| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૪. ચુદ્દસમવગ્ગો
14. Cuddasamavaggo
(૧૪૩) ૮. અબ્યાકતકથા
(143) 8. Abyākatakathā
૭૦૬. દિટ્ઠિગતં અબ્યાકતન્તિ? આમન્તા. વિપાકાબ્યાકતં કિરિયાબ્યાકતં રૂપં નિબ્બાનં ચક્ખાયતનં…પે॰… ફોટ્ઠબ્બાયતનન્તિ? ન હેવં વત્તબ્બે…પે॰… દિટ્ઠિગતં અબ્યાકતન્તિ? આમન્તા. દિટ્ઠિગતસમ્પયુત્તો ફસ્સો અબ્યાકતોતિ? ન હેવં વત્તબ્બે…પે॰… દિટ્ઠિગતં અબ્યાકતન્તિ? આમન્તા. દિટ્ઠિગતસમ્પયુત્તા વેદના…પે॰… સઞ્ઞા…પે॰… ચેતના…પે॰… ચિત્તં અબ્યાકતન્તિ? ન હેવં વત્તબ્બે…પે॰….
706. Diṭṭhigataṃ abyākatanti? Āmantā. Vipākābyākataṃ kiriyābyākataṃ rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… diṭṭhigataṃ abyākatanti? Āmantā. Diṭṭhigatasampayutto phasso abyākatoti? Na hevaṃ vattabbe…pe… diṭṭhigataṃ abyākatanti? Āmantā. Diṭṭhigatasampayuttā vedanā…pe… saññā…pe… cetanā…pe… cittaṃ abyākatanti? Na hevaṃ vattabbe…pe….
દિટ્ઠિગતસમ્પયુત્તો ફસ્સો અકુસલોતિ? આમન્તા. દિટ્ઠિગતં અકુસલન્તિ? ન હેવં વત્તબ્બે…પે॰… દિટ્ઠિગતસમ્પયુત્તા વેદના સઞ્ઞા ચેતના ચિત્તં અકુસલન્તિ? આમન્તા. દિટ્ઠિગતં અકુસલન્તિ? ન હેવં વત્તબ્બે…પે॰….
Diṭṭhigatasampayutto phasso akusaloti? Āmantā. Diṭṭhigataṃ akusalanti? Na hevaṃ vattabbe…pe… diṭṭhigatasampayuttā vedanā saññā cetanā cittaṃ akusalanti? Āmantā. Diṭṭhigataṃ akusalanti? Na hevaṃ vattabbe…pe….
૭૦૭. દિટ્ઠિગતં અબ્યાકતન્તિ? આમન્તા. અફલં અવિપાકન્તિ? ન હેવં વત્તબ્બે…પે॰… નનુ સફલં સવિપાકન્તિ? આમન્તા. હઞ્ચિ સફલં સવિપાકં, નો ચ વત રે વત્તબ્બે – ‘‘દિટ્ઠિગતં અબ્યાકત’’ન્તિ.
707. Diṭṭhigataṃ abyākatanti? Āmantā. Aphalaṃ avipākanti? Na hevaṃ vattabbe…pe… nanu saphalaṃ savipākanti? Āmantā. Hañci saphalaṃ savipākaṃ, no ca vata re vattabbe – ‘‘diṭṭhigataṃ abyākata’’nti.
દિટ્ઠિગતં અબ્યાકતન્તિ? આમન્તા. નનુ મિચ્છાદિટ્ઠિપરમાનિ વજ્જાનિ 1 વુત્તાનિ ભગવતાતિ? આમન્તા. હઞ્ચિ મિચ્છાદિટ્ઠિપરમાનિ વજ્જાનિ વુત્તાનિ ભગવતા, નો ચ વત રે વત્તબ્બે – ‘‘દિટ્ઠિગતં અબ્યાકત’’ન્તિ.
Diṭṭhigataṃ abyākatanti? Āmantā. Nanu micchādiṭṭhiparamāni vajjāni 2 vuttāni bhagavatāti? Āmantā. Hañci micchādiṭṭhiparamāni vajjāni vuttāni bhagavatā, no ca vata re vattabbe – ‘‘diṭṭhigataṃ abyākata’’nti.
દિટ્ઠિગતં અબ્યાકતન્તિ? આમન્તા. નનુ વુત્તં ભગવતા – ‘‘મિચ્છાદિટ્ઠિસ્સ ખો અહં, પુણ્ણ, દ્વિન્નં ગતીનં અઞ્ઞતરં ગતિં વદામિ – નિરયં વા તિરચ્છાનયોનિં વા’’તિ 9! અત્થેવ સુત્તન્તોતિ? આમન્તા. તેન હિ ન વત્તબ્બં – ‘‘દિટ્ઠિગતં અબ્યાકત’’ન્તિ.
Diṭṭhigataṃ abyākatanti? Āmantā. Nanu vuttaṃ bhagavatā – ‘‘micchādiṭṭhissa kho ahaṃ, puṇṇa, dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā’’ti 10! Attheva suttantoti? Āmantā. Tena hi na vattabbaṃ – ‘‘diṭṭhigataṃ abyākata’’nti.
૭૦૮. ન વત્તબ્બં – ‘‘દિટ્ઠિગતં અબ્યાકત’’ન્તિ? આમન્તા. નનુ વુત્તં ભગવતા – ‘‘‘સસ્સતો લોકો’તિ ખો, વચ્છ, અબ્યાકતમેતં, ‘અસસ્સતો લોકો’તિ ખો, વચ્છ, અબ્યાકતમેતં, ‘અન્તવા લોકો’તિ ખો, વચ્છ, અબ્યાકતમેતં, ‘અનન્તવા લોકો’તિ ખો, વચ્છ…પે॰… ‘તં જીવં તં સરીર’ન્તિ ખો, વચ્છ…પે॰… ‘અઞ્ઞં જીવં અઞ્ઞં સરીર’ન્તિ ખો , વચ્છ…પે॰… ‘હોતિ તથાગતો પરં મરણા’તિ ખો, વચ્છ…પે॰… ‘ન હોતિ તથાગતો પરં મરણા’તિ ખો, વચ્છ…પે॰… ‘હોતિ ચ ન ચ હોતિ તથાગતો પરં મરણા’તિ ખો, વચ્છ…પે॰… ‘નેવ હોતિ ન ન હોતિ તથાગતો પરં મરણા’તિ ખો, વચ્છ, અબ્યાકતમેત’’ન્તિ 11! અત્થેવ સુત્તન્તોતિ? આમન્તા. તેન હિ દિટ્ઠિગતં અબ્યાકતન્તિ.
708. Na vattabbaṃ – ‘‘diṭṭhigataṃ abyākata’’nti? Āmantā. Nanu vuttaṃ bhagavatā – ‘‘‘sassato loko’ti kho, vaccha, abyākatametaṃ, ‘asassato loko’ti kho, vaccha, abyākatametaṃ, ‘antavā loko’ti kho, vaccha, abyākatametaṃ, ‘anantavā loko’ti kho, vaccha…pe… ‘taṃ jīvaṃ taṃ sarīra’nti kho, vaccha…pe… ‘aññaṃ jīvaṃ aññaṃ sarīra’nti kho , vaccha…pe… ‘hoti tathāgato paraṃ maraṇā’ti kho, vaccha…pe… ‘na hoti tathāgato paraṃ maraṇā’ti kho, vaccha…pe… ‘hoti ca na ca hoti tathāgato paraṃ maraṇā’ti kho, vaccha…pe… ‘neva hoti na na hoti tathāgato paraṃ maraṇā’ti kho, vaccha, abyākatameta’’nti 12! Attheva suttantoti? Āmantā. Tena hi diṭṭhigataṃ abyākatanti.
દિટ્ઠિગતં અબ્યાકતન્તિ? આમન્તા. નનુ વુત્તં ભગવતા – ‘‘મિચ્છાદિટ્ઠિકસ્સ, ભિક્ખવે, પુરિસપુગ્ગલસ્સ યઞ્ચેવ કાયકમ્મં યથાદિટ્ઠિસમત્તં સમાદિન્નં, યઞ્ચ વચીકમ્મં…પે॰… યઞ્ચ મનોકમ્મં, યા ચ ચેતના, યા ચ પત્થના, યો ચ પણિધિ, યે ચ સઙ્ખારા, સબ્બે તે ધમ્મા અનિટ્ઠાય અકન્તાય અમનાપાય અહિતાય દુક્ખાય સંવત્તન્તી’’તિ 13! અત્થેવ સુત્તન્તોતિ? આમન્તા. તેન હિ ન વત્તબ્બં – ‘‘દિટ્ઠિગતં અબ્યાકત’’ન્તિ.
Diṭṭhigataṃ abyākatanti? Āmantā. Nanu vuttaṃ bhagavatā – ‘‘micchādiṭṭhikassa, bhikkhave, purisapuggalassa yañceva kāyakammaṃ yathādiṭṭhisamattaṃ samādinnaṃ, yañca vacīkammaṃ…pe… yañca manokammaṃ, yā ca cetanā, yā ca patthanā, yo ca paṇidhi, ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṃvattantī’’ti 14! Attheva suttantoti? Āmantā. Tena hi na vattabbaṃ – ‘‘diṭṭhigataṃ abyākata’’nti.
અબ્યાકતકથા નિટ્ઠિતા.
Abyākatakathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૮. અબ્યાકતકથાવણ્ણના • 8. Abyākatakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૮. અબ્યાકતકથાવણ્ણના • 8. Abyākatakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૮. અબ્યાકતકથાવણ્ણના • 8. Abyākatakathāvaṇṇanā
