| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
3. яуд̇д̇ихааравибхан̇г̇о
3. Yuttihāravibhaṅgo
18. д̇ад̇т̇а гад̇амо яуд̇д̇ихааро? ‘‘саб̣б̣зсам̣ хаараана’’нд̇и, аяам̣ яуд̇д̇ихааро. гим̣ яож̇аяад̇и 1? жад̇д̇ааро махаабад̣̇зсаа б̣уд̣̇д̇хаабад̣̇зсо сан̇гхаабад̣̇зсо самб̣ахулад̇т̇зраабад̣̇зсо 2 згад̇т̇зраабад̣̇зсо. имз жад̇д̇ааро махаабад̣̇зсаа, д̇аани бад̣̇аб̣яан̃ж̇анаани суд̇д̇з од̇аараяид̇аб̣б̣аани, винаяз санд̣̇ассаяид̇аб̣б̣аани, д̇хаммад̇ааяам̣ убанигкибид̇аб̣б̣аани.
гад̇амасмим̣ суд̇д̇з од̇аараяид̇аб̣б̣аани? жад̇уусу арияасажжзсу. гад̇амасмим̣ винаяз санд̣̇ассаяид̇аб̣б̣аани? рааг̇авинаяз д̣̇осавинаяз мохавинаяз. гад̇амиссам̣ 5 д̇хаммад̇ааяам̣ убанигкибид̇аб̣б̣аани? бадижжасамуббаад̣̇з. яад̣̇и жад̇уусу арияасажжзсу авад̇арад̇и, гилзсавинаяз санд̣̇иссад̇и , д̇хаммад̇ан̃жа на виломзд̇и, звам̣ аасавз на ж̇анзд̇и. жад̇уухи махаабад̣̇зсзхи яам̣ яам̣ яуж̇ж̇ад̇и, язна язна яуж̇ж̇ад̇и, яат̇аа яат̇аа яуж̇ж̇ад̇и, д̇ам̣ д̇ам̣ г̇ахзд̇аб̣б̣ам̣.
Katamasmiṃ sutte otārayitabbāni? Catūsu ariyasaccesu. Katamasmiṃ vinaye sandassayitabbāni? Rāgavinaye dosavinaye mohavinaye. Katamissaṃ 6 dhammatāyaṃ upanikkhipitabbāni? Paṭiccasamuppāde. Yadi catūsu ariyasaccesu avatarati, kilesavinaye sandissati , dhammatañca na vilometi, evaṃ āsave na janeti. Catūhi mahāpadesehi yaṃ yaṃ yujjati, yena yena yujjati, yathā yathā yujjati, taṃ taṃ gahetabbaṃ.
19. бан̃хам̣ бужчид̇зна гад̇и бад̣̇аани бан̃хзд̇и бад̣̇асо барияог̇аахид̇аб̣б̣ам̣ вижзд̇аб̣б̣ам̣? яад̣̇и саб̣б̣аани бад̣̇аани згам̣ ад̇т̇ам̣ абхивад̣̇анд̇и, зго бан̃хо. ат̇а жад̇д̇аари бад̣̇аани згам̣ ад̇т̇ам̣ абхивад̣̇анд̇и, зго бан̃хо. ат̇а д̇ийн̣и бад̣̇аани згам̣ ад̇т̇ам̣ абхивад̣̇анд̇и, зго бан̃хо. ат̇а д̣̇вз бад̣̇аани згам̣ ад̇т̇ам̣ абхивад̣̇анд̇и, зго бан̃хо. ат̇а згам̣ бад̣̇ам̣ згам̣ ад̇т̇ам̣ абхивад̣̇ад̇и, зго бан̃хо. д̇ам̣ убабаригкамаанзна ан̃н̃аад̇аб̣б̣ам̣ гим̣ имз д̇хаммаа наанад̇т̇аа наанааб̣яан̃ж̇анаа, уд̣̇ааху имзсам̣ д̇хаммаанам̣ зго ад̇т̇о б̣яан̃ж̇анамзва наананд̇и. яат̇аа гим̣ бхавз? яат̇аа саа д̣̇звад̇аа бхаг̇аванд̇ам̣ бан̃хам̣ бужчад̇и.
19. Pañhaṃ pucchitena kati padāni pañheti padaso pariyogāhitabbaṃ vicetabbaṃ? Yadi sabbāni padāni ekaṃ atthaṃ abhivadanti, eko pañho. Atha cattāri padāni ekaṃ atthaṃ abhivadanti, eko pañho. Atha tīṇi padāni ekaṃ atthaṃ abhivadanti, eko pañho. Atha dve padāni ekaṃ atthaṃ abhivadanti, eko pañho. Atha ekaṃ padaṃ ekaṃ atthaṃ abhivadati, eko pañho. Taṃ upaparikkhamānena aññātabbaṃ kiṃ ime dhammā nānatthā nānābyañjanā, udāhu imesaṃ dhammānaṃ eko attho byañjanameva nānanti. Yathā kiṃ bhave? Yathā sā devatā bhagavantaṃ pañhaṃ pucchati.
гзна саллзна од̇ин̣н̣о, гисса д̇хуубааяид̇о сад̣̇аа’’д̇и.
Kena sallena otiṇṇo, kissa dhūpāyito sadā’’ti.
имаани жад̇д̇аари бад̣̇аани бужчид̇аани. д̇з д̇аяо бан̃хаа гат̇ам̣ н̃ааяад̇и? бхаг̇аваа хи д̣̇звад̇ааяа висаж̇ж̇зд̇и.
Imāni cattāri padāni pucchitāni. Te tayo pañhā kathaṃ ñāyati? Bhagavā hi devatāya visajjeti.
д̇ан̣хаасаллзна од̇ин̣н̣о, ижчаад̇хуубааяид̇о сад̣̇аа’’д̇и.
Taṇhāsallena otiṇṇo, icchādhūpāyito sadā’’ti.
20. д̇ад̇т̇а ж̇араа жа маран̣ан̃жа имаани д̣̇вз сан̇кад̇асса сан̇кад̇алагкан̣аани. ж̇арааяам̣ тид̇асса ан̃н̃ат̇ад̇д̇ам̣, маран̣ам̣ ваяо. д̇ад̇т̇а ж̇арааяа жа маран̣асса жа ад̇т̇ад̇о наанад̇д̇ам̣. гзна гааран̣зна, г̇аб̣бхаг̇ад̇ааби хи мийяанд̇и, на жа д̇з ж̇ин̣н̣аа бхаванд̇и. ад̇т̇и жа д̣̇зваанам̣ маран̣ам̣, на жа д̇зсам̣ сарийраани ж̇ийранд̇и. саггад̇зва ж̇арааяа бадигаммам̣ гаад̇ум̣, на бана саггад̇з маран̣асса бадигаммам̣ гаад̇ум̣ ан̃н̃ад̇рзва ид̣̇д̇химанд̇аанам̣ ид̣̇д̇хивисаяаа. яам̣ банааха д̇ан̣хаасаллзна од̇ин̣н̣од̇и д̣̇иссанд̇и вийд̇арааг̇аа ж̇ийранд̇ааби мийяанд̇ааби. яад̣̇и жа яат̇аа ж̇араамаран̣ам̣, звам̣ д̇ан̣хааби сияаа. звам̣ санд̇з саб̣б̣з яоб̣б̣анадтааби виг̇ад̇ад̇ан̣хаа сияум̣. яат̇аа жа д̇ан̣хаа д̣̇угкасса самуд̣̇аяо, звам̣ ж̇араамаран̣амби сияаа д̣̇угкасса самуд̣̇аяо, на жа сияаа д̇ан̣хаа д̣̇угкасса самуд̣̇аяо, на хи ж̇араамаран̣ам̣ д̣̇угкасса самуд̣̇аяо, д̇ан̣хаа д̣̇угкасса самуд̣̇аяо. яат̇аа жа д̇ан̣хаа маг̇г̇аваж̇жхаа, звам̣ ж̇араамаран̣амби сияаа маг̇г̇аваж̇жхам̣. имааяа яуд̇д̇ияаа ан̃н̃аман̃н̃зхи гааран̣зхи г̇авзсид̇аб̣б̣ам̣. яад̣̇и жа санд̣̇иссад̇и яуд̇д̇исамааруул̣хам̣ ад̇т̇ад̇о жа ан̃н̃ад̇д̇ам̣, б̣яан̃ж̇анад̇оби г̇авзсид̇аб̣б̣ам̣.
20. Tattha jarā ca maraṇañca imāni dve saṅkhatassa saṅkhatalakkhaṇāni. Jarāyaṃ ṭhitassa aññathattaṃ, maraṇaṃ vayo. Tattha jarāya ca maraṇassa ca atthato nānattaṃ. Kena kāraṇena, gabbhagatāpi hi mīyanti, na ca te jiṇṇā bhavanti. Atthi ca devānaṃ maraṇaṃ, na ca tesaṃ sarīrāni jīranti. Sakkateva jarāya paṭikammaṃ kātuṃ, na pana sakkate maraṇassa paṭikammaṃ kātuṃ aññatreva iddhimantānaṃ iddhivisayā. Yaṃ panāha taṇhāsallena otiṇṇoti dissanti vītarāgā jīrantāpi mīyantāpi. Yadi ca yathā jarāmaraṇaṃ, evaṃ taṇhāpi siyā. Evaṃ sante sabbe yobbanaṭṭhāpi vigatataṇhā siyuṃ. Yathā ca taṇhā dukkhassa samudayo, evaṃ jarāmaraṇampi siyā dukkhassa samudayo, na ca siyā taṇhā dukkhassa samudayo, na hi jarāmaraṇaṃ dukkhassa samudayo, taṇhā dukkhassa samudayo. Yathā ca taṇhā maggavajjhā, evaṃ jarāmaraṇampi siyā maggavajjhaṃ. Imāya yuttiyā aññamaññehi kāraṇehi gavesitabbaṃ. Yadi ca sandissati yuttisamārūḷhaṃ atthato ca aññattaṃ, byañjanatopi gavesitabbaṃ.
саллод̇и ваа д̇хуубааяананд̇и ваа имзсам̣ д̇хаммаанам̣ ад̇т̇ад̇о згад̇д̇ам̣. на хи яуж̇ж̇ад̇и ижчааяа жа д̇ан̣хааяа жа ад̇т̇ад̇о ан̃н̃ад̇д̇ам̣. д̇ан̣хааяа ад̇хиббааяз абарибуурамаанз навасу аагхаад̇авад̇т̇уусу год̇хо жа убанаахо жа уббаж̇ж̇ад̇и. имааяа яуд̇д̇ияаа ж̇арааяа жа маран̣асса жа д̇ан̣хааяа жа ад̇т̇ад̇о ан̃н̃ад̇д̇ам̣.
Salloti vā dhūpāyananti vā imesaṃ dhammānaṃ atthato ekattaṃ. Na hi yujjati icchāya ca taṇhāya ca atthato aññattaṃ. Taṇhāya adhippāye aparipūramāne navasu āghātavatthūsu kodho ca upanāho ca uppajjati. Imāya yuttiyā jarāya ca maraṇassa ca taṇhāya ca atthato aññattaṃ.
яам̣ банид̣̇ам̣ бхаг̇авад̇аа д̣̇вийхи наамзхи абхилабид̇ам̣ ижчаад̇иби д̇ан̣хаад̇иби, ид̣̇ам̣ бхаг̇авад̇аа б̣аахираанам̣ вад̇т̇уунам̣ аарамман̣авасзна д̣̇вийхи наамзхи абхилабид̇ам̣ ижчаад̇иби д̇ан̣хаад̇иби, саб̣б̣аа хи д̇ан̣хаа аж̇жхосааналагкан̣зна згалагкан̣аа. яат̇аа саб̣б̣о аг̇г̇и ун̣хад̇д̇алагкан̣зна згалагкан̣о, аби жа убаад̣̇аанавасзна ан̃н̃аман̃н̃аани наамаани лабхад̇и, гадтаг̇г̇ийд̇иби д̇ин̣аг̇г̇ийд̇иби сагалигаг̇г̇ийд̇иби г̇омаяаг̇г̇ийд̇иби т̇усаг̇г̇ийд̇иби сан̇гаараг̇г̇ийд̇иби, саб̣б̣о хи аг̇г̇и ун̣хад̇д̇алагкан̣ова. звам̣ саб̣б̣аа д̇ан̣хаа аж̇жхосааналагкан̣зна згалагкан̣аа , аби д̇у аарамман̣аубаад̣̇аанавасзна ан̃н̃аман̃н̃зхи наамзхи абхилабид̇аа ижчааид̇иби д̇ан̣хааид̇иби саллоид̇иби д̇хуубааяанааид̇иби сарид̇ааид̇иби висад̇д̇игааид̇иби синзхоид̇иби гиламат̇оид̇иби лад̇ааид̇иби ман̃н̃анааид̇иби б̣анд̇хоид̇иби аасааид̇иби бибаасааид̇иби абхинанд̣̇анааид̇иби, ид̇и саб̣б̣аа д̇ан̣хаа аж̇жхосааналагкан̣зна згалагкан̣аа. яат̇аа жа взважанз вуд̇д̇аа.
Yaṃ panidaṃ bhagavatā dvīhi nāmehi abhilapitaṃ icchātipi taṇhātipi, idaṃ bhagavatā bāhirānaṃ vatthūnaṃ ārammaṇavasena dvīhi nāmehi abhilapitaṃ icchātipi taṇhātipi, sabbā hi taṇhā ajjhosānalakkhaṇena ekalakkhaṇā. Yathā sabbo aggi uṇhattalakkhaṇena ekalakkhaṇo, api ca upādānavasena aññamaññāni nāmāni labhati, kaṭṭhaggītipi tiṇaggītipi sakalikaggītipi gomayaggītipi thusaggītipi saṅkāraggītipi, sabbo hi aggi uṇhattalakkhaṇova. Evaṃ sabbā taṇhā ajjhosānalakkhaṇena ekalakkhaṇā , api tu ārammaṇaupādānavasena aññamaññehi nāmehi abhilapitā icchāitipi taṇhāitipi salloitipi dhūpāyanāitipi saritāitipi visattikāitipi sinehoitipi kilamathoitipi latāitipi maññanāitipi bandhoitipi āsāitipi pipāsāitipi abhinandanāitipi, iti sabbā taṇhā ajjhosānalakkhaṇena ekalakkhaṇā. Yathā ca vevacane vuttā.
‘‘аасаа жа бихаа абхинанд̣̇анаа жа, анзгад̇хаад̇уусу сараа бад̇идтид̇аа;
‘‘Āsā ca pihā abhinandanā ca, anekadhātūsu sarā patiṭṭhitā;
ан̃н̃аан̣амуулаббабхаваа баж̇аббид̇аа, саб̣б̣аа маяаа б̣яанд̇игад̇аа самуулагаа’’д̇и 11.
Aññāṇamūlappabhavā pajappitā, sabbā mayā byantikatā samūlakā’’ti 12.
д̇ан̣хааязд̇ам̣ взважанам̣. яат̇ааха бхаг̇аваа – руубз д̇исса авиг̇ад̇арааг̇асса авиг̇ад̇ажчанд̣̇асса авиг̇ад̇абзмасса авиг̇ад̇абибаасасса авиг̇ад̇абарил̣аахасса. звам̣ взд̣̇анааяа сан̃н̃ааяа сан̇каарзсу вин̃н̃аан̣з авиг̇ад̇арааг̇асса авиг̇ад̇ажчанд̣̇асса авиг̇ад̇абзмасса авиг̇ад̇абибаасасса авиг̇ад̇абарил̣аахасса саб̣б̣ам̣ суд̇д̇ам̣ вид̇т̇аарзд̇аб̣б̣ам̣. д̇ан̣хааязд̇ам̣ взважанам̣. звам̣ яуж̇ж̇ад̇и.
Taṇhāyetaṃ vevacanaṃ. Yathāha bhagavā – rūpe tissa avigatarāgassa avigatacchandassa avigatapemassa avigatapipāsassa avigatapariḷāhassa. Evaṃ vedanāya saññāya saṅkhāresu viññāṇe avigatarāgassa avigatacchandassa avigatapemassa avigatapipāsassa avigatapariḷāhassa sabbaṃ suttaṃ vitthāretabbaṃ. Taṇhāyetaṃ vevacanaṃ. Evaṃ yujjati.
21. саб̣б̣о д̣̇угкуубажааро гаамад̇ан̣хаасан̇каарамуулаго, на бана яуж̇ж̇ад̇и саб̣б̣о ниб̣б̣ид̣̇уубажааро гаамад̇ан̣хаабаригкаарамуулаго. имааяа яуд̇д̇ияаа ан̃н̃аман̃н̃зхи гааран̣зхи г̇авзсид̇аб̣б̣ам̣.
21. Sabbo dukkhūpacāro kāmataṇhāsaṅkhāramūlako, na pana yujjati sabbo nibbidūpacāro kāmataṇhāparikkhāramūlako. Imāya yuttiyā aññamaññehi kāraṇehi gavesitabbaṃ.
яат̇аа хи 13 бхаг̇аваа рааг̇ажарид̇асса буг̇г̇аласса асубхам̣ д̣̇зсаяад̇и, д̣̇осажарид̇асса бхаг̇аваа буг̇г̇аласса мзд̇д̇ам̣ д̣̇зсаяад̇и. мохажарид̇асса бхаг̇аваа буг̇г̇аласса бадижжасамуббаад̣̇ам̣ д̣̇зсаяад̇и. яад̣̇и хи бхаг̇аваа рааг̇ажарид̇асса буг̇г̇аласса мзд̇д̇ам̣ жзд̇овимуд̇д̇им̣ д̣̇зсзяяа. сукам̣ ваа бадибад̣̇ам̣ д̣̇анд̇хаабхин̃н̃ам̣ сукам̣ ваа бадибад̣̇ам̣ киббаабхин̃н̃ам̣ вибассанаабуб̣б̣ан̇г̇амам̣ ваа бахаанам̣ д̣̇зсзяяа, на яуж̇ж̇ад̇и д̣̇зсанаа. звам̣ яам̣ гин̃жи рааг̇асса ануломаббахаанам̣ д̣̇осасса ануломаббахаанам̣ мохасса ануломаббахаанам̣. саб̣б̣ам̣ д̇ам̣ вижаязна хаарзна вижинид̇ваа яуд̇д̇ихаарзна яож̇зд̇аб̣б̣ам̣. яаавад̇игаа н̃аан̣асса бхууми.
Yathā hi 14 bhagavā rāgacaritassa puggalassa asubhaṃ desayati, dosacaritassa bhagavā puggalassa mettaṃ desayati. Mohacaritassa bhagavā puggalassa paṭiccasamuppādaṃ desayati. Yadi hi bhagavā rāgacaritassa puggalassa mettaṃ cetovimuttiṃ deseyya. Sukhaṃ vā paṭipadaṃ dandhābhiññaṃ sukhaṃ vā paṭipadaṃ khippābhiññaṃ vipassanāpubbaṅgamaṃ vā pahānaṃ deseyya, na yujjati desanā. Evaṃ yaṃ kiñci rāgassa anulomappahānaṃ dosassa anulomappahānaṃ mohassa anulomappahānaṃ. Sabbaṃ taṃ vicayena hārena vicinitvā yuttihārena yojetabbaṃ. Yāvatikā ñāṇassa bhūmi.
мзд̇д̇аавихаарисса сад̇о б̣яаабаад̣̇о жид̇д̇ам̣ барияаад̣̇ааяа тассад̇ийд̇и на яуж̇ж̇ад̇и д̣̇зсанаа, б̣яаабаад̣̇о бахаанам̣ аб̣бхад̇т̇ам̣ г̇ажчад̇ийд̇и яуж̇ж̇ад̇и д̣̇зсанаа. гарун̣аавихаарисса сад̇о вихзсаа жид̇д̇ам̣ барияаад̣̇ааяа тассад̇ийд̇и на яуж̇ж̇ад̇и д̣̇зсанаа, вихзсаа бахаанам̣ аб̣бхад̇т̇ам̣ г̇ажчад̇ийд̇и яуж̇ж̇ад̇и д̣̇зсанаа. муд̣̇ид̇аа вихаарисса сад̇о арад̇и жид̇д̇ам̣ барияаад̣̇ааяа тассад̇ийд̇и на яуж̇ж̇ад̇и д̣̇зсанаа, арад̇и бахаанам̣ аб̣бхад̇т̇ам̣ г̇ажчад̇ийд̇и яуж̇ж̇ад̇и д̣̇зсанаа. убзгкаавихаарисса сад̇о рааг̇о жид̇д̇ам̣ барияаад̣̇ааяа тассад̇ийд̇и на яуж̇ж̇ад̇и д̣̇зсанаа, рааг̇о бахаанам̣ аб̣бхад̇т̇ам̣ г̇ажчад̇ийд̇и яуж̇ж̇ад̇и д̣̇зсанаа. анимид̇д̇авихаарисса сад̇о нимид̇д̇аанусаарий д̇зна д̇знзва вин̃н̃аан̣ам̣ бавад̇д̇ад̇ийд̇и на яуж̇ж̇ад̇и д̣̇зсанаа , нимид̇д̇ам̣ бахаанам̣ аб̣бхад̇т̇ам̣ г̇ажчад̇ийд̇и яуж̇ж̇ад̇и д̣̇зсанаа. асмийд̇и виг̇ад̇ам̣ аяамахамасмийд̇и на саманубассаами. ат̇а жа бана мз гисмийд̇и гат̇асмийд̇и вижигижчаа гат̇ам̣гат̇аасаллам̣ жид̇д̇ам̣ барияаад̣̇ааяа тассад̇ийд̇и на яуж̇ж̇ад̇и д̣̇зсанаа, вижигижчаа гат̇ам̣гат̇аасаллам̣ бахаанам̣ аб̣бхад̇т̇ам̣ г̇ажчад̇ийд̇и яуж̇ж̇ад̇и д̣̇зсанаа.
Mettāvihārissa sato byāpādo cittaṃ pariyādāya ṭhassatīti na yujjati desanā, byāpādo pahānaṃ abbhatthaṃ gacchatīti yujjati desanā. Karuṇāvihārissa sato vihesā cittaṃ pariyādāya ṭhassatīti na yujjati desanā, vihesā pahānaṃ abbhatthaṃ gacchatīti yujjati desanā. Muditā vihārissa sato arati cittaṃ pariyādāya ṭhassatīti na yujjati desanā, arati pahānaṃ abbhatthaṃ gacchatīti yujjati desanā. Upekkhāvihārissa sato rāgo cittaṃ pariyādāya ṭhassatīti na yujjati desanā, rāgo pahānaṃ abbhatthaṃ gacchatīti yujjati desanā. Animittavihārissa sato nimittānusārī tena teneva viññāṇaṃ pavattatīti na yujjati desanā , nimittaṃ pahānaṃ abbhatthaṃ gacchatīti yujjati desanā. Asmīti vigataṃ ayamahamasmīti na samanupassāmi. Atha ca pana me kismīti kathasmīti vicikicchā kathaṃkathāsallaṃ cittaṃ pariyādāya ṭhassatīti na yujjati desanā, vicikicchā kathaṃkathāsallaṃ pahānaṃ abbhatthaṃ gacchatīti yujjati desanā.
яат̇аа ваа бана батамам̣ жхаанам̣ самаабаннасса сад̇о гаамарааг̇аб̣яаабаад̣̇аа висзсааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, хаанааяа сам̣вад̇д̇анд̇ийд̇и яуж̇ж̇ад̇и д̣̇зсанаа. вид̇аггасахаг̇ад̇аа ваа сан̃н̃ааманасигаараа хаанааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, висзсааяа сам̣вад̇д̇анд̇ийд̇и яуж̇ж̇ад̇и д̣̇зсанаа. д̣̇уд̇ияам̣ жхаанам̣ самаабаннасса сад̇о вид̇аггавижаарасахаг̇ад̇аа сан̃н̃ааманасигаараа висзсааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, хаанааяа сам̣вад̇д̇анд̇ийд̇и яуж̇ж̇ад̇и д̣̇зсанаа. убзгкаасукасахаг̇ад̇аа ваа сан̃н̃ааманасигаараа хаанааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, висзсааяа сам̣вад̇д̇анд̇ийд̇и яуж̇ж̇ад̇и д̣̇зсанаа. д̇ад̇ияам̣ жхаанам̣ самаабаннасса сад̇о бийд̇исукасахаг̇ад̇аа сан̃н̃ааманасигаараа висзсааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, хаанааяа сам̣вад̇д̇анд̇ийд̇и яуж̇ж̇ад̇и д̣̇зсанаа, убзгкаасад̇ибаарисуд̣̇д̇хисахаг̇ад̇аа ваа сан̃н̃ааманасигаараа хаанааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, висзсааяа сам̣вад̇д̇анд̇ийд̇и яуж̇ж̇ад̇и д̣̇зсанаа. жад̇уд̇т̇ам̣ жхаанам̣ самаабаннасса сад̇о убзгкаасахаг̇ад̇аа сан̃н̃ааманасигаараа висзсааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, хаанааяа сам̣вад̇д̇анд̇ийд̇и яуж̇ж̇ад̇и д̣̇зсанаа . аагаасаанан̃жааяад̇анасахаг̇ад̇аа ваа сан̃н̃ааманасигаараа хаанааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, висзсааяа сам̣вад̇д̇анд̇ийд̇и яуж̇ж̇ад̇и д̣̇зсанаа.
Yathā vā pana paṭhamaṃ jhānaṃ samāpannassa sato kāmarāgabyāpādā visesāya saṃvattantīti na yujjati desanā, hānāya saṃvattantīti yujjati desanā. Vitakkasahagatā vā saññāmanasikārā hānāya saṃvattantīti na yujjati desanā, visesāya saṃvattantīti yujjati desanā. Dutiyaṃ jhānaṃ samāpannassa sato vitakkavicārasahagatā saññāmanasikārā visesāya saṃvattantīti na yujjati desanā, hānāya saṃvattantīti yujjati desanā. Upekkhāsukhasahagatā vā saññāmanasikārā hānāya saṃvattantīti na yujjati desanā, visesāya saṃvattantīti yujjati desanā. Tatiyaṃ jhānaṃ samāpannassa sato pītisukhasahagatā saññāmanasikārā visesāya saṃvattantīti na yujjati desanā, hānāya saṃvattantīti yujjati desanā, upekkhāsatipārisuddhisahagatā vā saññāmanasikārā hānāya saṃvattantīti na yujjati desanā, visesāya saṃvattantīti yujjati desanā. Catutthaṃ jhānaṃ samāpannassa sato upekkhāsahagatā saññāmanasikārā visesāya saṃvattantīti na yujjati desanā, hānāya saṃvattantīti yujjati desanā . Ākāsānañcāyatanasahagatā vā saññāmanasikārā hānāya saṃvattantīti na yujjati desanā, visesāya saṃvattantīti yujjati desanā.
аагаасаанан̃жааяад̇анам̣ самаабаннасса сад̇о руубасахаг̇ад̇аа сан̃н̃ааманасигаараа висзсааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, хаанааяа сам̣вад̇д̇анд̇ийд̇и яуж̇ж̇ад̇и д̣̇зсанаа. вин̃н̃аан̣ан̃жааяад̇анасахаг̇ад̇аа ваа сан̃н̃ааманасигаараа хаанааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, висзсааяа сам̣вад̇д̇анд̇ийд̇и яуж̇ж̇ад̇и д̣̇зсанаа. вин̃н̃аан̣ан̃жааяад̇анам̣ самаабаннасса сад̇о аагаасаанан̃жааяад̇анасахаг̇ад̇аа сан̃н̃ааманасигаараа висзсааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, хаанааяа сам̣вад̇д̇анд̇ийд̇и яуж̇ж̇ад̇и д̣̇зсанаа. аагин̃жан̃н̃ааяад̇анасахаг̇ад̇аа ваа сан̃н̃ааманасигаараа хаанааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, висзсааяа сам̣вад̇д̇анд̇ийд̇и яуж̇ж̇ад̇и д̣̇зсанаа.
Ākāsānañcāyatanaṃ samāpannassa sato rūpasahagatā saññāmanasikārā visesāya saṃvattantīti na yujjati desanā, hānāya saṃvattantīti yujjati desanā. Viññāṇañcāyatanasahagatā vā saññāmanasikārā hānāya saṃvattantīti na yujjati desanā, visesāya saṃvattantīti yujjati desanā. Viññāṇañcāyatanaṃ samāpannassa sato ākāsānañcāyatanasahagatā saññāmanasikārā visesāya saṃvattantīti na yujjati desanā, hānāya saṃvattantīti yujjati desanā. Ākiñcaññāyatanasahagatā vā saññāmanasikārā hānāya saṃvattantīti na yujjati desanā, visesāya saṃvattantīti yujjati desanā.
аагин̃жан̃н̃ааяад̇анам̣ самаабаннасса сад̇о вин̃н̃аан̣ан̃жааяад̇анасахаг̇ад̇аа сан̃н̃ааманасигаараа висзсааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, хаанааяа сам̣вад̇д̇анд̇ийд̇и яуж̇ж̇ад̇и д̣̇зсанаа. нзвасан̃н̃аанаасан̃н̃ааяад̇анасахаг̇ад̇аа ваа сан̃н̃ааманасигаараа хаанааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, висзсааяа сам̣вад̇д̇анд̇ийд̇и яуж̇ж̇ад̇и д̣̇зсанаа. нзвасан̃н̃аанаасан̃н̃ааяад̇анам̣ самаабаннасса сад̇о сан̃н̃уубажаараа висзсааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, хаанааяа сам̣вад̇д̇анд̇ийд̇и яуж̇ж̇ад̇и д̣̇зсанаа. сан̃н̃аавзд̣̇аяид̇анирод̇хасахаг̇ад̇аа ваа сан̃н̃ааманасигаараа хаанааяа сам̣вад̇д̇анд̇ийд̇и на яуж̇ж̇ад̇и д̣̇зсанаа, висзсааяа сам̣вад̇д̇анд̇ийд̇и яуж̇ж̇ад̇и д̣̇зсанаа. галлад̇аабарижид̇ам̣ жид̇д̇ам̣ на жа абхинийхаарам̣ камад̇ийд̇и на яуж̇ж̇ад̇и д̣̇зсанаа, галлад̇аабарижид̇ам̣ жид̇д̇ам̣ ат̇а жа абхинийхаарам̣ камад̇ийд̇и яуж̇ж̇ад̇и д̣̇зсанаа.
Ākiñcaññāyatanaṃ samāpannassa sato viññāṇañcāyatanasahagatā saññāmanasikārā visesāya saṃvattantīti na yujjati desanā, hānāya saṃvattantīti yujjati desanā. Nevasaññānāsaññāyatanasahagatā vā saññāmanasikārā hānāya saṃvattantīti na yujjati desanā, visesāya saṃvattantīti yujjati desanā. Nevasaññānāsaññāyatanaṃ samāpannassa sato saññūpacārā visesāya saṃvattantīti na yujjati desanā, hānāya saṃvattantīti yujjati desanā. Saññāvedayitanirodhasahagatā vā saññāmanasikārā hānāya saṃvattantīti na yujjati desanā, visesāya saṃvattantīti yujjati desanā. Kallatāparicitaṃ cittaṃ na ca abhinīhāraṃ khamatīti na yujjati desanā, kallatāparicitaṃ cittaṃ atha ca abhinīhāraṃ khamatīti yujjati desanā.
звам̣ саб̣б̣з навасуд̇д̇анд̇аа яат̇аад̇хаммам̣ яат̇аавинаяам̣ яат̇аасад̇т̇усаасанам̣ саб̣б̣ад̇о вижаязна хаарзна вижинид̇ваа яуд̇д̇ихаарзна яож̇зд̇аб̣б̣аад̇и. д̇знааха ааяасмаа махаагажжааяано ‘‘саб̣б̣зсам̣ хаараанам̣ яаа бхууми яо жа г̇ожаро д̇зса’’нд̇и.
Evaṃ sabbe navasuttantā yathādhammaṃ yathāvinayaṃ yathāsatthusāsanaṃ sabbato vicayena hārena vicinitvā yuttihārena yojetabbāti. Tenāha āyasmā mahākaccāyano ‘‘sabbesaṃ hārānaṃ yā bhūmi yo ca gocaro tesa’’nti.
нияуд̇д̇о яуд̇д̇и хааро.
Niyutto yutti hāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 3. яуд̇д̇ихааравибхан̇г̇аван̣н̣анаа • 3. Yuttihāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 3. яуд̇д̇ихааравибхан̇г̇аван̣н̣анаа • 3. Yuttihāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 3. яуд̇д̇ихааравибхан̇г̇авибхааванаа • 3. Yuttihāravibhaṅgavibhāvanā
