| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
(8) 3. ஸம்மப்பதா⁴னவக்³கோ³
(8) 3. Sammappadhānavaggo
1. ஸிக்க²ஸுத்தங்
1-9. Sikkhasuttaṃ
73. ‘‘பஞ்சிமானி , பி⁴க்க²வே, ஸிக்கா²து³ப்³ப³ல்யானி. கதமானி பஞ்ச? பாணாதிபாதோ …பே॰… ஸுராமேரயமஜ்ஜபமாத³ட்டா²னங் – இமானி கோ², பி⁴க்க²வே, பஞ்ச ஸிக்கா²து³ப்³ப³ல்யானி.
73. ‘‘Pañcimāni , bhikkhave, sikkhādubbalyāni. Katamāni pañca? Pāṇātipāto …pe… surāmerayamajjapamādaṭṭhānaṃ – imāni kho, bhikkhave, pañca sikkhādubbalyāni.
‘‘இமேஸங் கோ², பி⁴க்க²வே, பஞ்சன்னங் ஸிக்கா²து³ப்³ப³ல்யானங் பஹானாய சத்தாரோ ஸம்மப்பதா⁴னா பா⁴வேதப்³பா³. கதமே சத்தாரோ? இத⁴, பி⁴க்க²வே, பி⁴க்கு² அனுப்பன்னானங் பாபகானங் அகுஸலானங் த⁴ம்மானங் அனுப்பாதா³ய ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி; உப்பன்னானங் பாபகானங் அகுஸலானங் த⁴ம்மானங் பஹானாய ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி; அனுப்பன்னானங் குஸலானங் த⁴ம்மானங் உப்பாதா³ய ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி; உப்பன்னானங் குஸலானங் த⁴ம்மானங் டி²தியா அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி. இமேஸங் கோ², பி⁴க்க²வே, பஞ்சன்னங் ஸிக்கா²து³ப்³ப³ல்யானங் பஹானாய இமே சத்தாரோ ஸம்மப்பதா⁴னா பா⁴வேதப்³பா³’’தி. பட²மங்.
‘‘Imesaṃ kho, bhikkhave, pañcannaṃ sikkhādubbalyānaṃ pahānāya cattāro sammappadhānā bhāvetabbā. Katame cattāro? Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati; uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati; anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati; uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Imesaṃ kho, bhikkhave, pañcannaṃ sikkhādubbalyānaṃ pahānāya ime cattāro sammappadhānā bhāvetabbā’’ti. Paṭhamaṃ.
74-81. (யதா² ஸதிபட்டா²னவக்³கே³ ததா² ஸம்மப்பதா⁴னவஸேன வித்தா²ரேதப்³பா³.)
74-81. (Yathā satipaṭṭhānavagge tathā sammappadhānavasena vitthāretabbā.)
