| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
(11). ராக³பெய்யாலங்
(11). Rāgapeyyālaṃ
117. ‘‘ராக³ஸ்ஸ , பி⁴க்க²வே, அபி⁴ஞ்ஞாய அட்ட² த⁴ம்மா பா⁴வேதப்³பா³. கதமே அட்ட²? ஸம்மாதி³ட்டி², ஸம்மாஸங்கப்போ, ஸம்மாவாசா, ஸம்மாகம்மந்தோ, ஸம்மாஆஜீவோ, ஸம்மாவாயாமோ, ஸம்மாஸதி, ஸம்மாஸமாதி⁴ – ராக³ஸ்ஸ, பி⁴க்க²வே, அபி⁴ஞ்ஞாய இமே அட்ட² த⁴ம்மா பா⁴வேதப்³பா³’’தி.
117. ‘‘Rāgassa , bhikkhave, abhiññāya aṭṭha dhammā bhāvetabbā. Katame aṭṭha? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi – rāgassa, bhikkhave, abhiññāya ime aṭṭha dhammā bhāvetabbā’’ti.
118. ‘‘ராக³ஸ்ஸ, பி⁴க்க²வே, அபி⁴ஞ்ஞாய அட்ட² த⁴ம்மா பா⁴வேதப்³பா³. கதமே அட்ட²? அஜ்ஜ²த்தங் ரூபஸஞ்ஞீ ப³ஹித்³தா⁴ ரூபானி பஸ்ஸதி பரித்தானி ஸுவண்ணது³ப்³ப³ண்ணானி, தானி அபி⁴பு⁴ய்ய ‘ஜானாமி பஸ்ஸாமீ’தி ஏவங்ஸஞ்ஞீ ஹோதி. அஜ்ஜ²த்தங் ரூபஸஞ்ஞீ ப³ஹித்³தா⁴ ரூபானி பஸ்ஸதி அப்பமாணானி ஸுவண்ணது³ப்³ப³ண்ணானி, தானி அபி⁴பு⁴ய்ய ‘ஜானாமி பஸ்ஸாமீ’தி ஏவங்ஸஞ்ஞீ ஹோதி. அஜ்ஜ²த்தங் அரூபஸஞ்ஞீ ப³ஹித்³தா⁴ ரூபானி பஸ்ஸதி பரித்தானி ஸுவண்ணது³ப்³ப³ண்ணானி, தானி அபி⁴பு⁴ய்ய ‘ஜானாமி பஸ்ஸாமீ’தி ஏவங்ஸஞ்ஞீ ஹோதி. அஜ்ஜ²த்தங் அரூபஸஞ்ஞீ ப³ஹித்³தா⁴ ரூபானி பஸ்ஸதி அப்பமாணானி ஸுவண்ணது³ப்³ப³ண்ணானி, தானி அபி⁴பு⁴ய்ய ‘ஜானாமி பஸ்ஸாமீ’தி ஏவங்ஸஞ்ஞீ ஹோதி. அஜ்ஜ²த்தங் அரூபஸஞ்ஞீ ப³ஹித்³தா⁴ ரூபானி பஸ்ஸதி நீலானி நீலவண்ணானி நீலனித³ஸ்ஸனானி நீலனிபா⁴ஸானி பீதானி பீதவண்ணானி…பே॰… லோஹிதகானி லோஹிதகவண்ணானி…பே॰… ஓதா³தானி ஓதா³தவண்ணானி…பே॰… ஓதா³தனிபா⁴ஸானி, தானி அபி⁴பு⁴ய்ய ‘ஜானாமி பஸ்ஸாமீ’தி ஏவங்ஸஞ்ஞீ ஹோதி – ராக³ஸ்ஸ, பி⁴க்க²வே, அபி⁴ஞ்ஞாய இமே அட்ட² த⁴ம்மா பா⁴வேதப்³பா³’’.
118. ‘‘Rāgassa, bhikkhave, abhiññāya aṭṭha dhammā bhāvetabbā. Katame aṭṭha? Ajjhattaṃ rūpasaññī bahiddhā rūpāni passati parittāni suvaṇṇadubbaṇṇāni, tāni abhibhuyya ‘jānāmi passāmī’ti evaṃsaññī hoti. Ajjhattaṃ rūpasaññī bahiddhā rūpāni passati appamāṇāni suvaṇṇadubbaṇṇāni, tāni abhibhuyya ‘jānāmi passāmī’ti evaṃsaññī hoti. Ajjhattaṃ arūpasaññī bahiddhā rūpāni passati parittāni suvaṇṇadubbaṇṇāni, tāni abhibhuyya ‘jānāmi passāmī’ti evaṃsaññī hoti. Ajjhattaṃ arūpasaññī bahiddhā rūpāni passati appamāṇāni suvaṇṇadubbaṇṇāni, tāni abhibhuyya ‘jānāmi passāmī’ti evaṃsaññī hoti. Ajjhattaṃ arūpasaññī bahiddhā rūpāni passati nīlāni nīlavaṇṇāni nīlanidassanāni nīlanibhāsāni pītāni pītavaṇṇāni…pe… lohitakāni lohitakavaṇṇāni…pe… odātāni odātavaṇṇāni…pe… odātanibhāsāni, tāni abhibhuyya ‘jānāmi passāmī’ti evaṃsaññī hoti – rāgassa, bhikkhave, abhiññāya ime aṭṭha dhammā bhāvetabbā’’.
119. ‘‘ராக³ஸ்ஸ, பி⁴க்க²வே, அபி⁴ஞ்ஞாய அட்ட² த⁴ம்மா பா⁴வேதப்³பா³. கதமே அட்ட²? ரூபீ ரூபானி பஸ்ஸதி, அஜ்ஜ²த்தங் அரூபஸஞ்ஞீ ப³ஹித்³தா⁴ ரூபானி பஸ்ஸதி, ஸுப⁴ந்தேவ அதி⁴முத்தோ ஹோதி, ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனங் உபஸம்பஜ்ஜ விஹரதி, ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங் உபஸம்பஜ்ஜ விஹரதி, ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ விஹரதி, ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனங் உபஸம்பஜ்ஜ விஹரதி, ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி – ராக³ஸ்ஸ, பி⁴க்க²வே, அபி⁴ஞ்ஞாய இமே அட்ட² த⁴ம்மா பா⁴வேதப்³பா³’’.
119. ‘‘Rāgassa, bhikkhave, abhiññāya aṭṭha dhammā bhāvetabbā. Katame aṭṭha? Rūpī rūpāni passati, ajjhattaṃ arūpasaññī bahiddhā rūpāni passati, subhanteva adhimutto hoti, sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati, sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati, sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati, sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati, sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati – rāgassa, bhikkhave, abhiññāya ime aṭṭha dhammā bhāvetabbā’’.
120-146. ‘‘ராக³ஸ்ஸ , பி⁴க்க²வே, பரிஞ்ஞாய…பே॰… பரிக்க²யாய… பஹானாய… க²யாய… வயாய… விராகா³ய… நிரோதா⁴ய… சாகா³ய… படினிஸ்ஸக்³கா³ய…பே॰… இமே அட்ட² த⁴ம்மா பா⁴வேதப்³பா³’’.
120-146. ‘‘Rāgassa , bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya…pe… ime aṭṭha dhammā bhāvetabbā’’.
147-626. ‘‘தோ³ஸஸ்ஸ…பே॰… மோஹஸ்ஸ… கோத⁴ஸ்ஸ… உபனாஹஸ்ஸ… மக்க²ஸ்ஸ… பளாஸஸ்ஸ… இஸ்ஸாய… மச்ச²ரியஸ்ஸ … மாயாய… ஸாடெ²ய்யஸ்ஸ… த²ம்ப⁴ஸ்ஸ… ஸாரம்ப⁴ஸ்ஸ… மானஸ்ஸ… அதிமானஸ்ஸ… மத³ஸ்ஸ… பமாத³ஸ்ஸ அபி⁴ஞ்ஞாய…பே॰… பரிஞ்ஞாய… பரிக்க²யாய… பஹானாய… க²யாய… வயாய… விராகா³ய… நிரோதா⁴ய… சாகா³ய… படினிஸ்ஸக்³கா³ய…பே॰… இமே அட்ட² த⁴ம்மா பா⁴வேதப்³பா³’’தி.
147-626. ‘‘Dosassa…pe… mohassa… kodhassa… upanāhassa… makkhassa… paḷāsassa… issāya… macchariyassa … māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya…pe… ime aṭṭha dhammā bhāvetabbā’’ti.
ராக³பெய்யாலங் நிட்டி²தங்.
Rāgapeyyālaṃ niṭṭhitaṃ.
அட்ட²கனிபாதபாளி நிட்டி²தா.
Aṭṭhakanipātapāḷi niṭṭhitā.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. ஸத்³தா⁴ஸுத்தாதி³வண்ணனா • 1-10. Saddhāsuttādivaṇṇanā
