| Library / Tipiṭaka / திபிடக • Tipiṭaka / மஜ்ஜி²மனிகாய (அட்ட²கதா²) • Majjhimanikāya (aṭṭhakathā) |
8. அப⁴யராஜகுமாரஸுத்தவண்ணனா
8. Abhayarājakumārasuttavaṇṇanā
83. ஏவங் மே ஸுதந்தி அப⁴யஸுத்தங். தத்த² அப⁴யோதி தஸ்ஸ நாமங். ராஜகுமாரோதி பி³ம்பி³ஸாரஸ்ஸ ஓரஸபுத்தோ. வாத³ங் ஆரோபேஹீதி தோ³ஸங் ஆரோபேஹி. நேரயிகோதி நிரயே நிப்³ப³த்தகோ. கப்பட்டோ²தி கப்பட்டி²திகோ. அதேகிச்சோ²தி பு³த்³த⁴ஸஹஸ்ஸேனாபி திகிச்சி²துங் ந ஸக்கா. உக்³கி³லிதுந்தி த்³வே அந்தே மோசெத்வா கதே²துங் அஸக்கொந்தோ உக்³கி³லிதுங் ப³ஹி நீஹரிதுங் ந ஸக்கி²தி. ஓகி³லிதுந்தி புச்சா²ய தோ³ஸங் த³த்வா ஹாரேதுங் அஸக்கொந்தோ ஓகி³லிதுங் அந்தோ பவேஸேதுங் ந ஸக்கி²தி.
83.Evaṃme sutanti abhayasuttaṃ. Tattha abhayoti tassa nāmaṃ. Rājakumāroti bimbisārassa orasaputto. Vādaṃ āropehīti dosaṃ āropehi. Nerayikoti niraye nibbattako. Kappaṭṭhoti kappaṭṭhitiko. Atekicchoti buddhasahassenāpi tikicchituṃ na sakkā. Uggilitunti dve ante mocetvā kathetuṃ asakkonto uggilituṃ bahi nīharituṃ na sakkhiti. Ogilitunti pucchāya dosaṃ datvā hāretuṃ asakkonto ogilituṃ anto pavesetuṃ na sakkhiti.
ஏவங், ப⁴ந்தேதி நிக³ண்டோ² கிர சிந்தேஸி – ‘‘ஸமணோ கோ³தமோ மய்ஹங் ஸாவகே பி⁴ந்தி³த்வா க³ண்ஹாதி, ஹந்தா³ஹங் ஏகங் பஞ்ஹங் அபி⁴ஸங்க²ரோமி, யங் புட்டோ² ஸமணோ கோ³தமோ உக்குடிகோ ஹுத்வா நிஸின்னோ உட்டா²துங் ந ஸக்கி²ஸ்ஸதீ’’தி. ஸோ அப⁴யஸ்ஸ கே³ஹா நீஹடப⁴த்தோ ஸினித்³த⁴போ⁴ஜனங் பு⁴ஞ்ஜந்தோ ப³ஹூ பஞ்ஹே அபி⁴ஸங்க²ரித்வா – ‘‘எத்த² ஸமணோ கோ³தமோ இமங் நாம தோ³ஸங் த³ஸ்ஸெஸ்ஸதி, எத்த² இமங் நாமா’’தி ஸப்³பே³ பஹாய சாதுமாஸமத்த²கே இமங் பஞ்ஹங் அத்³த³ஸ. அத²ஸ்ஸ ஏதத³ஹோஸி – ‘‘இமஸ்ஸ பஞ்ஹஸ்ஸ புச்சா²ய வா விஸ்ஸஜ்ஜனே வா ந ஸக்கா தோ³ஸோ தா³துங், ஓவட்டிகஸாரோ அயங், கோ நு கோ² இமங் க³ஹெத்வா ஸமணஸ்ஸ கோ³தமஸ்ஸ வாத³ங் ஆரோபெஸ்ஸதீ’’தி. ததோ ‘‘அப⁴யோ ராஜகுமாரோ பண்டி³தோ, ஸோ ஸக்கி²ஸ்ஸதீதி தங் உக்³க³ண்ஹாபேமீ’’தி நிட்ட²ங் க³ந்த்வா உக்³க³ண்ஹாபேஸி. ஸோ வாத³ஜ்ஜா²ஸயதாய தஸ்ஸ வசனங் ஸம்படிச்ச²ந்தோ ‘‘ஏவங், ப⁴ந்தே,’’தி ஆஹ.
Evaṃ, bhanteti nigaṇṭho kira cintesi – ‘‘samaṇo gotamo mayhaṃ sāvake bhinditvā gaṇhāti, handāhaṃ ekaṃ pañhaṃ abhisaṅkharomi, yaṃ puṭṭho samaṇo gotamo ukkuṭiko hutvā nisinno uṭṭhātuṃ na sakkhissatī’’ti. So abhayassa gehā nīhaṭabhatto siniddhabhojanaṃ bhuñjanto bahū pañhe abhisaṅkharitvā – ‘‘ettha samaṇo gotamo imaṃ nāma dosaṃ dassessati, ettha imaṃ nāmā’’ti sabbe pahāya cātumāsamatthake imaṃ pañhaṃ addasa. Athassa etadahosi – ‘‘imassa pañhassa pucchāya vā vissajjane vā na sakkā doso dātuṃ, ovaṭṭikasāro ayaṃ, ko nu kho imaṃ gahetvā samaṇassa gotamassa vādaṃ āropessatī’’ti. Tato ‘‘abhayo rājakumāro paṇḍito, so sakkhissatīti taṃ uggaṇhāpemī’’ti niṭṭhaṃ gantvā uggaṇhāpesi. So vādajjhāsayatāya tassa vacanaṃ sampaṭicchanto ‘‘evaṃ, bhante,’’ti āha.
84. அகாலோ கோ² அஜ்ஜாதி அயங் பஞ்ஹோ சதூஹி மாஸேஹி அபி⁴ஸங்க²தோ, தத்த² இத³ங் க³ஹெத்வா இத³ங் விஸ்ஸஜ்ஜியமானே தி³வஸபா⁴கோ³ நப்பஹொஸ்ஸதீதி மஞ்ஞந்தோ ஏவங் சிந்தேஸி. ஸோ தா³னீதி ஸ்வே தா³னி. அத்தசதுத்தோ²தி கஸ்மா ப³ஹூஹி ஸத்³தி⁴ங் ந நிமந்தேஸி? ஏவங் கிரஸ்ஸ அஹோஸி – ‘‘ப³ஹூஸு நிஸின்னேஸு தோ²கங் த³த்வா வத³ந்தஸ்ஸ அஞ்ஞங் ஸுத்தங் அஞ்ஞங் காரணங் அஞ்ஞங் ததா²ரூபங் வத்து²ங் ஆஹரித்வா த³ஸ்ஸெஸ்ஸதி, ஏவங் ஸந்தே கலஹோ வா கோலாஹலமேவ வா ப⁴விஸ்ஸதி. அதா²பி ஏககங்யேவ நிமந்தெஸ்ஸாமி, ஏவம்பி மே க³ரஹா உப்பஜ்ஜிஸ்ஸதி ‘யாவமச்ச²ரீ வாயங் அப⁴யோ, ப⁴க³வந்தங் தி³வஸே தி³வஸே பி⁴க்கூ²னங் ஸதேனபி ஸஹஸ்ஸேனபி ஸத்³தி⁴ங் சரந்தங் தி³ஸ்வாபி ஏககங்யேவ நிமந்தேஸீ’’’தி. ‘‘ஏவங் பன தோ³ஸோ ந ப⁴விஸ்ஸதீ’’தி அபரேஹி தீஹி ஸத்³தி⁴ங் அத்தசதுத்த²ங் நிமந்தேஸி.
84.Akālokho ajjāti ayaṃ pañho catūhi māsehi abhisaṅkhato, tattha idaṃ gahetvā idaṃ vissajjiyamāne divasabhāgo nappahossatīti maññanto evaṃ cintesi. So dānīti sve dāni. Attacatutthoti kasmā bahūhi saddhiṃ na nimantesi? Evaṃ kirassa ahosi – ‘‘bahūsu nisinnesu thokaṃ datvā vadantassa aññaṃ suttaṃ aññaṃ kāraṇaṃ aññaṃ tathārūpaṃ vatthuṃ āharitvā dassessati, evaṃ sante kalaho vā kolāhalameva vā bhavissati. Athāpi ekakaṃyeva nimantessāmi, evampi me garahā uppajjissati ‘yāvamaccharī vāyaṃ abhayo, bhagavantaṃ divase divase bhikkhūnaṃ satenapi sahassenapi saddhiṃ carantaṃ disvāpi ekakaṃyeva nimantesī’’’ti. ‘‘Evaṃ pana doso na bhavissatī’’ti aparehi tīhi saddhiṃ attacatutthaṃ nimantesi.
85. ந க்²வெத்த², ராஜகுமார, ஏகங்ஸேனாதி ந கோ², ராஜகுமார, எத்த² பஞ்ஹே ஏகங்ஸேன விஸ்ஸஜ்ஜனங் ஹோதி. ஏவரூபஞ்ஹி வாசங் ததா²க³தோ பா⁴ஸெய்யாபி ந பா⁴ஸெய்யாபி. பா⁴ஸிதபச்சயேன அத்த²ங் பஸ்ஸந்தோ பா⁴ஸெய்ய, அபஸ்ஸந்தோ ந பா⁴ஸெய்யாதி அத்தோ². இதி ப⁴க³வா மஹானிக³ண்டே²ன சதூஹி மாஸேஹி அபி⁴ஸங்க²தங் பஞ்ஹங் அஸனிபாதேன பப்³ப³தகூடங் விய ஏகவசனேனேவ ஸங்சுண்ணேஸி. அனஸ்ஸுங் நிக³ண்டா²தி நட்டா² நிக³ண்டா².
85.Na khvettha, rājakumāra, ekaṃsenāti na kho, rājakumāra, ettha pañhe ekaṃsena vissajjanaṃ hoti. Evarūpañhi vācaṃ tathāgato bhāseyyāpi na bhāseyyāpi. Bhāsitapaccayena atthaṃ passanto bhāseyya, apassanto na bhāseyyāti attho. Iti bhagavā mahānigaṇṭhena catūhi māsehi abhisaṅkhataṃ pañhaṃ asanipātena pabbatakūṭaṃ viya ekavacaneneva saṃcuṇṇesi. Anassuṃ nigaṇṭhāti naṭṭhā nigaṇṭhā.
86. அங்கே நிஸின்னோ ஹோதீதி ஊரூஸு நிஸின்னோ ஹோதி. லேஸவாதி³னோ ஹி வாத³ங் பட்ட²பெந்தா கிஞ்சிதே³வ ப²லங் வா புப்ப²ங் வா பொத்த²கங் வா க³ஹெத்வா நிஸீத³ந்தி. தே அத்தனோ ஜயே ஸதி பரங் அஜ்ஜொ²த்த²ரந்தி, பரஸ்ஸ ஜயே ஸதி ப²லங் கா²த³ந்தா விய புப்ப²ங் கா⁴யந்தா விய பொத்த²கங் வாசெந்தா விய விக்கே²பங் த³ஸ்ஸெந்தி. அயங் பன சிந்தேஸி – ‘‘ஸம்மாஸம்பு³த்³தோ⁴ ஏஸ ஓஸடஸங்கா³மோ பரவாத³மத்³த³னோ. ஸசே மே ஜயோ ப⁴விஸ்ஸதி, இச்சேதங் குஸலங். நோ சே ப⁴விஸ்ஸதி, தா³ரகங் விஜ்ஜி²த்வா ரோதா³பெஸ்ஸாமி. ததோ பஸ்ஸத², போ⁴, அயங் தா³ரகோ ரோத³தி, உட்ட²ஹத² தாவ, பச்சா²பி ஜானிஸ்ஸாமா’’தி தஸ்மா தா³ரகங் க³ஹெத்வா நிஸீதி³. ப⁴க³வா பன ராஜகுமாரதோ ஸஹஸ்ஸகு³ணேனபி ஸதஸஹஸ்ஸகு³ணேனபி வாதீ³வரதரோ, ‘‘இமமேவஸ்ஸ தா³ரகங் உபமங் கத்வா வாத³ங் பி⁴ந்தி³ஸ்ஸாமீ’’தி சிந்தெத்வா ‘‘தங் கிங் மஞ்ஞஸி ராஜகுமாரா’’திஆதி³மாஹ.
86.Aṅke nisinno hotīti ūrūsu nisinno hoti. Lesavādino hi vādaṃ paṭṭhapentā kiñcideva phalaṃ vā pupphaṃ vā potthakaṃ vā gahetvā nisīdanti. Te attano jaye sati paraṃ ajjhottharanti, parassa jaye sati phalaṃ khādantā viya pupphaṃ ghāyantā viya potthakaṃ vācentā viya vikkhepaṃ dassenti. Ayaṃ pana cintesi – ‘‘sammāsambuddho esa osaṭasaṅgāmo paravādamaddano. Sace me jayo bhavissati, iccetaṃ kusalaṃ. No ce bhavissati, dārakaṃ vijjhitvā rodāpessāmi. Tato passatha, bho, ayaṃ dārako rodati, uṭṭhahatha tāva, pacchāpi jānissāmā’’ti tasmā dārakaṃ gahetvā nisīdi. Bhagavā pana rājakumārato sahassaguṇenapi satasahassaguṇenapi vādīvarataro, ‘‘imamevassa dārakaṃ upamaṃ katvā vādaṃ bhindissāmī’’ti cintetvā ‘‘taṃ kiṃ maññasi rājakumārā’’tiādimāha.
தத்த² முகே² ஆஹரெய்யாதி முகே² ட²பெய்ய. ஆஹரெய்யஸ்ஸாஹந்தி அபனெய்யங் அஸ்ஸ அஹங். ஆதி³கேனேவாதி பட²மபயோகே³னேவ. அபூ⁴தந்தி அபூ⁴தத்த²ங். அதச்ச²ந்தி ந தச்ச²ங். அனத்த²ஸங்ஹிதந்தி ந அத்த²ஸங்ஹிதங் ந வட்³டி⁴னிஸ்ஸிதங். அப்பியா அமனாபாதி நேவ பியா ந மனாபா. இமினா நயேனேவ ஸப்³ப³த்த² அத்தோ² த³ட்ட²ப்³போ³.
Tattha mukhe āhareyyāti mukhe ṭhapeyya. Āhareyyassāhanti apaneyyaṃ assa ahaṃ. Ādikenevāti paṭhamapayogeneva. Abhūtanti abhūtatthaṃ. Atacchanti na tacchaṃ. Anatthasaṃhitanti na atthasaṃhitaṃ na vaḍḍhinissitaṃ. Appiyā amanāpāti neva piyā na manāpā. Iminā nayeneva sabbattha attho daṭṭhabbo.
தத்த² அப்பியபக்கே² பட²மவாசா அசோரங்யேவ சோரோதி, அதா³ஸங்யேவ தா³ஸோதி, அது³ப்பயுத்தங்யேவ து³ப்பயுத்தோதி பவத்தா. ந தங் ததா²க³தோ பா⁴ஸதி. து³தியவாசா சோரங்யேவ சோரோ அயந்திஆதி³வஸேன பவத்தா. தம்பி ததா²க³தோ ந பா⁴ஸதி. ததியவாசா ‘‘இதா³னி அகதபுஞ்ஞதாய து³க்³க³தோ து³ப்³ப³ண்ணோ அப்பேஸக்கோ² , இத⁴ ட²த்வாபி புன புஞ்ஞங் ந கரோஸி, து³தியசித்தவாரே கத²ங் சதூஹி அபாயேஹி ந முச்சிஸ்ஸஸீ’’தி ஏவங் மஹாஜனஸ்ஸ அத்த²புரெக்கா²ரேன த⁴ம்மபுரெக்கா²ரேன அனுஸாஸனீபுரெக்கா²ரேன ச வத்தப்³ப³வாசா. தத்ர காலஞ்ஞூ ததா²க³தோதி தஸ்மிங் ததியப்³யாகரணே தஸ்ஸா வாசாய ப்³யாகரணத்தா²ய ததா²க³தோ காலஞ்ஞூ ஹோதி, மஹாஜனஸ்ஸ ஆதா³னகாலங் க³ஹணகாலங் ஜானித்வாவ ப்³யாகரோதீதி அத்தோ².
Tattha appiyapakkhe paṭhamavācā acoraṃyeva coroti, adāsaṃyeva dāsoti, aduppayuttaṃyeva duppayuttoti pavattā. Na taṃ tathāgato bhāsati. Dutiyavācā coraṃyeva coro ayantiādivasena pavattā. Tampi tathāgato na bhāsati. Tatiyavācā ‘‘idāni akatapuññatāya duggato dubbaṇṇo appesakkho , idha ṭhatvāpi puna puññaṃ na karosi, dutiyacittavāre kathaṃ catūhi apāyehi na muccissasī’’ti evaṃ mahājanassa atthapurekkhārena dhammapurekkhārena anusāsanīpurekkhārena ca vattabbavācā. Tatra kālaññū tathāgatoti tasmiṃ tatiyabyākaraṇe tassā vācāya byākaraṇatthāya tathāgato kālaññū hoti, mahājanassa ādānakālaṃ gahaṇakālaṃ jānitvāva byākarotīti attho.
பியபக்கே² பட²மவாசா அட்டா²னியகதா² நாம. ஸா ஏவங் வேதி³தப்³பா³ – ஏவங் கிர கா³மவாஸிமஹல்லகங் நக³ரங் ஆக³ந்த்வா பானாகா³ரே பிவந்தங் வஞ்சேதுகாமா ஸம்ப³ஹுலா து⁴த்தா பீதட்டா²னே ட²த்வா தேன ஸத்³தி⁴ங் ஸுரங் பிவந்தா ‘‘இமஸ்ஸ நிவாஸனபாவுரணம்பி ஹத்தே² ப⁴ண்ட³கம்பி ஸப்³ப³ங் க³ண்ஹிஸ்ஸாமா’’தி சிந்தெத்வா கதிகங் அகங்ஸு – ‘‘ஏகேகங் அத்தபச்சக்க²கத²ங் கதே²ம, யோ ‘அபூ⁴த’ந்தி கதே²ஸி, கதி²தங் வா ந ஸத்³த³ஹதி, தங் தா³ஸங் கத்வா க³ண்ஹிஸ்ஸாமா’’தி. தம்பி மஹல்லகங் புச்சி²ங்ஸு ‘‘தும்ஹாகம்பி தாத ருச்சதீ’’தி. ஏவங் ஹோது தாதாதி.
Piyapakkhe paṭhamavācā aṭṭhāniyakathā nāma. Sā evaṃ veditabbā – evaṃ kira gāmavāsimahallakaṃ nagaraṃ āgantvā pānāgāre pivantaṃ vañcetukāmā sambahulā dhuttā pītaṭṭhāne ṭhatvā tena saddhiṃ suraṃ pivantā ‘‘imassa nivāsanapāvuraṇampi hatthe bhaṇḍakampi sabbaṃ gaṇhissāmā’’ti cintetvā katikaṃ akaṃsu – ‘‘ekekaṃ attapaccakkhakathaṃ kathema, yo ‘abhūta’nti kathesi, kathitaṃ vā na saddahati, taṃ dāsaṃ katvā gaṇhissāmā’’ti. Tampi mahallakaṃ pucchiṃsu ‘‘tumhākampi tāta ruccatī’’ti. Evaṃ hotu tātāti.
ஏகோ து⁴த்தோ ஆஹ – மய்ஹங், போ⁴ மாது, மயி குச்சி²க³தே கபிட்ட²ப²லதோ³ஹலோ அஹோஸி. ஸா அஞ்ஞங் கபிட்ட²ஹாரகங் அலப்³ப⁴மானா மங்யேவ பேஸேஸி. அஹங் க³ந்த்வா ருக்க²ங் அபி⁴ருஹிதுங் அஸக்கொந்தோ அத்தனாவ அத்தானங் பாதே³ க³ஹெத்வா முக்³க³ரங் விய ருக்க²ஸ்ஸ உபரி கி²பிங்; அத² ஸாக²தோ ஸாக²ங் விசரந்தோ ப²லானி க³ஹெத்வா ஓதரிதுங் அஸக்கொந்தோ க⁴ரங் க³ந்த்வா நிஸ்ஸேணிங் ஆஹரித்வா ஓருய்ஹ மாது ஸந்திகங் க³ந்த்வா ப²லானி மாதுயா அதா³ஸிங்; தானி பன மஹந்தானி ஹொந்தி சாடிப்பமாணானி. ததோ மே மாதரா ஏகாஸனே நிஸின்னாய ஸமஸட்டி²ப²லானி கா²தி³தானி. மயா ஏகுச்ச²ங்கே³ன ஆனீதப²லேஸு ஸேஸகானி குலஸந்தகே கா³மே கு²த்³த³கமஹல்லகானங் அஹேஸுங். அம்ஹாகங் க⁴ரங் ஸோளஸஹத்த²ங், ஸேஸபரிக்கா²ரப⁴ண்ட³கங் அபனெத்வா கபிட்ட²ப²லேஹேவ யாவ ச²த³னங் பூரிதங். ததோ அதிரேகானி க³ஹெத்வா கே³ஹத்³வாரே ராஸிங் அகங்ஸு. ஸோ அஸீதிஹத்து²ப்³பே³தோ⁴ பப்³ப³தோ விய அஹோஸி. கிங் ஈதி³ஸங், போ⁴ ஸக்கா, ஸத்³த³ஹிதுந்தி?
Eko dhutto āha – mayhaṃ, bho mātu, mayi kucchigate kapiṭṭhaphaladohalo ahosi. Sā aññaṃ kapiṭṭhahārakaṃ alabbhamānā maṃyeva pesesi. Ahaṃ gantvā rukkhaṃ abhiruhituṃ asakkonto attanāva attānaṃ pāde gahetvā muggaraṃ viya rukkhassa upari khipiṃ; atha sākhato sākhaṃ vicaranto phalāni gahetvā otarituṃ asakkonto gharaṃ gantvā nisseṇiṃ āharitvā oruyha mātu santikaṃ gantvā phalāni mātuyā adāsiṃ; tāni pana mahantāni honti cāṭippamāṇāni. Tato me mātarā ekāsane nisinnāya samasaṭṭhiphalāni khāditāni. Mayā ekucchaṅgena ānītaphalesu sesakāni kulasantake gāme khuddakamahallakānaṃ ahesuṃ. Amhākaṃ gharaṃ soḷasahatthaṃ, sesaparikkhārabhaṇḍakaṃ apanetvā kapiṭṭhaphaleheva yāva chadanaṃ pūritaṃ. Tato atirekāni gahetvā gehadvāre rāsiṃ akaṃsu. So asītihatthubbedho pabbato viya ahosi. Kiṃ īdisaṃ, bho sakkā, saddahitunti?
கா³மிகமஹல்லகோ துண்ஹீ நிஸீதி³த்வா ஸப்³பே³ஸங் கதா²பரியோஸானே புச்சி²தோ ஆஹ – ‘‘ஏவங் ப⁴விஸ்ஸதி தாதா, மஹந்தங் ரட்ட²ங், ரட்ட²மஹந்ததாய ஸக்கா ஸத்³த³ஹிது’’ந்தி. யதா² ச தேன, ஏவங் ஸேஸேஹிபி ததா²ரூபாஸு நிக்காரணகதா²ஸு கதி²தாஸு ஆஹ – மய்ஹம்பி தாதா ஸுணாத², ந தும்ஹாகங்யேவ குலானி, அம்ஹாகம்பி குலங் மஹாகுலங், அம்ஹாகங் பன அவஸேஸகெ²த்தேஹி கப்பாஸகெ²த்தங் மஹந்ததரங் . தஸ்ஸ அனேககரீஸஸதஸ்ஸ கப்பாஸகெ²த்தஸ்ஸ மஜ்ஜே² ஏகோ கப்பாஸருக்கோ² மஹா அஸீதிஹத்து²ப்³பே³தோ⁴ அஹோஸி. தஸ்ஸ பஞ்ச ஸாகா², தாஸு அவஸேஸஸாகா² ப²லங் ந க³ண்ஹிங்ஸு, பாசீனஸாகா²ய ஏகமேவ மஹாசாடிமத்தங் ப²லங் அஹோஸி. தஸ்ஸ ச² அங்ஸியோ, ச²ஸு அங்ஸீஸு ச² கப்பாஸபிண்டி³யோ புப்பி²தா. அஹங் மஸ்ஸுங் காரெத்வா ந்ஹாதவிலித்தோ கெ²த்தங் க³ந்த்வா தா கப்பாஸபிண்டி³யோ புப்பி²தா தி³ஸ்வா டி²தகோவ ஹத்த²ங் பஸாரெத்வா க³ண்ஹிங். தா கப்பாஸபிண்டி³யோ தா²மஸம்பன்னா ச² தா³ஸா அஹேஸுங். தே ஸப்³பே³ மங் ஏககங் ஓஹாய பலாதா. எத்தகே அத்³தா⁴னே தே ந பஸ்ஸாமி, அஜ்ஜ தி³ட்டா², தும்ஹே தே ச² ஜனா. த்வங் நந்தோ³ நாம, த்வங் புண்ணோ நாம, த்வங் வட்³ட⁴மானோ நாம, த்வங் சித்தோ நாம த்வங் மங்க³லோ நாம, த்வங் பொட்டி²யோ நாமாதி வத்வா உட்டா²ய நிஸின்னகேயேவ சூளாஸு க³ஹெத்வா அட்டா²ஸி. தே ‘‘ந மயங் தா³ஸா’’திபி வத்துங் நாஸக்கி²ங்ஸு. அத² நே கட்³ட⁴ந்தோ வினிச்ச²யங் நெத்வா லக்க²ணங் ஆரோபெத்வா யாவஜீவங் தா³ஸே கத்வா பரிபு⁴ஞ்ஜி. ஏவரூபிங் கத²ங் ததா²க³தோ ந பா⁴ஸதி.
Gāmikamahallako tuṇhī nisīditvā sabbesaṃ kathāpariyosāne pucchito āha – ‘‘evaṃ bhavissati tātā, mahantaṃ raṭṭhaṃ, raṭṭhamahantatāya sakkā saddahitu’’nti. Yathā ca tena, evaṃ sesehipi tathārūpāsu nikkāraṇakathāsu kathitāsu āha – mayhampi tātā suṇātha, na tumhākaṃyeva kulāni, amhākampi kulaṃ mahākulaṃ, amhākaṃ pana avasesakhettehi kappāsakhettaṃ mahantataraṃ . Tassa anekakarīsasatassa kappāsakhettassa majjhe eko kappāsarukkho mahā asītihatthubbedho ahosi. Tassa pañca sākhā, tāsu avasesasākhā phalaṃ na gaṇhiṃsu, pācīnasākhāya ekameva mahācāṭimattaṃ phalaṃ ahosi. Tassa cha aṃsiyo, chasu aṃsīsu cha kappāsapiṇḍiyo pupphitā. Ahaṃ massuṃ kāretvā nhātavilitto khettaṃ gantvā tā kappāsapiṇḍiyo pupphitā disvā ṭhitakova hatthaṃ pasāretvā gaṇhiṃ. Tā kappāsapiṇḍiyo thāmasampannā cha dāsā ahesuṃ. Te sabbe maṃ ekakaṃ ohāya palātā. Ettake addhāne te na passāmi, ajja diṭṭhā, tumhe te cha janā. Tvaṃ nando nāma, tvaṃ puṇṇo nāma, tvaṃ vaḍḍhamāno nāma, tvaṃ citto nāma tvaṃ maṅgalo nāma, tvaṃ poṭṭhiyo nāmāti vatvā uṭṭhāya nisinnakeyeva cūḷāsu gahetvā aṭṭhāsi. Te ‘‘na mayaṃ dāsā’’tipi vattuṃ nāsakkhiṃsu. Atha ne kaḍḍhanto vinicchayaṃ netvā lakkhaṇaṃ āropetvā yāvajīvaṃ dāse katvā paribhuñji. Evarūpiṃ kathaṃ tathāgato na bhāsati.
து³தியவாசா ஆமிஸஹேதுசாடுகம்யதாதி³வஸேன நானப்பகாரா பரேஸங் தோ²மனவாசா சேவ, சோரகத²ங் ராஜகத²ந்தி ஆதி³னயப்பவத்தா திரச்சா²னகதா² ச. தம்பி ததா²க³தோ ந பா⁴ஸதி. ததியவாசா அரியஸச்சஸன்னிஸ்ஸிதகதா², யங் வஸ்ஸஸதம்பி ஸுணந்தா பண்டி³தா நேவ தித்திங் க³ச்ச²ந்தி. இதி ததா²க³தோ நேவ ஸப்³ப³ம்பி அப்பியவாசங் பா⁴ஸதி ந பியவாசங். ததியங் ததியமேவ பன பா⁴ஸிதப்³ப³காலங் அனதிக்கமித்வா பா⁴ஸதி. தத்த² ததியங் அப்பியவாசங் ஸந்தா⁴ய ஹெட்டா² த³ஹரகுமாரஉபமா ஆக³தாதி வேதி³தப்³ப³ங்.
Dutiyavācā āmisahetucāṭukamyatādivasena nānappakārā paresaṃ thomanavācā ceva, corakathaṃ rājakathanti ādinayappavattā tiracchānakathā ca. Tampi tathāgato na bhāsati. Tatiyavācā ariyasaccasannissitakathā, yaṃ vassasatampi suṇantā paṇḍitā neva tittiṃ gacchanti. Iti tathāgato neva sabbampi appiyavācaṃ bhāsati na piyavācaṃ. Tatiyaṃ tatiyameva pana bhāsitabbakālaṃ anatikkamitvā bhāsati. Tattha tatiyaṃ appiyavācaṃ sandhāya heṭṭhā daharakumāraupamā āgatāti veditabbaṃ.
87. உதா³ஹு டா²னஸோவேதந்தி உதா³ஹு டா²னுப்பத்திகஞாணேன தங்க²ணங்யேவ தங் ததா²க³தஸ்ஸ உபட்டா²தீதி புச்ச²தி. ஸஞ்ஞாதோதி ஞாதோ பஞ்ஞாதோ பாகடோ. த⁴ம்மதா⁴தூதி த⁴ம்மஸபா⁴வோ. ஸப்³ப³ஞ்ஞுதஞ்ஞாணஸ்ஸேதங் அதி⁴வசனங் . தங் ப⁴க³வதா ஸுப்படிவித்³த⁴ங், ஹத்த²க³தங் ப⁴க³வதோ. தஸ்மா ஸோ யங் யங் இச்ச²தி, தங் தங் ஸப்³ப³ங் டா²னஸோவ படிபா⁴தீதி. ஸேஸங் ஸப்³ப³த்த² உத்தானமேவ. அயங் பன த⁴ம்மதே³ஸனா நெய்யபுக்³க³லவஸேன பரினிட்டி²தாதி.
87.Udāhu ṭhānasovetanti udāhu ṭhānuppattikañāṇena taṅkhaṇaṃyeva taṃ tathāgatassa upaṭṭhātīti pucchati. Saññātoti ñāto paññāto pākaṭo. Dhammadhātūti dhammasabhāvo. Sabbaññutaññāṇassetaṃ adhivacanaṃ . Taṃ bhagavatā suppaṭividdhaṃ, hatthagataṃ bhagavato. Tasmā so yaṃ yaṃ icchati, taṃ taṃ sabbaṃ ṭhānasova paṭibhātīti. Sesaṃ sabbattha uttānameva. Ayaṃ pana dhammadesanā neyyapuggalavasena pariniṭṭhitāti.
பபஞ்சஸூத³னியா மஜ்ஜி²மனிகாயட்ட²கதா²ய
Papañcasūdaniyā majjhimanikāyaṭṭhakathāya
அப⁴யராஜகுமாரஸுத்தவண்ணனா நிட்டி²தா.
Abhayarājakumārasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / மஜ்ஜி²மனிகாய • Majjhimanikāya / 8. அப⁴யராஜகுமாரஸுத்தங் • 8. Abhayarājakumārasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / மஜ்ஜி²மனிகாய (டீகா) • Majjhimanikāya (ṭīkā) / 8. அப⁴யராஜகுமாரஸுத்தவண்ணனா • 8. Abhayarājakumārasuttavaṇṇanā
