padāni byañjanāni ca, atthapadāni ceva byañjanapadāni cāti attho. Saṃvaṇṇakena vā saṃvaṇṇanāvasena āhariyamānāni padabyañjanāni. Sutte otārayitabbānīti sutte anuppavesitabbāni. Sandassayitabbānīti saṃsandetabbāni. Upanikkhipitabbānīti pakkhipitabbāni.
суд̇д̇аад̣̇ийни д̣̇ассзд̇ум̣ ‘‘гад̇амасми’’нд̇иаад̣̇и вуд̇д̇ам̣. д̇ад̇т̇а яасмаа бхаг̇авад̇о важанам̣ згаг̇аат̇аамад̇д̇амби сажжавинимуд̇д̇ам̣ над̇т̇и, д̇асмаа суд̇д̇зд̇и бад̣̇асса ад̇т̇ам̣ д̣̇ассзд̇ум̣ ‘‘жад̇уусу арияасажжзсуу’’д̇и вуд̇д̇ам̣. адтагат̇ааяам̣ бана д̇ийн̣и бидагаани суд̇д̇анд̇и вуд̇д̇ам̣, д̇ам̣ иминаа нзд̇д̇иважанзна ан̃н̃ад̣̇ад̇т̇у сам̣санд̣̇ад̇и жзва самзд̇и жаад̇и д̣̇адтаб̣б̣ам̣. яаавад̣̇зва анубаад̣̇аабариниб̣б̣аанад̇т̇аа бхаг̇авад̇о д̣̇зсанаа, саа зганд̇зна рааг̇аад̣̇игилзсавуубасамам̣ вад̣̇ад̇ийд̇и винаязд̇ибад̣̇асса ад̇т̇ам̣ д̣̇ассзнд̇о ‘‘рааг̇авинаяз’’д̇иаад̣̇имааха. винаяод̇и хи гааран̣ам̣ рааг̇аад̣̇ивуубасаманимид̇д̇ам̣ ид̇хаад̇хиббзд̇ам̣. яат̇ааха –
Suttādīni dassetuṃ ‘‘katamasmi’’ntiādi vuttaṃ. Tattha yasmā bhagavato vacanaṃ ekagāthāmattampi saccavinimuttaṃ natthi, tasmā sutteti padassa atthaṃ dassetuṃ ‘‘catūsu ariyasaccesū’’ti vuttaṃ. Aṭṭhakathāyaṃ pana tīṇi piṭakāni suttanti vuttaṃ, taṃ iminā nettivacanena aññadatthu saṃsandati ceva sameti cāti daṭṭhabbaṃ. Yāvadeva anupādāparinibbānatthā bhagavato desanā, sā ekantena rāgādikilesavūpasamaṃ vadatīti vinayetipadassa atthaṃ dassento ‘‘rāgavinaye’’tiādimāha. Vinayoti hi kāraṇaṃ rāgādivūpasamanimittaṃ idhādhippetaṃ. Yathāha –
‘‘яз ко д̇вам̣, г̇од̇ами, д̇хаммз ж̇аанзяяааси, имз д̇хаммаа сарааг̇ааяа сам̣вад̇д̇анд̇и но вирааг̇ааяа, сан̃н̃ог̇ааяа сам̣вад̇д̇анд̇и но висан̃н̃ог̇ааяа, аажаяааяа сам̣вад̇д̇анд̇и но абажаяааяа, махижчад̇ааяа сам̣вад̇д̇анд̇и но аббижчад̇ааяа, асанд̇удтияаа сам̣вад̇д̇анд̇и но санд̇удтияаа, сан̇г̇ан̣игааяа сам̣вад̇д̇анд̇и но бавивзгааяа, госаж̇ж̇ааяа сам̣вад̇д̇анд̇и но вийрияаарамбхааяа, д̣̇уб̣бхарад̇ааяа сам̣вад̇д̇анд̇и но субхарад̇ааяа, згам̣сзна г̇од̇ами д̇хаарзяяааси ‘нзсо д̇хаммо, нзсо винаяо, нзд̇ам̣ сад̇т̇усаасана’нд̇и. яз жа ко д̇вам̣, г̇од̇ами, д̇хаммз ж̇аанзяяааси имз д̇хаммаа вирааг̇ааяа сам̣вад̇д̇анд̇и но сарааг̇ааяа, висан̃н̃ог̇ааяа сам̣вад̇д̇анд̇и но сан̃н̃ог̇ааяа, абажаяааяа сам̣вад̇д̇анд̇и но аажаяааяа, аббижчад̇ааяа сам̣вад̇д̇анд̇и но махижчад̇ааяа, санд̇удтияаа сам̣вад̇д̇анд̇и но асанд̇удтияаа бавивзгааяа сам̣вад̇д̇анд̇и но сан̇г̇ан̣игааяа, вийрияаарамбхааяа сам̣вад̇д̇анд̇и но госаж̇ж̇ааяа, субхарад̇ааяа сам̣вад̇д̇анд̇и но д̣̇уб̣бхарад̇ааяа, згам̣сзна г̇од̇ами д̇хаарзяяааси ‘зсо д̇хаммо, зсо винаяо, зд̇ам̣ сад̇т̇усаасана’’’нд̇и (жуул̣ава. 406).
‘‘Ye kho tvaṃ, gotami, dhamme jāneyyāsi, ime dhammā sarāgāya saṃvattanti no virāgāya, saññogāya saṃvattanti no visaññogāya, ācayāya saṃvattanti no apacayāya, mahicchatāya saṃvattanti no appicchatāya, asantuṭṭhiyā saṃvattanti no santuṭṭhiyā, saṅgaṇikāya saṃvattanti no pavivekāya, kosajjāya saṃvattanti no vīriyārambhāya, dubbharatāya saṃvattanti no subharatāya, ekaṃsena gotami dhāreyyāsi ‘neso dhammo, neso vinayo, netaṃ satthusāsana’nti. Ye ca kho tvaṃ, gotami, dhamme jāneyyāsi ime dhammā virāgāya saṃvattanti no sarāgāya, visaññogāya saṃvattanti no saññogāya, apacayāya saṃvattanti no ācayāya, appicchatāya saṃvattanti no mahicchatāya, santuṭṭhiyā saṃvattanti no asantuṭṭhiyā pavivekāya saṃvattanti no saṅgaṇikāya, vīriyārambhāya saṃvattanti no kosajjāya, subharatāya saṃvattanti no dubbharatāya, ekaṃsena gotami dhāreyyāsi ‘eso dhammo, eso vinayo, etaṃ satthusāsana’’’nti (cūḷava. 406).
д̇хаммад̇ааяанд̇ибад̣̇асса ад̇т̇ам̣ д̣̇ассзд̇ум̣ ‘‘бадижжасамуббаад̣̇з’’д̇и вуд̇д̇ам̣. бадижжасамуббаад̣̇о хи тид̇аава саа д̇хаад̇у д̇хаммадтид̇ад̇аа д̇хамманияаамад̇аад̇и (а. ни. 3.137) вуд̇д̇о. ‘‘д̇хаммад̇ааяам̣ убанигкибид̇аб̣б̣ааний’’д̇и ид̣̇ам̣ баал̣ияам̣ над̇т̇и, ад̇т̇ад̣̇ассанавасзна бана ид̇ха вуд̇д̇анд̇и д̣̇адтаб̣б̣ам̣. зд̇т̇а жа бавад̇д̇им̣ нивад̇д̇им̣ д̇ад̣̇убааяан̃жа б̣аад̇хагаад̣̇ибхаавз нияад̇ам̣ барид̣̇ийбзнд̇о суд̇д̇з од̇арад̇и наама. зганд̇зна рааг̇аад̣̇игилзсавинаяам̣ вад̣̇анд̇о винаяз санд̣̇иссад̇и наама. д̇ат̇аа сассад̇ам̣ ужчзд̣̇ан̃жа важ̇ж̇зд̇ваа згад̇д̇анаяаад̣̇ибарид̣̇ийбанзна сабхаавад̇хаммаанам̣ бажжаяабажжаяуббаннабхаавам̣ вибхаавзнд̇о д̇хаммад̇ам̣ на виломзд̇и наама.
Dhammatāyantipadassa atthaṃ dassetuṃ ‘‘paṭiccasamuppāde’’ti vuttaṃ. Paṭiccasamuppādo hi ṭhitāva sā dhātu dhammaṭṭhitatā dhammaniyāmatāti (a. ni. 3.137) vutto. ‘‘Dhammatāyaṃ upanikkhipitabbānī’’ti idaṃ pāḷiyaṃ natthi, atthadassanavasena pana idha vuttanti daṭṭhabbaṃ. Ettha ca pavattiṃ nivattiṃ tadupāyañca bādhakādibhāve niyataṃ paridīpento sutte otarati nāma. Ekantena rāgādikilesavinayaṃ vadanto vinaye sandissati nāma. Tathā sassataṃ ucchedañca vajjetvā ekattanayādiparidīpanena sabhāvadhammānaṃ paccayapaccayuppannabhāvaṃ vibhāvento dhammataṃ na vilometi nāma.
звам̣вид̇хо жа гаамаасаваад̣̇игам̣ аасавам̣ на уббаад̣̇зд̇ийд̇и имамад̇т̇ам̣ д̣̇ассзнд̇о ‘‘яад̣̇и жад̇уусу арияасажжзсуу’’д̇иаад̣̇имааха. нану жа ануломад̇о бадижжасамуббаад̣̇о бавад̇д̇и, бадиломад̇о нивад̇д̇ийд̇и со жад̇д̇аари арияасажжаани анубавидто гасмаа ид̇ха висум̣ г̇ахид̇од̇и? сажжамзд̇ам̣. ид̇ха бана висум̣ г̇ахан̣ам̣ д̇хаммаанам̣ бажжаяааяад̇д̇авуд̇д̇ид̣̇ассанзна анижжабажжаяалагкан̣ам̣ асамад̇т̇абажжаяалагкан̣ам̣ нирийхабажжаяалагкан̣ан̃жа вибхаавзд̇ваа д̇зсам̣ уд̣̇аяаванд̇ад̇аа д̇ад̇о зва ваяаванд̇ад̇аа д̇ад̣̇убхаязна анижжад̇аа уд̣̇аяаб̣б̣аяабадибийл̣анзна д̣̇угкад̇аа анад̇д̇ад̇аад̇и д̇илагкан̣асамааяог̇абарид̣̇ийбаний саб̣б̣ад̣̇идтиг̇ад̇агумад̇ивид̣̇д̇хам̣саний анан̃н̃асаад̇хааран̣аа саасанасамбад̇д̇и багаасид̇аа ход̇ийд̇и д̣̇ассанад̇т̇ам̣.
Evaṃvidho ca kāmāsavādikaṃ āsavaṃ na uppādetīti imamatthaṃ dassento ‘‘yadi catūsu ariyasaccesū’’tiādimāha. Nanu ca anulomato paṭiccasamuppādo pavatti, paṭilomato nivattīti so cattāri ariyasaccāni anupaviṭṭho kasmā idha visuṃ gahitoti? Saccametaṃ. Idha pana visuṃ gahaṇaṃ dhammānaṃ paccayāyattavuttidassanena aniccapaccayalakkhaṇaṃ asamatthapaccayalakkhaṇaṃ nirīhapaccayalakkhaṇañca vibhāvetvā tesaṃ udayavantatā tato eva vayavantatā tadubhayena aniccatā udayabbayapaṭipīḷanena dukkhatā anattatāti tilakkhaṇasamāyogaparidīpanī sabbadiṭṭhigatakumatividdhaṃsanī anaññasādhāraṇā sāsanasampatti pakāsitā hotīti dassanatthaṃ.
зд̇т̇а жа суд̇д̇ам̣ суд̇д̇аануломам̣ аажарияаваад̣̇о ад̇д̇аномад̇ийд̇и ид̣̇ам̣ жад̇уггам̣ взд̣̇ид̇аб̣б̣ам̣ – д̇ад̇т̇а суд̇д̇ам̣ наама д̇иссо сан̇г̇ийд̇ияо аарул̣хаани д̇ийн̣и бидагаани. суд̇д̇аануломам̣ наама махаабад̣̇зсаа, яам̣ ‘‘ануломагаббияа’’нд̇и вужжад̇и. аажарияаваад̣̇о наама адтагат̇аа. ад̇д̇аномад̇и наама наяаг̇г̇аахзна ануб̣уд̣̇д̇хияаа ад̇д̇ано бадибхаанам̣. д̇ад̇т̇а суд̇д̇ам̣ аббадиб̣аахияам̣, д̇ам̣ бадиб̣ааханд̇зна сад̇т̇аава бадиб̣аахид̇о ход̇и. ануломагаббияам̣ бана суд̇д̇зна самзнд̇амзва г̇ахзд̇аб̣б̣ам̣, на ид̇арам̣. аажарияаваад̣̇оби суд̇д̇зна самзнд̇о зва г̇ахзд̇аб̣б̣о, на ид̇аро. д̇ат̇аа ад̇д̇аномад̇и, саа бана саб̣б̣ад̣̇уб̣б̣алаад̇и.
Ettha ca suttaṃ suttānulomaṃ ācariyavādo attanomatīti idaṃ catukkaṃ veditabbaṃ – tattha suttaṃ nāma tisso saṅgītiyo āruḷhāni tīṇi piṭakāni. Suttānulomaṃ nāma mahāpadesā, yaṃ ‘‘anulomakappiya’’nti vuccati. Ācariyavādo nāma aṭṭhakathā. Attanomati nāma nayaggāhena anubuddhiyā attano paṭibhānaṃ. Tattha suttaṃ appaṭibāhiyaṃ, taṃ paṭibāhantena satthāva paṭibāhito hoti. Anulomakappiyaṃ pana suttena samentameva gahetabbaṃ, na itaraṃ. Ācariyavādopi suttena samento eva gahetabbo, na itaro. Tathā attanomati, sā pana sabbadubbalāti.
ид̣̇аани яад̣̇ад̇т̇ам̣ ид̇ха жад̇д̇ааро махаабад̣̇зсаа аабхад̇аа, д̇ам̣ д̣̇ассзд̇ум̣ ‘‘жад̇уухи махаабад̣̇зсзхий’’д̇иаад̣̇и вуд̇д̇ам̣. д̇ад̇т̇а яам̣ яанд̇и яам̣ яам̣ ад̇т̇аж̇аад̇ан̃жа д̇хаммаж̇аад̇ан̃жа. яуж̇ж̇ад̇ийд̇и яат̇аавуд̇д̇зхи жад̇уухи махаабад̣̇зсзхи яуж̇ж̇ад̇и. язна язнаад̇и язна язна гааран̣зна. яат̇аа яат̇аад̇и язна язна багаарзна. д̇ам̣ д̇ам̣ г̇ахзд̇аб̣б̣анд̇и сам̣ван̣н̣ияамаанз суд̇д̇з аабхад̇зна гааран̣зна басан̇г̇зна багаарзна жа суд̇д̇ад̇о уд̣̇д̇харид̇ваа сам̣ван̣н̣анаавасзна г̇ахзд̇аб̣б̣анд̇и ад̇т̇о. д̇зна жад̇умахаабад̣̇зсаавируд̣̇д̇хааяа яуд̇д̇ияаа суд̇д̇ад̇о ад̇т̇з нид̣̇д̇хаарзд̇ваа яуд̇д̇ихаараяож̇анаа гаад̇аб̣б̣аад̇и д̣̇ассзд̇и.
Idāni yadatthaṃ idha cattāro mahāpadesā ābhatā, taṃ dassetuṃ ‘‘catūhi mahāpadesehī’’tiādi vuttaṃ. Tattha yaṃ yanti yaṃ yaṃ atthajātañca dhammajātañca. Yujjatīti yathāvuttehi catūhi mahāpadesehi yujjati. Yena yenāti yena yena kāraṇena. Yathā yathāti yena yena pakārena. Taṃ taṃ gahetabbanti saṃvaṇṇiyamāne sutte ābhatena kāraṇena pasaṅgena pakārena ca suttato uddharitvā saṃvaṇṇanāvasena gahetabbanti attho. Tena catumahāpadesāviruddhāya yuttiyā suttato atthe niddhāretvā yuttihārayojanā kātabbāti dasseti.
19. ид̣̇аани д̇ам̣ яуд̇д̇инид̣̇д̇хааран̣ам̣ д̣̇ассзд̇ум̣ ‘‘бан̃хам̣ бужчид̇знаа’’д̇иаад̣̇и аарад̣̇д̇хам̣. д̇ад̇т̇а гад̇и бад̣̇аанийд̇и гид̇д̇агаани бад̣̇аани. барияог̇аахид̇аб̣б̣анд̇и бад̣̇асса ад̇т̇ам̣ д̣̇ассзд̇ум̣ ‘‘вижзд̇аб̣б̣а’’нд̇и вуд̇д̇ам̣. яад̇д̇агаани бад̣̇аани яат̇аад̇хиббзд̇ам̣ ад̇т̇ам̣ абхивад̣̇анд̇и, д̇ад̇д̇агаани бад̣̇аани д̇ад̣̇ад̇т̇ассзгасса н̃аад̇ум̣ ижчид̇ад̇д̇аа ‘‘зго бан̃хо’’д̇и вужжад̇и, д̇аани бана згаг̇аат̇ааяам̣ яад̣̇и ваа саб̣б̣аани бад̣̇аани яаава яад̣̇и ваа згам̣ бад̣̇ам̣ згам̣ ад̇т̇ам̣ абхивад̣̇ад̇и, згоязва со бан̃ход̇и имамад̇т̇ам̣ д̣̇ассзд̇и ‘‘яад̣̇и саб̣б̣ааний’’д̇иаад̣̇инаа. д̇анд̇и д̇ам̣ бан̃хам̣. ан̃н̃аад̇аб̣б̣анд̇и ааж̇аанид̇аб̣б̣ам̣. гим̣ имз д̇хаммаад̇иаад̣̇и ааж̇аананаагаарад̣̇ассанам̣. д̇ад̇т̇а д̇хаммаад̇и барияад̇д̇ид̇хаммаа. наанад̇т̇аад̇и наанаа ад̇т̇аа.
19. Idāni taṃ yuttiniddhāraṇaṃ dassetuṃ ‘‘pañhaṃ pucchitenā’’tiādi āraddhaṃ. Tattha kati padānīti kittakāni padāni. Pariyogāhitabbanti padassa atthaṃ dassetuṃ ‘‘vicetabba’’nti vuttaṃ. Yattakāni padāni yathādhippetaṃ atthaṃ abhivadanti, tattakāni padāni tadatthassekassa ñātuṃ icchitattā ‘‘eko pañho’’ti vuccati, tāni pana ekagāthāyaṃ yadi vā sabbāni padāni yāva yadi vā ekaṃ padaṃ ekaṃ atthaṃ abhivadati, ekoyeva so pañhoti imamatthaṃ dasseti ‘‘yadi sabbānī’’tiādinā. Tanti taṃ pañhaṃ. Aññātabbanti ājānitabbaṃ. Kiṃ ime dhammātiādi ājānanākāradassanaṃ. Tattha dhammāti pariyattidhammā. Nānatthāti nānā atthā.
бужчааг̇аат̇ааяам̣ аяам̣ бад̣̇ад̇т̇о – гзнассуб̣бхаахад̇о логод̇и аяам̣ сад̇д̇алого жоро вияа жорагхаад̇агзна гзна абхихад̇о вад̇хийяад̇ийд̇и ад̇т̇о. гзнассу бариваарид̇од̇и маалувалад̇ааяа вияа ниссид̇аругко гзна лого аж̇жход̇т̇адо. гзна саллзна од̇ин̣н̣од̇и гзна висабийд̇акураббзна вияа сарийраб̣бханд̇аранимуг̇г̇зна саллзна анубавидто. гисса д̇хуубааяид̇од̇и гисса гзна гааран̣зна д̇хуубааяид̇о санд̇аабид̇о лого. сад̣̇аад̇и бад̣̇ам̣ саб̣б̣ад̇т̇а яож̇зд̇аб̣б̣ам̣. д̇зд̇и жад̇д̇аари бад̣̇аани. бан̃хасад̣̇д̣̇аабзгкааяа буллин̇г̇анид̣̇д̣̇зсо. ‘‘виссаж̇ж̇зд̇ий’’д̇и зд̇зна виссаж̇ж̇анад̇о д̇аяо бан̃хаад̇и н̃ааяад̇ийд̇и д̣̇ассзд̇и.
Pucchāgāthāyaṃ ayaṃ padattho – kenassubbhāhato lokoti ayaṃ sattaloko coro viya coraghātakena kena abhihato vadhīyatīti attho. Kenassu parivāritoti māluvalatāya viya nissitarukkho kena loko ajjhotthaṭo. Kena sallena otiṇṇoti kena visapītakhurappena viya sarīrabbhantaranimuggena sallena anupaviṭṭho. Kissa dhūpāyitoti kissa kena kāraṇena dhūpāyito santāpito loko. Sadāti padaṃ sabbattha yojetabbaṃ. Teti cattāri padāni. Pañhasaddāpekkhāya pulliṅganiddeso. ‘‘Vissajjetī’’ti etena vissajjanato tayo pañhāti ñāyatīti dasseti.
20. д̇ад̇т̇аад̇и виссаж̇ж̇анаг̇аат̇ааяам̣ д̣̇уд̇ияабаад̣̇з вуд̇д̇аа ж̇араа жа батамабаад̣̇з вуд̇д̇ам̣ маран̣ан̃жаад̇и имаани д̣̇вз сан̇кад̇асса бан̃жагканд̇хасса ‘‘сан̇кад̇о’’д̇и лагкийяад̇и зд̇зхийд̇и сан̇кад̇алагкан̣аани. вуд̇д̇ан̃хзд̇ам̣ бхаг̇авад̇аа – ‘‘д̇ийн̣имаани, бхигкавз, сан̇кад̇асса сан̇кад̇алагкан̣аани. гад̇амаани д̇ийн̣и? уббаад̣̇о бан̃н̃ааяад̇и, ваяо бан̃н̃ааяад̇и, тид̇асса ан̃н̃ат̇ад̇д̇ам̣ бан̃н̃ааяад̇ий’’д̇и (а. ни. 3.47; гат̇аа. 214). д̇зна вуд̇д̇ам̣ – ‘‘ж̇арааяам̣ тид̇асса ан̃н̃ат̇ад̇д̇ам̣, маран̣ам̣ ваяо’’д̇и. зд̇т̇а жа ‘‘тид̇асса ан̃н̃ат̇ад̇д̇а’’нд̇и зд̇зна канд̇хаббаб̣анд̇хасса буб̣б̣аабарависзсо ид̇ха ж̇араа, на кан̣адтид̇ийд̇и д̣̇ассзд̇и. ‘‘маран̣ам̣ ваяо’’д̇и иминаа жа ‘‘д̇иссо мад̇о, пуссо мад̇о’’д̇и звам̣ логз вуд̇д̇ам̣ саммуд̇имаран̣ам̣ д̣̇ассзд̇и, на кан̣игамаран̣ам̣, самужчзд̣̇амаран̣ам̣ ваа.
20.Tatthāti vissajjanagāthāyaṃ dutiyapāde vuttā jarā ca paṭhamapāde vuttaṃ maraṇañcāti imāni dve saṅkhatassa pañcakkhandhassa ‘‘saṅkhato’’ti lakkhīyati etehīti saṅkhatalakkhaṇāni. Vuttañhetaṃ bhagavatā – ‘‘tīṇimāni, bhikkhave, saṅkhatassa saṅkhatalakkhaṇāni. Katamāni tīṇi? Uppādo paññāyati, vayo paññāyati, ṭhitassa aññathattaṃ paññāyatī’’ti (a. ni. 3.47; kathā. 214). Tena vuttaṃ – ‘‘jarāyaṃ ṭhitassa aññathattaṃ, maraṇaṃ vayo’’ti. Ettha ca ‘‘ṭhitassa aññathatta’’nti etena khandhappabandhassa pubbāparaviseso idha jarā, na khaṇaṭṭhitīti dasseti. ‘‘Maraṇaṃ vayo’’ti iminā ca ‘‘tisso mato, phusso mato’’ti evaṃ loke vuttaṃ sammutimaraṇaṃ dasseti, na khaṇikamaraṇaṃ, samucchedamaraṇaṃ vā.
ид̣̇аани ‘‘д̇з д̇аяо бан̃хаа’’д̇и вуд̇д̇амад̇т̇ам̣ яуд̇д̇ивасзна д̣̇ассзд̇ум̣ ‘‘ж̇арааяа жаа’’д̇иаад̣̇и вуд̇д̇ам̣. д̇ад̇т̇а язбхуяязна ж̇ин̣н̣асса маран̣ад̣̇ассанад̇о ж̇араамаран̣аанам̣ наанад̇д̇ам̣ асамбадижчамаанам̣ бад̇и д̇зсам̣ наанад̇д̇ад̣̇ассанад̇т̇ам̣ ‘‘г̇аб̣бхаг̇ад̇ааби хи мийяанд̇ий’’д̇и вуд̇д̇ам̣. ид̣̇ам̣ вуд̇д̇ам̣ ход̇и – яат̇аад̇хиббзд̇аж̇араавирахид̇асса маран̣асса д̣̇ассанад̇о ан̃н̃аа ж̇араа ан̃н̃ам̣ маран̣анд̇и. д̇знзвааха – ‘‘на жа д̇з ж̇ин̣н̣аа бхаванд̇ий’’д̇и. гин̃жа бхияяо? гзваласса маран̣асса д̣̇идтад̇д̇аа ан̃н̃аава ж̇араа ан̃н̃ам̣ маран̣ам̣, яат̇аа д̇ам̣ д̣̇зваананд̇и имамад̇т̇ам̣ д̣̇ассзд̇и ‘‘ад̇т̇и жа д̣̇зваана’’нд̇иаад̣̇инаа. ануд̇д̇аримануссад̇хаммзна жа д̇игижчанзна саггаа ж̇арааяа бадигаарам̣ гаад̇ум̣, на д̇ат̇аа маран̣ассаад̇и звамби ж̇араамаран̣аанам̣ ад̇т̇ад̇о наанад̇д̇ам̣ самбадижчид̇аб̣б̣анд̇и д̣̇ассзд̇ум̣ ‘‘саггад̇зваа’’д̇иаад̣̇и вуд̇д̇ам̣. д̇ад̇т̇а саггад̇зд̇и сагяад̇з, саггаад̇и ад̇т̇о. бадигамманд̇и бадигаран̣ам̣. нану жа маран̣ассааби бадигаарам̣ гаад̇ум̣ саггаа ид̣̇д̇хибаад̣̇абхааванааяа васибхаавз сад̇ийд̇и жод̣̇анам̣ манаси гад̇ваа ааха – ‘‘ан̃н̃ад̇рзва ид̣̇д̇химанд̇аанам̣ ид̣̇д̇хивисаяаа’’д̇и. вуд̇д̇ан̃хзд̇ам̣ бхаг̇авад̇аа –
Idāni ‘‘te tayo pañhā’’ti vuttamatthaṃ yuttivasena dassetuṃ ‘‘jarāya cā’’tiādi vuttaṃ. Tattha yebhuyyena jiṇṇassa maraṇadassanato jarāmaraṇānaṃ nānattaṃ asampaṭicchamānaṃ pati tesaṃ nānattadassanatthaṃ ‘‘gabbhagatāpi hi mīyantī’’ti vuttaṃ. Idaṃ vuttaṃ hoti – yathādhippetajarāvirahitassa maraṇassa dassanato aññā jarā aññaṃ maraṇanti. Tenevāha – ‘‘na ca te jiṇṇā bhavantī’’ti. Kiñca bhiyyo? Kevalassa maraṇassa diṭṭhattā aññāva jarā aññaṃ maraṇaṃ, yathā taṃ devānanti imamatthaṃ dasseti ‘‘atthi ca devāna’’ntiādinā. Anuttarimanussadhammena ca tikicchanena sakkā jarāya paṭikāraṃ kātuṃ, na tathā maraṇassāti evampi jarāmaraṇānaṃ atthato nānattaṃ sampaṭicchitabbanti dassetuṃ ‘‘sakkatevā’’tiādi vuttaṃ. Tattha sakkateti sakyate, sakkāti attho. Paṭikammanti paṭikaraṇaṃ. Nanu ca maraṇassāpi paṭikāraṃ kātuṃ sakkā iddhipādabhāvanāya vasibhāve satīti codanaṃ manasi katvā āha – ‘‘aññatreva iddhimantānaṃ iddhivisayā’’ti. Vuttañhetaṃ bhagavatā –
‘‘яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано габбам̣ ваа д̇идтзяяа габбаавасзсам̣ ваа’’д̇и (д̣̇ий. ни. 2.166, 182; сам̣. ни. 5.822; гат̇аа. 623; уд̣̇аа. 51).
‘‘Yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṃ vā tiṭṭheyya kappāvasesaṃ vā’’ti (dī. ni. 2.166, 182; saṃ. ni. 5.822; kathā. 623; udā. 51).
го банзд̇т̇а габбо, го ваа габбаавасзсод̇и? габбод̇и ааяугаббо, яасмим̣ д̇асмин̃хи гаалз яам̣ мануссаанам̣ ааяуббамаан̣ам̣, д̇ам̣ барибун̣н̣ам̣ гаронд̇о габбам̣ д̇идтад̇и наама. ‘‘аббам̣ ваа бхияяо’’д̇и (д̣̇ий. ни. 2.7; а. ни. 7.74) вуд̇д̇ам̣ бана вассасад̇аад̣̇ид̇о ад̇ирзгам̣ д̇идтанд̇о габбаавасзсам̣ д̇идтад̇и наама. яад̣̇и звам̣ гасмаа ид̣̇д̇химанд̇о жзд̇овасиббад̇д̇аа кийн̣аасаваа логахид̇ад̇т̇ам̣ д̇ат̇аа на д̇идтанд̇ийд̇и? канд̇хасан̇каад̇асса д̣̇угкабхаарасса барин̃н̃аад̇ад̇д̇аа ануссуггад̇ааяа жа. бадиббассад̣̇д̇хасаб̣б̣уссуггаа хи д̇з уд̇д̇амабурисаад̇и. вуд̇д̇ан̃хзд̇ам̣ д̇хаммасзнаабад̇инаа –
Ko panettha kappo, ko vā kappāvasesoti? Kappoti āyukappo, yasmiṃ tasmiñhi kāle yaṃ manussānaṃ āyuppamāṇaṃ, taṃ paripuṇṇaṃ karonto kappaṃ tiṭṭhati nāma. ‘‘Appaṃ vā bhiyyo’’ti (dī. ni. 2.7; a. ni. 7.74) vuttaṃ pana vassasatādito atirekaṃ tiṭṭhanto kappāvasesaṃ tiṭṭhati nāma. Yadi evaṃ kasmā iddhimanto cetovasippattā khīṇāsavā lokahitatthaṃ tathā na tiṭṭhantīti? Khandhasaṅkhātassa dukkhabhārassa pariññātattā anussukkatāya ca. Paṭippassaddhasabbussukkā hi te uttamapurisāti. Vuttañhetaṃ dhammasenāpatinā –
‘‘наабхинанд̣̇аами маран̣ам̣, наабхиган̇каами ж̇ийвид̇ам̣;
‘‘Nābhinandāmi maraṇaṃ, nābhikaṅkhāmi jīvitaṃ;
гаалан̃жа бадиган̇каами, взд̇анам̣ бхад̇аго яат̇аа’’д̇и. (т̇зраг̇аа. 654; ми. ба. 2.2.4);
Kālañca paṭikaṅkhāmi, vetanaṃ bhatako yathā’’ti. (theragā. 654; mi. pa. 2.2.4);
яат̇аа ж̇араамаран̣аанам̣ ан̃н̃аман̃н̃ам̣ ад̇т̇ад̇о наанад̇д̇ам̣, звам̣ д̇зхи д̇ан̣хааяа жа наанад̇д̇з д̣̇ассид̇з ‘‘д̇аяо бан̃хаа’’д̇и ид̣̇ам̣ сиж̇жхад̇ийд̇и д̇ам̣ д̣̇ассзд̇ум̣ ‘‘яам̣ банаа’’д̇иаад̣̇имааха.
Yathā jarāmaraṇānaṃ aññamaññaṃ atthato nānattaṃ, evaṃ tehi taṇhāya ca nānatte dassite ‘‘tayo pañhā’’ti idaṃ sijjhatīti taṃ dassetuṃ ‘‘yaṃ panā’’tiādimāha.
д̇ад̇т̇а яасмаа д̇ан̣хааяа абхаавзби сад̇и ж̇араамаран̣ам̣ лаб̣бхад̇и кийн̣аасавасанд̇аанз, д̇асмаа ан̃н̃ам̣ ж̇араамаран̣ам̣ ан̃н̃аа д̇ан̣хаад̇и имамад̇т̇амааха ‘‘д̣̇иссанд̇и вийд̇арааг̇аа ж̇ийранд̇ааби мийяанд̇аабий’’д̇и. нану жа д̇ан̣хааби ж̇ийран̣абхиж̇ж̇анасабхааваад̇и? сажжам̣, на ид̣̇ам̣ ж̇араамаран̣ам̣ ид̇хаад̇хиббзд̇анд̇и вуд̇д̇овааяамад̇т̇о. ‘‘яад̣̇и жаа’’д̇иаад̣̇инаа ж̇араамаран̣ад̇о д̇ан̣хааяа анан̃н̃ад̇д̇з д̣̇осам̣ д̣̇ассзд̇и. яоб̣б̣анадтааби виг̇ад̇ад̇ан̣хаа сияум̣, на ид̣̇ам̣ яуд̇д̇анд̇и ад̇хиббааяо. ж̇араамаран̣амби сияаа д̣̇угкасса самуд̣̇аяо д̇ан̣хааяа анан̃н̃ад̇д̇з сад̇ийд̇и ад̇хиббааяо. на жа сияаа д̇ан̣хаа д̣̇угкасса самуд̣̇аяо ж̇араамаран̣ад̇о анан̃н̃ад̇д̇з сад̇ийд̇и бхааво. на хи ж̇араамаран̣ам̣ д̣̇угкасса самуд̣̇аяо, д̇ан̣хаа д̣̇угкасса самуд̣̇аяо, д̇асмаа взд̣̇ид̇аб̣б̣ам̣ зд̇зсамад̇т̇ад̇о наанад̇д̇анд̇и ад̇хиббааяо. яат̇аа жа д̇ан̣хаа маг̇г̇аваж̇жхаа, звам̣ ж̇араамаран̣амби сияаа маг̇г̇аваж̇жхам̣ д̇ан̣хааяа анан̃н̃ад̇д̇з сад̇и. яат̇аа жа ж̇араамаран̣ам̣ на маг̇г̇аваж̇жхам̣, д̇ат̇аа д̇ан̣хааби сияаад̇и аяамби наяо вуд̇д̇о зваад̇и д̣̇адтаб̣б̣ам̣. имааяа яуд̇д̇ияаад̇и имааяа яат̇аавуд̇д̇ааяа убабад̇д̇ияаа. ан̃н̃аман̃н̃зхийд̇и ан̃н̃аахи ан̃н̃аахи гааран̣уубабад̇д̇ийхи ад̇т̇ад̇о жз ан̃н̃ад̇д̇ам̣, д̇ад̣̇ан̃н̃амби б̣яан̃ж̇анад̇о г̇авзсид̇аб̣б̣анд̇и ад̇т̇о.
Tattha yasmā taṇhāya abhāvepi sati jarāmaraṇaṃ labbhati khīṇāsavasantāne, tasmā aññaṃ jarāmaraṇaṃ aññā taṇhāti imamatthamāha ‘‘dissanti vītarāgā jīrantāpi mīyantāpī’’ti. Nanu ca taṇhāpi jīraṇabhijjanasabhāvāti? Saccaṃ, na idaṃ jarāmaraṇaṃ idhādhippetanti vuttovāyamattho. ‘‘Yadi cā’’tiādinā jarāmaraṇato taṇhāya anaññatte dosaṃ dasseti. Yobbanaṭṭhāpi vigatataṇhā siyuṃ, na idaṃ yuttanti adhippāyo. Jarāmaraṇampi siyā dukkhassa samudayo taṇhāya anaññatte satīti adhippāyo. Na ca siyā taṇhā dukkhassa samudayo jarāmaraṇato anaññatte satīti bhāvo. Na hi jarāmaraṇaṃ dukkhassa samudayo, taṇhā dukkhassa samudayo, tasmā veditabbaṃ etesamatthato nānattanti adhippāyo. Yathā ca taṇhā maggavajjhā, evaṃ jarāmaraṇampi siyā maggavajjhaṃ taṇhāya anaññatte sati. Yathā ca jarāmaraṇaṃ na maggavajjhaṃ, tathā taṇhāpi siyāti ayampi nayo vutto evāti daṭṭhabbaṃ. Imāya yuttiyāti imāya yathāvuttāya upapattiyā. Aññamaññehīti aññāhi aññāhi kāraṇūpapattīhi atthato ce aññattaṃ, tadaññampi byañjanato gavesitabbanti attho.
имзсам̣ д̇хаммаанам̣ ад̇т̇ад̇о згад̇д̇анд̇и имамзвад̇т̇ам̣ ‘‘на хи яуж̇ж̇ад̇ий’’д̇иаад̣̇инаа виварад̇и. д̇ан̣хааяа ад̇хиббааяз абарибуурамаанзд̇и ижчид̇аалаабхамааха. д̇зна ижчаад̇ан̣хаанам̣ ад̇т̇ад̇о згад̇д̇ам̣ вуд̇д̇ам̣ ход̇ийд̇и. зд̇зна на хи яуж̇ж̇ад̇и ижчааяа жа д̇ан̣хааяа жа ад̇т̇ад̇о ан̃н̃ад̇д̇анд̇и. яат̇аа ид̣̇ам̣ важанам̣ самад̇т̇анам̣ ход̇и, звам̣ ижчаавибарияааяз аагхаад̇авад̇т̇уусу год̇хо жа убанаахо жа уббаж̇ж̇ад̇ийд̇и ид̣̇амби самад̇т̇анам̣ ход̇и, на д̇ат̇аа ж̇араамаран̣авибарияааязд̇и ж̇араамаран̣ад̇ан̣хаанам̣ ад̇т̇ад̇о ан̃н̃ад̇д̇амби самад̇т̇ид̇ам̣ ход̇ийд̇и зд̇амад̇т̇ам̣ д̣̇ассзд̇и ‘‘имааяа яуд̇д̇ияаа’’д̇иаад̣̇инаа.
Imesaṃ dhammānaṃ atthato ekattanti imamevatthaṃ ‘‘na hi yujjatī’’tiādinā vivarati. Taṇhāya adhippāye aparipūramāneti icchitālābhamāha. Tena icchātaṇhānaṃ atthato ekattaṃ vuttaṃ hotīti. Etena na hi yujjati icchāya ca taṇhāya ca atthato aññattanti. Yathā idaṃ vacanaṃ samatthanaṃ hoti, evaṃ icchāvipariyāye āghātavatthūsu kodho ca upanāho ca uppajjatīti idampi samatthanaṃ hoti, na tathā jarāmaraṇavipariyāyeti jarāmaraṇataṇhānaṃ atthato aññattampi samatthitaṃ hotīti etamatthaṃ dasseti ‘‘imāya yuttiyā’’tiādinā.
яад̣̇и ижчаад̇ан̣хаанам̣ ад̇т̇ад̇о анан̃н̃ад̇д̇ам̣, ат̇а гасмаа бхаг̇авад̇аа имиссаа г̇аат̇ааяа д̣̇вид̇хаа вуд̇д̇аад̇и? д̇ад̇т̇а барихаарамааха ‘‘яам̣ банид̣̇а’’нд̇иаад̣̇инаа. д̇ад̇т̇а яанд̇и гирияаабараамасанам̣. абхилабид̇анд̇и вуд̇д̇ам̣ яам̣ ид̣̇ам̣ абхилабанам̣ , ид̣̇ам̣ б̣аахираанам̣ руубаад̣̇ийнам̣ вад̇т̇уунам̣ аарамман̣авасзна, аарамман̣агаран̣авасзна ваа яож̇зд̇аб̣б̣ам̣. д̣̇вийхи д̇хаммзхийд̇и д̣̇вийхи багад̇ийхи. гаа бана д̇аа багад̇ияод̇и? аббад̇д̇асса висаяасса зсанавасзна ижчаа, бад̇д̇асса аббад̇д̇асса ваа баад̇угаамад̇аавасзна д̇ан̣хаа, аяамзд̇аасам̣ висзсо. яад̣̇иби звам̣, д̇ат̇ааби саб̣б̣аа д̇ан̣хаа руубаад̣̇ивисаяам̣ г̇илид̇ваа баринидтабзд̇ваа г̇ахан̣зна згасабхааваа зваад̇и д̣̇ассзнд̇о ‘‘саб̣б̣аа хи д̇ан̣хаа аж̇жхосааналагкан̣зна згалагкан̣аа’’д̇и ааха. ид̣̇аани д̇амад̇т̇ам̣ убамааяа багаасзнд̇о ‘‘саб̣б̣о аг̇г̇ий’’д̇иаад̣̇имааха, д̇ам̣ сувин̃н̃зяяамзва.
Yadi icchātaṇhānaṃ atthato anaññattaṃ, atha kasmā bhagavatā imissā gāthāya dvidhā vuttāti? Tattha parihāramāha ‘‘yaṃ panida’’ntiādinā. Tattha yanti kiriyāparāmasanaṃ. Abhilapitanti vuttaṃ yaṃ idaṃ abhilapanaṃ , idaṃ bāhirānaṃ rūpādīnaṃ vatthūnaṃ ārammaṇavasena, ārammaṇakaraṇavasena vā yojetabbaṃ. Dvīhi dhammehīti dvīhi pakatīhi. Kā pana tā pakatiyoti? Appattassa visayassa esanavasena icchā, pattassa appattassa vā pātukāmatāvasena taṇhā, ayametāsaṃ viseso. Yadipi evaṃ, tathāpi sabbā taṇhā rūpādivisayaṃ gilitvā pariniṭṭhapetvā gahaṇena ekasabhāvā evāti dassento ‘‘sabbā hi taṇhā ajjhosānalakkhaṇena ekalakkhaṇā’’ti āha. Idāni tamatthaṃ upamāya pakāsento ‘‘sabbo aggī’’tiādimāha, taṃ suviññeyyameva.
аяам̣ бана на гзвалам̣ д̇ан̣хаа аарамман̣з бавад̇д̇ивисзсзна д̣̇вийхи зва наамзхи вуд̇д̇аа, ат̇а ко анзгзхиби барияааязхийд̇и д̣̇ассанад̇т̇ам̣ ‘‘ижчааид̇ибий’’д̇иаад̣̇и вуд̇д̇ам̣.
Ayaṃ pana na kevalaṃ taṇhā ārammaṇe pavattivisesena dvīhi eva nāmehi vuttā, atha kho anekehipi pariyāyehīti dassanatthaṃ ‘‘icchāitipī’’tiādi vuttaṃ.
д̇ад̇т̇а ижчанд̇и д̇ааяа аарамман̣аанийд̇и ижчаа. д̇ан̣хааяанадтзна д̇ан̣хаа. бийл̣ааж̇ананад̇о д̣̇уруд̣̇д̇хааран̣ад̇о жа висабийд̇ам̣ саллам̣ вияаад̇и саллам̣. санд̇аабанадтзна д̇хуубааяанаа. аагад̣дханадтзна сийгхасод̇аа сарид̇аа вияаад̇и сарид̇аа, алладтзна ваа сарид̇аа, ‘‘сарид̇аани синзхид̇аани жа, соманассаани бхаванд̇и ж̇анд̇уно’’д̇и (д̇ха. ба. 341) хи вуд̇д̇ам̣. аллаани жзва синид̣̇д̇хаани жаад̇и аяамзд̇т̇а ад̇т̇о. висад̇д̇игаад̇и висад̇аад̇и висад̇д̇игаа. висадаад̇и висад̇д̇игаа. висамаад̇и висад̇д̇игаа. висаалаад̇и висад̇д̇игаа. висаггад̇ийд̇и висад̇д̇игаа. висам̣ваад̣̇игаад̇и висад̇д̇игаа . висам̣харад̇ийд̇и висад̇д̇игаа. висамуулаад̇и висад̇д̇игаа. висапалаад̇и висад̇д̇игаа. висабарибхог̇аад̇и висад̇д̇игаа. висад̇аа ваа бана саа д̇ан̣хаа руубз сад̣̇д̣̇з г̇анд̇хз расз подтаб̣б̣з д̇хаммз гулз г̇ан̣з висад̇аа вид̇т̇ад̇аад̇и висад̇д̇игаа.
Tattha icchanti tāya ārammaṇānīti icchā. Taṇhāyanaṭṭhena taṇhā. Pīḷājananato duruddhāraṇato ca visapītaṃ sallaṃ viyāti sallaṃ. Santāpanaṭṭhena dhūpāyanā. Ākaḍḍhanaṭṭhena sīghasotā saritā viyāti saritā, allaṭṭhena vā saritā, ‘‘saritāni sinehitāni ca, somanassāni bhavanti jantuno’’ti (dha. pa. 341) hi vuttaṃ. Allāni ceva siniddhāni cāti ayamettha attho. Visattikāti visatāti visattikā. Visaṭāti visattikā. Visamāti visattikā. Visālāti visattikā. Visakkatīti visattikā. Visaṃvādikāti visattikā . Visaṃharatīti visattikā. Visamūlāti visattikā. Visaphalāti visattikā. Visaparibhogāti visattikā. Visatā vā pana sā taṇhā rūpe sadde gandhe rase phoṭṭhabbe dhamme kule gaṇe visatā vitthatāti visattikā.
синзханавасзна синзхо. наанааг̇ад̇ийсу гиламат̇уббаад̣̇анзна гиламат̇о. баливзтанадтзна лад̇аа вияаад̇и лад̇аа. ‘‘лад̇аа уббаж̇ж̇а д̇идтад̇ий’’д̇и (д̇ха. ба. 340) хи вуд̇д̇ам̣. маманд̇и ман̃н̃анавасзна ман̃н̃анаа. д̣̇уураг̇ад̇амби аагад̣дхид̇ваа б̣анд̇ханадтзна б̣анд̇хо. аасийсанадтзна аасаа. аарамман̣арасам̣ баад̇угаамад̇аавасзна бибаасаа. абхинанд̣̇анадтзна абхинанд̣̇анаа. ид̇ийд̇и звам̣ аарамман̣з бавад̇д̇ивисзсзна анзгзхи наамзхи г̇аяхамаанааби саб̣б̣аа д̇ан̣хаа аж̇жхосааналагкан̣зна згалагкан̣аад̇и яат̇аавуд̇д̇амад̇т̇ам̣ ниг̇амзд̇и.
Sinehanavasena sineho. Nānāgatīsu kilamathuppādanena kilamatho. Paliveṭhanaṭṭhena latā viyāti latā. ‘‘Latā uppajja tiṭṭhatī’’ti (dha. pa. 340) hi vuttaṃ. Mamanti maññanavasena maññanā. Dūragatampi ākaḍḍhitvā bandhanaṭṭhena bandho. Āsīsanaṭṭhena āsā. Ārammaṇarasaṃ pātukāmatāvasena pipāsā. Abhinandanaṭṭhena abhinandanā. Itīti evaṃ ārammaṇe pavattivisesena anekehi nāmehi gayhamānāpi sabbā taṇhā ajjhosānalakkhaṇena ekalakkhaṇāti yathāvuttamatthaṃ nigameti.
буна д̇ан̣хааяа анзгзхи наамзхи г̇ахид̇абхаавамзва ‘‘яат̇аа жаа’’д̇иаад̣̇инаа убажаязна д̣̇ассзд̇и. д̇ад̇т̇а взважанзд̇и взважанахааравибхан̇г̇з. ‘‘аасаа жа бихаа’’д̇и г̇аат̇ааяа (нзд̇д̇и. 37; бздаго. 11) ад̇т̇ам̣ д̇ад̇т̇зва ван̣н̣аяиссаама. авиг̇ад̇арааг̇ассаад̇иаад̣̇ийсу ран̃ж̇анадтзна рааг̇о, чанд̣̇анадтзна чанд̣̇о, бияааяанадтзна бзмам̣, барид̣̇аханадтзна барид̣̇ааход̇и д̇ан̣хаава вуд̇д̇аа. д̇знзвааха – ‘‘д̇ан̣хааязд̇ам̣ взважана’’нд̇и. звам̣ яуж̇ж̇ад̇ийд̇и звам̣ ижчаад̇ан̣хаанам̣ ад̇т̇ад̇о анан̃н̃ад̇д̇аа ‘‘д̇аяо бан̃хаа’’д̇и яам̣ вуд̇д̇ам̣, д̇ам̣ яуж̇ж̇ад̇и яуд̇д̇ияаа сан̇г̇ажчад̇ийд̇и ад̇т̇о.
Puna taṇhāya anekehi nāmehi gahitabhāvameva ‘‘yathā cā’’tiādinā upacayena dasseti. Tattha vevacaneti vevacanahāravibhaṅge. ‘‘Āsā ca pihā’’ti gāthāya (netti. 37; peṭako. 11) atthaṃ tattheva vaṇṇayissāma. Avigatarāgassātiādīsu rañjanaṭṭhena rāgo, chandanaṭṭhena chando, piyāyanaṭṭhena pemaṃ, paridahanaṭṭhena paridāhoti taṇhāva vuttā. Tenevāha – ‘‘taṇhāyetaṃ vevacana’’nti. Evaṃ yujjatīti evaṃ icchātaṇhānaṃ atthato anaññattā ‘‘tayo pañhā’’ti yaṃ vuttaṃ, taṃ yujjati yuttiyā saṅgacchatīti attho.
21. звам̣ ‘‘гзнассуб̣бхаахад̇о лого’’д̇и (сам̣. ни. 1.66) г̇аат̇ааяа ‘‘д̇аяо бан̃хаа’’д̇и бан̃хад̇д̇аяабхаавз яуд̇д̇им̣ д̣̇ассзд̇ваа ид̣̇аани ан̃н̃зхи багаарзхи яуд̇д̇иг̇авзсанам̣ д̣̇ассзнд̇о ‘‘саб̣б̣о д̣̇угкуубажааро’’д̇иаад̣̇имааха. д̇ад̇т̇а д̣̇угкуубажаарод̇и д̣̇угкаббавад̇д̇и. гаамад̇ан̣хаасан̇каарамуулагод̇и гаамад̇ан̣хаабажжаяасан̇каарахзд̇угод̇и яуж̇ж̇ад̇ийд̇и ад̇хиббааяо. ниб̣б̣ид̣̇уубажаарод̇и ниб̣б̣ид̣̇аабавад̇д̇и гаамаанам̣ вибарин̣ааман̃н̃ат̇аабхааваа уббаж̇ж̇амаанаа анабхирад̇и н̃аан̣аниб̣б̣ид̣̇аа жа. гаамад̇ан̣хаабаригкаарамуулагод̇и гаамад̇ан̣хааяа баригкаарабхууд̇авад̇т̇угаамахзд̇уго. д̇ад̇т̇а анабхирад̇исан̇каад̇аа ниб̣б̣ид̣̇аа гаамад̇ан̣хаабаригкаарамуулигаа, на н̃аан̣аниб̣б̣ид̣̇аад̇и саб̣б̣о ниб̣б̣ид̣̇уубажааро гаамад̇ан̣хаабаригкаарамуулагод̇и на бана яуж̇ж̇ад̇ийд̇и вуд̇д̇ам̣. имааяа яуд̇д̇ияаад̇и наяам̣ д̣̇ассзд̇и. ид̣̇ам̣ вуд̇д̇ам̣ ход̇и – яат̇аа бан̃хад̇д̇аяабхаавз яуд̇д̇и вуд̇д̇аа, яат̇аа жа д̣̇угкуубажаараниб̣б̣ид̣̇уубажаарзсу, звам̣ имааяа яуд̇д̇ияаа иминаа яог̇зна наязна ан̃н̃аман̃н̃зхи гааран̣зхи д̇ам̣д̇ам̣баал̣иббад̣̇зсз ануруубзхи ан̃н̃ат̇аа ан̃н̃зхи хзд̇уухи яуд̇д̇и г̇авзсид̇аб̣б̣аад̇и.
21. Evaṃ ‘‘kenassubbhāhato loko’’ti (saṃ. ni. 1.66) gāthāya ‘‘tayo pañhā’’ti pañhattayabhāve yuttiṃ dassetvā idāni aññehi pakārehi yuttigavesanaṃ dassento ‘‘sabbo dukkhūpacāro’’tiādimāha. Tattha dukkhūpacāroti dukkhappavatti. Kāmataṇhāsaṅkhāramūlakoti kāmataṇhāpaccayasaṅkhārahetukoti yujjatīti adhippāyo. Nibbidūpacāroti nibbidāpavatti kāmānaṃ vipariṇāmaññathābhāvā uppajjamānā anabhirati ñāṇanibbidā ca. Kāmataṇhāparikkhāramūlakoti kāmataṇhāya parikkhārabhūtavatthukāmahetuko. Tattha anabhiratisaṅkhātā nibbidā kāmataṇhāparikkhāramūlikā, na ñāṇanibbidāti sabbo nibbidūpacāro kāmataṇhāparikkhāramūlakoti na pana yujjatīti vuttaṃ. Imāya yuttiyāti nayaṃ dasseti. Idaṃ vuttaṃ hoti – yathā pañhattayabhāve yutti vuttā, yathā ca dukkhūpacāranibbidūpacāresu, evaṃ imāya yuttiyā iminā yogena nayena aññamaññehi kāraṇehi taṃtaṃpāḷippadese anurūpehi aññathā aññehi hetūhi yutti gavesitabbāti.
ид̣̇аани д̇ам̣ наяад̣̇ассанам̣ сам̣кид̇д̇анд̇и вид̇т̇аарад̇о вибхаж̇ид̇ваа д̣̇ассзд̇ум̣ ‘‘яат̇аа хи бхаг̇аваа’’д̇иаад̣̇и аарад̣̇д̇хам̣. д̇ад̇т̇ааяам̣ сан̇кзбад̇т̇о – рааг̇ад̣̇осамохажарид̇аанам̣ яат̇ааггамам̣ асубхамзд̇д̇аабажжаяаагаарагат̇аа рааг̇аад̣̇ивинаяанад̇о саббааяаад̇и аяам̣ саасанаяуд̇д̇и. звамавадтид̇з яад̣̇и рааг̇ажарид̇асса мзд̇д̇аажзд̇овимуд̇д̇им̣ д̣̇зсзяяа, саа д̣̇зсанаа на яуж̇ж̇ад̇и асаббааяабхаавад̇о. д̇ат̇аа сукаабадибад̣̇аад̣̇аяод̇и. нану жа сукаабадибад̣̇аад̣̇аяо бадибад̇д̇ияаа самбхаванд̇и, на д̣̇зсанааяаад̇и? сажжамзд̇ам̣, ид̇ха бана рааг̇ажарид̇од̇и д̇иб̣б̣агилзсо рааг̇ажарид̇од̇и ад̇хиббзд̇о. д̇асса д̣̇угкааяа бадибад̣̇ааяа бхааванаа самиж̇жхад̇и. яасса жа д̣̇угкааяа бадибад̣̇ааяа бхааванаа самиж̇жхад̇и, д̇асса г̇аруд̇араа асубхад̣̇зсанаа саббааяаа, яасса г̇аруд̇араа асубхад̣̇зсанаа саббааяаа, на д̇асса манд̣̇агилзсасса вияа лахугад̇араад̇и имамад̇т̇ам̣ д̣̇ассзнд̇о ааха – ‘‘сукам̣ ваа бадибад̣̇ам̣…бз… д̣̇зсзяяа на яуж̇ж̇ад̇и д̣̇зсанаа’’д̇и. иминаа наязна сзсабад̣̇зсуби яат̇аасамбхавам̣ ад̇т̇о вад̇д̇аб̣б̣о. зд̇т̇а жа аяуд̇д̇абарихаарзна яуд̇д̇исамад̇хиг̇амод̇и яуд̇д̇ивижааран̣ааяа аяуд̇д̇иби г̇авзсид̇аб̣б̣аад̇и вуд̇д̇ам̣ – ‘‘яад̣̇и хи…бз… на яуж̇ж̇ад̇и д̣̇зсанаа’’д̇и. сзсзсуби зсзва наяо. звам̣ яам̣ гин̃жийд̇иаад̣̇и яуд̇д̇ихаараяож̇анааяа наяад̣̇ассанамзва.
Idāni taṃ nayadassanaṃ saṃkhittanti vitthārato vibhajitvā dassetuṃ ‘‘yathā hi bhagavā’’tiādi āraddhaṃ. Tatthāyaṃ saṅkhepattho – rāgadosamohacaritānaṃ yathākkamaṃ asubhamettāpaccayākārakathā rāgādivinayanato sappāyāti ayaṃ sāsanayutti. Evamavaṭṭhite yadi rāgacaritassa mettācetovimuttiṃ deseyya, sā desanā na yujjati asappāyabhāvato. Tathā sukhāpaṭipadādayoti. Nanu ca sukhāpaṭipadādayo paṭipattiyā sambhavanti, na desanāyāti? Saccametaṃ, idha pana rāgacaritoti tibbakileso rāgacaritoti adhippeto. Tassa dukkhāya paṭipadāya bhāvanā samijjhati. Yassa ca dukkhāya paṭipadāya bhāvanā samijjhati, tassa garutarā asubhadesanā sappāyā, yassa garutarā asubhadesanā sappāyā, na tassa mandakilesassa viya lahukatarāti imamatthaṃ dassento āha – ‘‘sukhaṃ vā paṭipadaṃ…pe… deseyya na yujjati desanā’’ti. Iminā nayena sesapadesupi yathāsambhavaṃ attho vattabbo. Ettha ca ayuttaparihārena yuttisamadhigamoti yuttivicāraṇāya ayuttipi gavesitabbāti vuttaṃ – ‘‘yadi hi…pe… na yujjati desanā’’ti. Sesesupi eseva nayo. Evaṃ yaṃ kiñcītiādi yuttihārayojanāya nayadassanameva.
д̇ад̇т̇а званд̇и иминаа наязна. яам̣ гин̃жийд̇и ан̃н̃амби яам̣ гин̃жи. ануломаббахаананд̇и бахаанасса ануруубам̣, бахаанасамад̇т̇анд̇и ад̇т̇о. суд̇д̇з анавасзсаанам̣ бад̣̇ад̇т̇аанам̣ анубад̣̇авижааран̣аа вижаяо хааро, вижаяахаарасам̣ван̣н̣анааяа нид̣̇д̇хаарид̇зсу ад̇т̇зсу яуд̇д̇иг̇авзсанам̣ сугаранд̇и ааха – ‘‘саб̣б̣ам̣ д̇ам̣ вижаязна хаарзна вижинид̇ваа яуд̇д̇ихаарзна яож̇зд̇аб̣б̣а’’нд̇и. яаавад̇игаа н̃аан̣асса бхуумийд̇и сам̣ван̣н̣знд̇асса аажарияасса яам̣ н̃аан̣ам̣ яам̣ бадибхаанам̣, д̇асса яад̇д̇аго висаяо, д̇ад̇д̇аго яуд̇д̇ихааравижаарод̇и ад̇т̇о. д̇ам̣ гисса хзд̇у? ананд̇анаяо саманд̇абхад̣̇д̣̇аго вимад̣̇д̣̇агкамо вижид̇д̇ад̣̇зсано жа сад̣̇д̇хаммод̇и.
Tattha evanti iminā nayena. Yaṃ kiñcīti aññampi yaṃ kiñci. Anulomappahānanti pahānassa anurūpaṃ, pahānasamatthanti attho. Sutte anavasesānaṃ padatthānaṃ anupadavicāraṇā vicayo hāro, vicayahārasaṃvaṇṇanāya niddhāritesu atthesu yuttigavesanaṃ sukaranti āha – ‘‘sabbaṃ taṃ vicayena hārena vicinitvā yuttihārena yojetabba’’nti. Yāvatikā ñāṇassa bhūmīti saṃvaṇṇentassa ācariyassa yaṃ ñāṇaṃ yaṃ paṭibhānaṃ, tassa yattako visayo, tattako yuttihāravicāroti attho. Taṃ kissa hetu? Anantanayo samantabhaddako vimaddakkhamo vicittadesano ca saddhammoti.
звам̣ наяад̣̇ассанавасзнзва яуд̇д̇ихаараяож̇анаа д̣̇ассид̇аад̇и д̇ам̣ б̣рахмавихаарапаласамаабад̇д̇инаваанубуб̣б̣асамаабад̇д̇ивасибхаавзхи вибхаж̇ид̇ваа д̣̇ассзд̇ум̣ ‘‘мзд̇д̇аавихаарисса сад̇о’’д̇иаад̣̇и аарад̣̇д̇хам̣. д̇ад̇т̇а мзд̇д̇аавихаариссаад̇и мзд̇д̇аавихааралаабхино. сад̇од̇и самаанасса, д̇ат̇аабхууд̇ассаад̇и ад̇т̇о. б̣яаабаад̣̇од̇и бад̣̇осо. жид̇д̇ам̣ барияаад̣̇ааяа тассад̇ийд̇и жид̇д̇ам̣ абхибхависсад̇и. яасмаа бана гусалаагусалаанам̣ д̇хаммаанам̣ абуб̣б̣ам̣ ажаримам̣ бавад̇д̇и наама над̇т̇и, д̇асмаа самаабад̇д̇ид̇о вудтаанасса абарабхааг̇зд̇и д̣̇ассанад̇т̇ам̣ ‘‘тассад̇ий’’д̇и вуд̇д̇ам̣. на яуж̇ж̇ад̇и д̣̇зсанаад̇и б̣яаабаад̣̇абадибагкад̇д̇аа мзд̇д̇ааяа д̇аад̣̇исий гат̇аа на яуд̇д̇аад̇и ад̇т̇о. б̣яаабаад̣̇о бахаанам̣ аб̣бхад̇т̇ам̣ г̇ажчад̇ийд̇и яуж̇ж̇ад̇и д̣̇зсанаад̇и яат̇аавуд̇д̇агааран̣ад̇о зва аяам̣ гат̇аа яуд̇д̇аад̇и. сзсаваарзсуби иминаава наязна ад̇т̇о взд̣̇ид̇аб̣б̣о. ануд̇д̇аанам̣ зва ван̣н̣аяиссаама.
Evaṃ nayadassanavaseneva yuttihārayojanā dassitāti taṃ brahmavihāraphalasamāpattinavānupubbasamāpattivasibhāvehi vibhajitvā dassetuṃ ‘‘mettāvihārissa sato’’tiādi āraddhaṃ. Tattha mettāvihārissāti mettāvihāralābhino. Satoti samānassa, tathābhūtassāti attho. Byāpādoti padoso. Cittaṃ pariyādāya ṭhassatīti cittaṃ abhibhavissati. Yasmā pana kusalākusalānaṃ dhammānaṃ apubbaṃ acarimaṃ pavatti nāma natthi, tasmā samāpattito vuṭṭhānassa aparabhāgeti dassanatthaṃ ‘‘ṭhassatī’’ti vuttaṃ. Na yujjati desanāti byāpādapaṭipakkhattā mettāya tādisī kathā na yuttāti attho. Byāpādo pahānaṃ abbhatthaṃ gacchatīti yujjati desanāti yathāvuttakāraṇato eva ayaṃ kathā yuttāti. Sesavāresupi imināva nayena attho veditabbo. Anuttānaṃ eva vaṇṇayissāma.
анимид̇д̇авихаариссаад̇и анижжаанубассанаамукзна бадилад̣̇д̇хапаласамаабад̇д̇ивихаарасса. нимид̇д̇аанусаарийд̇и сан̇кааранимид̇д̇аанусаарий. д̇зна д̇знзваад̇и нижжаад̣̇ийсу яам̣ яам̣ бахийнам̣, д̇зна д̇знзва нимид̇д̇зна. асмийд̇и виг̇ад̇анд̇и бан̃жасу убаад̣̇аанагканд̇хзсу д̣̇идтимаанавасзна яам̣ асмийд̇и ман̃н̃ид̇ам̣, д̇ам̣ виг̇ад̇ам̣. д̇амзвад̇т̇ам̣ виварад̇и ‘‘аяамахамасмийд̇и на саманубассаамий’’д̇и. вижигижчаагат̇ам̣гат̇аасалланд̇и винаяагуггужжассааби гат̇ам̣ гат̇анд̇и бавад̇д̇исаб̣бхаавад̇о вижигижчаабад̣̇зна висзсид̇ам̣. на яуж̇ж̇ад̇и д̣̇зсанаад̇и вижигижчааяа бахаанзгадтабхаавад̇о на яуд̇д̇ааяам̣ гат̇аа.
Animittavihārissāti aniccānupassanāmukhena paṭiladdhaphalasamāpattivihārassa. Nimittānusārīti saṅkhāranimittānusārī. Tena tenevāti niccādīsu yaṃ yaṃ pahīnaṃ, tena teneva nimittena. Asmīti vigatanti pañcasu upādānakkhandhesu diṭṭhimānavasena yaṃ asmīti maññitaṃ, taṃ vigataṃ. Tamevatthaṃ vivarati ‘‘ayamahamasmīti na samanupassāmī’’ti. Vicikicchākathaṃkathāsallanti vinayakukkuccassāpi kathaṃ kathanti pavattisabbhāvato vicikicchāpadena visesitaṃ. Na yujjati desanāti vicikicchāya pahānekaṭṭhabhāvato na yuttāyaṃ kathā.
батамам̣ жхаанам̣ самаабаннассаад̇и батамаж̇жхаанасаман̇г̇ино. гаамарааг̇аб̣яаабаад̣̇аа висзсааяа сам̣вад̇д̇анд̇ийд̇и на яуж̇ж̇ад̇ийд̇и яасмаа нийваран̣зсу аббахийнзсу батамаж̇жхаанасса убажаарамби на самбаж̇ж̇ад̇и, баг̇зва жхаанам̣, д̇асмаа гаамарааг̇аб̣яаабаад̣̇аа висзсааяа д̣̇уд̇ияаж̇жхаанааяа сам̣вад̇д̇анд̇ийд̇и на яуд̇д̇ааяам̣ гат̇аа. яат̇аалад̣̇д̇хасса бана батамаж̇жхаанасса гаамарааг̇аб̣яаабаад̣̇аа барияудтаанаббад̇д̇аа хаанааяа сам̣вад̇д̇анд̇ийд̇и яуж̇ж̇ад̇и д̣̇зсанаа яуд̇д̇аа гат̇аад̇и, звам̣ саб̣б̣ад̇т̇а яож̇зд̇аб̣б̣ам̣. авид̇аггасахаг̇ад̇аа сан̃н̃ааманасигаараа наама саха убажаарзна д̣̇уд̇ияаж̇жхаанад̇хаммаа, аарамман̣агаран̣ад̇т̇о хзд̇т̇а сахаг̇ад̇а-сад̣̇д̣̇о. хаанааяаад̇и батамаж̇жхаанад̇о барихаанааяа. висзсааяаад̇и д̣̇уд̇ияаж̇жхаанааяа. иминаа наязна д̇ад̇т̇а д̇ад̇т̇а хаананд̇и, висзсод̇и жа вуд̇д̇ад̇хаммаа взд̣̇ид̇аб̣б̣аа. вид̇аггавижаарасахаг̇ад̇аад̇и батамаж̇жхаанад̇хаммаа, гаамааважарад̇хаммаа зва ваа. убзгкаасукасахаг̇ад̇аад̇и убажаарзна сад̣̇д̇хим̣ д̣̇уд̇ияаж̇жхаанад̇хаммаа, д̇ад̇рамаж̇жхад̇д̇убзгкаа хи ид̇ха убзгкаад̇и ад̇хиббзд̇аа. бийд̇исукасахаг̇ад̇аад̇и саха убажаарзна д̇ад̇ияаж̇жхаанад̇хаммаа. убзгкаасад̇ибаарисуд̣̇д̇хисахаг̇ад̇аад̇и жад̇уд̇т̇аж̇жхаанад̇хаммаа.
Paṭhamaṃ jhānaṃ samāpannassāti paṭhamajjhānasamaṅgino. Kāmarāgabyāpādā visesāya saṃvattantīti na yujjatīti yasmā nīvaraṇesu appahīnesu paṭhamajjhānassa upacārampi na sampajjati, pageva jhānaṃ, tasmā kāmarāgabyāpādā visesāya dutiyajjhānāya saṃvattantīti na yuttāyaṃ kathā. Yathāladdhassa pana paṭhamajjhānassa kāmarāgabyāpādā pariyuṭṭhānappattā hānāya saṃvattantīti yujjati desanā yuttā kathāti, evaṃ sabbattha yojetabbaṃ. Avitakkasahagatā saññāmanasikārā nāma saha upacārena dutiyajjhānadhammā, ārammaṇakaraṇattho hettha sahagata-saddo. Hānāyāti paṭhamajjhānato parihānāya. Visesāyāti dutiyajjhānāya. Iminā nayena tattha tattha hānanti, visesoti ca vuttadhammā veditabbā. Vitakkavicārasahagatāti paṭhamajjhānadhammā, kāmāvacaradhammā eva vā. Upekkhāsukhasahagatāti upacārena saddhiṃ dutiyajjhānadhammā, tatramajjhattupekkhā hi idha upekkhāti adhippetā. Pītisukhasahagatāti saha upacārena tatiyajjhānadhammā. Upekkhāsatipārisuddhisahagatāti catutthajjhānadhammā.
сан̃н̃уубажаараад̇и бадусан̃н̃аагижжам̣ гаронд̇аа зва яз гзжи жид̇д̇уббаад̣̇аа, ‘‘аагин̃жан̃н̃ааяад̇анад̇хаммаа’’д̇иби вад̣̇анд̇и. сан̃н̃аавзд̣̇аяид̇анирод̇хасахаг̇ад̇аад̇и ‘‘сан̃н̃аавзд̣̇аяид̇анирод̇хам̣ убасамбаж̇ж̇а вихариссаамий’’д̇и д̇асса баригаммавасзна бавад̇д̇ад̇хаммаа. д̇з бана яасмаа нзвасан̃н̃аанаасан̃н̃ааяад̇анасамаабад̇д̇ияам̣ тид̇знзва саггаа сан̃н̃аавзд̣̇аяид̇анирод̇хам̣ убасамбаж̇ж̇а вихарид̇ум̣, на д̇ад̇о барихийнзна, д̇асмаа нзвасан̃н̃аанаасан̃н̃ааяад̇анасамаабад̇д̇ияаа хаанааяа сам̣вад̇д̇анд̇ийд̇и на яуд̇д̇аа гат̇аа. висзсааяа сам̣вад̇д̇анд̇ийд̇и бана яуд̇д̇аа гат̇аад̇и ааха – ‘‘хаанааяа…бз… д̣̇зсанаа’’д̇и. галлад̇аабарижид̇анд̇и самад̇т̇абхаавзна барижид̇ам̣, яат̇аавуд̇д̇асамаабад̇д̇ийсу васибхаавзна барижид̇анд̇и ад̇т̇о. д̇знзвааха – ‘‘абхинийхаарам̣ камад̇ий’’д̇и. сзсам̣ саб̣б̣ам̣ уд̇д̇аанамзва.
Saññūpacārāti paṭusaññākiccaṃ karontā eva ye keci cittuppādā, ‘‘ākiñcaññāyatanadhammā’’tipi vadanti. Saññāvedayitanirodhasahagatāti ‘‘saññāvedayitanirodhaṃ upasampajja viharissāmī’’ti tassa parikammavasena pavattadhammā. Te pana yasmā nevasaññānāsaññāyatanasamāpattiyaṃ ṭhiteneva sakkā saññāvedayitanirodhaṃ upasampajja viharituṃ, na tato parihīnena, tasmā nevasaññānāsaññāyatanasamāpattiyā hānāya saṃvattantīti na yuttā kathā. Visesāya saṃvattantīti pana yuttā kathāti āha – ‘‘hānāya…pe… desanā’’ti. Kallatāparicitanti samatthabhāvena paricitaṃ, yathāvuttasamāpattīsu vasibhāvena paricitanti attho. Tenevāha – ‘‘abhinīhāraṃ khamatī’’ti. Sesaṃ sabbaṃ uttānameva.
аби жзд̇т̇а аббадиггууласан̃н̃аамукзна гаамажчанд̣̇о ван̃жзд̇ийд̇и яуж̇ж̇ад̇и. бадиггууласан̃н̃аабад̇ируубад̇ааяа б̣яаабаад̣̇о ван̃жзд̇ийд̇и яуж̇ж̇ад̇и. самаад̇химукзна т̇инамид̣̇д̇хам̣ ван̃жзд̇ийд̇и яуж̇ж̇ад̇и. вийрияаарамбхамукзна уд̣̇д̇хажжам̣ ван̃жзд̇ийд̇и яуж̇ж̇ад̇и. сигкаагаамад̇аамукзна гуггужжам̣ ван̃жзд̇ийд̇и яуж̇ж̇ад̇и. убхаяабагкасанд̇ийран̣амукзна вижигижчаа ван̃жзд̇ийд̇и яуж̇ж̇ад̇и. идтаанидтасамубзгканамукзна саммохо ван̃жзд̇ийд̇и яуж̇ж̇ад̇и. ад̇д̇ан̃н̃уд̇аамукзна ад̇д̇ани абарибхаванз маано ван̃жзд̇ийд̇и яуж̇ж̇ад̇и. виймам̣саамукзна хзд̇убад̇ируубагабариг̇г̇ахзна мижчаад̣̇идти ван̃жзд̇ийд̇и яуж̇ж̇ад̇и. вирад̇д̇ад̇аабад̇ируубагзна сад̇д̇зсу ад̣̇аяаабаннад̇аа ван̃жзд̇ийд̇и яуж̇ж̇ад̇и. анун̃н̃аад̇абадисзванабад̇ируубад̇ааяа гаамасукаллигаануяог̇о ван̃жзд̇ийд̇и яуж̇ж̇ад̇и. ааж̇ийвабаарисуд̣̇д̇хибад̇ируубад̇ааяа асам̣вибхааг̇асийлад̇аа ван̃жзд̇ийд̇и яуж̇ж̇ад̇и. сам̣вибхааг̇асийлад̇аабад̇ируубад̇ааяа мижчааж̇ийво ван̃жзд̇ийд̇и яуж̇ж̇ад̇и. асам̣саг̇г̇авихаарид̇аабад̇ируубад̇ааяа асан̇г̇ахасийлад̇аа ван̃жзд̇ийд̇и яуж̇ж̇ад̇и. сан̇г̇ахасийлад̇аабад̇ируубад̇ааяа анануломигасам̣саг̇г̇о ван̃жзд̇ийд̇и яуж̇ж̇ад̇и. сажжаваад̣̇ид̇аабад̇ируубад̇ааяа бисун̣аваажаа ван̃жзд̇ийд̇и яуж̇ж̇ад̇и. абисун̣аваад̣̇ид̇аабад̇ируубад̇ааяа анад̇т̇агаамад̇аа ван̃жзд̇ийд̇и яуж̇ж̇ад̇и. бияаваад̣̇ид̇аабад̇ируубад̇ааяа жаадугамяад̇аа ван̃жзд̇ийд̇и яуж̇ж̇ад̇и. мид̇абхаан̣ид̇аабад̇ируубад̇ааяа асаммод̣̇анасийлад̇аа ван̃жзд̇ийд̇и яуж̇ж̇ад̇и. саммод̣̇анасийлад̇аабад̇ируубад̇ааяа мааяаа саатзяяан̃жа ван̃жзд̇ийд̇и яуж̇ж̇ад̇и. ниг̇г̇аяхаваад̣̇ид̇аабад̇ируубад̇ааяа парусаваажад̇аа ван̃жзд̇ийд̇и яуж̇ж̇ад̇и. баабаг̇арахид̇аабад̇ируубад̇ааяа бараваж̇ж̇аанубассид̇аа ван̃жзд̇ийд̇и яуж̇ж̇ад̇и. гулаануд̣̇д̇хаяад̇аабад̇ируубад̇ааяа гуламажчарияам̣ ван̃жзд̇ийд̇и яуж̇ж̇ад̇и. ааваасажирадтид̇игаамад̇аамукзна ааваасамажчарияам̣ ван̃жзд̇ийд̇и яуж̇ж̇ад̇и. д̇хаммабариб̣анд̇хабарихаран̣амукзна д̇хаммамажчарияам̣ ван̃жзд̇ийд̇и яуж̇ж̇ад̇и. д̇хаммад̣̇зсанаабхирад̇имукзна бхассаараамад̇аа ван̃жзд̇ийд̇и яуж̇ж̇ад̇и. апарусаваажад̇ааг̇ан̣аануг̇г̇ахагаран̣амукзна сан̇г̇ан̣игаараамад̇аа ван̃жзд̇ийд̇и яуж̇ж̇ад̇и. бун̃н̃агаамад̇аабад̇ируубад̇ааяа гаммаараамад̇аа ван̃жзд̇ийд̇и яуж̇ж̇ад̇и. сам̣взг̇абад̇ируубзна жид̇д̇асанд̇аабо ван̃жзд̇ийд̇и яуж̇ж̇ад̇и. сад̣̇д̇хаалуд̇аабад̇ируубад̇ааяа абаригкад̇аа ван̃жзд̇ийд̇и яуж̇ж̇ад̇и. виймам̣санаабад̇ируубзна ассад̣̇д̇хияам̣ ван̃жзд̇ийд̇и яуж̇ж̇ад̇и. ад̇д̇аад̇хибад̇зяяабад̇ируубзна г̇аруунам̣ анусаасанияаа аббад̣̇агкин̣аг̇г̇аахид̇аа ван̃жзд̇ийд̇и яуж̇ж̇ад̇и. д̇хаммаад̇хибад̇зяяабад̇ируубзна саб̣рахмажаарийсу аг̇ааравам̣ ван̃жзд̇ийд̇и яуж̇ж̇ад̇и. логаад̇хибад̇зяяабад̇ируубзна ад̇д̇ани д̇хаммз жа барибхаво ван̃жзд̇ийд̇и яуж̇ж̇ад̇и. мзд̇д̇ааяанаамукзна рааг̇о ван̃жзд̇ийд̇и яуж̇ж̇ад̇и. гарун̣ааяанаабад̇ируубзна сого ван̃жзд̇ийд̇и яуж̇ж̇ад̇и. муд̣̇ид̇аавихаарабад̇ируубзна бахаасо ван̃жзд̇ийд̇и яуж̇ж̇ад̇и. убзгкаавихаарабад̇ируубзна гусалзсу д̇хаммзсу нигкид̇д̇ачанд̣̇ад̇аа ван̃жзд̇ийд̇и яуж̇ж̇ад̇и. звам̣ ааг̇амабад̇ируубагаад̇хиг̇амабад̇ируубагаад̣̇ийнамби д̇ат̇аа д̇ат̇аа ван̃жанасабхааво яуд̇д̇ид̇о взд̣̇ид̇аб̣б̣о. звам̣ ааг̇амаанусаарзна яуд̇д̇иг̇авзсанаа гаад̇аб̣б̣аад̇и.
Api cettha appaṭikkūlasaññāmukhena kāmacchando vañcetīti yujjati. Paṭikkūlasaññāpatirūpatāya byāpādo vañcetīti yujjati. Samādhimukhena thinamiddhaṃ vañcetīti yujjati. Vīriyārambhamukhena uddhaccaṃ vañcetīti yujjati. Sikkhākāmatāmukhena kukkuccaṃ vañcetīti yujjati. Ubhayapakkhasantīraṇamukhena vicikicchā vañcetīti yujjati. Iṭṭhāniṭṭhasamupekkhanamukhena sammoho vañcetīti yujjati. Attaññutāmukhena attani aparibhavane māno vañcetīti yujjati. Vīmaṃsāmukhena hetupatirūpakapariggahena micchādiṭṭhi vañcetīti yujjati. Virattatāpatirūpakena sattesu adayāpannatā vañcetīti yujjati. Anuññātapaṭisevanapatirūpatāya kāmasukhallikānuyogo vañcetīti yujjati. Ājīvapārisuddhipatirūpatāya asaṃvibhāgasīlatā vañcetīti yujjati. Saṃvibhāgasīlatāpatirūpatāya micchājīvo vañcetīti yujjati. Asaṃsaggavihāritāpatirūpatāya asaṅgahasīlatā vañcetīti yujjati. Saṅgahasīlatāpatirūpatāya ananulomikasaṃsaggo vañcetīti yujjati. Saccavāditāpatirūpatāya pisuṇavācā vañcetīti yujjati. Apisuṇavāditāpatirūpatāya anatthakāmatā vañcetīti yujjati. Piyavāditāpatirūpatāya cāṭukamyatā vañcetīti yujjati. Mitabhāṇitāpatirūpatāya asammodanasīlatā vañcetīti yujjati. Sammodanasīlatāpatirūpatāya māyā sāṭheyyañca vañcetīti yujjati. Niggayhavāditāpatirūpatāya pharusavācatā vañcetīti yujjati. Pāpagarahitāpatirūpatāya paravajjānupassitā vañcetīti yujjati. Kulānuddhayatāpatirūpatāya kulamacchariyaṃ vañcetīti yujjati. Āvāsaciraṭṭhitikāmatāmukhena āvāsamacchariyaṃ vañcetīti yujjati. Dhammaparibandhapariharaṇamukhena dhammamacchariyaṃ vañcetīti yujjati. Dhammadesanābhiratimukhena bhassārāmatā vañcetīti yujjati. Apharusavācatāgaṇānuggahakaraṇamukhena saṅgaṇikārāmatā vañcetīti yujjati. Puññakāmatāpatirūpatāya kammārāmatā vañcetīti yujjati. Saṃvegapatirūpena cittasantāpo vañcetīti yujjati. Saddhālutāpatirūpatāya aparikkhatā vañcetīti yujjati. Vīmaṃsanāpatirūpena assaddhiyaṃ vañcetīti yujjati. Attādhipateyyapatirūpena garūnaṃ anusāsaniyā appadakkhiṇaggāhitā vañcetīti yujjati. Dhammādhipateyyapatirūpena sabrahmacārīsu agāravaṃ vañcetīti yujjati. Lokādhipateyyapatirūpena attani dhamme ca paribhavo vañcetīti yujjati. Mettāyanāmukhena rāgo vañcetīti yujjati. Karuṇāyanāpatirūpena soko vañcetīti yujjati. Muditāvihārapatirūpena pahāso vañcetīti yujjati. Upekkhāvihārapatirūpena kusalesu dhammesu nikkhittachandatā vañcetīti yujjati. Evaṃ āgamapatirūpakaadhigamapatirūpakādīnampi tathā tathā vañcanasabhāvo yuttito veditabbo. Evaṃ āgamānusārena yuttigavesanā kātabbāti.
яуд̇д̇ихааравибхан̇г̇аван̣н̣анаа нидтид̇аа.
Yuttihāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 3. яуд̇д̇ихааравибхан̇г̇о • 3. Yuttihāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 3. яуд̇д̇ихааравибхан̇г̇аван̣н̣анаа • 3. Yuttihāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 3. яуд̇д̇ихааравибхан̇г̇авибхааванаа • 3. Yuttihāravibhaṅgavibhāvanā
