| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
3. яуд̇д̇ихааравибхан̇г̇авибхааванаа
3. Yuttihāravibhaṅgavibhāvanā
18. язна язна сам̣ван̣н̣анаависзсабхууд̇зна вижаяахааравибхан̇г̇зна бад̣̇абан̃хаад̣̇аяо вижид̇аа, со сам̣ван̣н̣анаависзсабхууд̇о вижаяахааравибхан̇г̇о барибун̣н̣о, ‘‘гад̇амо яуд̇д̇ихааравибхан̇г̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо яуд̇д̇ихааро’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу нид̣̇д̣̇идтзсу сол̣асасу хаарзсу гад̇амо сам̣ван̣н̣анаависзсо яуд̇д̇ихааро яуд̇д̇ихааравибхан̇г̇од̇и бужчи. ‘‘саб̣б̣зсам̣ хаараана’’нд̇иаад̣̇инид̣̇д̣̇зсасса ид̣̇аани вужжамаано ‘‘аяам̣ яуд̇д̇ихааро’’д̇иаад̣̇иго вид̇т̇аарасам̣ван̣н̣анаависзсо яуд̇д̇ихааравибхан̇г̇о наамаад̇и вин̃н̃зяяо. д̇зна вуд̇д̇ам̣ ‘‘д̇ад̇т̇а гад̇амо яуд̇д̇ихаарод̇иаад̣̇и яуд̇д̇ихааравибхан̇г̇о’’д̇и (нзд̇д̇и. адта. 18). аяам̣ яуд̇д̇ихааро гим̣ наама суд̇д̇ад̇т̇ам̣ яуд̇д̇ааяуд̇д̇ивасзна яож̇аяад̇ийд̇и яун̃ж̇ид̇аб̣б̣ам̣ суд̇д̇ад̇т̇ам̣ бужчад̇и. суд̇д̇ад̇т̇о бана д̣̇увид̇хо ад̇ат̇аагаарзна г̇аяхамаано, д̇ат̇аагаарзна г̇аяхамаано ад̇т̇од̇и. д̇ад̇т̇а ад̇ат̇аагаарзна г̇аяхамаанова ад̇т̇о яаат̇аавад̇о яуд̇д̇инид̣̇д̇хааран̣зна яож̇зд̇аб̣б̣о, ид̇аро бана бхууд̇агат̇анамад̇д̇зна яож̇зд̇аб̣б̣о. яасмаа банааяам̣ яуд̇д̇иг̇авзсанаа наама сам̣ван̣н̣анаа махаабад̣̇зсзхи винаа на самбхавад̇и, д̇асмаа яуд̇д̇ихаарам̣ вибхаж̇анд̇о д̇асса яуд̇д̇ихаарасса лагкан̣ам̣ батамам̣ убад̣̇исид̇ум̣ ‘‘жад̇д̇ааро махаабад̣̇зсаа’’д̇иаад̣̇имааха. д̇ад̇т̇а махаабад̣̇зсаад̇и маханд̇з б̣уд̣̇д̇хаад̣̇аяо абад̣̇исид̇ваа вуд̇д̇аани гааран̣аани, маханд̇аани ваа д̇хаммасса абад̣̇зсаани бад̇идтаанаани. абад̣̇исийяад̇зд̇и абад̣̇зсо, б̣уд̣̇д̇хо абад̣̇зсо зд̇асса гааран̣ассаад̇и б̣уд̣̇д̇хаабад̣̇зсо. сзсзсуби зсзва наяо нзд̇аб̣б̣о. ‘‘б̣уд̣̇д̇хасса саммукаа зд̇ам̣ суд̇д̇ам̣ маяаа суд̇а’’нд̇и вад̇ваа аабхад̇асса г̇ант̇асса суд̇д̇авинаязхи сам̣санд̣̇анам̣ д̇хаммо, асам̣санд̣̇анам̣ ад̇хаммод̇и винижчаяагааран̣ам̣ махаабад̣̇зсод̇и ад̇хиббааяо. ‘‘б̣уд̣̇д̇хасса саммукаа маяаа аабхад̇ам̣, сан̇гхасса саммукаа маяаа аабхад̇ам̣, самб̣ахулад̇т̇зраанам̣ саммукаа маяаа аабхад̇ам̣, згад̇т̇зрасса саммукаа маяаа аабхад̇а’’нд̇и вад̇ваа аабхад̇асса г̇ант̇асса яаани б̣яан̃ж̇анабад̣̇аад̇т̇абад̣̇аани санд̇и, д̇аани бад̣̇аб̣яан̃ж̇анаани бхаг̇авад̇аа д̣̇зсид̇з суд̇д̇з од̇араяид̇аб̣б̣аани ануббавзсид̇аани, винаяз рааг̇аад̣̇ивинаяз санд̣̇ассаяид̇аб̣б̣аани сам̣санд̣̇зд̇аб̣б̣аани. д̇хаммад̇ааяам̣ убанигкибид̇аб̣б̣аани багкибид̇аб̣б̣аани. яад̣̇и суд̇д̇ад̇т̇зна, винаяад̇т̇зна, д̇хаммад̇ааяа жа авируд̣̇д̇хаани хонд̇и, звам̣ сад̇и д̇ава аабхад̇абад̣̇аб̣яан̃ж̇анаани яуд̇д̇аанийд̇и винижчаяанд̇зхи вад̇ваа г̇ахзд̇аб̣б̣аанийд̇и ад̇хиббааяо.
18. Yena yena saṃvaṇṇanāvisesabhūtena vicayahāravibhaṅgena padapañhādayo vicitā, so saṃvaṇṇanāvisesabhūto vicayahāravibhaṅgo paripuṇṇo, ‘‘katamo yuttihāravibhaṅgo’’ti pucchitabbattā ‘‘tattha katamo yuttihāro’’tiādi vuttaṃ. Tattha tatthāti tesu niddiṭṭhesu soḷasasu hāresu katamo saṃvaṇṇanāviseso yuttihāro yuttihāravibhaṅgoti pucchi. ‘‘Sabbesaṃ hārāna’’ntiādiniddesassa idāni vuccamāno ‘‘ayaṃ yuttihāro’’tiādiko vitthārasaṃvaṇṇanāviseso yuttihāravibhaṅgo nāmāti viññeyyo. Tena vuttaṃ ‘‘tattha katamo yuttihārotiādi yuttihāravibhaṅgo’’ti (netti. aṭṭha. 18). Ayaṃ yuttihāro kiṃ nāma suttatthaṃ yuttāyuttivasena yojayatīti yuñjitabbaṃ suttatthaṃ pucchati. Suttattho pana duvidho atathākārena gayhamāno, tathākārena gayhamāno atthoti. Tattha atathākārena gayhamānova attho yāthāvato yuttiniddhāraṇena yojetabbo, itaro pana bhūtakathanamattena yojetabbo. Yasmā panāyaṃ yuttigavesanā nāma saṃvaṇṇanā mahāpadesehi vinā na sambhavati, tasmā yuttihāraṃ vibhajanto tassa yuttihārassa lakkhaṇaṃ paṭhamaṃ upadisituṃ ‘‘cattāro mahāpadesā’’tiādimāha. Tattha mahāpadesāti mahante buddhādayo apadisitvā vuttāni kāraṇāni, mahantāni vā dhammassa apadesāni patiṭṭhānāni. Apadisīyateti apadeso, buddho apadeso etassa kāraṇassāti buddhāpadeso. Sesesupi eseva nayo netabbo. ‘‘Buddhassa sammukhā etaṃ suttaṃ mayā suta’’nti vatvā ābhatassa ganthassa suttavinayehi saṃsandanaṃ dhammo, asaṃsandanaṃ adhammoti vinicchayakāraṇaṃ mahāpadesoti adhippāyo. ‘‘Buddhassa sammukhā mayā ābhataṃ, saṅghassa sammukhā mayā ābhataṃ, sambahulattherānaṃ sammukhā mayā ābhataṃ, ekattherassa sammukhā mayā ābhata’’nti vatvā ābhatassa ganthassa yāni byañjanapadaatthapadāni santi, tāni padabyañjanāni bhagavatā desite sutte otarayitabbāni anuppavesitāni, vinaye rāgādivinaye sandassayitabbāni saṃsandetabbāni. Dhammatāyaṃ upanikkhipitabbāni pakkhipitabbāni. Yadi suttatthena, vinayatthena, dhammatāya ca aviruddhāni honti, evaṃ sati tava ābhatapadabyañjanāni yuttānīti vinicchayantehi vatvā gahetabbānīti adhippāyo.
суд̇д̇авинаяад̇хаммад̇аасу од̇араяид̇аб̣б̣аани санд̣̇ассаяид̇аб̣б̣аани убанигкибид̇аб̣б̣аанийд̇и аажариязна вуд̇д̇аани, ‘‘гад̇т̇а суд̇д̇з, гад̇т̇а винаяз, гад̇т̇а д̇хаммад̇ааяа’’нд̇и вад̇д̇аб̣б̣ад̇д̇аа ‘‘гад̇амасмим̣ суд̇д̇з’’д̇иаад̣̇и вуд̇д̇ам̣. д̇ад̇т̇а жад̇уусу арияасажжзсууд̇и жад̇уннам̣ арияасажжаанам̣ д̣̇ассанагзсу суд̇д̇зсу. рааг̇о винассад̇и вуубасамад̇и зд̇зна асубхаад̣̇инаад̇и рааг̇авинаяам̣, гим̣ д̇ам̣? асубхаад̣̇инимид̇д̇ам̣, д̇ам̣ асса ад̇т̇ийд̇и рааг̇авинаяо, го со? асубхаад̣̇инимид̇д̇ад̣̇ассанаго суд̇д̇анд̇ависзсо. зса наяо д̣̇осавинаяод̇иаад̣̇ийсуби. бадижжасамуббаад̣̇о наама сассад̇ад̣̇идтиужчзд̣̇ад̣̇идтим̣ виваж̇ж̇зд̇ваа згад̇д̇анаяаад̣̇ийнам̣ д̣̇ийбанзна авиж̇ж̇аад̣̇исан̇каараад̣̇исабхаавад̇хаммаанам̣ бажжаяабажжаяуббаннабхаавад̣̇ийбагод̇и вуд̇д̇ам̣ ‘‘гад̇амиссам̣ д̇хаммад̇ааяам̣ убанигкибид̇аб̣б̣аани? бадижжасамуббаад̣̇з’’д̇и.
Suttavinayadhammatāsu otarayitabbāni sandassayitabbāni upanikkhipitabbānīti ācariyena vuttāni, ‘‘kattha sutte, kattha vinaye, kattha dhammatāya’’nti vattabbattā ‘‘katamasmiṃ sutte’’tiādi vuttaṃ. Tattha catūsu ariyasaccesūti catunnaṃ ariyasaccānaṃ dassanakesu suttesu. Rāgo vinassati vūpasamati etena asubhādināti rāgavinayaṃ, kiṃ taṃ? Asubhādinimittaṃ, taṃ assa atthīti rāgavinayo, ko so? Asubhādinimittadassanako suttantaviseso. Esa nayo dosavinayotiādīsupi. Paṭiccasamuppādo nāma sassatadiṭṭhiucchedadiṭṭhiṃ vivajjetvā ekattanayādīnaṃ dīpanena avijjādisaṅkhārādisabhāvadhammānaṃ paccayapaccayuppannabhāvadīpakoti vuttaṃ ‘‘katamissaṃ dhammatāyaṃ upanikkhipitabbāni? Paṭiccasamuppāde’’ti.
‘‘суд̇д̇аад̣̇ийсу авад̇аранд̇з санд̣̇иссанд̇з авиломзнд̇з гим̣ на ж̇анзд̇ий’’д̇и вад̇д̇аб̣б̣ад̇о ‘‘жад̇уусуу’’д̇иаад̣̇и вуд̇д̇ам̣. д̇ад̇т̇а ‘‘б̣уд̣̇д̇хаад̣̇ийнам̣ саммукаа маяаа аабхад̇а’’нд̇и вад̇ваа аабхад̇аг̇ант̇о жад̇уусу арияасажжзсу яад̣̇и авад̇арад̇и, звам̣ сад̇и аабхад̇аг̇ант̇о аасавз на ж̇анзд̇и. рааг̇аад̣̇игилзсавинаяз яад̣̇и санд̣̇иссад̇и, звам̣ сад̇и аабхад̇аг̇ант̇о аасавз на ж̇анзд̇и. д̇хаммад̇ан̃жа яад̣̇и на виломзд̇и, звам̣ сад̇и аабхад̇аг̇ант̇о аасавз на ж̇анзд̇ийд̇и ад̇т̇о д̣̇адтаб̣б̣о.
‘‘Suttādīsu avatarante sandissante avilomente kiṃ na janetī’’ti vattabbato ‘‘catūsū’’tiādi vuttaṃ. Tattha ‘‘buddhādīnaṃ sammukhā mayā ābhata’’nti vatvā ābhatagantho catūsu ariyasaccesu yadi avatarati, evaṃ sati ābhatagantho āsave na janeti. Rāgādikilesavinaye yadi sandissati, evaṃ sati ābhatagantho āsave na janeti. Dhammatañca yadi na vilometi, evaṃ sati ābhatagantho āsave na janetīti attho daṭṭhabbo.
‘‘гимад̇т̇ам̣ яуд̇д̇ихааравибхан̇г̇з жад̇д̇ааро махаабад̣̇зсаа аабхад̇аа’’д̇и вад̇д̇аб̣б̣ад̇д̇аа ‘‘жад̇уухи махаабад̣̇зсзхий’’д̇иаад̣̇имааха. д̇ад̇т̇а аабхад̇аг̇ант̇з яам̣ яам̣ ад̇т̇аж̇аад̇ам̣, яам̣ яам̣ д̇хаммаж̇аад̇ам̣ ваа жад̇уухи махаабад̣̇зсзхи яуж̇ж̇ад̇и, д̇ам̣ д̇ам̣ ад̇т̇аж̇аад̇ам̣ ваа д̇ам̣ д̇ам̣ д̇хаммаж̇аад̇ам̣ ваа сам̣ван̣н̣зд̇аб̣б̣асуд̇д̇з г̇ахзд̇аб̣б̣ам̣. язна язна гааран̣зна жа жад̇уухи махаабад̣̇зсзхи яуж̇ж̇ад̇и, д̇ам̣ д̇ам̣ гааран̣ам̣ сам̣ван̣н̣анаавасзна сам̣ван̣н̣зд̇аб̣б̣асуд̇д̇з г̇ахзд̇аб̣б̣ам̣. яат̇аа яат̇аа багаарзна жад̇уухи махаабад̣̇зсзхи яуж̇ж̇ад̇и, со со багааро сам̣ван̣н̣анаавасзна сам̣ван̣н̣зд̇аб̣б̣асуд̇д̇з г̇ахзд̇аб̣б̣о. звам̣ г̇аахан̣ад̇т̇ам̣ жад̇д̇ааро махаабад̣̇зсаа аабхад̇аад̇и ад̇т̇о.
‘‘Kimatthaṃ yuttihāravibhaṅge cattāro mahāpadesā ābhatā’’ti vattabbattā ‘‘catūhi mahāpadesehī’’tiādimāha. Tattha ābhataganthe yaṃ yaṃ atthajātaṃ, yaṃ yaṃ dhammajātaṃ vā catūhi mahāpadesehi yujjati, taṃ taṃ atthajātaṃ vā taṃ taṃ dhammajātaṃ vā saṃvaṇṇetabbasutte gahetabbaṃ. Yena yena kāraṇena ca catūhi mahāpadesehi yujjati, taṃ taṃ kāraṇaṃ saṃvaṇṇanāvasena saṃvaṇṇetabbasutte gahetabbaṃ. Yathā yathā pakārena catūhi mahāpadesehi yujjati, so so pakāro saṃvaṇṇanāvasena saṃvaṇṇetabbasutte gahetabbo. Evaṃ gāhaṇatthaṃ cattāro mahāpadesā ābhatāti attho.
19. жад̇уухи махаабад̣̇зсзхи яуд̇д̇ам̣ авируд̣̇д̇хам̣ д̇ам̣ д̇ам̣ ад̇т̇аж̇аад̇ам̣ г̇ахзд̇аб̣б̣анд̇и аажариязна вуд̇д̇ам̣, ‘‘гад̇т̇а гзна яуд̇д̇инид̣̇д̇хааран̣ам̣ гаад̇аб̣б̣а’’нд̇и вад̇д̇аб̣б̣ад̇д̇аа ‘‘бан̃хам̣ бужчид̇знаа’’д̇иаад̣̇и вуд̇д̇ам̣. бан̃хз бан̃хам̣ бужчид̇зна буг̇г̇алзна яуд̇д̇инид̣̇д̇хааран̣ам̣ гаад̇аб̣б̣анд̇и. д̇ад̇т̇а бан̃ханд̇и бан̃хид̇аб̣б̣ам̣ сабхаавад̇хаммам̣. бужчид̇знаад̇и виссаж̇ж̇зд̇ум̣ самад̇т̇зна бан̣д̣ид̇абуг̇г̇алзна. бан̃хзд̇и бужчаавасзна бавад̇д̇абаатз. бад̣̇аани гад̇и гид̇д̇агаани хонд̇ийд̇и бад̣̇асо батамам̣ барияог̇аахид̇аб̣б̣ам̣ яуд̇д̇ихаарзна вижзд̇аб̣б̣ам̣ виймам̣сид̇аб̣б̣ам̣. ‘‘гат̇ам̣ вижзд̇аб̣б̣а’’нд̇и бужчид̇аб̣б̣ад̇д̇аа ‘‘яад̣̇и саб̣б̣ааний’’д̇иаад̣̇и вуд̇д̇ам̣. д̇ад̇т̇а саб̣б̣аани бад̣̇аанийд̇и бужчид̇абаатз ниравасзсаани бад̣̇аани згам̣ самаанам̣ ад̇т̇ам̣ яад̣̇и абхивад̣̇анд̇и, звам̣ сад̇и ад̇т̇авасзна зго бан̃хо. зса наяо сзсзсуби. д̇зна вуд̇д̇ам̣ ‘‘д̇ад̣̇ад̇т̇ассзгасса н̃аад̇ум̣ ижчид̇ад̇д̇аа’’д̇и (нзд̇д̇и. адта. 19).
19. Catūhi mahāpadesehi yuttaṃ aviruddhaṃ taṃ taṃ atthajātaṃ gahetabbanti ācariyena vuttaṃ, ‘‘kattha kena yuttiniddhāraṇaṃ kātabba’’nti vattabbattā ‘‘pañhaṃ pucchitenā’’tiādi vuttaṃ. Pañhe pañhaṃ pucchitena puggalena yuttiniddhāraṇaṃ kātabbanti. Tattha pañhanti pañhitabbaṃ sabhāvadhammaṃ. Pucchitenāti vissajjetuṃ samatthena paṇḍitapuggalena. Pañheti pucchāvasena pavattapāṭhe. Padāni kati kittakāni hontīti padaso paṭhamaṃ pariyogāhitabbaṃ yuttihārena vicetabbaṃ vīmaṃsitabbaṃ. ‘‘Kathaṃ vicetabba’’nti pucchitabbattā ‘‘yadi sabbānī’’tiādi vuttaṃ. Tattha sabbāni padānīti pucchitapāṭhe niravasesāni padāni ekaṃ samānaṃ atthaṃ yadi abhivadanti, evaṃ sati atthavasena eko pañho. Esa nayo sesesupi. Tena vuttaṃ ‘‘tadatthassekassa ñātuṃ icchitattā’’ti (netti. aṭṭha. 19).
зганд̇и ад̇т̇авасзна згавид̇хам̣ бан̃хам̣. убабаригкамаанзна буг̇г̇алзна ан̃н̃аад̇аб̣б̣ам̣ д̣̇ал̣хам̣ ж̇аанид̇аб̣б̣ам̣. ‘‘го ааж̇аананаагааро’’д̇и бужчид̇аб̣б̣ад̇д̇аа ааж̇аананаагаарам̣ д̣̇ассзнд̇о ‘‘гим̣ имз д̇хаммаа’’д̇иаад̣̇имааха. д̇ад̇т̇а ‘‘яз хи барияад̇д̇ид̇хаммаа сам̣ван̣н̣зд̇аб̣б̣аа, имз барияад̇д̇ид̇хаммаа наанад̇т̇аа хонд̇и гим̣, наанааб̣яан̃ж̇анаа хонд̇и гим̣, уд̣̇ааху имзсам̣ барияад̇д̇ид̇хаммаанам̣ зго ад̇т̇о ход̇и, б̣яан̃ж̇анамзва наанам̣ ход̇и ги’’нд̇и яуд̇д̇ид̇о вижзд̇ваа ан̃н̃аад̇аб̣б̣анд̇и яож̇анаа. ‘‘яат̇аавуд̇д̇о бан̃хо гим̣ бхавз’’д̇и бужчид̇аб̣б̣ад̇д̇аа яат̇аавуд̇д̇ам̣ бан̃хам̣ згад̣̇зсам̣ д̣̇ассзд̇ум̣ ‘‘яат̇аа гим̣ бхавз’’д̇и бужчид̇ваа ‘‘яат̇аа саа’’д̇иаад̣̇имааха.
Ekanti atthavasena ekavidhaṃ pañhaṃ. Upaparikkhamānena puggalena aññātabbaṃ daḷhaṃ jānitabbaṃ. ‘‘Ko ājānanākāro’’ti pucchitabbattā ājānanākāraṃ dassento ‘‘kiṃ ime dhammā’’tiādimāha. Tattha ‘‘ye hi pariyattidhammā saṃvaṇṇetabbā, ime pariyattidhammā nānatthā honti kiṃ, nānābyañjanā honti kiṃ, udāhu imesaṃ pariyattidhammānaṃ eko attho hoti, byañjanameva nānaṃ hoti ki’’nti yuttito vicetvā aññātabbanti yojanā. ‘‘Yathāvutto pañho kiṃ bhave’’ti pucchitabbattā yathāvuttaṃ pañhaṃ ekadesaṃ dassetuṃ ‘‘yathā kiṃ bhave’’ti pucchitvā ‘‘yathā sā’’tiādimāha.
д̇ассам̣ бужчааг̇аат̇ааяам̣ – жорагхаад̇агзна мануссзна жоро аб̣бхаахад̇о вияа гзна д̇хаммзна сад̇д̇алого сад̣̇аа аб̣бхаахад̇о, маалувалад̇ааяа ад̇д̇ано ниссид̇аругко бариваарид̇о аж̇жход̇т̇адо вияа гзна д̇хаммзна сад̇д̇алого сад̣̇аа бариваарид̇о аж̇жход̇т̇адо, висаббийд̇акураббзна саллзна од̇ин̣н̣о анубавидто вияа гзна саллзна сад̇д̇алого сад̣̇аа од̇ин̣н̣о анубавидто, гисса гзна гааран̣зна сад̇д̇алого сад̣̇аа д̇хуубааяид̇о санд̇аабид̇од̇и яож̇анаа.
Tassaṃ pucchāgāthāyaṃ – coraghātakena manussena coro abbhāhato viya kena dhammena sattaloko sadā abbhāhato, māluvalatāya attano nissitarukkho parivārito ajjhotthaṭo viya kena dhammena sattaloko sadā parivārito ajjhotthaṭo, visappītakhurappena sallena otiṇṇo anupaviṭṭho viya kena sallena sattaloko sadā otiṇṇo anupaviṭṭho, kissa kena kāraṇena sattaloko sadā dhūpāyito santāpitoti yojanā.
‘‘имааяа бужчааг̇аат̇ааяа гид̇д̇агаани бад̣̇ааний’’д̇и бужчид̇аб̣б̣ад̇д̇аа ‘‘имааний’’д̇иаад̣̇и вуд̇д̇ам̣. д̇ад̇т̇а бужчид̇аанийд̇и бужчид̇ад̇т̇аани бад̣̇аани жад̇д̇аари хонд̇и. ‘‘гид̇д̇агаа бан̃хаа’’д̇и бужчид̇аб̣б̣ад̇д̇аа ‘‘д̇з д̇аяо бан̃хаа’’д̇и вуд̇д̇ам̣.
‘‘Imāya pucchāgāthāya kittakāni padānī’’ti pucchitabbattā ‘‘imānī’’tiādi vuttaṃ. Tattha pucchitānīti pucchitatthāni padāni cattāri honti. ‘‘Kittakā pañhā’’ti pucchitabbattā ‘‘te tayo pañhā’’ti vuttaṃ.
бхаг̇аваа д̣̇звад̇ааяа хи яасмаа виссаж̇ж̇зд̇и, ид̇и д̇асмаа виссаж̇ж̇анад̇о ‘‘д̇аяобан̃хаа’’д̇и вин̃н̃ааяад̇и. ‘‘гад̇амаа виссаж̇ж̇анаг̇аат̇аа’’д̇и бужчид̇аб̣б̣ад̇д̇аа –
Bhagavā devatāya hi yasmā vissajjeti, iti tasmā vissajjanato ‘‘tayopañhā’’ti viññāyati. ‘‘Katamā vissajjanagāthā’’ti pucchitabbattā –
‘‘мажжунааб̣бхаахад̇о лого, ж̇арааяа бариваарид̇о;
‘‘Maccunābbhāhato loko, jarāya parivārito;
д̇ан̣хаасаллзна од̇ин̣н̣о, ижчаад̇хуубааяид̇о сад̣̇аа’’д̇и. –
Taṇhāsallena otiṇṇo, icchādhūpāyito sadā’’ti. –
вуд̇д̇ам̣. д̇ассам̣ виссаж̇ж̇анаг̇аат̇ааяам̣ – жорагхаад̇агзна мануссзна жоро аб̣бхаахад̇о вияа мажжунаа сад̇д̇алого сад̣̇аа аб̣бхаахад̇о, маалувалад̇ааяа ад̇д̇ано ниссид̇аругко бариваарид̇о аж̇жход̇т̇адо вияа ж̇арааяа сад̇д̇алого сад̣̇аа бариваарид̇о аж̇жход̇т̇адо, висаббийд̇акураббзна саллзна од̇ин̣н̣о анубавидто вияа д̇ан̣хаасаллзна сад̇д̇алого сад̣̇аа од̇ин̣н̣о анубавидто, ижчааяа сад̇д̇алого сад̣̇аа д̇хуубааяид̇о санд̇аабид̇од̇и яож̇анаа.
Vuttaṃ. Tassaṃ vissajjanagāthāyaṃ – coraghātakena manussena coro abbhāhato viya maccunā sattaloko sadā abbhāhato, māluvalatāya attano nissitarukkho parivārito ajjhotthaṭo viya jarāya sattaloko sadā parivārito ajjhotthaṭo, visappītakhurappena sallena otiṇṇo anupaviṭṭho viya taṇhāsallena sattaloko sadā otiṇṇo anupaviṭṭho, icchāya sattaloko sadā dhūpāyito santāpitoti yojanā.
20. ‘‘гад̇амам̣ мажжу, гад̇амаа ж̇араа’’д̇и бужчид̇аб̣б̣ад̇д̇аа ‘‘д̇ад̇т̇а ж̇араа’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇иссам̣ виссаж̇ж̇анаг̇аат̇ааяам̣. д̣̇уд̇ияабад̣̇з вуд̇д̇аа ж̇араа жа батамабад̣̇з вуд̇д̇ам̣ маран̣ан̃жа имаани д̣̇вз сан̇кад̇асса канд̇хабан̃жагасса сан̇кад̇алагкан̣аани хонд̇и, сан̇кад̇ам̣ канд̇хабан̃жагам̣ мун̃жид̇ваа висум̣ на убалаб̣бхад̇ийд̇и ад̇т̇о. ‘‘сан̇кад̇алагкан̣аанам̣ ж̇араамаран̣аанам̣ гат̇ам̣ бхзд̣̇о ж̇аанид̇аб̣б̣о’’д̇и вад̇д̇аб̣б̣ад̇д̇аа ‘‘ж̇арааяам̣ тид̇ассаа’’д̇иаад̣̇и вуд̇д̇ам̣. д̇ад̇т̇а ж̇арааяам̣ тид̇асса ан̃н̃ат̇ад̇д̇анд̇и тид̇асса канд̇хаббаб̣анд̇хасса яам̣ ан̃н̃ат̇ад̇д̇ам̣, аяам̣ баагадаж̇араа наама, на кан̣адтид̇иж̇араа. маран̣ам̣ ваяод̇и саммуд̇имаран̣ам̣ жуд̇иязва ход̇и, на кан̣игамаран̣ам̣, на самужчзд̣̇амаран̣ам̣. д̇зна вуд̇д̇ам̣ ‘‘уббаад̣̇о бан̃н̃ааяад̇и, ваяо бан̃н̃ааяад̇и, тид̇асса ан̃н̃ат̇ад̇д̇ам̣ бан̃н̃ааяад̇ий’’д̇и (сам̣. ни. 3.38; а. ни. 3.47; гат̇аа. 214).
20. ‘‘Katamaṃ maccu, katamā jarā’’ti pucchitabbattā ‘‘tattha jarā’’tiādi vuttaṃ. Tattha tatthāti tissaṃ vissajjanagāthāyaṃ. Dutiyapade vuttā jarā ca paṭhamapade vuttaṃ maraṇañca imāni dve saṅkhatassa khandhapañcakassa saṅkhatalakkhaṇāni honti, saṅkhataṃ khandhapañcakaṃ muñcitvā visuṃ na upalabbhatīti attho. ‘‘Saṅkhatalakkhaṇānaṃ jarāmaraṇānaṃ kathaṃ bhedo jānitabbo’’ti vattabbattā ‘‘jarāyaṃ ṭhitassā’’tiādi vuttaṃ. Tattha jarāyaṃ ṭhitassa aññathattanti ṭhitassa khandhappabandhassa yaṃ aññathattaṃ, ayaṃ pākaṭajarā nāma, na khaṇaṭṭhitijarā. Maraṇaṃ vayoti sammutimaraṇaṃ cutiyeva hoti, na khaṇikamaraṇaṃ, na samucchedamaraṇaṃ. Tena vuttaṃ ‘‘uppādo paññāyati, vayo paññāyati, ṭhitassa aññathattaṃ paññāyatī’’ti (saṃ. ni. 3.38; a. ni. 3.47; kathā. 214).
яад̣̇и тид̇ассзва маран̣ам̣ сияаа, звам̣ сад̇и ж̇араамаран̣аанам̣ наанад̇д̇ам̣ яуд̇д̇ам̣ на сияаа, аяуд̇д̇з сад̇и ‘‘д̇з д̇аяо бан̃хаа’’д̇и важанамби аяуд̇д̇амзваад̇и вад̇д̇аб̣б̣ад̇о ‘‘д̇ад̇т̇а ж̇арааяа жаа’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇иссам̣ виссаж̇ж̇анаг̇аат̇ааяам̣ вуд̇д̇ааяа ж̇арааяа жа вуд̇д̇асса маран̣асса жа ад̇т̇ад̇о наанад̇д̇ам̣ яуд̇д̇ам̣.
Yadi ṭhitasseva maraṇaṃ siyā, evaṃ sati jarāmaraṇānaṃ nānattaṃ yuttaṃ na siyā, ayutte sati ‘‘te tayo pañhā’’ti vacanampi ayuttamevāti vattabbato ‘‘tattha jarāya cā’’tiādi vuttaṃ. Tattha tatthāti tissaṃ vissajjanagāthāyaṃ vuttāya jarāya ca vuttassa maraṇassa ca atthato nānattaṃ yuttaṃ.
‘‘гзна гааран̣зна яуд̇д̇ам̣, гат̇ам̣ гааран̣зна наанад̇д̇ам̣ самбадижчид̇аб̣б̣а’’нд̇и вад̇д̇аб̣б̣ад̇д̇аа ‘‘г̇аб̣бхаг̇ад̇ааби хи мийяанд̇ий’’д̇и вуд̇д̇ам̣. ж̇арам̣ аббад̇д̇аа г̇аб̣бхаг̇ад̇ааби сад̇д̇аа хи яасмаа мийяанд̇и, д̇асмаа наанад̇д̇ам̣ самбадижчид̇аб̣б̣ам̣. ‘‘г̇аб̣бхаг̇ад̇ааби ж̇араббад̇д̇аа бхавзяяу’’нд̇и вад̇д̇аб̣б̣ад̇д̇аа ‘‘на жа д̇з ж̇ин̣н̣аа бхаванд̇ий’’д̇и вуд̇д̇ам̣. ж̇араббад̇д̇ааби аж̇ин̣н̣ад̇д̇аа ж̇ин̣н̣аж̇арам̣ аббад̇д̇аава мийяанд̇и, звам̣ ид̇хаад̇хиббзд̇асса ж̇ин̣н̣аж̇араавирахид̇асса маран̣асса самбхавад̇о ан̃н̃аа ж̇араа, ан̃н̃ам̣ маран̣анд̇и н̃аад̇аб̣б̣анд̇и вуд̇д̇ам̣ ход̇и. ‘‘на г̇аб̣бхаг̇ад̇аанам̣язва ж̇ин̣н̣аж̇арам̣ аббад̇д̇ам̣ маран̣ам̣ ад̇т̇и, ан̃н̃зсамби ад̇т̇ий’’д̇и вад̇д̇аб̣б̣абхаавад̇о ‘‘ад̇т̇и жа д̣̇зваанам̣ маран̣а’’нд̇и вуд̇д̇ам̣. ‘‘д̣̇звааби жирагааласамбхавад̇о ж̇арам̣ бад̇д̇аа бхавзяяу’’нд̇и вад̇д̇аб̣б̣ад̇д̇аа ‘‘на жа д̇зсам̣ сарийраани ж̇ийранд̇ий’’д̇и вуд̇д̇ам̣. ‘‘ж̇араамаран̣аанам̣ наанад̇д̇з гааран̣ам̣ зд̇д̇агамзваа’’д̇и вад̇д̇аб̣б̣ад̇д̇аа ан̃н̃амби ад̇т̇ийд̇и д̣̇ассзд̇ум̣ ‘‘саггад̇з ваа’’д̇иаад̣̇и вуд̇д̇ам̣. д̇ад̇т̇а ж̇ин̣н̣аж̇арааяа бадигаммам̣ гаад̇ум̣ саггад̇зва, маран̣асса бана бадигаммасса гаад̇ум̣ на саггад̇зва, иминааби гааран̣зна ж̇араамаран̣аанам̣ наанад̇д̇ам̣ самбадижчид̇аб̣б̣амзваад̇и ад̇т̇о. ‘‘на саггад̇з маран̣асса бадигаммам̣ гаад̇у’’нд̇и гасмаа вуд̇д̇ам̣, нану ид̣̇д̇хибаад̣̇абхааванааяа васийбхаавз сад̇и саггаа маран̣ассааби бадигаммам̣ гаад̇унд̇и жод̣̇анам̣ манаси гад̇ваа ‘‘ан̃н̃ад̇рзва ид̣̇д̇химанд̇аанам̣ ид̣̇д̇хивисаяаа’’д̇и вуд̇д̇ам̣.
‘‘Kena kāraṇena yuttaṃ, kathaṃ kāraṇena nānattaṃ sampaṭicchitabba’’nti vattabbattā ‘‘gabbhagatāpi hi mīyantī’’ti vuttaṃ. Jaraṃ appattā gabbhagatāpi sattā hi yasmā mīyanti, tasmā nānattaṃ sampaṭicchitabbaṃ. ‘‘Gabbhagatāpi jarappattā bhaveyyu’’nti vattabbattā ‘‘na ca te jiṇṇā bhavantī’’ti vuttaṃ. Jarappattāpi ajiṇṇattā jiṇṇajaraṃ appattāva mīyanti, evaṃ idhādhippetassa jiṇṇajarāvirahitassa maraṇassa sambhavato aññā jarā, aññaṃ maraṇanti ñātabbanti vuttaṃ hoti. ‘‘Na gabbhagatānaṃyeva jiṇṇajaraṃ appattaṃ maraṇaṃ atthi, aññesampi atthī’’ti vattabbabhāvato ‘‘atthi ca devānaṃ maraṇa’’nti vuttaṃ. ‘‘Devāpi cirakālasambhavato jaraṃ pattā bhaveyyu’’nti vattabbattā ‘‘na ca tesaṃ sarīrāni jīrantī’’ti vuttaṃ. ‘‘Jarāmaraṇānaṃ nānatte kāraṇaṃ ettakamevā’’ti vattabbattā aññampi atthīti dassetuṃ ‘‘sakkate vā’’tiādi vuttaṃ. Tattha jiṇṇajarāya paṭikammaṃ kātuṃ sakkateva, maraṇassa pana paṭikammassa kātuṃ na sakkateva, imināpi kāraṇena jarāmaraṇānaṃ nānattaṃ sampaṭicchitabbamevāti attho. ‘‘Na sakkate maraṇassa paṭikammaṃ kātu’’nti kasmā vuttaṃ, nanu iddhipādabhāvanāya vasībhāve sati sakkā maraṇassāpi paṭikammaṃ kātunti codanaṃ manasi katvā ‘‘aññatreva iddhimantānaṃ iddhivisayā’’ti vuttaṃ.
ж̇араамаран̣аанам̣ ан̃н̃аман̃н̃ам̣ наанаабхааво аажариязна д̣̇ассид̇о, амхзхи жа н̃аад̇о, ‘‘гат̇ам̣ бана д̇ан̣хааяа ж̇араамаран̣зхи наанаабхааво’’д̇и вад̇д̇аб̣б̣ад̇о д̇зхи д̇ан̣хааяа наанад̇д̇ам̣ д̣̇ассзд̇ум̣ ‘‘яам̣ банаахаа’’д̇иаад̣̇и вуд̇д̇ам̣. д̇ан̣хааяа авиж̇ж̇амаанааяаби ж̇ийранд̇ааби мийяанд̇ааби вийд̇арааг̇аа яасмаа д̣̇иссанд̇и, д̇асмаа д̇ан̣хааяа ж̇араамаран̣зхи наанаабхааво самбадижчид̇аб̣б̣о.
Jarāmaraṇānaṃ aññamaññaṃ nānābhāvo ācariyena dassito, amhehi ca ñāto, ‘‘kathaṃ pana taṇhāya jarāmaraṇehi nānābhāvo’’ti vattabbato tehi taṇhāya nānattaṃ dassetuṃ ‘‘yaṃ panāhā’’tiādi vuttaṃ. Taṇhāya avijjamānāyapi jīrantāpi mīyantāpi vītarāgā yasmā dissanti, tasmā taṇhāya jarāmaraṇehi nānābhāvo sampaṭicchitabbo.
‘‘д̇ан̣хааяа ж̇ийран̣абхиж̇ж̇аналагкан̣ам̣ ад̇т̇ийд̇и д̇зхи д̇ан̣хааяа анан̃н̃ад̇д̇з го наама д̣̇осо сияаа’’д̇и вад̇д̇аб̣б̣ад̇о д̣̇осам̣ д̣̇ассзд̇ум̣ ‘‘яад̣̇и жаа’’д̇иаад̣̇и вуд̇д̇ам̣. ж̇араамаран̣ам̣ яат̇аа язна ж̇ийран̣абхиж̇ж̇аналагкан̣зна баагадам̣, звам̣ ж̇ийран̣абхиж̇ж̇аналагкан̣зна д̇ан̣хааби баагадаа. яад̣̇и жа сияаа; звам̣ санд̇з яоб̣б̣анадтааби саб̣б̣з маан̣аваа виг̇ад̇ад̇ан̣хаа сияум̣, на жа виг̇ад̇ад̇ан̣хаа, д̇асмаа наанаабхааво самбадижчид̇аб̣б̣о. д̇ад̇о ан̃н̃оби д̣̇осо аабаж̇ж̇зяяаад̇и д̣̇ассзд̇ум̣ ‘‘яат̇аа жа д̇ан̣хаа д̣̇угкассаа’’д̇иаад̣̇и вуд̇д̇ам̣. д̇ад̇т̇а ж̇араамаран̣аанам̣ д̇ан̣хааяа анан̃н̃ад̇д̇з сад̇и д̇ан̣хааяа бхавад̇ан̣хааяа д̣̇угкасамуд̣̇аяо ход̇и, звам̣ ж̇араамаран̣амби д̣̇угкасамуд̣̇аяо сияаа. яасмаа на ж̇араамаран̣ам̣ д̣̇угкасамуд̣̇аяо, д̇асмаа ж̇араамаран̣зхи д̇ан̣хааяа наанад̇д̇ам̣ взд̣̇ид̇аб̣б̣ам̣.
‘‘Taṇhāya jīraṇabhijjanalakkhaṇaṃ atthīti tehi taṇhāya anaññatte ko nāma doso siyā’’ti vattabbato dosaṃ dassetuṃ ‘‘yadi cā’’tiādi vuttaṃ. Jarāmaraṇaṃ yathā yena jīraṇabhijjanalakkhaṇena pākaṭaṃ, evaṃ jīraṇabhijjanalakkhaṇena taṇhāpi pākaṭā. Yadi ca siyā; evaṃ sante yobbanaṭṭhāpi sabbe māṇavā vigatataṇhā siyuṃ, na ca vigatataṇhā, tasmā nānābhāvo sampaṭicchitabbo. Tato aññopi doso āpajjeyyāti dassetuṃ ‘‘yathā ca taṇhā dukkhassā’’tiādi vuttaṃ. Tattha jarāmaraṇānaṃ taṇhāya anaññatte sati taṇhāya bhavataṇhāya dukkhasamudayo hoti, evaṃ jarāmaraṇampi dukkhasamudayo siyā. Yasmā na jarāmaraṇaṃ dukkhasamudayo, tasmā jarāmaraṇehi taṇhāya nānattaṃ veditabbaṃ.
д̇зхи д̇ааяа анан̃н̃ад̇д̇з сад̇и звамби д̣̇осо аабаж̇ж̇зяяаад̇и д̣̇ассзд̇ум̣ ‘‘яат̇аа жа д̇ан̣хаа маг̇г̇аваж̇жхаа’’д̇иаад̣̇и вуд̇д̇ам̣. д̇ад̇т̇а д̇зхи д̇ааяа анан̃н̃ад̇д̇з сад̇и яат̇аа д̇ан̣хаа маг̇г̇аваж̇жхаа ход̇и, звам̣ ж̇араамаран̣амби маг̇г̇аваж̇жхам̣ сияаа. яат̇аа ж̇араамаран̣ам̣ маг̇г̇аваж̇жхам̣ на ход̇и, звам̣ д̇ан̣хааби маг̇г̇аваж̇жхаа на сияаа, д̇ат̇аа жа на ход̇и бахаад̇аб̣б̣аабахаад̇аб̣б̣абхаавад̇о, д̇асмааби ж̇араамаран̣зхи д̇ан̣хааяа наанад̇д̇ам̣ взд̣̇ид̇аб̣б̣ам̣.
Tehi tāya anaññatte sati evampi doso āpajjeyyāti dassetuṃ ‘‘yathā ca taṇhā maggavajjhā’’tiādi vuttaṃ. Tattha tehi tāya anaññatte sati yathā taṇhā maggavajjhā hoti, evaṃ jarāmaraṇampi maggavajjhaṃ siyā. Yathā jarāmaraṇaṃ maggavajjhaṃ na hoti, evaṃ taṇhāpi maggavajjhā na siyā, tathā ca na hoti pahātabbāpahātabbabhāvato, tasmāpi jarāmaraṇehi taṇhāya nānattaṃ veditabbaṃ.
‘‘яад̣̇и жаад̇иаад̣̇инаа вуд̇д̇ааяа яуд̇д̇ияаа убабад̇д̇ияаа зва ж̇араамаран̣зхи д̇ан̣хааяа ан̃н̃ад̇д̇ам̣ г̇авзсид̇аб̣б̣а’’нд̇и вад̇д̇аб̣б̣ад̇д̇аа ан̃н̃зхиби гааран̣зхи г̇авзсид̇аб̣б̣анд̇и д̣̇ассзд̇ум̣ ‘‘имааяа яуд̇д̇ияаа’’д̇иаад̣̇и вуд̇д̇ам̣. д̇ад̇т̇а имааяа яуд̇д̇ияаад̇и яаа яуд̇д̇и ‘‘яад̣̇и жаа’’д̇иаад̣̇инаа вуд̇д̇ааяа имааяа яуд̇д̇ияаа убабад̇д̇ияаа. ан̃н̃аман̃н̃зхи гааран̣зхи ан̃н̃зхи ан̃н̃зхи гааран̣абхууд̇зхи убабад̇д̇ийхи ж̇араамаран̣зхи д̇ан̣хааяа ан̃н̃ад̇д̇ам̣ г̇авзсид̇аб̣б̣анд̇и ад̇т̇о. ‘‘ан̃н̃аман̃н̃зхи гааран̣зхи г̇авзсид̇аб̣б̣а’’нд̇и гасмаа вуд̇д̇ам̣, нану яуд̇д̇ияаа, ад̇т̇ад̇о жа ан̃н̃ад̇д̇ам̣ санд̣̇иссад̇ийд̇и жод̣̇анам̣ манаси гад̇ваа ‘‘яад̣̇и жа санд̣̇иссад̇ий’’д̇иаад̣̇имааха. д̇ад̇т̇а яуд̇д̇исамаарул̣хам̣ ад̇т̇ад̇о жа маран̣зхи д̇ан̣хааяа жа ан̃н̃ад̇д̇ам̣ яад̣̇и жа санд̣̇иссад̇и, б̣яан̃ж̇анад̇оби ан̃н̃ад̇д̇ам̣ г̇авзсид̇аб̣б̣амзваад̇и ад̇т̇о.
‘‘Yadi cātiādinā vuttāya yuttiyā upapattiyā eva jarāmaraṇehi taṇhāya aññattaṃ gavesitabba’’nti vattabbattā aññehipi kāraṇehi gavesitabbanti dassetuṃ ‘‘imāya yuttiyā’’tiādi vuttaṃ. Tattha imāya yuttiyāti yā yutti ‘‘yadi cā’’tiādinā vuttāya imāya yuttiyā upapattiyā. Aññamaññehi kāraṇehi aññehi aññehi kāraṇabhūtehi upapattīhi jarāmaraṇehi taṇhāya aññattaṃ gavesitabbanti attho. ‘‘Aññamaññehi kāraṇehi gavesitabba’’nti kasmā vuttaṃ, nanu yuttiyā, atthato ca aññattaṃ sandissatīti codanaṃ manasi katvā ‘‘yadi ca sandissatī’’tiādimāha. Tattha yuttisamāruḷhaṃ atthato ca maraṇehi taṇhāya ca aññattaṃ yadi ca sandissati, byañjanatopi aññattaṃ gavesitabbamevāti attho.
‘‘гат̇ам̣ б̣яан̃ж̇анад̇о ан̃н̃ад̇д̇ам̣ г̇авзсид̇аб̣б̣а’’нд̇и вад̇д̇аб̣б̣ад̇д̇аа ‘‘саллод̇и ваа’’д̇иаад̣̇и вуд̇д̇ам̣. д̇ад̇т̇а ‘‘салло’’д̇и ваа ‘‘д̇хуубааяана’’нд̇и ваа д̣̇вийхи б̣яан̃ж̇анзхи вужжамаанаанам̣ имзсам̣ ижчаад̇ан̣хаасан̇каад̇аанам̣ д̇хаммаанам̣ ад̇т̇ад̇о згад̇д̇ам̣ самаанад̇д̇ам̣ яуж̇ж̇ад̇и, на ан̃н̃ад̇д̇ам̣. ‘‘салло’’д̇и ваа ‘‘д̇хуубааяана’’нд̇и ваа д̣̇вийхи б̣яан̃ж̇анзхи авужжамаанаанам̣ ж̇араамаран̣аанам̣ д̇ан̣хааяа згад̇д̇ам̣ на яуж̇ж̇ад̇и. д̇амзвад̇т̇ам̣ виварид̇ум̣ ‘‘на хий’’д̇иаад̣̇и вуд̇д̇ам̣. д̇ад̇т̇а ижчааяа жа д̇ан̣хааяа жа ад̇т̇ад̇о ан̃н̃ад̇д̇ам̣ на яуж̇ж̇ад̇и, згад̇д̇амзва яуж̇ж̇ад̇ийд̇и яож̇анаа. ижчааяа жа д̇ан̣хааяа жа ж̇ийран̣абхиж̇ж̇анасамбхавад̇о ж̇араамаран̣зхи д̇ан̣хааяа згад̇д̇ам̣ сияаа, ‘‘гасмаа ан̃н̃ад̇д̇ам̣ яуд̇д̇а’’нд̇и вад̇д̇аб̣б̣ад̇о ‘‘д̇ан̣хааяа ад̇хиббааяз’’д̇иаад̣̇и вуд̇д̇ам̣. д̇ад̇т̇а д̇ан̣хааяа ад̇хиббааяз абарибуурамаанз навасу аагхаад̇авад̇т̇уусу год̇хо жа уббаж̇ж̇ад̇и, убанаахо жа уббаж̇ж̇ад̇и. ж̇араамаран̣зсу абарибуурамаанзсу навасу аагхаад̇авад̇т̇уусу год̇хо жа на уббаж̇ж̇ад̇и, убанаахо жа на уббаж̇ж̇ад̇и. ид̇и имааяа яуд̇д̇ияаа ж̇арааяа жа маран̣асса жа д̇ан̣хааяа жа ад̇т̇ад̇о ан̃н̃ад̇д̇ам̣ яуж̇ж̇ад̇иязваад̇и д̣̇адтаб̣б̣ам̣.
‘‘Kathaṃ byañjanato aññattaṃ gavesitabba’’nti vattabbattā ‘‘salloti vā’’tiādi vuttaṃ. Tattha ‘‘sallo’’ti vā ‘‘dhūpāyana’’nti vā dvīhi byañjanehi vuccamānānaṃ imesaṃ icchātaṇhāsaṅkhātānaṃ dhammānaṃ atthato ekattaṃ samānattaṃ yujjati, na aññattaṃ. ‘‘Sallo’’ti vā ‘‘dhūpāyana’’nti vā dvīhi byañjanehi avuccamānānaṃ jarāmaraṇānaṃ taṇhāya ekattaṃ na yujjati. Tamevatthaṃ vivarituṃ ‘‘na hī’’tiādi vuttaṃ. Tattha icchāya ca taṇhāya ca atthato aññattaṃ na yujjati, ekattameva yujjatīti yojanā. Icchāya ca taṇhāya ca jīraṇabhijjanasambhavato jarāmaraṇehi taṇhāya ekattaṃ siyā, ‘‘kasmā aññattaṃ yutta’’nti vattabbato ‘‘taṇhāya adhippāye’’tiādi vuttaṃ. Tattha taṇhāya adhippāye aparipūramāne navasu āghātavatthūsu kodho ca uppajjati, upanāho ca uppajjati. Jarāmaraṇesu aparipūramānesu navasu āghātavatthūsu kodho ca na uppajjati, upanāho ca na uppajjati. Iti imāya yuttiyā jarāya ca maraṇassa ca taṇhāya ca atthato aññattaṃ yujjatiyevāti daṭṭhabbaṃ.
яад̣̇и ижчаа д̇ан̣хааяа ад̇т̇ад̇о згад̇д̇ам̣ яуд̇д̇ам̣, звам̣ сад̇и гасмаа бхаг̇авад̇аа ‘‘мажжунааб̣бхаахад̇о лого’’д̇иаад̣̇иг̇аат̇ааяам̣ ‘‘д̇ан̣хаасаллзна од̇ин̣н̣о, ижчаад̇хуубааяид̇о сад̣̇аа’’д̇и д̣̇вид̇хаа вуд̇д̇аад̇и жод̣̇анам̣ барихаранд̇о ‘‘яам̣ банид̣̇ам̣ бхаг̇авад̇аа’’д̇иаад̣̇имааха. д̇ад̇т̇а ‘‘ижчаа’’д̇иби ‘‘д̇ан̣хаа’’д̇иби д̣̇вийхи наамзхи яам̣ банид̣̇ам̣ абхилабид̇ам̣ яам̣ банид̣̇ам̣ абхилабанам̣ гад̇ам̣, ид̣̇ам̣ абхилабанам̣ бхаг̇авад̇аа б̣аахираанам̣ ижчид̇аб̣б̣ад̇асид̇аб̣б̣аанам̣ вад̇т̇уунам̣ руубаад̣̇иаарамман̣аанам̣ бхзд̣̇аанам̣ васзна ‘‘ижчаа’’д̇иби ‘‘д̇ан̣хаа’’д̇иби д̣̇вийхи наамзхи абхилабид̇ам̣ абхилабанавасзна гад̇анд̇и згад̇д̇ам̣ яуд̇д̇амзва, на наанад̇д̇анд̇и ад̇т̇о д̣̇адтаб̣б̣о.
Yadi icchā taṇhāya atthato ekattaṃ yuttaṃ, evaṃ sati kasmā bhagavatā ‘‘maccunābbhāhato loko’’tiādigāthāyaṃ ‘‘taṇhāsallena otiṇṇo, icchādhūpāyito sadā’’ti dvidhā vuttāti codanaṃ pariharanto ‘‘yaṃ panidaṃ bhagavatā’’tiādimāha. Tattha ‘‘icchā’’tipi ‘‘taṇhā’’tipi dvīhi nāmehi yaṃ panidaṃ abhilapitaṃ yaṃ panidaṃ abhilapanaṃ kataṃ, idaṃ abhilapanaṃ bhagavatā bāhirānaṃ icchitabbatasitabbānaṃ vatthūnaṃ rūpādiārammaṇānaṃ bhedānaṃ vasena ‘‘icchā’’tipi ‘‘taṇhā’’tipi dvīhi nāmehi abhilapitaṃ abhilapanavasena katanti ekattaṃ yuttameva, na nānattanti attho daṭṭhabbo.
‘‘наамавасзна д̣̇вид̇хаа вуд̇д̇аанам̣ ижчаад̇ан̣хаад̣̇ийнам̣ гзна згад̇д̇ам̣ яуд̇д̇анд̇и сад̣̇д̣̇ахид̇аб̣б̣а’’нд̇и вад̇д̇аб̣б̣ад̇д̇аа ‘‘саб̣б̣аахий’’д̇иаад̣̇и вуд̇д̇ам̣. д̇ад̇т̇а наанаанаамавасзна бабхзд̣̇аа саб̣б̣аа ижчаад̣̇игаа д̇ан̣хаа аж̇жхосааналагкан̣зна згалагкан̣аа хи яасмаа яуд̇д̇аа, д̇асмаа наамавасзна бхиннаанамби згалагкан̣зна згад̇д̇ам̣ яуд̇д̇анд̇и сад̣̇д̣̇ахид̇аб̣б̣анд̇и д̣̇адтаб̣б̣ам̣. ‘‘гимива яуд̇д̇а’’нд̇и бужчид̇аб̣б̣ад̇д̇аа ‘‘яат̇аа саб̣б̣о’’д̇иаад̣̇и вуд̇д̇ам̣. д̇ад̇т̇а гадтаг̇г̇иаад̣̇ивасзна анзго саб̣б̣о аг̇г̇и ун̣хад̇д̇алагкан̣зна згалагкан̣о яат̇аа, звам̣ аж̇жхосааналагкан̣зна згалагкан̣аад̇и яож̇анаа. саб̣б̣асса аг̇г̇ино убаад̣̇аанавасзна анзгаани наамаани саруубад̇о д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. д̇ассад̇т̇о баагадо. аарамман̣авасзна д̇ан̣хаа ан̃н̃зхи ан̃н̃зхи наамзхи бхаг̇авад̇аа абхилабид̇аа, убаад̣̇аанавасзна аг̇г̇и ан̃н̃зхи ан̃н̃зхи наамзхи абхилабид̇од̇и яож̇анаа гаад̇аб̣б̣аа.
‘‘Nāmavasena dvidhā vuttānaṃ icchātaṇhādīnaṃ kena ekattaṃ yuttanti saddahitabba’’nti vattabbattā ‘‘sabbāhī’’tiādi vuttaṃ. Tattha nānānāmavasena pabhedā sabbā icchādikā taṇhā ajjhosānalakkhaṇena ekalakkhaṇā hi yasmā yuttā, tasmā nāmavasena bhinnānampi ekalakkhaṇena ekattaṃ yuttanti saddahitabbanti daṭṭhabbaṃ. ‘‘Kimiva yutta’’nti pucchitabbattā ‘‘yathā sabbo’’tiādi vuttaṃ. Tattha kaṭṭhaggiādivasena aneko sabboaggi uṇhattalakkhaṇena ekalakkhaṇo yathā, evaṃ ajjhosānalakkhaṇena ekalakkhaṇāti yojanā. Sabbassa aggino upādānavasena anekāni nāmāni sarūpato dassetuṃ ‘‘apicā’’tiādi vuttaṃ. Tassattho pākaṭo. Ārammaṇavasena taṇhā aññehi aññehi nāmehi bhagavatā abhilapitā, upādānavasena aggi aññehi aññehi nāmehi abhilapitoti yojanā kātabbā.
‘‘виссаж̇ж̇анаг̇аат̇ааяам̣ ааг̇ад̇анаамзхи зва д̇ан̣хаа абхилабид̇аа’’д̇и бужчид̇аб̣б̣ад̇д̇аа анзгзхи наамзхи абхилабид̇аад̇и д̣̇ассзд̇ум̣ ‘‘ижчааид̇ибий’’д̇иаад̣̇и вуд̇д̇ам̣. д̇ад̇т̇а ижчид̇аб̣б̣аани ад̇т̇аани руубаад̣̇ийни аарамман̣аани сад̇д̇аа ижчанд̇и зд̇ааяаад̇и ижчаа. д̇асанд̇и зд̇ааяаад̇и д̇ан̣хаа. саллад̇и бависад̇и висаббийд̇ам̣ саллам̣ вияаад̇и саллаа, санд̇аабам̣ лаад̇и аад̣̇ад̣̇аад̇ийд̇и ваа саллаа, санд̇аабам̣ лаад̇и бавад̇д̇зд̇ийд̇и ваа саллаа. д̇хуубааяад̇и санд̇аабзд̇и барид̣̇ахад̇ийд̇и д̇хуубааяанаа. сарад̇и аагад̣дхад̇и авахарад̇и сийгхасод̇аа сарид̇аа вияаад̇и сарид̇аа, сарад̇и саллад̇ийд̇и ваа сарид̇аа. висарад̇ийд̇и висад̇д̇игаа. бийд̇ивасзна синзхад̇ийд̇и синзхо. д̇аасу д̇аасу г̇ад̇ийсу гиламат̇ам̣ уббаад̣̇зд̇ийд̇и гиламат̇о. сад̇д̇аа руубаад̣̇иаарамман̣аани ман̃н̃анд̇и зд̇ааяаад̇и ман̃н̃анаа. бхавам̣ б̣анд̇хад̇ийд̇и б̣анд̇хо. аасийяад̇з бад̇т̇ийяад̇зд̇и аасаа. аасияад̇и бад̇т̇зд̇ийд̇и ваа аасаа. бибаасийяад̇зд̇и бибаасаа, аарамман̣арасам̣ бибаасад̇ийд̇и ваа бибаасаа. абхинанд̣̇ийяад̇зд̇и абхинанд̣̇анаа, абхинанд̣̇ад̇ийд̇и ваа абхинанд̣̇анаа. вид̇т̇аарад̇о адтагат̇аавасзна (нзд̇д̇и. адта. 20) взд̣̇ид̇аб̣б̣о.
‘‘Vissajjanagāthāyaṃ āgatanāmehi eva taṇhā abhilapitā’’ti pucchitabbattā anekehi nāmehi abhilapitāti dassetuṃ ‘‘icchāitipī’’tiādi vuttaṃ. Tattha icchitabbāni atthāni rūpādīni ārammaṇāni sattā icchanti etāyāti icchā. Tasanti etāyāti taṇhā. Sallati pavisati visappītaṃ sallaṃ viyāti sallā, santāpaṃ lāti ādadātīti vā sallā, santāpaṃ lāti pavattetīti vā sallā. Dhūpāyati santāpeti paridahatīti dhūpāyanā. Sarati ākaḍḍhati avaharati sīghasotā saritā viyāti saritā, sarati sallatīti vā saritā. Visaratīti visattikā. Pītivasena sinehatīti sineho. Tāsu tāsu gatīsu kilamathaṃ uppādetīti kilamatho. Sattā rūpādiārammaṇāni maññanti etāyāti maññanā. Bhavaṃ bandhatīti bandho. Āsīyate patthīyateti āsā. Āsiyati patthetīti vā āsā. Pipāsīyateti pipāsā, ārammaṇarasaṃ pipāsatīti vā pipāsā. Abhinandīyateti abhinandanā, abhinandatīti vā abhinandanā. Vitthārato aṭṭhakathāvasena (netti. aṭṭha. 20) veditabbo.
‘‘д̇ан̣хааяа ижчаад̣̇иббагааравасзна аалабид̇абхааво гзна сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘яат̇аа жа взважанз’’д̇иаад̣̇и вуд̇д̇ам̣. взважанахааравибхан̇г̇з ‘‘аасаа жа бийхаа…бз… взважана’’нд̇и (нзд̇д̇и. 37) яаа д̇ан̣хаа яат̇аа язна багаарзна вуд̇д̇аа, д̇ат̇аа д̇зна багаарзна вуд̇д̇ааяа д̇ан̣хааяа ижчаад̣̇иббагааравасзна аалабид̇абхааво сад̣̇д̣̇ахид̇аб̣б̣о. ‘‘взважанавибхан̇г̇з аажариязна вуд̇д̇оби бхаг̇авад̇аа авуд̇д̇з гзна сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘яат̇ааха бхаг̇аваа’’д̇иаад̣̇и вуд̇д̇ам̣. яат̇аа язна багаарзна бхаг̇аваа ‘‘руубз д̇иссаа’’д̇иаад̣̇игам̣ яам̣ важанамааха, д̇ат̇аа д̇зна багаарзна вуд̇д̇зна д̇зна важанзна сад̣̇д̣̇ахид̇аб̣б̣о ваад̇и. звам̣ яуж̇ж̇ад̇ийд̇и звам̣ вуд̇д̇анаязна ижчаад̇ан̣хаанам̣ ад̇т̇ад̇о згад̇д̇аа , ж̇арааяа жа маран̣асса жа д̇ан̣хааяа жа ад̇т̇ад̇о ан̃н̃ад̇д̇аа жа ‘‘д̇аяо бан̃хаа’’д̇и яам̣ важанам̣ вуд̇д̇ам̣, д̇ам̣ важанам̣ яуж̇ж̇ад̇ийд̇и ад̇т̇о г̇ахзд̇аб̣б̣о.
‘‘Taṇhāya icchādippakāravasena ālapitabhāvo kena saddahitabbo’’ti vattabbattā ‘‘yathā ca vevacane’’tiādi vuttaṃ. Vevacanahāravibhaṅge ‘‘āsā ca pīhā…pe… vevacana’’nti (netti. 37) yā taṇhā yathā yena pakārena vuttā, tathā tena pakārena vuttāya taṇhāya icchādippakāravasena ālapitabhāvo saddahitabbo. ‘‘Vevacanavibhaṅge ācariyena vuttopi bhagavatā avutte kena saddahitabbo’’ti vattabbattā ‘‘yathāha bhagavā’’tiādi vuttaṃ. Yathā yena pakārena bhagavā ‘‘rūpe tissā’’tiādikaṃ yaṃ vacanamāha, tathā tena pakārena vuttena tena vacanena saddahitabbo vāti. Evaṃ yujjatīti evaṃ vuttanayena icchātaṇhānaṃ atthato ekattā , jarāya ca maraṇassa ca taṇhāya ca atthato aññattā ca ‘‘tayo pañhā’’ti yaṃ vacanaṃ vuttaṃ, taṃ vacanaṃ yujjatīti attho gahetabbo.
21. ‘‘гзнассуб̣бхаахад̇о логод̇иаад̣̇иг̇аат̇ааяа д̇аяо бан̃хаа вуд̇д̇аа’’д̇и бан̃хад̇д̇аяабхаавз яуд̇д̇и аажариязна вибхад̇д̇аа, амхзхи жа н̃аад̇аа. ‘‘д̇ад̇о ан̃н̃зхи багаарзхи яуд̇д̇и гат̇ам̣ н̃аад̇аб̣б̣аа’’д̇и вад̇д̇аб̣б̣абхаавад̇о ан̃н̃зхи багаарзхиби яуд̇д̇иг̇авзсанам̣ д̣̇ассзнд̇о ‘‘саб̣б̣о д̣̇угкуубажааро’’д̇иаад̣̇имааха. д̇ад̇т̇а саб̣б̣о д̣̇угкуубажааро гаамад̇ан̣хаасан̇каарамуулагод̇и яуж̇ж̇ад̇и, саб̣б̣о ниб̣б̣ид̣̇уубажааро гаамад̇ан̣хаабаригкаарамуулагод̇и на яуж̇ж̇ад̇и. важанад̇т̇ад̇о бана д̣̇угкасса убажааро бавад̇д̇ийд̇и д̣̇угкуубажааро. гаамад̇ан̣хаабажжаяаа бавад̇д̇о сан̇кааро муулам̣ зд̇ассаад̇и гаамад̇ан̣хаасан̇каарамуулаго. ниб̣б̣ид̣̇ааяа убажааро бавад̇д̇ийд̇и ниб̣б̣ид̣̇уубажааро. гаамад̇ан̣хааяа баригкаарабхууд̇о вад̇т̇угаамо муулам̣ зд̇ассаад̇и гаамад̇ан̣хаабаригкаарамуулагод̇и. д̇ад̇т̇а анабхирад̇исан̇каад̇аа угган̣таа ниб̣б̣ид̣̇аа гаамад̇ан̣хаабаригкаарамуулигаа яуж̇ж̇ад̇и, н̃аан̣аниб̣б̣ид̣̇аа гаамад̇ан̣хаабаригкаарамуулигаа на яуж̇ж̇ад̇и, д̇асмаа саб̣б̣о ниб̣б̣ид̣̇уубажааро гаамад̇ан̣хаабаригкаарамуулагод̇и на бана яуж̇ж̇ад̇ийд̇и вуд̇д̇ам̣.
21. ‘‘Kenassubbhāhato lokotiādigāthāya tayo pañhā vuttā’’ti pañhattayabhāve yutti ācariyena vibhattā, amhehi ca ñātā. ‘‘Tato aññehi pakārehi yutti kathaṃ ñātabbā’’ti vattabbabhāvato aññehi pakārehipi yuttigavesanaṃ dassento ‘‘sabbo dukkhūpacāro’’tiādimāha. Tattha sabbo dukkhūpacāro kāmataṇhāsaṅkhāramūlakoti yujjati, sabbo nibbidūpacāro kāmataṇhāparikkhāramūlakoti na yujjati. Vacanatthato pana dukkhassa upacāro pavattīti dukkhūpacāro. Kāmataṇhāpaccayā pavatto saṅkhāro mūlaṃ etassāti kāmataṇhāsaṅkhāramūlako. Nibbidāya upacāro pavattīti nibbidūpacāro. Kāmataṇhāya parikkhārabhūto vatthukāmo mūlaṃ etassāti kāmataṇhāparikkhāramūlakoti. Tattha anabhiratisaṅkhātā ukkaṇṭhā nibbidā kāmataṇhāparikkhāramūlikā yujjati, ñāṇanibbidā kāmataṇhāparikkhāramūlikā na yujjati, tasmā sabbo nibbidūpacāro kāmataṇhāparikkhāramūlakoti na pana yujjatīti vuttaṃ.
‘‘бан̃хад̇д̇аяабхаавз жзва д̣̇угкуубажаараниб̣б̣ид̣̇уубажаарз жа яаа яуд̇д̇и аажариязна вибхад̇д̇аа, саава яуд̇д̇и саллагкзд̇аб̣б̣аа гим̣, уд̣̇ааху имааяа яуд̇д̇ияаа ан̃н̃ааби яуд̇д̇и г̇авзсид̇аб̣б̣аа ги’’нд̇и вад̇д̇аб̣б̣ад̇о наяам̣ д̣̇ассзд̇ум̣ ‘‘имааяаа’’д̇иаад̣̇имааха. ид̣̇ам̣ вуд̇д̇ам̣ ход̇и – бан̃хад̇д̇аяабхаавз жзва д̣̇угкуубажаараниб̣б̣ид̣̇уубажаарз жа яаа яуд̇д̇и маяаа вибхад̇д̇аа, имааяа яуд̇д̇ияаа анусаарзна ан̃н̃аман̃н̃зхи гааран̣зхи д̇зсу д̇зсу баал̣иббад̣̇зсзсу яуд̇д̇иби г̇авзсид̇аб̣б̣аад̇и.
‘‘Pañhattayabhāve ceva dukkhūpacāranibbidūpacāre ca yā yutti ācariyena vibhattā, sāva yutti sallakkhetabbā kiṃ, udāhu imāya yuttiyā aññāpi yutti gavesitabbā ki’’nti vattabbato nayaṃ dassetuṃ ‘‘imāyā’’tiādimāha. Idaṃ vuttaṃ hoti – pañhattayabhāve ceva dukkhūpacāranibbidūpacāre ca yā yutti mayā vibhattā, imāya yuttiyā anusārena aññamaññehi kāraṇehi tesu tesu pāḷippadesesu yuttipi gavesitabbāti.
‘‘ид̣̇ам̣ наяад̣̇ассанам̣ сам̣кид̇д̇ам̣, на саггаа вид̇т̇аарад̇о г̇авзсид̇у’’нд̇и вад̇д̇аб̣б̣ад̇о д̇ам̣ наяад̣̇ассанам̣ вид̇т̇аарад̇о вибхаж̇ид̇ваа д̣̇ассзд̇ум̣ ‘‘яат̇аа хи бхаг̇аваа’’д̇иаад̣̇и аарад̣̇д̇хам̣. асубхасса ж̇иг̇ужчанийяабхаавад̇о рааг̇уббаад̣̇о на яуд̇д̇о, д̇асмаа рааг̇ажарид̇асса буг̇г̇аласса асубхад̣̇зсанаа рааг̇авинаяааяа яуд̇д̇аа. мзд̇д̇ааяа д̣̇осабадибагкад̇д̇аа д̣̇осажарид̇асса буг̇г̇аласса мзд̇д̇аад̣̇зсанаа д̣̇осавинаяааяа яуд̇д̇аа. бадижжасамуббаад̣̇асса бан̃н̃аависаяад̇д̇аа мохажарид̇асса буг̇г̇аласса бадижжасамуббаад̣̇ад̣̇зсанаа мохавинаяааяа яуд̇д̇аа. ‘‘рааг̇ажарид̇ассааби мзд̇д̇аад̣̇ид̣̇зсанаа яуж̇ж̇зяяа саб̣б̣асад̇д̇асаад̇хааран̣ад̇д̇аа’’д̇и вад̇д̇аб̣б̣ад̇д̇аа ‘‘яад̣̇и хи бхаг̇аваа’’д̇иаад̣̇и вуд̇д̇ам̣. д̇иб̣б̣агилзсасса рааг̇ажарид̇асса ад̇хиббзд̇ад̇д̇аа д̇аад̣̇исасса буг̇г̇аласса мзд̇д̇ам̣ жзд̇овимуд̇д̇им̣ яад̣̇и д̣̇зсзяяа, звам̣ сад̇и мзд̇д̇аавасзнаби рааг̇уббаж̇ж̇анад̇о д̣̇зсанаа на яуж̇ж̇ад̇и. сукам̣ бадибад̣̇ам̣ ваа яад̣̇и д̣̇зсзяяа, звам̣ сад̇и рааг̇ажарид̇асса д̣̇угкаабадибад̣̇ааяуж̇ж̇анад̇о д̣̇зсанаа на яуж̇ж̇ад̇и. вибассанаабуб̣б̣ан̇г̇амам̣ бахаанам̣ ваа яад̣̇иби д̣̇зсзяяа, звам̣ сад̇и рааг̇ажарид̇асса асубхаанубассанам̣ важ̇ж̇зд̇ваа вибассанаабуб̣б̣ан̇г̇амасса бахаанасса д̣̇уггарад̇о д̣̇зсанаа на яуж̇ж̇ад̇ийд̇и яож̇анаа.
‘‘Idaṃ nayadassanaṃ saṃkhittaṃ, na sakkā vitthārato gavesitu’’nti vattabbato taṃ nayadassanaṃ vitthārato vibhajitvā dassetuṃ ‘‘yathā hi bhagavā’’tiādi āraddhaṃ. Asubhassa jigucchanīyabhāvato rāguppādo na yutto, tasmā rāgacaritassa puggalassa asubhadesanā rāgavinayāya yuttā. Mettāya dosapaṭipakkhattā dosacaritassa puggalassa mettādesanā dosavinayāya yuttā. Paṭiccasamuppādassa paññāvisayattā mohacaritassa puggalassa paṭiccasamuppādadesanā mohavinayāya yuttā. ‘‘Rāgacaritassāpi mettādidesanā yujjeyya sabbasattasādhāraṇattā’’ti vattabbattā ‘‘yadihi bhagavā’’tiādi vuttaṃ. Tibbakilesassa rāgacaritassa adhippetattā tādisassa puggalassa mettaṃ cetovimuttiṃ yadi deseyya, evaṃ sati mettāvasenapi rāguppajjanato desanā na yujjati. Sukhaṃ paṭipadaṃ vā yadi deseyya, evaṃ sati rāgacaritassa dukkhāpaṭipadāyujjanato desanā na yujjati. Vipassanāpubbaṅgamaṃ pahānaṃ vā yadipi deseyya, evaṃ sati rāgacaritassa asubhānupassanaṃ vajjetvā vipassanāpubbaṅgamassa pahānassa dukkarato desanā na yujjatīti yojanā.
‘‘бхаг̇аваа рааг̇ажарид̇ассаа’’д̇иаад̣̇инаа ниравасзсавасзна яуд̇д̇и на вибхад̇д̇аа, наяад̣̇ассанамзваад̇и яо наяо д̣̇ассид̇о, д̇зна наязна ан̃н̃ааби г̇авзсид̇аб̣б̣аад̇и д̣̇ассзд̇ум̣ ‘‘звам̣ яам̣ гин̃жий’’д̇иаад̣̇и вуд̇д̇ам̣. рааг̇асса яам̣ гин̃жи ануломаббахаанам̣, д̣̇осасса яам̣ гин̃жи ануломаббахаанам̣, мохасса яам̣ гин̃жи ануломаббахаанам̣ д̣̇зсид̇ам̣, д̇ам̣ саб̣б̣ам̣ ануломаббахаанам̣ яад̇д̇агаа баал̣иббад̣̇зсаа н̃аан̣асса бхууми, д̇ад̇д̇агзсу вижаязна хаарзна вижинид̇ваа яуд̇д̇ихаарзна яож̇зд̇аб̣б̣анд̇и яож̇анаа.
‘‘Bhagavā rāgacaritassā’’tiādinā niravasesavasena yutti na vibhattā, nayadassanamevāti yo nayo dassito, tena nayena aññāpi gavesitabbāti dassetuṃ ‘‘evaṃ yaṃ kiñcī’’tiādi vuttaṃ. Rāgassa yaṃ kiñci anulomappahānaṃ, dosassa yaṃ kiñci anulomappahānaṃ, mohassa yaṃ kiñci anulomappahānaṃ desitaṃ, taṃ sabbaṃ anulomappahānaṃ yattakā pāḷippadesā ñāṇassa bhūmi, tattakesu vicayena hārena vicinitvā yuttihārena yojetabbanti yojanā.
‘‘рааг̇аад̣̇иббахаанавасзна яуд̇д̇и г̇авзсид̇аб̣б̣аа’’д̇и вад̇д̇аб̣б̣абхаавад̇о ан̃н̃зхиби мзд̇д̇аад̣̇иб̣рахмавихаарапаласамаабад̇д̇инаваанубуб̣б̣асамаабад̇д̇ивасийбхаавзхи вибхаж̇ид̇ваа яуд̇д̇иг̇авзсанам̣ д̣̇ассзд̇ум̣ ‘‘мзд̇д̇аавихаариссаа’’д̇иаад̣̇и аарад̣̇д̇хам̣. д̇ад̇т̇а мзд̇д̇аавихаарисса мзд̇д̇аавихааралаабхино сад̇о сам̣виж̇ж̇амаанасса буг̇г̇аласса мзд̇д̇ааяа б̣яаабаад̣̇абадибагкад̇д̇аа б̣яаабаад̣̇о жид̇д̇ам̣ барияаад̣̇ааяа тассад̇ийд̇и д̣̇зсанаа на яуж̇ж̇ад̇ийд̇и жа, мзд̇д̇аавихаарисса сад̇о б̣яаабаад̣̇о бахаанам̣ аб̣бхад̇т̇ам̣ г̇ажчад̇ийд̇и д̣̇зсанаа яуж̇ж̇ад̇и. гарун̣аавихаарисса гарун̣аавихааралаабхино сад̇о сам̣виж̇ж̇амаанасса буг̇г̇аласса гарун̣ааяа вихзсааяа бадибагкад̇д̇аа вихзсаа жид̇д̇ам̣ барияаад̣̇ааяа тассад̇ийд̇и д̣̇зсанаа на яуж̇ж̇ад̇и, гарун̣аавихаарисса сад̇о вихзсаа бахаанам̣ аб̣бхад̇т̇ам̣ г̇ажчад̇ийд̇и д̣̇зсанаа яуж̇ж̇ад̇и. муд̣̇ид̇аавихаарисса муд̣̇ид̇аавихааралаабхино сад̇о сам̣виж̇ж̇амаанасса буг̇г̇аласса муд̣̇ид̇ааяа арад̇ияаа бадибагкад̇д̇аа арад̇и жид̇д̇ам̣ барияаад̣̇ааяа тассад̇ийд̇и д̣̇зсанаа на яуж̇ж̇ад̇и, муд̣̇ид̇аавихаарисса сад̇о арад̇и бахаанам̣ аб̣бхад̇т̇ам̣ г̇ажчад̇ийд̇и д̣̇зсанаа яуж̇ж̇ад̇и. убзгкаавихаарисса убзгкаавихааралаабхино сад̇о сам̣виж̇ж̇амаанасса буг̇г̇аласса убзгкааяа рааг̇асса бадибагкад̇д̇аа рааг̇о жид̇д̇ам̣ барияаад̣̇ааяа тассад̇ийд̇и д̣̇зсанаа на яуж̇ж̇ад̇и, убзгкаавихаарисса сад̇о рааг̇о бахаанам̣ аб̣бхад̇т̇ам̣ г̇ажчад̇ийд̇и д̣̇зсанаа яуж̇ж̇ад̇и.
‘‘Rāgādippahānavasena yutti gavesitabbā’’ti vattabbabhāvato aññehipi mettādibrahmavihāraphalasamāpattinavānupubbasamāpattivasībhāvehi vibhajitvā yuttigavesanaṃ dassetuṃ ‘‘mettāvihārissā’’tiādi āraddhaṃ. Tattha mettāvihārissa mettāvihāralābhino sato saṃvijjamānassa puggalassa mettāya byāpādapaṭipakkhattā byāpādo cittaṃ pariyādāya ṭhassatīti desanā na yujjatīti ca, mettāvihārissa sato byāpādo pahānaṃ abbhatthaṃ gacchatīti desanā yujjati. Karuṇāvihārissa karuṇāvihāralābhino sato saṃvijjamānassa puggalassa karuṇāya vihesāya paṭipakkhattā vihesā cittaṃ pariyādāya ṭhassatīti desanā na yujjati, karuṇāvihārissa sato vihesā pahānaṃ abbhatthaṃ gacchatīti desanā yujjati. Muditāvihārissa muditāvihāralābhino sato saṃvijjamānassa puggalassa muditāya aratiyā paṭipakkhattā arati cittaṃ pariyādāya ṭhassatīti desanā na yujjati, muditāvihārissa sato arati pahānaṃ abbhatthaṃ gacchatīti desanā yujjati. Upekkhāvihārissa upekkhāvihāralābhino sato saṃvijjamānassa puggalassa upekkhāya rāgassa paṭipakkhattā rāgo cittaṃ pariyādāya ṭhassatīti desanā na yujjati, upekkhāvihārissa sato rāgo pahānaṃ abbhatthaṃ gacchatīti desanā yujjati.
анимид̇д̇авихаарисса анижжаанубассанаамукзна бадилад̣̇д̇хапаласамаабад̇д̇ивихааралаабхино сад̇о сам̣виж̇ж̇амаанасса буг̇г̇аласса нимид̇д̇аанусаари д̇зна д̇знзва сан̇кааранимид̇д̇аанусаарзнзва нижжаад̣̇ийсу бахийнзна нимид̇д̇зна вин̃н̃аан̣ам̣ бавад̇д̇ад̇ийд̇и д̣̇зсанаа на яуж̇ж̇ад̇и, анимид̇д̇аанубассанааяа нижжаад̣̇ивибаллаасабадибагкад̇д̇аа анимид̇д̇авихаарисса сад̇о нимид̇д̇ам̣ бахаанам̣ аб̣бхад̇т̇ам̣ г̇ажчад̇ийд̇и д̣̇зсанаа яуж̇ж̇ад̇и. ‘‘асмий’’д̇и ман̃н̃ид̇ам̣ канд̇хабан̃жагам̣ ад̇д̇авиг̇ад̇ам̣ ‘‘аяам̣ канд̇хабан̃жаго ахам̣ асмий’’д̇и на саманубассаами, ат̇а жа бана асаманубассанз сад̇иби ‘‘мз гим̣ асмий’’д̇и ‘‘гат̇ам̣ асмий’’д̇и вижигижчаа гат̇ам̣гат̇аасаллам̣ жид̇д̇ам̣ барияаад̣̇ааяа тассад̇ийд̇и д̣̇зсанаа на яуж̇ж̇ад̇и, вижигижчааяа бахаанзгадтабхаавад̇о ‘‘аяам̣ канд̇хабан̃жаго ахам̣ асмий’’д̇и асаманубассанд̇асса вижигижчаа гат̇ам̣гат̇аасаллам̣ бахаанам̣ аб̣бхад̇т̇ам̣ г̇ажчад̇ийд̇и д̣̇зсанаа яуж̇ж̇ад̇и.
Animittavihārissa aniccānupassanāmukhena paṭiladdhaphalasamāpattivihāralābhino sato saṃvijjamānassa puggalassa nimittānusāri tena teneva saṅkhāranimittānusāreneva niccādīsu pahīnena nimittena viññāṇaṃ pavattatīti desanā na yujjati, animittānupassanāya niccādivipallāsapaṭipakkhattā animittavihārissa sato nimittaṃ pahānaṃ abbhatthaṃ gacchatīti desanā yujjati. ‘‘Asmī’’ti maññitaṃ khandhapañcakaṃ attavigataṃ ‘‘ayaṃ khandhapañcako ahaṃ asmī’’ti na samanupassāmi, atha ca pana asamanupassane satipi ‘‘me kiṃ asmī’’ti ‘‘kathaṃ asmī’’ti vicikicchā kathaṃkathāsallaṃ cittaṃ pariyādāya ṭhassatīti desanā na yujjati, vicikicchāya pahānekaṭṭhabhāvato ‘‘ayaṃ khandhapañcako ahaṃ asmī’’ti asamanupassantassa vicikicchā kathaṃkathāsallaṃ pahānaṃ abbhatthaṃ gacchatīti desanā yujjati.
‘‘паласамаабад̇д̇ивасзнзва яуд̇д̇и г̇авзсид̇аб̣б̣аа ги’’нд̇и вад̇д̇аб̣б̣ад̇д̇аа жхаанасамаабад̇д̇ивасзнаби яуд̇д̇и г̇авзсид̇аб̣б̣аад̇и д̣̇ассзд̇ум̣ ‘‘яат̇аа ваа бана батамам̣ жхаана’’нд̇иаад̣̇и аарад̣̇д̇хам̣. ат̇а ваа ‘‘паласамаабад̇д̇ивихаариссзва яуд̇д̇и г̇авзсид̇аб̣б̣аа ги’’нд̇и вад̇д̇аб̣б̣ад̇д̇аа жхаанасамаабад̇д̇ивасзнаби яуд̇д̇и г̇авзсид̇аб̣б̣аад̇и д̣̇ассзд̇ум̣ ‘‘яат̇аа ваа бана батамам̣ жхаана’’нд̇иаад̣̇и аарад̣̇д̇хам̣. д̇ад̇т̇а яат̇аа батамам̣ жхаанам̣ самаабаннасса паласамаабад̇д̇ивихаарисса яуд̇д̇и г̇авзсид̇аб̣б̣аа, звам̣ жхаанасамаабад̇д̇ивихаариссаби яуд̇д̇и г̇авзсид̇аб̣б̣аа. гат̇ам̣? батамам̣ жхаанам̣ самаабаннасса батамаж̇жхаанасаман̇г̇ино сад̇о сам̣виж̇ж̇амаанасса буг̇г̇аласса нийваран̣авигкамбханад̇о гаамарааг̇аб̣яаабаад̣̇аа висзсааяа д̣̇уд̇ияаж̇жхаанааяа сам̣вад̇д̇анд̇ийд̇и д̣̇зсанаа на яуж̇ж̇ад̇и, гаамарааг̇аб̣яаабаад̣̇аа жхаанасса хаанааяа сам̣вад̇д̇анд̇ийд̇и д̣̇зсанаа яуж̇ж̇ад̇и. вид̇аггасахаг̇ад̇аа сан̃н̃ааманасигаараа убажаарад̇хаммзна саха д̣̇уд̇ияаж̇жхаанад̇хаммаа жхаанасса хаанааяа сам̣вад̇д̇анд̇ийд̇и д̣̇зсанаа на яуж̇ж̇ад̇и, вид̇аггасахаг̇ад̇аа сан̃н̃ааманасигаараа висзсааяа убарижхаанад̇т̇ааяа сам̣вад̇д̇анд̇ийд̇и д̣̇зсанаа яуж̇ж̇ад̇и.
‘‘Phalasamāpattivaseneva yutti gavesitabbā ki’’nti vattabbattā jhānasamāpattivasenapi yutti gavesitabbāti dassetuṃ ‘‘yathā vā pana paṭhamaṃ jhāna’’ntiādi āraddhaṃ. Atha vā ‘‘phalasamāpattivihārisseva yutti gavesitabbā ki’’nti vattabbattā jhānasamāpattivasenapi yutti gavesitabbāti dassetuṃ ‘‘yathā vā pana paṭhamaṃ jhāna’’ntiādi āraddhaṃ. Tattha yathā paṭhamaṃ jhānaṃ samāpannassa phalasamāpattivihārissa yutti gavesitabbā, evaṃ jhānasamāpattivihārissapi yutti gavesitabbā. Kathaṃ? Paṭhamaṃ jhānaṃ samāpannassa paṭhamajjhānasamaṅgino sato saṃvijjamānassa puggalassa nīvaraṇavikkhambhanato kāmarāgabyāpādā visesāya dutiyajjhānāya saṃvattantīti desanā na yujjati, kāmarāgabyāpādā jhānassa hānāya saṃvattantīti desanā yujjati. Vitakkasahagatā saññāmanasikārā upacāradhammena saha dutiyajjhānadhammā jhānassa hānāya saṃvattantīti desanā na yujjati, vitakkasahagatā saññāmanasikārā visesāya uparijhānatthāya saṃvattantīti desanā yujjati.
д̣̇уд̇ияам̣ жхаанам̣ самаабаннасса сад̇о сам̣виж̇ж̇амаанасса буг̇г̇аласса вид̇аггавижаарасахаг̇ад̇аа ваа сан̃н̃ааманасигаараа убажаарад̇хаммзна саха батамаж̇жхаанад̇хаммаа висзсааяа убарижхаанад̇т̇ааяа сам̣вад̇д̇анд̇ийд̇и д̣̇зсанаа на яуж̇ж̇ад̇и, вид̇аггавижаарасахаг̇ад̇аа сан̃н̃ааманасигаараа авид̇аггажхаанасса хаанааяа сам̣вад̇д̇анд̇ийд̇и д̣̇зсанаа яуж̇ж̇ад̇и. убзгкаасахаг̇ад̇аа ваа сан̃н̃ааманасигаараа убажаарад̇хаммзна саха жад̇уд̇т̇аж̇жхаанад̇хаммаа жхаанасса хаанааяа сам̣вад̇д̇анд̇ийд̇и д̣̇зсанаа на яуж̇ж̇ад̇и, убзгкаасахаг̇ад̇аа сан̃н̃ааманасигаараа висзсааяа убарижхаанад̇т̇ааяа сам̣вад̇д̇анд̇ийд̇и д̣̇зсанаа яуж̇ж̇ад̇и. сзсзсуби ад̇т̇аануруубам̣ яож̇анаа гаад̇аб̣б̣аа. яат̇аавуд̇д̇асамаабад̇д̇ийсу васийбхаавзна барижид̇ам̣ галлад̇аабарижид̇ам̣ жид̇д̇ам̣ наама.
Dutiyaṃ jhānaṃ samāpannassa sato saṃvijjamānassa puggalassa vitakkavicārasahagatā vā saññāmanasikārā upacāradhammena saha paṭhamajjhānadhammā visesāya uparijhānatthāya saṃvattantīti desanā na yujjati, vitakkavicārasahagatā saññāmanasikārā avitakkajhānassa hānāya saṃvattantīti desanā yujjati. Upekkhāsahagatā vā saññāmanasikārā upacāradhammena saha catutthajjhānadhammā jhānassa hānāya saṃvattantīti desanā na yujjati, upekkhāsahagatā saññāmanasikārā visesāya uparijhānatthāya saṃvattantīti desanā yujjati. Sesesupi atthānurūpaṃ yojanā kātabbā. Yathāvuttasamāpattīsu vasībhāvena paricitaṃ kallatāparicitaṃ cittaṃ nāma.
зд̇д̇агамзва яуд̇д̇иг̇авзсанам̣ на гаад̇аб̣б̣ам̣, нававид̇хасуд̇д̇анд̇зсу яат̇аалад̣̇д̇хаяуд̇д̇иг̇авзсанамби гаад̇аб̣б̣анд̇и д̣̇ассзд̇ум̣ ‘‘звам̣ саб̣б̣з’’д̇иаад̣̇и вуд̇д̇ам̣. ‘‘саб̣б̣зсам̣ хаараанам̣ яат̇аавуд̇д̇абхуумиг̇ожараанам̣ вижаяахаарзна вижинид̇ваа яуд̇д̇ихаарзна яож̇зд̇аб̣б̣абхааво гзна сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘д̇знаахаа’’д̇иаад̣̇и вуд̇д̇ам̣. д̇ад̇т̇а д̇зна яож̇зд̇аб̣б̣абхаавзна ааяасмаа махаагажжаано ‘‘саб̣б̣зса’’нд̇иаад̣̇игам̣ яам̣ важанам̣ ааха, д̇зна важанзна сад̣̇д̣̇ахид̇аб̣б̣од̇и вуд̇д̇ам̣ ход̇и.
Ettakameva yuttigavesanaṃ na kātabbaṃ, navavidhasuttantesu yathāladdhayuttigavesanampi kātabbanti dassetuṃ ‘‘evaṃ sabbe’’tiādi vuttaṃ. ‘‘Sabbesaṃ hārānaṃ yathāvuttabhūmigocarānaṃ vicayahārena vicinitvā yuttihārena yojetabbabhāvo kena saddahitabbo’’ti vattabbattā ‘‘tenāhā’’tiādi vuttaṃ. Tattha tena yojetabbabhāvena āyasmā mahākaccāno ‘‘sabbesa’’ntiādikaṃ yaṃ vacanaṃ āha, tena vacanena saddahitabboti vuttaṃ hoti.
ид̇и яуд̇д̇ихааравибхан̇г̇з сад̇д̇иб̣алаануруубаа ражид̇аа
Iti yuttihāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 3. яуд̇д̇ихааравибхан̇г̇о • 3. Yuttihāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 3. яуд̇д̇ихааравибхан̇г̇аван̣н̣анаа • 3. Yuttihāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 3. яуд̇д̇ихааравибхан̇г̇аван̣н̣анаа • 3. Yuttihāravibhaṅgavaṇṇanā
